ᐅᔭᓱᐁᐧᐊᐧᐠ 1
1
1ᑭ ᐊᔨᑭᐣ ᒫᑲ ᐃᐢᐱ ᐁ ᑭ ᐳᓂ ᐱᒫᑎᓯᐟ ᒑᐢᔪᐊ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑲᑫᐧᒋᒣᐊᐧᐠ ᑳ ᑎᐯᔨᐦᒋᑫᔨᐟ, ᐅᒥᓯ ᐁ ᐃᑌᐧᒋᐠ, ᐊᐁᐧᓇ ᑫ ᓂᑳᓂᐢᑕᒫᑯᔮᕽ ᑭᑕ ᒪᐃᐧᓀᐢᑲᐋᐧᐟ ᑫᓇᓇᐃᑕ ᑭᑕ ᓄᑎᓈᐟ? 2ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᒍᑕ ᑭᑕ ᐃᑐᐦᑌᐤ, ᒫᑎᑲ, ᓂ ᑭ ᐸᑭᑎᓇᒫᐧᐣ ᐊᐢᑭ ᐅᒋᐦᒋᕽ. 3ᒍᑕ ᒫᑲ ᑭ ᐃᑌᐤ ᓯᒥᔭᓇ ᐅᒋᐋᐧᒪ, ᐯ ᐃᐧᒉᐃᐧᐣ ᓂ ᐸᑭᑎᓇᒫᑯᐃᐧᓂᕽ, ᑭᑕ ᓄᑎᓈᔭᑯᐠ ᑫᓇᓇᐃᑕᐠ; ᐁᑯᓯ ᓂᔭ ᒥᓇ ᑭ ᑲ ᐃᐧᒉᐃᐧᑎᐣ ᑭ ᐸᑭᑎᓇᒫᑯᐃᐧᓂᕽ. ᐁᑯᓯ ᓯᒥᔭᓇ ᑭ ᐃᐧᒉᐃᐧᐠ. 4ᒍᑕ ᒫᑲ ᑭ ᐃᑐᐦᑌᐤ; ᐁᑯᓯ ᑳ ᑎᐯᔨᐦᒋᑫᔨᐟ ᑭ ᐸᑭᑎᓇᒫᑲᐧᐠ ᐅᒋᐦᒋᐋᐧᕽ ᑫᓇᓇᐃᑕ ᒥᓇ ᐯᕒᐃᓴᐃᑕ; ᑭ ᓂᐸᐁᐊᐧᐠ ᒫᑲ ᐊᓂᑕ ᐱᓭᐠ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᓇᐯᐊ. 5ᑭ ᒥᐢᑲᐁᐧᐊᐧᐠ ᒫᑲ ᐊᓂᐦᐃ ᐊᑖᓇᐃᐱᓭᐠ ᐁᑯᑕ ᐊᓂᑕ ᐱᓭᐠ; ᐁᑯᓯ ᑭ ᓄᑎᓀᐊᐧᐠ ᐁᑯᓯ ᑭ ᓂᐸᐁᐊᐧᐠ ᑫᓇᓇᐃᑕ ᒥᓇ ᐯᕒᐃᓴᐃᑕ. 6ᒫᑲ ᐊᑖᓇᐃᐱᓭᐠ ᑭ ᑕᐸᓯᐤ; ᐁᑯᓯ ᑭ ᓇᐊᐧᓵᐧᑌᐊᐧᐠ, ᒥᓇ ᑭ ᐅᑎᐦᑎᓀᐊᐧᐠ, ᐁᑯᓯ ᑭ ᑭᐢᑲᑕᐊᒣᐧᐊᐧᐠ ᐅ ᒥᓯᒋᐦᒑᓂᔨᐊᐧ ᒥᓇ ᐅ ᒥᓯᓯᑖᓂᔨᐊᐧ. 7ᐊᑖᓇᐃᐱᓭᐠ ᒫᑲ ᑭ ᐃᑌᐧᐤ, ᑌᐸᑯᐦᐳᒥᑕᓇᐤ ᑭᐦᒋ ᐅᑭᒫᐊᐧᐠ, ᐅ ᒥᓯᒋᐦᒑᓂᐋᐧᐊᐧ ᒥᓇ ᐅ ᒥᓯᓯᑖᓂᐋᐧᐊᐧ ᐁ ᑭ ᑭᐢᑲᑕᐃᑳᑌᔨᑭ, ᑭ ᒧᓴᑭᓇᒪᐧᐠ ᐅ ᒥᒋᐃᐧᓂᐋᐧᐤ ᓯᐹ ᓂ ᒥᒋᓱᐃᐧᓈᑎᑯᕽ; ᐁ ᑭ ᐃᑐᑕᒫᐣ, ᐁᑯᓯ ᑭᓭᒪᓂᑐ ᑳ ᐃᓯ ᒥᐢᑯᒋᐃᐟ. ᒉᕒᐅᓴᓬᐊᒥᕽ ᒫᑲ ᑭ ᐃᑐᐦᑕᐦᐁᐊᐧᐠ ᐁᑯᓯ ᐁᑯᑕ ᑭ ᓂᐱᐤ.
8ᐊᓂᑭ ᒫᑲ ᒍᑕ ᐅᐟ ᐊᐋᐧᓯᒥᓴ ᑭ ᓄᑎᓇᒪᐧᐠ ᒉᕒᐅᓴᓬᐊᒼ, ᒥᓇ ᑭ ᐅᑎᓇᒪᐧᐠ, ᐁᑯᓯ ᑭ ᐸᑲᒪᐊᒪᐧᐠ ᐁᓯ ᑭᓈᐠ ᐃᓴᐁᐧᐢᐠ ᐅᐦᒋ ᒥᓇ ᑭ ᓴᐢᑲᐦᐊᒪᐧᐠ ᐅᑌᓇᐤ, 9ᒣᐧᐢᑕᐢ ᐃᔨᑯᕽ ᒫᑲ ᒍᑕ ᐅᐟ ᐊᐋᐧᓯᒥᓴ ᑭ ᓇᑕᐃᐧ ᓄᑎᓀᐊᐧᐠ ᑫᓇᓇᐃᑕ ᑳ ᐅᐟ ᐃᐦᑖᐃᐧᓂᔨᐟ ᐊᐧᒋᐊᐧᐢᑭᕽ, ᒥᓇ ᓵᐊᐧᓄᑖᕽ, ᒥᓇ ᑕᐸᑖᔭᐋᐧᕽ. 10ᒍᑕ ᒫᑲ ᑭ ᒪᐃᐧᓀᐢᑲᐁᐧᐊᐧᐠ ᐊᓂᐦᐃ ᑫᓇᓇᐃᑕ ᐦᐁᐸᕒᐊᐣ ᑳ ᐅᐟ ᐃᐦᑖᐃᐧᓂᔨᐟ; (ᐦᐁᐸᕒᐊᐣ ᒫᑲ ᑲᔭᐦᑌ ᑭᕒᐃᐊᐦᐟ ᐋᕒᐸ ᑭ ᐃᓯᔨᐦᑳᑌᐤ;) ᐁᑯᓯ ᑭ ᓂᐸᐁᐊᐧᐠ ᐊᓂᑕ ᓯᓭᐊᐩ, ᒥᓇ ᐊᐦᐊᐃᒪᐣ, ᒥᓇ ᑖᓬᒪᐩ. 11ᐁᑯᑕ ᒫᑲ ᐅᐦᒋ ᑭ ᒪᐃᐧᓀᐢᑲᐁᐧᐤ ᐊᓂᐦᐃ ᑎᐸᕒ ᑳ ᐅᐟ ᐊᐢᑭᔨᐟ. (ᑎᐸᕒ ᒫᑲ ᑲᔭᑌ ᑭᕒᐃᔮᐦᐟᓯᐸᕒ ᑭ ᐃᓯᔨᐦᑳᑌᐤ.) 12ᑫᓬᐃᑊ ᒫᑲ ᑭ ᐃᑌᐧᐤ, ᐊᓇ ᑫ ᐸᑲᒪᐊᕽ ᐊᓂᒪ ᑲᕒᒐᐦᐟᓯᐸᕒ ᒥᓇ ᑫ ᐅᑎᓇᕽ ᓂ ᑲ ᒥᔮᐤ ᐋᑭᓴ ᓂᑖᓂᓴ ᑭᑕ ᐃᐧᐃᐧᐟ. 13ᐋᐦᐟᓈᔨᓬ ᒫᑲ ᐅᑯᓯᓴ ᑭᓈᐢ, ᑫᓬᐃᑊ ᑳ ᐅᓯᒥᒫᐃᐧᔨᐟ ᐅᒋᐋᐧᒪ ᑭ ᐅᑎᓇᒼ; ᐁᑯᓯ ᑭ ᒥᔦᐤ ᐋᑭᓴᐊᐧ ᐅᑖᓂᓴ ᑭᑕ ᐃᐧᐃᐧᔨᐟ. 14ᑭ ᐊᔨᑭᐣ ᒫᑲ ᐃᐢᐱ ᐁ ᐯ ᓇᑖᐟ, ᑭ ᓯᑭᐢᑲᐁᐧᐤ ᑭᑕ ᓇᑐᑕᒪᐋᐧᔨᐟ ᐅᑖᐃᐧᔭ ᑭᐢᑎᑳᓂᔨᐤ; ᐁᑯᓯ ᑭ ᓂᐦᒋᐸᔨᐦᐅ ᓱᓱᒥᐢᑕᑎᒪᐧ ᐁ ᑌᐦᑕᐱᐟ; ᑫᓬᐃᑊ ᒫᑲ ᑭ ᐃᑌᐤ, ᑫᑲᐧᐩ ᓀᑕᐁᐧᔨᑕᒪᐣ? 15ᐅᒥᓯ ᒫᑲ ᑭ ᐃᑌᐤ, ᒥᔨᐣ ᓴᐁᐧᔨᐦᒋᑫᐃᐧᐣ; ᒋᑫᒫ ᑭ ᑭ ᒥᔨᐣ ᓵᐊᐧᓄᕽ ᐊᐢᑭ, ᒥᔨᐣ ᒥᓇ ᒧᐦᑭᒋᐊᐧᓂᐯᑲᐧ. ᑫᓬᐃᑊ ᒫᑲ ᑭ ᒥᔦᐤ ᓇᑎᒥᕽ ᒧᐦᑭᒋᐊᐧᓂᐯᑲᐧ ᒥᓇ ᒫᒥᕽ ᒧᐦᑭᒋᐊᐧᓂᐯᑲᐧ.
16ᐅᐟ ᐊᐋᐧᓯᒥᓴ ᒫᑲ ᐊᓇ ᑭᓇᐃᐟ ᒧᓯᐢ ᐅᓯᓴ ᑭ ᓯᐯᐧᑌᐤ ᐹᒫᐦᑎᐠ ᐅᑌᓈᕽ ᐅᐦᒋ ᐁ ᐃᐧᒉᐋᐧᐟ ᐊᓂᐦᐃ ᒍᑕ ᐅᐟ ᐊᐋᐧᓯᒥᓴ ᒍᑕ ᐱᑲᐧᑕᐢᑭᕽ, ᐁᐊᐧᑲᐧᓂᒪ ᓵᐊᐧᓄᑖᕽ ᐁᕒᐋᐟ; ᐁᑯᓯ ᑭ ᓇᑕᐃᐧ ᐃᐧᒋᐊᔮᒣᐊᐧᐠ ᐊᔨᓯᔨᓂᐊᐧ. 17ᒍᑕ ᒫᑲ ᑭ ᐃᐧᒉᐁᐧᐤ ᓯᒥᔭᓇ ᐅᒋᐋᐧᒪ, ᐁᑯᓯ ᑭ ᓂᐸᐁᐊᐧᐠ ᑫᓇᓇᐃᑕ ᑳ ᐅᐟ ᐊᐢᑭᔨᐟ ᓯᐦᐹᐟ, ᒥᓇ ᒥᑐᓂ ᑭ ᓂᓯᐊᐧᓈᒋᐦᑖᐊᐧᐠ. ᐊᓂᒪ ᒫᑲ ᐅᑌᓇᐤ ᐦᐋᕒᒪ ᑭ ᐃᓯᔨᐦᑳᑌᐤ. 18ᐁᑯᓯ ᒥᓇ ᒍᑕ ᑭ ᐅᑎᓇᒼ ᑫᓴ ᐊᓯᒋ ᐁ ᒋᑳᐢᑯᐊᐧᓂᔨᐠ, ᒥᓇ ᐋᐢᑭᓬᐊᐣ ᐊᓯᒋ ᐁ ᒋᑳᐢᑯᐊᐧᓂᔨᐠ, ᒥᓇ ᐁᑲᕒᐊᐣ ᐊᓯᒋ ᐁ ᒋᑳᐢᑯᐊᐧᓂᔨᐠ. 19ᑳ ᑎᐯᔨᐦᒋᑫᔨᐟ ᒫᑲ ᑭ ᐃᐧᒉᐃᐧᐠ ᒍᑕ; ᐁᑯᓯ ᑭ ᐊᐧᔭᐃᐧᑎᓴᐁᐧᐤ ᑳ ᐅᐟ ᐊᐢᑭᔨᐟ ᐊᐧᒋᕽ; ᒫᑲ ᓇᒪᐃᐧᔭ ᑭ ᐊᐧᔭᐃᐧᑎᓴᐁᐧᐤ ᑳ ᐅᐟ ᐊᐢᑭᔨᐟ ᐋᐧᔭᒪᑎᓈᕽ, ᒋᑫᒫ ᐱᐋᐧᐱᐢᑯ ᑎᑎᐱᑖᐹᓈᐢᑲᐧ ᐁ ᐊᔮᐋᐧᔨᐟ. 20#ᒑᐢᔪᐊ 15:13,14ᐦᐁᐸᕒᐊᐣ ᒫᑲ ᑭ ᒥᔦᐊᐧᐠ ᑫᓬᐃᐸ, ᑳ ᑭ ᐃᑌᐧᐟ ᒧᓯᐢ: ᐁᑯᓯ ᑭ ᐊᐧᔭᐃᐧᑎᓴᐁᐧᐤ ᐁᑯᑕ ᐅᐦᒋ ᐁ ᓂᐢᑎᔨᐟ ᐅᑯᓯᓴ ᐁᓈᐠ. 21#ᒑᐢᔪᐊ 15:63; 2 ᓵᒼᔪᐃᓬ 5:6; 1 ᐊᑭᓀ ᐋᒋᒧᐃᐧᓇ 11:4ᐯᐣᒋᒪᐣ ᐅᐟ ᐊᐋᐧᓯᒥᓴ ᒫᑲ ᓇᒪᐃᐧᔭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ ᒉᑊᔪᓴᐃᑕ ᑳ ᐅᐟ ᐃᐦᑖᐃᐧᓂᔨᐟ ᒉᕒᐅᓴᓬᐊᒥᕽ; ᒫᑲ ᒉᑊᔪᓴᐃᑕᐠ ᐃᐧᒋᐊᔮᒣᐊᐧᐠ ᐯᐣᒋᒪᐣ ᐅᐟ ᐊᐋᐧᓯᒥᓴ ᐱᔨᐢ ᐊᓄᐦᐨ ᑳ ᑭᓯᑳᐠ.
22ᒍᓯᑊ ᐅᐟ ᐊᐋᐧᓯᒥᓴ ᒫᑲ ᐃᐧᐢᑕᐋᐧᐤ ᑭ ᒪᐃᐧᓀᐢᑲᒪᐧᐠ ᐊᓂᒪ ᐯᐦᑎᓬ; ᐁᑯᓯ ᑳ ᑎᐯᔨᐦᒋᑫᔨᐟ ᑭ ᐃᐧᒉᐃᐧᑲᐧᐠ. 23ᐁᑯᓯ ᒍᓯᑊ ᐅᐟ ᐊᐋᐧᓯᒥᓴ ᑭ ᐃᓯᑎᓴᐦᐅᐁᐧᐊᐧᐠ ᑭᑕ ᓇᑕᐋᐧᑖᒋᐠ ᐊᓂᒪ ᐯᐦᑎᓬ. (ᐊᓂᒪ ᒫᑲ ᐅᑌᓇᐤ ᑲᔭᐦᑌ ᓬᐊᐢ ᑭ ᐃᓯᔨᐦᑳᑌᐤ.) 24ᐁᑯᓯ ᐅᑕᓴᐋᐧᐱᐊᐧᐠ ᐋᐧᐸᒣᐊᐧᐠ ᓈᐯᐊᐧ ᐅᑌᓈᕽ ᐁ ᐯ ᐅᐦᒋ ᐊᐧᔭᐃᐧᔨᐟ, ᑭ ᐃᑌᐊᐧᐠ ᒫᑲ, ᐋᐧᐸᐦᑕᐦᐃᓈᐣ, ᑭ ᐸᑯᓭᔨᒥᑎᓈᐣ, ᐃᑕ ᐁ ᐅᐦᒋ ᐱᐦᑐᑫᕽ ᐅᑌᓈᕽ, ᐁᑯᓯ ᑭ ᑲ ᒪᓈᒋᐃᑎᓈᐣ. 25ᑭ ᐋᐧᐸᐦᑕᐦᐁᐤ ᒫᑲ ᐃᑕ ᐁ ᐅᐦᒋ ᐱᐦᑐᑫᕽ ᐅᑌᓈᕽ, ᐁᑯᓯ ᑭ ᐸᑲᒪᐊᒪᐧᐠ ᐅᑌᓇᐤ ᐁ ᐃᓯ ᑭᓂᑳᐱᑕᑳᐠ ᐃᓴᐁᐧᐢᐠ; ᒫᑲ ᐃᐧᔭ ᐊᓂᐦᐃ ᓈᐯᐊᐧ ᑭ ᐸᑭᑎᓀᐊᐧᐠ ᐊᓯᒋ ᑲᐦᑭᔭᐤ ᐁ ᐃᐦᑕᓯᔨᐟ. 26ᐊᓇ ᓈᐯᐤ ᒫᑲ ᑭ ᐃᑐᐦᑌᐤ ᐅᐟ ᐊᐢᑭᔨᕽ ᐦᐃᑕᐃᑕ, ᐁᑯᓯ ᑭ ᐅᓯᐦᑖᐤ ᐅᑌᓇᐤ ᒥᓇ ᓬᐊᐢ ᑭ ᐃᓯᔨᐦᑳᑕᒼ; ᐁᑯᓯ ᒫᑲ ᐃᓯᔨᐦᑳᑌᐤ ᐱᔨᐢ ᐊᓄᐦᐨ ᑳ ᑭᓯᑳᐠ.
27 #
ᒑᐢᔪᐊ 17:11-13
ᒪᓈᓯ ᒫᑲ ᓇᒪᐃᐧᔭ ᑭ ᐅᐦᒋ ᐊᐧᔭᐃᐧᑎᓴᐁᐧᐤ ᑳ ᐅᐟ ᐃᐦᑖᐃᐧᓂᔨᐟ ᐯᐟᓯᐊᐣ ᒥᓇ ᐅᐟ ᐅᑌᓇᐊᐧ, ᓇᒪᐃᐧᔮ ᒥᓇ ᑌᐊᓈᐠ ᐅᐦᒋ ᒥᓇ ᐅᐟ ᐅᑌᓇᐊᐧ, ᓇᒪᐃᐧᔭ ᒥᓇ ᑳ ᐅᐟ ᐃᐦᑖᐃᐧᓂᔨᐟ ᑐᕒ ᒥᓇ ᐅᐟ ᐅᑌᓇᐊᐧ, ᓇᒪᐃᐧᔭ ᒥᓇ ᑳ ᐅᐟ ᐃᐦᑖᐃᐧᓂᔨᐟ ᐃᑊᓬᐃᐊᒼ ᒥᓇ ᐅᐟ ᐅᑌᓇᐊᐧ, ᓇᒪᐃᐧᔭ ᒥᓇ ᑳ ᐅᐟ ᐃᐦᑖᐃᐧᓂᔨᐟ ᒣᑭᑐ ᒥᓇ ᐅᐟ ᐅᑌᓇᐊᐧ; ᒫᑲ ᑫᓇᓇᐃᑕᐠ ᑭ ᐅᐟ ᐃᐦᑖᐃᐧᓂᐊᐧᐠ ᐁᑯᑕ ᐊᐢᑭᕽ. 28ᑭ ᐊᔨᑭᐣ ᒫᑲ ᐃᐢᐱ ᐃᐢᕒᐁᐃᓬ ᐁᑎ ᒪᐢᑲᐃᐧᓯᒋᐠ, ᑭ ᐊᑐᐢᑲᐁᐊᐧᐠ ᐊᓂᐦᐃ ᑫᓇᓇᐃᑕ, ᓇᒪᐃᐧᔭ ᒫᑲ ᒥᑐᓂ ᑭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ.
29 #
ᒑᐢᔪᐊ 16:10
ᐃᐸᕒᐁᐃᒼ ᒫᑲ ᓇᒪᐃᐧᔭ ᑭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ ᑫᓇᓇᐃᑕ ᑳ ᐅᐟ ᐃᐦᑖᐃᐧᓂᔨᐟ ᑭᓴᕒ; ᒫᑲ ᑫᓇᓇᐃᑕᐠ ᑭ ᐃᐧᒋᐊᔮᒥᑲᐧᐠ ᐊᓂᑕ ᑭᓴᕒ.
30ᓭᑊᔪᓬᐊᐣ ᓇᒪᐃᐧᔭ ᑭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ ᑳ ᐅᐟ ᐃᐦᑖᐃᐧᓂᔨᐟ ᐊᓂᑕ ᑭᑕᕒᐊᐣ, ᓇᒪᐃᐧᔭ ᒥᓇ ᑳ ᐅᐟ ᐃᐦᑖᐃᐧᓂᔨᐟ ᐊᓂᑕ ᓀᐦᐋᓬᐋᓬ; ᒫᑲ ᑫᓇᓇᐃᑕ ᑭ ᐃᐧᒋᐊᔮᒥᑲᐧᐠ, ᐁᑯᓯ ᑭ ᑎᐸᐦᐃᑫᐋᐊᐧᐠ.
31ᐋᓴᕒ ᒫᑲ ᓇᒪᐃᐧᔭ ᑭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ ᑳ ᐅᐟ ᐃᐦᑖᐃᐧᓂᔨᐟ ᐋᑯ, ᓇᒪᐃᐧᔭ ᒥᓇ ᑳ ᐅᐟ ᐃᐦᑖᐃᐧᓂᔨᐟ ᓴᐃᑕᐣ, ᓇᒪᐃᐧᔭ ᒥᓇ ᐋᐦᐃᓬᐋᑊ ᐅᐦᒋ, ᓇᒪᐃᐧᔭ ᒥᓇ ᐊᐠᓯᑊ ᐅᐦᒋ, ᓇᒪᐃᐧᔭ ᒥᓇ ᐦᐁᓬᐸ ᐅᐦᒋ, ᓇᒪᐃᐧᔭ ᒥᓇ ᐋᐦᐱᐠ ᐅᐦᒋ, ᓇᒪᐃᐧᔭ ᒥᓇ ᕒᐃᐦᐋᑊ ᐅᐦᒋ; 32ᒫᑲ ᐊᓂᑭ ᐋᓴᕒᐊᐃᑕᐠ ᑭ ᐃᐧᒋᐊᔮᒣᐊᐧᐠ ᑫᓇᓇᐃᑕ, ᑳ ᐅᐟ ᐃᐦᑖᐃᐧᓂᔨᐟ ᐁᑯᑕ ᐊᐢᑭᕽ ᒋᑫᒫ ᓇᒪᐃᐧᔭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ.
33ᓈᑊᑕᓬᐊᐩ ᓇᒪᐃᐧᔭ ᐅᐦᒋ ᐊᐧᔭᐃᐧᑎᓴᐁᐧᐊᐧᐠ ᑳ ᐅᐟ ᐃᐦᑖᐃᐧᓂᔨᐟ ᐯᐦᐟᓯᒣᐢ, ᓇᒪᐃᐧᔭ ᒥᓇ ᑳ ᐅᐟ ᐃᐦᑖᐃᐧᓂᔨᐟ ᐯᐦᑌᓇᐦᐟ; ᒫᑲ ᑭ ᐃᐧᒋᐊᔮᒣᐤ ᑫᓇᓇᐃᑕ, ᑳ ᐅᐟ ᐃᐦᑖᐃᐧᓂᔨᐟ ᐁᑯᑕ ᐊᐢᑭᕽ; ᐋᑕᐃᐧᔭ ᒫᑲ ᑳ ᐅᐟ ᐃᐦᑖᐃᐧᓂᔨᐟ ᐯᐦᐟᓯᒣᐢ ᒥᓇ ᐯᐦᑌᓇᐦᐟ ᑭ ᑎᐸᐦᐃᑫᐁᐊᐧᐠ.
34ᒫᑲ ᐊᓂᑭ ᐋᒪᕒᐊᐃᑕᐠ ᑭ ᓵᑯᑎᐢᑲᐁᐧᐊᐧᐠ ᐊᓂᐦᐃ ᑖᐣ ᐅᐟ ᐊᐋᐧᓯᒥᓴ ᐊᐧᒋᕽ ᐃᓯ; ᒋᑫᒫ ᓇᒪᐃᐧᔭ ᐃᐧ ᐃᔨᓇᒪᐁᐧᐊᐧᐠ ᐋᐧᔮᒪᑎᓈᕽ ᑭᑕ ᐯ ᐃᑐᐦᑌᔨᐟ; 35ᒫᑲ ᐊᓂᑭ ᐋᒪᕒᐊᐃᑕᐠ ᑭ ᐅᐟ ᐃᐦᑖᐃᐧᓂᐊᐧᐠ ᐊᓂᑕ ᐦᐃᕒᐃᐢ ᐊᐧᒋᕽ, ᒥᓇ ᐋᒋᓬᐊᓂᕽ, ᒥᓇ ᓭᐊᓬᐱᒼ; ᐁᔨᐁᐧᕽ ᒫᑲ ᒍᓯᑊ ᐅᐟ ᐊᐋᐧᓯᒥᓴ ᑭ ᓵᑯᑖᐧᐊᐧᐠ, ᐁᑯᓯ ᑭ ᑎᐸᐦᐃᑫᐁᐊᐧᐠ. 36ᐊᓂᒪ ᒫᑲ ᐁ ᐃᐢᑯ ᐊᔮᔨᐠ ᐅᐟ ᐊᐢᑭᐋᐧᐤ ᐋᒪᕒᐊᐃᑕᐠ ᐁᐊᐧᑯ ᐁ ᐊᑎ ᐋᒪᒋᐁᐧᔮᐠ ᐋᑲᕒᐋᐱᒼ, ᑭᐢᑖᐱᐢᑯᕽ ᐅᐦᒋ ᒥᓇ ᑕᐦᑯᒑᔨᕽ ᐃᓯ.
Currently Selected:
ᐅᔭᓱᐁᐧᐊᐧᐠ 1: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
