ᐅᔭᓱᐁᐧᐊᐧᐠ 2
2
1ᐅᑭᓯᑯᒪ ᒫᑲ ᑳ ᑎᐯᔨᐦᒋᑫᐟ ᑭᓬᑳᓬ ᐅᐦᒋ ᐊᓂᑕ ᐹᑭᒼ ᑭ ᐯ ᐃᑐᐦᑌᐤ. ᑭ ᐃᑌᐧᐤ ᒫᑲ, ᐃᒋᑊᐟ ᐊᐢᑭᕽ ᑭ ᑭ ᐯ ᐅᐦᒋ ᓯᐯᐧᑕᐃᑎᓈᐋᐧᐤ, ᐁᑯᓯ ᑭ ᑭ ᐃᑐᑕᐃᑎᓈᐋᐧᐤ ᐊᓂᑕ ᐊᐢᑭᕽ ᑳ ᑭ ᑭᐦᒋᐃᑕᑭᐠ ᑯᑖᐃᐧᐋᐧᐊᐧᐠ; ᒥᓇ ᓂ ᑭ ᐃᑖᐧᐣ, ᓇᒪᐃᐧᑳᐨ ᓂ ᑲ ᐱᑯᓀᐣ ᑳ ᑭ ᐃᓯ ᐃᐧᒋᐦᐃᓯᒋᑫᒥᑕᑯᐠ. 2#ᐁᐠᓴᑕᐢ 34:12,13; ᑎᔪᑕᕒᐊᓇᒥ 7:2-5ᓇᒪᐃᐧᔭ ᒫᑲ ᓇᐣᑕᐤ ᑭ ᑲ ᐃᓯ ᐃᐧᒋᐦᐃᓯᒋᑫᒪᐋᐊᐧᐠ ᐅᑕ ᑳ ᐅᐟ ᐊᐢᑭᒋᐠ; ᑭ ᑲ ᐱᑯᓇᒫᐧᓈᐋᐧᐤ ᐅ ᐸᑭᑎᓈᓱᐃᐧᓈᐱᐢᑯᐋᐊᐧ; ᒫᑲ ᓇᒪᐃᐧᔭ ᑯᐦ ᓇᑐᐦᑌᓈᐋᐧᐤ ᓂᐟ ᐃᑌᐧᐃᐧᐣ; ᑖᓀᐦᑭ ᒫᑲ ᐁᑯᓯ ᑳ ᐃᑐᑕᒣᐠ? 3ᐁᐊᐧᑯ ᐅᐦᒋ ᒫᑲ ᓂ ᑭ ᐃᑖᐧᐣ ᒥᓇ, ᓇᒪᐃᐧᔭ ᓂ ᑲ ᐊᐧᔭᐃᐧᑎᓴᐋᐧᐊᐧᐠ ᑭ ᓂᑳᓂᒥᐋᐧᕽ; ᒫᑲ ᑭᑕ ᐃᓯ ᐊᔮᐊᐧᐠ ᑖᐱᐢᑯᐨ ᒥᓯᑳᐃᐧᒥᓇᑲᓯᔭᐠ ᐁ ᑭᓯᓯᓂᔦᐠ, ᒥᓇ ᐅ ᒪᓂᑐᒥᐋᐧᐊᐧ ᑭ ᑲ ᐅᐦᒋ ᐊᐧᓈᐃᑯᐋᐧᐊᐧᐠ. 4ᑭ ᐊᔨᑭᐣ ᒫᑲ ᐃᐢᐱ ᐊᓂᐦᐃ ᑳ ᑎᐯᔨᐦᒋᑫᐟ ᐅᑭᓯᑯᒪ ᑳ ᐃᑖᐟ ᐅᒪ ᑲᐦᑭᔭᐤ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐊᓂᑭ ᐊᔨᓯᔨᓂᐊᐧᐠ ᑭ ᐯᐦᑖᑯᓯᐊᐧᐠ ᐁ ᒫᑐᒋᐠ. 5ᐁᑯᑕ ᒫᑲ ᐊᓂᒪ ᐹᑭᒼ ᑭ ᐃᓯᔨᐦᑳᑕᒪᐧᐠ; ᐁᑯᑕ ᒫᑲ ᑭ ᐸᑭᑎᓇᒪᐁᐧᐊᐧᐠ ᒪᒍᐢᑌᐦᐊᒫᑫᐃᐧᓇ ᑳ ᑎᐯᔨᐦᒋᑫᔨᐟ.
6ᐃᐢᐱ ᒫᑲ ᒑᐢᔪᐊ ᑳ ᓯᐯᐧᑎᓴᐋᐧᐟ ᐊᔨᓯᔨᓂᐊᐧ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐃᑐᐦᑌᐊᐧᐠ ᑲᐦᑭᔭᐤ ᐊᔨᓯᔨᓂᐤ ᐅ ᑎᐯᔨᒋᑲᓂᕽ ᑭᑕ ᑎᐱᔭᐁᐧᐃᐧᓯᐟ ᐊᐢᑭ. 7ᐊᔨᓯᔨᓂᐊᐧᐠ ᒫᑲ ᑭ ᐊᑐᐢᑲᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐃᔨᑯᕽ ᒑᐢᔪᐊ ᐁ ᐱᒫᑎᓯᔨᐟ, ᒥᓇ ᐃᔨᑯᕽ ᐁ ᐱᒫᑎᓯᔨᐟ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᑳ ᑭ ᑳᓯᐢᐳ ᐱᒫᑎᓯᔨᐟ ᒑᐢᔪᐊᐧ, ᑳ ᑭ ᐋᐧᐸᐦᑕᒫᐧᒋᐠ ᐅ ᑭᐦᒋᐊᑐᐢᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᑳ ᑭ ᐃᑐᑕᒪᐋᐧᔨᐟ ᐃᐢᕒᐁᐃᓬᐊ. 8ᒑᐢᔪᐊ ᒫᑲ ᐅᑯᓯᓴ ᓇᐣ, ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ, ᑭ ᐳᓂ ᐱᒫᑎᓯᐤ, ᒥᑖᐦᑐᒥᑕᓇᐤ ᒥᑖᑕᐦᐟ ᐊᔨᐋᐧᐠ ᐁ ᐃᑕᐦᑐᐱᐳᓀᐧᐟ. 9#ᒑᐢᔪᐊ 19:49,50ᑭ ᓇᐦᐃᓀᐊᐧᐠ ᒫᑲ ᐁ ᑭᓯᐱᐊᔮᔨᐠ ᐅ ᑎᐯᔨᒋᑲᐣ ᐊᓂᑕ ᑎᒥᓈᐦᐟ ᐦᐃᕒᐃᐢ, ᐁ ᐊᐧᒋᐊᐧᕽ ᐅᐟ ᐊᐢᑭᐋᐧᕽ ᐃᐸᕒᐁᐃᒼ, ᑭᐁᐧᑎᓄᑖᕽ ᐃᑌᐦᑫ ᑫᐋᐢ ᐊᐧᒋ. 10ᒥᓇ ᒫᑲ ᑲᐦᑭᔭᐤ ᐊᓂᑭ ᑳ ᒫᑖᐳᐱᒫᑎᓯᒋᐠ ᑭ ᑕᑯᑕᐋᐊᐧᐠ ᐅᐟ ᐊᔨᓯᔨᓂᒥᐋᐧᐊᐧ; ᐁᑯᓯ ᑯᑕᑲᐠ ᑭ ᐊᑎ ᐊᓂᐢᑫ ᐱᒫᑎᓯᐊᐧᐠ, ᐁᑳ ᐁ ᑭᐢᑫᔨᒫᒋᐠ ᑳ ᑎᐯᔨᐦᒋᑫᔨᐟ, ᒥᓇ ᐁᑳ ᐁ ᑭᐢᑫᔨᑕᐦᑭᐠ ᐊᓂᒪ ᐊᑐᐢᑫᐃᐧᐣ ᑳ ᑭ ᐃᑐᑕᒪᐋᐧᔨᐟ ᐃᐢᕒᐁᐃᓬᐊ.
11ᐁᑯᓯ ᐊᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐃᑐᑕᒪᐧᐠ ᐊᓂᒪ ᑳ ᓇᔦᑖᐋᐧᐱᓯᒥᑯᔨᐟ ᑳ ᑎᐯᔨᐦᒋᑫᔨᐟ, ᒥᓇ ᑭ ᐊᑐᐢᑲᐁᐧᐊᐧᐠ ᐊᓂᐦᐃ ᐯᐊᓬᐃᒼ. 12ᑭ ᐁᐧᐱᓀᐊᐧᐠ ᒫᑲ ᑳ ᑎᐯᔨᐦᒋᑫᔨᐟ, ᐅ ᑭᓭᒪᓂᑐᒥᔨᐊᐧ ᐅᑖᐃᐧᐋᐧᐊᐧ, ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᒋᐠ, ᒥᓇ ᑭ ᐱᒥᑎᓴᐁᐧᐊᐧᐠ ᑯᑕᑲ ᒪᓂᑐᐊᐧ, ᐅ ᒪᓂᑐᒥᔨᐊᐧ ᐊᔨᓯᔨᓂᐊᐧ ᑳ ᐋᐧᐢᑳᐢᑲᑯᒋᐠ, ᒥᓇ ᐁ ᑭ ᑳᑭᓯᒧᑐᑕᐋᐧᒋᐠ; ᑭ ᑭᓯᐋᐧᐁᐊᐧᐠ ᒫᑲ ᑳ ᑎᐯᔨᐦᒋᑫᔨᐟ. 13ᑭ ᐁᐧᐱᓀᐊᐧᐠ ᒫᑲ ᑳ ᑎᐯᔨᐦᒋᑫᔨᐟ, ᐁᑯᓯ ᑭ ᐊᑐᐢᑲᐁᐧᐊᐧᐠ ᐯᐊᓬ ᒥᓇ ᐋᐢᑕᕒᐋᐦᐟ.
14ᑳ ᑎᐯᔨᐦᒋᑫᐟ ᒫᑲ ᓈᐢᐱᐨ ᑭ ᑭᓯᐢᑕᐁᐧᐤ ᐃᐢᕒᐁᐃᓬᐊ, ᑭ ᐸᑭᑎᓀᐤ ᒫᑲ ᐅᒋᐦᒋᔨᕽ ᐅᒪᓂᐊᐧᑌᐊᐧ ᑳ ᒪᓂᐊᐧᑖᑎᑯᒋᐠ, ᒥᓇ ᑭ ᐊᑖᐋᐧᑳᑌᐤ ᐅᒋᐦᒋᔨᕽ ᐅ ᓄᑎᓈᑲᓂᔨᐊᐧ ᑳ ᐋᐧᐢᑳᐢᑳᑯᔨᐟ, ᐁᑯᓯ ᒫᑲ ᓇᒪᐃᐧᔭ ᐁᑲᐧ ᑭ ᓂᐸᐃᐧᐢᑕᐁᐧᐊᐧᐠ ᐅ ᓄᑎᓈᑲᓂᐋᐧᐊᐧ. 15ᐱᑯ ᐃᑌ ᐁ ᐃᓯ ᓯᐯᐧᑌᒋᐠ ᐅᒋᐦᒋᔨᐤ ᑳ ᑎᐯᔨᐦᒋᑫᔨᐟ ᑭ ᒫᔨᐸᑲᒥᐢᑳᑲᐧᐠ ᑳ ᑭ ᐃᑎᑯᒋᐠ ᑳ ᑎᐯᔨᐦᒋᑫᔨᐟ, ᒥᓇ ᑳ ᑎᐯᔨᐦᒋᑫᔨᐟ ᑳ ᑭ ᐃᓯ ᑭᐦᒋᐃᑎᑯᒋᐠ; ᐁᑯᓯ ᒥᐢᑕᐦᐃ ᑭ ᑯᑕᑭᑖᐊᐧᐠ.
16ᐁᔨᐁᐧᕽ ᒫᑲ ᑳ ᑎᐯᔨᐦᒋᑫᐟ ᑭ ᐸᓯᑯᓀᐤ ᐅᔭᓱᐁᐧᐃᐧᔨᓂᐊᐧ, ᑳ ᐸᐢᐱᐦᐃᑯᒋᐠ ᐅᒋᐦᒋᔨᕽ ᐅᐦᒋ ᐊᓂᐦᐃ ᑳ ᒪᓂᐊᐧᑖᑎᑯᒋᐠ. 17ᒫᑲ ᐁᔨᐁᐧᕽ ᓇᒪᐃᐧᔭ ᐃᐧ ᓇᑐᐦᑕᐁᐧᐊᐧᐠ ᐅᔭᓱᐁᐧᐃᐧᔨᓂᒥᐋᐧᐊᐧ, ᒋᑫᒫ ᑭ ᒪᒋᒧᐢᑕᐁᐧᔨᒣᐊᐧᐠ ᑯᑕᑲ ᒪᓂᑐᐊᐧ, ᒥᓇ ᑭ ᑳᑭᓯᒧᑐᑕᐁᐧᐊᐧᐠ; ᑭᔨᐸ ᑭ ᐸᐢᑫᐊᐧᐠ ᐊᓂᑕ ᐅᐦᒋ ᑳ ᑭ ᐱᒧᐦᑌᔨᐟ ᐅᑖᐃᐧᐋᐧᐊᐧ, ᐁ ᓇᓇᐃᑕᒫᐧᔨᐟ ᐅᐟ ᐃᑕᓱᐁᐧᐃᐧᓂᔨᐊᐧ ᑳ ᑎᐯᔨᐦᒋᑫᔨᐟ; ᒫᑲ ᐃᐧᔭᐋᐧᐤ ᓇᒪᐃᐧᔭ ᐁᑯᓯ ᑭ ᐃᑐᑕᒪᐧᐠ. 18ᑭᐢᐱᐣ ᒫᑲ ᑳ ᑎᐯᔨᐦᒋᑫᐟ ᐁ ᐸᓯᑯᓈᐟ ᐅᔭᓯᐁᐧᐃᐧᔨᓂᐊᐧ, ᐁᑲᐧ ᑳ ᑎᐯᔨᐦᒋᑫᐟ ᑭ ᐃᐧᒉᐁᐧᐤ ᐊᓂᐦᐃ ᐅᔭᓱᐁᐧᐃᐧᔨᓂᐊᐧ, ᒥᓇ ᑭ ᐸᐢᐱᐦᐁᐤ ᐅᒋᐦᒋᔨᕽ ᐅᐦᒋ ᐅ ᓄᑎᓈᑲᓂᐋᐧᐊᐧ ᐃᔨᑯᕽ ᐁ ᐱᒫᑎᓯᔨᐟ ᐊᓂᐦᐃ ᐅᔭᓱᐁᐧᐃᐧᔨᓂᐊᐧ; ᒋᑫᒫ ᑭ ᒥᐦᒋᔭᐁᐧᓯᐤ ᑳ ᑎᐯᔨᐦᒋᑫᐟ ᐁ ᒪᐃᐧᒧᑫᔨᐟ ᐊᓂᐦᐃ ᐅᐦᒋ ᑳ ᑭᑎᒪᐦᐃᑯᔨᐟ ᒥᓇ ᑳ ᑯᑕᑭᐦᐃᑯᔨᐟ. 19ᒫᑲ ᑭ ᐊᔨᑭᐣ ᐃᐢᐱ ᐅᔭᓱᐁᐧᐃᐧᔨᓂᐤ ᐁ ᐳᓂ ᐱᒫᑎᓯᐟ, ᑭ ᑭᐁᐧᐊᐧᐠ ᒫᓇ, ᐁᑯᓯ ᐊᔨᐋᐧᐠ ᑭ ᓂᓯᐊᐧᓈᒋᐦᐅᐊᐧᐠ ᐃᔨᑯᕽ ᐅᑖᐃᐧᐋᐊᐧ, ᐁ ᐱᒥᑎᓴᐋᐧᒋᐠ ᑯᑕᑲ ᒪᓂᑐᐊᐧ ᑭᑕ ᐊᑐᐢᑲᐋᐧᒋᐠ, ᒥᓇ ᑭᑕ ᑳᑭᓯᒧᑐᑕᐋᐧᒋᐠ; ᓇᒪᐃᐧᔭ ᐳᓂᑖᐊᐧᐠ ᐅᐟ ᐃᓯᐦᒋᑫᐃᐧᓂᐋᐧᐊᐧ ᒥᓇ ᐅ ᓴᓯᐱᑕᒧᐃᐧᓂᐋᐧᐊᐧ.
20ᑳ ᑎᐯᔨᐦᒋᑫᐟ ᒫᑲ ᓈᐢᐱᐨ ᑭ ᑭᓯᐢᑕᐁᐧᐤ ᐃᐢᕒᐁᐃᓬᐊ; ᐁᑯᓯ ᑭ ᐃᑌᐧᐤ, ᒋᑫᒫ ᐅᑭ ᐊᔨᓯᔨᓂᐊᐧᐠ ᐁ ᐊᐧᓂᑐᑕᐦᑭᐠ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑭ ᐃᑕᓱᐋᑎᒪᐠ ᐅᑖᐃᐧᐋᐧᐊᐧ, ᒥᓇ ᐁᑳ ᐁ ᓇᑐᐦᑕᐦᑭᐠ ᓂᐟ ᐃᑌᐧᐃᐧᐣ; 21ᓂᔭ ᒥᓇ ᓇᒪᐃᐧᔭ ᓂ ᑲ ᐋᐧᔭᐃᐧᑎᓴᐅᒫᐊᐧ ᐊᔨᓯᔨᓂᐊᐧ ᒑᐢᔪᐊ ᑳ ᑭ ᐃᐢᑯᐦᐋᐟ ᐃᐢᐱ ᑳ ᐳᓂ ᐱᒫᑎᓯᐟ; 22ᐁᐊᐧᑯᓂᐠ ᐅᐦᒋ ᑭᑕ ᑯᒋᐊᑭᐠ ᐃᐢᕒᐁᐃᓬ ᑭᐢᐱᐣ ᑫ ᒥᑎᒣᐋᐧᑫᐧ ᐅᐟ ᐃᑖᑎᓯᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭᑕ ᐱᒧᑖᑐᑕᒫᐧᒋᐠ ᑖᐱᐢᑯᐨ ᐅᑖᐃᐧᐋᐧᐊᐧ ᑳ ᑭ ᐃᓯ ᒥᑎᒣᔨᐟ ᐊᐦᐳ ᐁᑳ. 23ᐁᑯᓯ ᑳ ᑎᐯᔨᐦᒋᑫᐟ ᑭ ᐃᐢᑯᐁᐤ ᐁᐊᐧᑯᓂ ᐊᔨᓯᔨᓂᐊᐧ, ᐁᑳ ᐁ ᑭᓯᐢᑳ ᐊᐧᔭᐃᐧᑎᓴᐋᐧᐟ; ᐊᐦᐳ ᓇᒪᐃᐧᔭ ᑭ ᐅᐦᒋ ᐸᑭᑎᓀᐤ ᒑᐢᔪᐊ ᐅᒋᐦᒋᔨᕽ.
Currently Selected:
ᐅᔭᓱᐁᐧᐊᐧᐠ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
