ᐅᔭᓱᐁᐧᐊᐧᐠ 5
5
1ᐁᑲᐧ ᑌᐸᕒᐊ ᒥᓇ ᐯᕒᐋᐠ ᐅᑯᓯᓴ ᐋᐱᓄᐋᒼ ᑭ ᓂᑲᒧᐊᐧᐠ ᐁᐊᐧᑳᐧᓂᒪ ᐁ ᑭᓯᑳᐠ, ᐁ ᐃᑌᐧᒋᐠ,
2ᒋᑫᒫ ᑳ ᓂᑳᓀᔨᑖᑯᓯᒋᐠ ᐁ ᑭ ᓂᑳᓂᒋᐠ ᐃᐢᕒᐁᐃᓬᐃᕽ, ᒋᑫᒫ ᐊᔨᓯᔨᓂᐊᐧᐠ ᐁ ᑭ ᑌᐯᔨᒧᐃᐧ ᐸᑭᑎᓂᓱᒋᐠ, ᓇᓈᐢᑯᒥᕽ ᑳ ᑎᐯᔨᐦᒋᑫᐟ.
3ᐯᐦᑕᒧᐠ, ᑭᔭᐋᐧᐤ ᑭᐦᒋ ᐅᑭᒫᑎᐠ; ᓇᑐᐦᑕᒧᐠ ᑭᔭᐋᐧᐤ ᐅᑭᒫᑎᐠ; ᓂᔭ, ᓂᔭ ᐅᑎ, ᓂ ᑲ ᓂᑲᒧᐢᑕᐋᐧᐤ ᑳ ᑎᐯᔨᐦᒋᑫᐟ; ᓂ ᑲ ᒪᒥᐦᒋᒫᐤ ᐁ ᓂᑲᒧᔮᐣ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ.
4ᑌᐯᔨᐦᒋᑫᔭᐣ ᐃᐢᐱ ᑳ ᓯᐯᐧᑌᔭᐣ ᓯᔭᕒ ᐅᐦᒋ, ᐃᐢᐱ ᑳ ᓯᐯᐧᑌᔭᐣ ᐅᐟ ᐊᐢᑭᕽ ᐃᑕᒼ ᐅᐦᒋ, ᑭ ᓇᓇᒥᐸᔨᐤ ᐊᐢᑭ, ᑭᓯᑲᐧ ᒥᓇ ᑭ ᐸᐸᑭᑲᐊᐧᓇᐧ, ᐁᐦᐁ ᐊᐧᐢᑯᕽ ᐅᐦᒋ ᑭ ᐸᐸᑭᑲᐊᐧᐣ ᓂᐱ.
5 #
ᐁᐠᓴᑕᐢ 19:18
ᐊᐧᒋᔭ ᒥᓇ ᑭ ᓂᐦᑕᒋᐁᐧᒋᐊᐧᓇᐧ ᐁ ᓄᑯᓯᐟ ᑳ ᑎᐯᔨᐦᒋᑫᐟ, ᓀᒪ ᐊᑎ ᓴᐃᓇᐩ ᐁ ᓄᑯᓯᐟ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ.
6ᒣᑳᐧᐨ ᐁ ᐅᑭᓯᑳᒥᐟ ᓵᒼᑳᕒ ᐅᑯᓯᓴ ᐁᓈᐦᐟ, ᒣᑳᐧᐨ ᐁ ᐅᑭᓯᑳᒥᐟ ᒉᐃᓬ, ᑭᐦᒋ ᒣᐢᑲᓇᐊᐧ ᓇᒪᐃᐧᔭ ᑭ ᐋᐸᑕᓇᐧ, ᒥᓇ ᐅᐱᒧᑌᐅᐊᐧᐠ ᐋᑲᐊᐧᔨᕽ ᒣᐢᑲᓈᓯᕽ ᑭ ᐱᒧᐦᑌᐊᐧᐠ.
7ᐅᔭᓱᐁᐧᐊᐧᐠ ᑭ ᐳᓂ ᐃᐦᑖᐊᐧᐠ ᐃᐢᕒᐁᐃᓬᐃᕽ, ᑭ ᐳᓂ ᐃᐦᑖᐊᐧᐠ, ᐱᔨᐢ ᓂᔭ ᑌᐸᕒᐊ ᑳ ᐸᓯᑯᔮᐣ, ᑳ ᐸᓯᑯᔮᐣ ᐅᑳᐃᐧᒫᐤ ᐃᐢᕒᐁᐃᓬᐃᕽ.
8ᑭ ᓇᐊᐧᓱᓀᐊᐧᐠ ᐅᐢᑭ ᒪᓂᑐᐊᐧ; ᐁᑲᐧ ᓇᑐᐸᔨᐃᐧᐣ ᑭ ᐊᔮᐤ ᐃᐢᑳᐧᑌᒥᕽ; ᑭ ᓄᑲᐧᐣ ᒋ ᑭᑕ ᐊᔮᒋᐠ ᐸᐸᐦᐊᐦᑳᐧᐣ ᐊᐦᐳ ᑕᐦᑲᐦᒋᑲᐣ ᐋᑕ ᓀᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐁ ᐃᐦᑕᓯᒋᐠ ᐃᐢᕒᐁᐃᓬᐃᕽ?
9ᓂᐟ ᐃᓯᑌᐦᐁᐢᑖᒫᐊᐧ ᐃᐢᕒᐁᐃᓬ ᐅᔭᓱᐁᐧᐃᐧᔨᓂᒥᐋᐧᐊᐧ, ᑳ ᑭ ᑌᐯᔨᒧᐃᐧ ᐸᑭᑎᓂᓱᒋᐠ ᒣᑳᐧ ᐊᔨᓯᔨᓂᓈᕽ; ᓇᓈᐢᑯᒥᕽ ᑳ ᑎᐯᔨᐦᒋᑫᐟ.
10ᐋᑐᑕᒧᐠ, ᑭᔮᐋᐧᐤ ᑳ ᑌᐦᑕᐱᔦᐠ ᐊᐧᐱᐢᑭ ᓱᓱᒥᐢᑕᑎᒪᐧᐠ, ᑭᔭᐋᐧᐤ ᑳ ᐊᐢᐸᐱᔦᐠ ᐁ ᒥᔮᐧᓯᑭ ᐊᐢᐸᐱᐃᐧᓇ, ᒥᓇ ᒣᐢᑲᓈᕽ ᑳ ᐱᒧᐦᑌᔦᐠ.
11ᐊᓂᑭ ᑳ ᔮᐋᐧᐸᑕᑭᐠ ᐃᑕ ᐁ ᒪᑌᐧᐁᐧᑖᔨᐟ ᐅᐱᒧᑕᑫᐧᐊᐧ, ᐃᑕ ᑳ ᐅᐦᑕᐃᐯᕽ, ᐁᑯᑕ ᑫ ᑕᑖᐳᐁᐧᒋᐠ ᐅ ᑲᐧᔭᐢᑯᐃᓯᒋᑫᐃᐧᓂᔨᐊᐧ ᑳ ᑎᐯᔨᐦᒋᑫᔨᐟ, ᐁ ᐃᓯ ᑲᐧᔭᐢᑲᐧᓂᔨᑭ ᐅᐟ ᐃᓯᒋᑭᐃᐧᓇ ᑳ ᐃᓯ ᐅᔭᓱᐁᐧᐟ ᐃᐢᕒᐁᐃᓬᐃᕽ. ᐁᑲᐧ ᑳ ᑎᐯᔨᐦᒋᑫᐟ ᐅᐟ ᐊᔨᓯᔨᓂᒪ ᑭ ᐃᑐᐦᑌᔨᐊᐧ ᑭᐦᒋ ᐃᐢᑳᐧᑌᒥᕽ.
12ᑯᐢᑯᐢᑳ, ᑯᐢᑯᐢᑳ ᑌᐸᕒᐊ; ᑯᐢᑯᐢᑳ, ᑯᐢᑯᐢᑳ, ᐃᑌᐧ ᓂᑲᒧᐣ; ᐸᓯᑯ ᐯᕒᐋᐠ, ᒥᓇ ᓯᐯᐧᑕᐃᐠ ᑭ ᒧᐢᑎᓂᑲᓇᐠ ᐊᐊᐧᑳᑎᑯᐃᐧᓂᕽ ᑭᔭ ᐅᑯᓯᓴ ᐋᐱᓄᐋᒼ.
13ᐁᑲᐧ ᑭ ᐯ ᐃᑐᐦᑌᐊᐧᐠ ᐁ ᐃᐢᑯᒋᐠ ᐅᑭᒫᐊᐧᐠ ᒥᓇ ᐊᔨᓯᔨᓂᐊᐧᐠ, ᑳ ᑎᐯᔨᐦᒋᑫᐟ ᓂ ᑭ ᓈᑕᒫᐠ ᐁ ᓇᑳᐢᑲᐃᐧᒋᐠ ᑳ ᓱᑳᔭᐃᐧᓯᒋᐠ.
14ᐃᐸᕒᐁᐃᒼ ᑭ ᐯ ᐅᐦᒋᐊᐧᐠ ᐊᓂᑭ ᑳ ᐅᒉᐱᑭᐃᐧᒋᐠ ᐊᓂᑕ ᐋᒪᓬᐃᐠ; ᓈᐊᐧᐩ, ᐯᐣᒋᒪᐣ ᒣᑳᐧ ᑭᐟ ᐊᔨᓯᔨᓂᒪᐠ; ᒫᑲᕒ ᐅᐦᒋ ᑭ ᐯ ᐅᐦᒋᐊᐧᐠ ᐅᔭᓱᐁᐧᐃᐧᔨᓂᐊᐧᐠ, ᒥᓇ ᓭᑊᔪᓬᐊᐣ ᐅᐦᒋ ᐊᓂᑭ ᑳ ᒥᒋᒥᓇᑭᐠ ᐅᑭᐦᒋᐦᑖᐤ ᐅ ᑭᐢᑭᓇᐋᐧᒋᐦᐅᐃᐧᐣ.
15ᐅᑭᒫᒥᐋᐊᐧ ᒫᑲ ᐃᓴᑲᕒ ᑭ ᐃᐧᒉᐃᐧᐠ ᑌᐸᕒᐊ; ᑳ ᐃᓯ ᐊᔮ ᐃᓵᑲᕒ, ᐁᑯᓯ ᒥᓇ ᑭ ᐃᓯ ᐊᔮᐤ ᐯᕒᐋᐠ; ᐋᐧᔮᒪᑎᓈᕽ ᑭ ᐃᓯ ᒧᐢᑭᐢᒋᑫᐊᐧᐠ ᐁ ᐱᒥᑎᓴᐋᐧᒋᐠ, ᒋᑭ ᐅ ᓯᐱᓯᓯᒪ ᕒᐅᐱᐣ ᒥᐢᑕᐦᐃ ᑌᐯᔨᒧᐃᐧᓇ ᑭ ᐊᔮᐊᐧ ᒥᑌᐦᐃᕽ.
16ᑖᓀᐦᑭ ᑳ ᐊᐱᔭᐣ ᒣᑳᐧ ᒫᔭᑎᐦᑯᑲᒥᑯᕽ, ᑭᑕ ᓇᑐᐦᑕᒪᐣ ᐁ ᑭᑐᐃᐦᒋᐠ ᒫᔭᑎᐦᑲᐧᐠ? ᒋᑭ ᐅ ᓯᐱᓯᓯᒪ ᕒᐅᐱᐣ ᒥᐢᑕᐦᐃ ᓇᑐᓂᑫᐃᐧᓇ ᒥᑌᐦᐃᕽ ᑭ ᐊᔮᐊᐧ.
17ᑭᓬᐃᔭᐟ ᐊᑳᒥᕽ ᒑᕒᑕᐣ ᑭ ᐊᔮᐤ; ᒥᓇ ᑖᐣ ᑖᓀᐦᑭ ᑳ ᑭ ᑭᑎᓯᒧᐟ ᓈᐱᑳᐧᓂᕽ? ᐋᓴᕒ ᑭ ᑭᔮᒪᐱᐤ ᑎᐱᓇᐋᐧᕽ ᑭᐦᒋᑲᒥᕽ, ᒥᓇ ᑭ ᐃᐧᑕᐱᑕᒼ ᐅ ᓵᑭᑕᐋᐧᒪ.
18ᓭᑊᔪᓬᐊᐣ ᐁᐊᐧᑯᓂᐠ ᐊᔨᓯᔨᓂᐊᐧᐠ ᑳ ᑭ ᐸᐢᐱᓀᐋᐧᒋᑖᒋᐠ ᐅ ᐱᒫᑎᓯᐃᐧᓂᐋᐧᐤ ᓂᐳᐃᐧᓂᕽ ᐃᐢᑯ, ᒥᓇ ᓈᑊᑕᓬᐊᐩ, ᐃᑕ ᐁ ᐋᐃᐢᐹᐠ ᒪᐢᑯᑌᕽ.
19ᑭᐦᒋ ᐅᑭᒫᐊᐧᐠ ᑭ ᐯ ᓄᑎᓂᑫᐊᐧᐠ; ᐁᑲᐧ ᑭ ᓄᑎᓂᑫᐊᐧᐠ ᑫᓇᐣ ᑭᐦᒋ ᐅᑭᒫᐊᐧᐠ, ᐁᑯᑕ ᐊᓂᒪ ᑌᐊᓈᐠ ᒋᑭ ᒣᑭᑐ ᓂᐱᕽ; ᓇᒪᐃᐧᔭ ᐅᑎᓇᒪᐧᐠ ᐅᐦᑎᓯᐃᐧᐣ ᓱᓂᔮᐤ.
20ᑭᓯᑯᕽ ᐅᐦᒋ ᑭ ᓄᑎᓂᑫᐊᐧᐠ, ᐊᒐᐦᑯᓴᐠ ᐅ ᐱᒧᐦᑌᐃᐧᓂᐋᐧᕽ ᑭ ᓄᑎᓀᐊᐧᐠ ᓯᓴᕒᐊᐊᐧ. 21ᑲᐃᓴᐣ ᓯᐱ ᑭ ᐁᐧᐹᐳᔨᑲᐧᐠ, ᐊᓂᒪ ᑲᔮᓯ ᓯᐱ, ᑲᐩᓵᐣ ᓯᐱ. ᓂᐟ ᐊᐦᒑᕽ ᑭ ᑭ ᑖᑕᑯᐢᑳᑌᐣ ᒪᐢᑲᐃᐧᓯᐃᐧᐣ.
22ᐁᑲᐧ ᑭ ᓱᑫᐧᐁᐧᑎᓇᐧ ᒥᐢᑕᑎᒪᐧᐢᑲᓯᔭ, ᐅ ᐱᒥᐸᔨᐃᐧᓂᐋᐧᐤ ᐅᐦᒋ, ᐅ ᐱᒥᐸᔨᐃᐧᓂᔨᐤ ᐅ ᒪᐢᑲᐃᐧᓯᒥᐋᐧᐊᐧ.
23ᓈᓂᐳᒥᕽ ᒥᕒᐋᐢ, ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓯᑯᒪ, ᐃᐧᓴᑭ ᓈᓂᐳᒥᐦᑯᐠ ᐊᓂᑭ ᐁᑯᑕ ᑳ ᐅᐟ ᐃᐦᑖᐃᐧᓂᒋᐠ; ᒋᑫᒫ ᓇᒪᐃᐧᔭ ᑭ ᐯ ᐃᑐᐦᑌᐊᐧᐠ ᑭᑕ ᓂᓱᑲᒪᐋᐧᒋᐠ ᑳ ᑎᐯᔨᐦᒋᑫᔨᐟ, ᑭᑕ ᓂᓱᑲᒪᐋᐧᒋᐠ ᑳ ᑎᐯᔨᐦᒋᑫᔨᐟ ᐁ ᓇᑳᐢᑳᑯᔨᐟ ᑳ ᒪᐢᑲᐃᐧᓯᔨᐟ.
24ᐊᔨᐊᐧᐠ ᒉᐃᓬ ᑭᑕ ᓴᐁᐧᔨᑖᑯᓯᐤ ᐃᐢᑫᐧᓈᕽ, ᐃᐧᐊᐧ ᐦᐃᐸᕒ ᐊᓇ ᑭᓇᐃᐟ, ᐊᔨᐋᐧᐠ ᑭᑕ ᓴᐁᐧᔨᑖᑯᓯᐤ ᐃᐢᑫᐧᓈᕽ ᒥᑭᐊᐧᐱᕽ.
25ᑭ ᓇᑐᑕᒫᐠ ᓂᐱ, ᑭ ᒥᔦᐤ ᑐᑐᓵᐳ; ᑐᑐᓵᐳᐃᐧᐱᒥ ᑭ ᐯ ᒥᔦᐤ ᐅᑭᒫᐃᐧᔮᑲᓂᕽ.
26ᑭ ᐅᑎᑎᓇᒼ ᓴᑲᐦᐃᑲᐣ, ᒥᓇ ᐅ ᑭᐦᒋᓂᐢᑭᕽ ᑭ ᐅᑎᑎᓇᒼ ᐅᐟ ᐊᑐᐢᑫᐊᐧ ᐅ ᐸᑲᒫᑲᓂᔨᐤ; ᐸᑲᒫᑲᐣ ᒫᑲ ᐅᐦᒋ ᑭ ᐸᑲᒪᐁᐧᐤ ᓯᓴᕒᐊ, ᑭ ᓵᐳᐢᑕᐁᐧᐤ ᐅᐢᑎᑳᐧᓂᔨᕽ, ᐁᐦᐁ, ᑭ ᐳᐢᑯᐊᒣᐧᐤ ᒥᓇ ᑭ ᓵᐳᐢᑕᐊᒣᐧᐤ ᐅᐢᑎᑳᐧᓂᔨᐤ.
27ᐅᓯᑎᕽ ᑭ ᓈᒥᐢᑫᐧᐸᔨᔨᐊᐧ, ᑭ ᐸᐦᑭᓯᓂᔨᐊᐧ, ᑭ ᐱᒥᓯᓂᔨᐊᐧ; ᐅᓯᑎᕽ ᑭ ᓈᒥᐢᑫᐧᐸᔨᔨᐊᐧ ᑭ ᐸᐦᑭᓯᓂᔨᐊᐧ; ᐃᑕ ᐁ ᓈᒥᐢᑫᐧᐸᔨᔨᐟ, ᐁᑯᑕ ᑭ ᐸᐦᑭᓯᓂᔨᐊᐧ ᐁ ᓂᐱᔨᐟ.
28ᐋᐧᓭᓇᒫᐃᐧᓂᕽ ᐅᐦᒋ ᑭ ᐸᐢᐸᐱᔨᐊᐧ ᒥᓇ ᑭ ᑌᐯᐧᔨᐊᐧ, ᐅᑳᐃᐧᔭ ᓯᓴᕒᐊ ᑭ ᑌᐯᐧᔨᐊᐧ ᐋᐧᓭᓇᒫᐃᐧᓂᕽ ᐅᐦᒋ, ᑖᓀᐦᑭ ᐅ ᑎᑎᐱᑖᐸᓈᐢᑲᐧ ᐁᑳ ᒪᔭᐤ ᑳ ᑕᑯᐸᔨᔨᐟ? ᑖᓀᐦᑭ ᑳ ᐯᓯᐢᑳᐸᔨᔨᑭ ᐋᐧᐢᑳᐸᔨᓴ ᐅ ᑎᑎᐱᑖᐹᓈᐢᑯᕽ?
29ᑳ ᐃᔨᓂᓯᔨᐟ ᐅᑭᒫᐢᑫᐧᒪ ᑭ ᓇᐢᑫᐧᐊᐧᓯᒥᐠ, ᐊᐦᐳ ᐃᐧᔭ ᑭ ᓇᐢᑫᐧᐊᐧᓯᒥᓱ,
30ᓇᒪᒋ ᑭ ᒥᐢᑲᒪᐧᐠ, ᓇᒪ ᒋ ᑭ ᒫᑎᓇᒫᑐᐊᐧᐠ ᒪᓂᐊᐧᑌᐃᐧᐣ? ᐅᐢᑭᓂᑭᐢᑫᐧᐊᐧ, ᓂᓱ ᐅᐢᑭᓂᑭᐢᑫᐧᐊᐧ ᐯᔭᐠ ᓈᐯᐤ; ᓯᓴᕒᐊ ᐃᐧᔭ ᒪᓂᐊᐧᑌᐃᐧᐣ ᐁ ᓇᓈᑐᑯᓯᓈᐢᑌᐠ, ᐁ ᓇᓈᑐᑯᓯᓈᐢᑌᐠ ᒪᓯᓂᐢᑕᐃᑫᐃᐧᐣ, ᐁ ᓇᓈᑐᑯᓯᓈᐢᑌᐠ ᒪᓯᓂᐢᑕᐃᑫᐃᐧᐣ ᐋᔨᑕᐤ, ᐁ ᑖᐱᐢᑲᑭᐠ ᒪᓂᐊᐧᑖᑲᓇᐠ?
31ᐁᑯᓯ ᑭᔮᒼ ᑲᐦᑭᔭᐤ ᑭ ᓄᑎᓈᑲᓇᐠ ᑭᑕ ᐃᓯ ᓂᓯᐊᐧᓈᑎᓯᐊᐧᐠ ᑌᐯᔨᐦᒋᑫᔭᐣ; ᒫᑲ ᑭᔮᒼ ᑲᐦᑭᔭᐤ ᐊᓂᑭ ᑳ ᓵᑭᐦᐃᐢᑭᐠ ᑭᑕ ᐃᓯ ᐊᔮᐊᐧᐠ ᑖᐱᐢᑯᐨ ᐱᓯᒼ ᐁ ᐯ ᓵᑯᑌᐟ ᐅ ᒪᐢᑲᐃᐧᓯᐃᐧᓂᕽ. ᐊᐢᑭ ᒫᑲ ᑭ ᐯᔭᑕᑲᐢᑌᐤ ᓀᒥᑕᓇᐤ ᑕᐦᑐ ᐊᐢᑭ.
Currently Selected:
ᐅᔭᓱᐁᐧᐊᐧᐠ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.