ᐅᔭᓱᐁᐧᐊᐧᐠ 4
4
1ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᒪᒋᑐᑕᒪᐧᐠ ᒥᓇ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ, ᐃᐢᐱ ᐃᐦᐊᐟ ᐁ ᐳᓂ ᐱᒫᑎᓯᐟ. 2ᑳ ᑎᐯᔨᐦᒋᑫᔨᐟ ᒫᑲ ᑭ ᐸᑭᑎᓂᑲᐧᐠ ᐅᒋᐦᒋᔨᕽ ᒉᐱᐣ ᑫᓇᐣ ᑭᐦᒋ ᐅᑭᒫᐤ ᑳ ᑭ ᑭᐦᒋ ᐅᑭᒫᐃᐧᐟ ᐦᐁᓵᕒᐃᕽ; ᐅ ᓯᒫᑲᓂᓯᐃᐧᑭᒫᒪ ᐁᐊᐧᑯᓂ ᓯᓴᕒᐊ, ᑳ ᐅᐟ ᐃᐦᑖᐃᐧᓂᔨᐟ ᐊᓂᑕ ᐦᐋᕒᐋᓭᐦᐟ ᑳ ᐊᔮᒋᐠ ᒉᐣᑕᐃᓬᐊᐠ. 3ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒪᐃᐧᒧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ; ᒋᑫᒫ ᑭ ᐊᔮᐁᐧᐤ ᑫᑳᐟ ᒥᑖᑕᐦᐟ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐱᐊᐧᐱᐢᑯ ᑎᑎᐱᑖᐸᓈᐢᑲᐧ; ᓂᓯᑕᓇᐤ ᒫᑲ ᑕᐦᑐ ᐊᐢᑭ ᒥᐢᑕᐦᐃ ᑭ ᑭᑎᒪᐁᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
4ᑌᐸᕒᐊ ᒫᑲ ᐅᑭᐢᑭᐁᐧᐦᐃᑫᐃᐧᐢᑫᐧᐤ, ᐃᐧᐊᐧ ᓬᐋᐱᑖᐦᐟ, ᐁᐊᐧᑯ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ ᐁᑯᐢᐱ. 5ᑭ ᐊᐱᐤ ᒫᑲ ᓯᐹ ᑌᐸᕒᐊ ᐅ ᐹᒫᑎᑯᒥᕽ ᑕᐢᑕᐋᐧᔨᕽ ᕒᐁᒪ ᒥᓇ ᐯᐦᑎᓬ, ᐃᐸᕒᐁᐃᒼ ᐊᐧᒋᕽ; ᐁᑯᑕ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐯ ᓈᑎᐠ ᑭᑕ ᐅᔭᓱᐋᐧᑖᐟ. 6ᐁᑯᓯ ᑭ ᐃᓯᑎᓴᐦᐅᐁᐧᐤ ᐁ ᓇᑐᒫᐟ ᐯᕒᐋᐠ ᐅᑯᓯᓴ ᐋᐱᓄᐋᒼ ᑭᑌᐢ ᓈᑊᑕᓬᐊᐩ ᐅᐦᒋ, ᑭ ᐃᑌᐤ ᒫᑲ, ᓇᒪ ᒋ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ ᑭ ᐃᑕᓱᐁᐧᐤ ᐁ ᐃᑌᐧᐟ, ᓇᑕᐃᐧ ᓇᑐᒥᐠ ᑌᐹᕒ ᐊᐧᒋᕽ ᒥᓇ ᐅᑎᓂᐠ ᑭᑕ ᐃᐧᒉᐃᐧᐢᑭᐠ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᓈᐯᐊᐧᐠ ᐅᐟ ᐊᐋᐧᓯᒥᓴ ᓈᑊᑕᓬᐊᐩ ᒥᓇ ᐅᐟ ᐊᐋᐧᓯᒥᓴ ᓭᑊᔪᓬᐊᐣ? 7ᑭ ᑲ ᐃᑐᑕᑕᒫᑎᐣ ᒫᑲ ᑲᐃᓴᐣ ᓯᐱᕽ ᓯᓴᕒᐊ, ᒉᐱᐣ ᐅ ᓯᒫᑲᓂᓯᐃᐧᑭᒫᒪ, ᐊᓯᒋ ᐅ ᑎᑎᐱᑖᐹᓈᐢᑲᐧ ᒥᓇ ᐁ ᒫᒪᐁᐧᔭᑎᐟ; ᐁᑯᓯ ᓂ ᑲ ᐸᑭᑎᓈᐤ ᑭᒋᐦᒋᕽ. 8ᐯᕒᐋᐠ ᒫᑲ ᑭ ᐃᑌᐤ, ᑭᐢᐱᐣ ᐃᐧᒉᐃᐧᔭᓂ, ᓂ ᑲ ᐃᑐᐦᑖᐣ; ᒫᑲ ᑭᐢᐱᐣ ᐁᑳ ᐃᐧᒉᐃᐧᔭᓂ, ᓇᒪᐃᐧᔭ ᓂ ᑲ ᐃᑐᐦᑖᐣ. 9ᐅᒥᓯ ᒫᑲ ᑭ ᐃᑎᐠ, ᑫᐦᒋᓈ ᐃᐧᔭ ᑭ ᑲ ᐃᐧᒉᐃᐧᑎᐣ, ᐁᔨᐁᐧᕽ ᒫᑲ ᐅᒪ ᑳ ᐃᐧ ᐃᑐᐦᑌᐦᐅᔭᐣ ᓇᒪᐃᐧᔭ ᑭᔭ ᑭ ᑲ ᐅᐦᒋ ᑭᐢᑌᔨᑖᑯᓯᐣ; ᒋᑫᒫ ᑳ ᑎᐯᔨᐦᒋᑫᐟ ᑭᑕ ᐸᑭᑎᓀᐤ ᓯᓴᕒᐊᐊᐧ ᐃᐢᑫᐧᐊᐧ ᐅᒋᐦᒋᔨᕽ. ᑌᐸᕒᐊ ᒫᑲ ᑭ ᐸᓯᑯ, ᒥᓇ ᑭ ᐃᐧᒉᐁᐧᐤ ᐯᕒᐋᑲ ᑭᑌᓯᕽ.
10ᐯᕒᐋᐠ ᒫᑲ ᑭ ᒫᒪᐃᐧ ᓇᑐᒣᐤ ᓭᑊᔪᓬᐊᐣ ᒥᓇ ᓈᑊᑕᓬᐊᐩ ᑭᑌᓯᕽ; ᑭ ᐃᐧᒉᐃᐧᐠ ᒫᑲ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᓈᐯᐊᐧ ᐁ ᑎᐯᔨᒫᐟ; ᐁᑯᓯ ᑌᐸᕒᐊᐊᐧ ᒥᓇ ᑭ ᐃᐧᒉᐃᐧᐠ. 11ᐦᐃᐸᕒ ᒫᑲ ᐊᓇ ᑭᓇᐃᐟ ᑭ ᐸᐢᑫᐃᐧᔦᐤ ᑭᓇᐃᑕ ᐊᓂᐦᐃ ᐅᑎ ᐅᐟ ᐊᐋᐧᓯᒥᓯᔨᐊᐧ ᐦᐋᐹᑊ ᐅᓯᓴ ᒧᓯᐢ, ᒥᓇ ᑭ ᑲᐯᓯᐤ ᐊᓂᑕ ᐃᐢᑯ ᒪᐢᑲᐋᐧᑎᐠ ᓭᐊᓈᓂᒥᕽ, ᑭᓯᐋᐧᐠ ᑭᑌᐢ. 12ᑭ ᐃᐧᐦᑕᒪᐁᐧᐊᐧᐠ ᒫᑲ ᓯᓴᕒᐊ, ᐯᕒᐋᐠ ᐅᑯᓯᓴ ᐋᐱᓄᐋᒼ ᐁ ᐋᒪᒋᐁᐧᔨᐟ ᑌᐹᕒ ᐊᐧᒋᕽ. 13ᓯᓴᕒᐊ ᒫᑲ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐅ ᑎᑎᐱᑖᐹᓈᐢᑲᐧ, ᑫᑳᐟ ᒥᑖᐦᑐᒥᑕᓇᐤ ᐅᑎ ᐱᐋᐧᐱᐢᑯ ᑎᑎᐱᑖᐹᓈᐢᑲᐧ, ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ, ᐦᐋᕒᐋᓭᐦᐟ ᐅᐦᒋ ᒉᐣᑕᐃᓬᐊᐠ ᑳ ᐊᔮᒋᐠ ᑲᐃᓴᐣ ᓯᐱᕽ ᐃᐢᑯ. 14ᑌᐸᕒᐊ ᒫᑲ ᑭ ᐃᑌᐤ ᐯᕒᐋᑲ, ᐸᓯᑯ, ᒋᑫᒫ ᐁᐊᐧᑯᒪ ᐁ ᑭᓯᑳᐠ ᑳ ᑎᐯᔨᐦᒋᑫᐟ ᑳ ᑭ ᐸᑭᑎᓈᐟ ᓯᓴᕒᐊ ᑭᒋᐦᒋᕽ; ᓇᒪ ᒋ ᑳ ᑎᐯᔨᐦᒋᑫᐟ ᑭ ᓂᑳᓄᑖᐠ? ᐁᑯᓯ ᒫᑲ ᐯᕒᐊᐠ ᑭ ᓂᑖᒪᒋᐁᐧᐤ ᑌᐹᕒ ᐊᐧᒋᕽ ᐅᐦᒋ, ᒥᓇ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᓈᐯᐊᐧ ᐁ ᐱᒥᑎᓴᐦᐅᑯᐟ. 15ᑳ ᑎᐯᔨᐦᒋᑫᐟ ᒫᑲ ᑭ ᑕᐸᓯᔮᒧᑳᑌᐤ ᓯᓴᕒᐊ ᒥᓇ ᑲᐦᑭᔭᐤ ᐅ ᑎᑎᐱᑖᐹᓈᐢᑯᔨᐊᐧ, ᒥᓇ ᑲᐦᑭᔭᐤ ᐅ ᓄᑎᓂᑫᒥᔨᐊᐧ, ᐁᓯᑭᓈᐠ ᐃᓴᐁᐧᐢᐠ ᐅᐦᒋ, ᐅ ᓂᑳᓂᒥᕽ ᐯᕒᐋᐠ, ᐁᑯᓯ ᒫᑲ ᓯᓴᕒᐊ ᑭ ᓂᒋᐸᔨᐦᐅ ᐅ ᑎᑎᐱᑖᐸᓈᐢᑲᐧ ᐅᐦᒋ ᒥᓇ ᑭ ᑕᐸᓯᐤ ᐁ ᒧᐦᒋᐸᑖᐟ. 16ᒫᑲ ᐯᕒᐋᐠ ᑭ ᓇᐊᐧᓵᐧᑌᐤ ᑎᑎᐱᑖᐹᓈᐢᑲᐧ, ᒥᓇ ᐅᓄᑎᓂᑫᐊᐧ, ᐃᐢᑯ ᐊᓂᑕ ᐦᐋᕒᐋᓭᐦᐟ ᑳ ᐊᔮᒋᐠ ᒉᐣᑖᐃᓬᐊᐠ, ᐁᑯᓯ ᑲᐦᑭᔭᐤ ᐅᓄᑎᓂᑫᒪ ᓯᓴᕒᐊ ᑭ ᓂᐸᐦᐋᐊᐧᐠ ᐁ ᐃᓯ ᑭᓈᐱᑕᑳᐠ ᐃᓴᐁᐧᐢᐠ ᐅᐦᒋ; ᓇᒪᐋᐧᐨ ᐯᔭᐠ ᐊᔨᓯᔨᓂᐤ ᐃᐢᑯᐦᐋᐤ. 17ᒫᑲ ᐃᐧᔭ ᓯᓴᕒᐊ ᑭ ᐃᑖᒧ ᐁ ᒧᐦᒋᐸᑖᐟ ᐃᐧᑭᔨᕽ ᒉᐃᓬᐊ ᐃᐧᐊᐧ ᐦᐃᐸᕒ ᐊᓇ ᑭᓇᐃᐟ; ᒋᑫᒫ ᑭ ᐃᐧᑕᐢᑭᑐᐊᐧᐠ ᒉᐱᐣ ᑭᐦᒋ ᐅᑭᒫᐤ ᐦᐁᓵᕒ ᒥᓇ ᑳ ᐊᔮᔨᐟ ᐃᐧᑭᕽ ᐦᐃᐸᕒ ᐊᓇ ᑭᓇᐃᐟ.
18ᒉᐃᓬ ᒫᑲ ᑭ ᐊᐧᔭᐃᐧᐤ ᐁ ᓇᑭᐢᑲᐋᐧᐟ ᓯᓴᕒᐊᐊᐧ, ᐁᑯᓯ ᑭ ᐃᑌᐤ, ᐯ ᐱᐦᑐᑫ ᓂᐟ ᐅᑭᒫᒼ, ᐯ ᐱᑐᑲᐃᐧᐣ; ᐁᑳᐃᐧᔭ ᐊᐢᑖᓯ. ᑖᐯᐧ ᒫᑲ ᑭ ᐳᑐᑲᐁᐧᐤ ᒥᑭᐋᐧᐱᕽ, ᐁᑯᓯ ᑭ ᐊᑲᐧᓇᐅᐠ ᓂᐹᑲᐣ ᐅᐦᒋ. 19ᑭ ᐃᑌᐤ ᒫᑲ, ᒥᔨᐣ ᑭ ᐸᑯᓭᔨᒥᑎᐣ ᐊᐱᓯᐢ ᓂᐱ ᑭᑕ ᒥᓂᐦᑫᐧᔮᐣ; ᒋᑫᒫ ᓂ ᓄᑌᔮᐹᑳᐧᐣ. ᑭ ᐹᐢᑭᑎᓇᒥᔨᐊᐧ ᒫᑲ ᐊᓯᐊᐧᒋᑲᐣ ᑐᑐᓵᐳ, ᐁᑯᓯ ᑭ ᒥᓇᐦᐃᐠ, ᒥᓇ ᒫᑲ ᑭ ᐊᑲᐧᓇᐦᐅᐠ. 20ᐁᑯᓯ ᑭ ᐃᑌᐤ ᒥᓇ, ᓂᐸᐃᐧ ᐃᐢᑳᐧᑌᒥᕽ ᒥᑭᐋᐧᐱᕽ, ᑭᑕ ᐃᐦᑭᐣ ᒫᑲ, ᐃᐢᐱ ᓈᐣᑕᐤ ᐊᔨᓯᔨᓂᐤ ᐯ ᑲᑫᐧᒋᒥᐢᑭ, ᐃᑌᐧᒋ ᒫᑲ, ᐊᐃᐧᔭᐠ ᒋ ᓈᐯᐤ ᐅᑕ ᐊᔮᐤ? ᑭ ᑲ ᐃᑖᐧᐣ, ᓇᒪᐃᐧᔭ. 21ᐁᑲᐧ ᒫᑲ ᒉᐃᓬ ᐃᐧᐊᐧ ᐦᐃᐸᕒ, ᑭ ᐅᑎᓇᒼ ᒥᑭᐋᐧᐱᒋᐢᑌᑲᐦᐃᑲᐣ, ᒥᓇ ᑭ ᐅᑎᓇᒼ ᐸᑲᒫᑲᐣ ᐅᒋᐦᒋᕽ, ᐁᑯᓯ ᓂᓯᑳᐨ ᑭ ᓈᑌᐤ, ᑭ ᑭᐦᒋᑕᐊᒣᐧᐤ ᒫᑲ ᒋᐢᑌᑲᐦᐃᑲᓂᔨᐤ ᐅᐢᑎᑳᐧᓂᔨᕽ ᑭ ᓵᐳᐢᑕᐁᐧᐸᔨᔨᐤ ᒫᑲ ᐊᓯᐢᑭᕽ ᐃᓯ; ᒋᑫᒫ ᒥᑐᓂ ᑭ ᓂᐹᐤ ᐃᐧᔭ ᐁ ᓀᐢᑐᓯᐟ; ᐁᑯᓯ ᑭ ᓂᐱᐤ. 22ᐳᑎ ᒫᑲ ᐯᕒᐋᐠ ᐁ ᓇᐊᐧᓵᐧᑖᐟ ᓯᓴᕒᐊᐊᐧ, ᒉᐃᓬ ᑭ ᐯ ᓇᑕᐃᐧ ᓇᑭᐢᑳᐠ, ᒥᓇ ᑭ ᐃᑎᐠ, ᐯ ᐃᑐᐦᑌ, ᐁᑯᓯ ᑭ ᑲ ᐋᐧᐸᐦᑕᐦᐃᑎᐣ ᐊᓇ ᓈᐯᐤ ᑳ ᓇᑐᓇᐊᐧᐟ. ᑭ ᐱᑐᑲᐁᐧᐤ ᒫᑲ; ᐁᑯᓯ ᐳᑎ, ᓯᓴᕒᐊᐊᐧ ᑭ ᐱᒥᓯᓂᔨᐊᐧ ᐁ ᓂᐱᔨᐟ, ᒥᓇ ᒥᑭᐋᐧᐱ ᒋᐢᑌᑲᐦᐃᑲᐣ ᐅᐢᑎᑲᐧᓂᕽ ᐁ ᐊᔮᔨᐠ.
23ᐁᑯᓯ ᐃᓯ ᑭᓭᒪᓂᑐ ᐁᐊᐧᑯ ᐁ ᑭᓯᑳᐠ ᑭ ᓵᑯᒋᐦᐁᐤ ᒉᐱᓇ ᑫᓇᐣ ᑭᐦᒋ ᐅᑭᒫᐤ ᐅ ᓂᑳᓂᒥᔨᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 24ᐁᑯᓯ ᐅᒋᐦᒋᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᔨᐋᐧᐠ ᑕᐦᑭ ᑭ ᐊᑎ ᓵᑯᒋᐦᐃᐠ ᒉᐱᐣ ᑫᓇᐣ ᑭᐦᒋ ᐅᑭᒫᐤ, ᐱᔨᐢ ᐁ ᑭ ᓂᓯᐊᐧᓈᒋᐦᐋᒋᐠ ᒉᐱᓇ ᑫᓇᐣ ᑭᐦᒋ ᐅᑭᒫᐊᐧ.
Currently Selected:
ᐅᔭᓱᐁᐧᐊᐧᐠ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.