ᐅᔭᓱᐁᐧᐊᐧᐠ 15
15
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᒣᑳᐧᐨ ᐁ ᒪᓂᓯᑫᕽ ᐸᐦᑫᐧᓯᑲᓂᑳᐣ, ᓵᒼᓴᐣ ᑭ ᑭᐅᑲᐁᐧᐤ ᐃᐧᐊᐧ ᐋᐧᐸᑎᑯᓯᓴ ᐁ ᐃᑐᐦᑕᐦᐋᐟ; ᐁᑯᓯ ᑭ ᐃᑌᐧᐤ, ᓂ ᑲ ᐱᑐᑲᐋᐧᐤ ᓂᐊᐧ ᐱᐢᑭᒋᑲᒥᑯᓯᕽ. ᒫᑲ ᐅᑖᐃᐧᔨᐊᐧ ᓇᒪᐃᐧᔭ ᐃᔨᓇᒫᐠ ᑭᑕ ᐱᐦᑐᑫᐟ. 2ᐁᑯᓯ ᐅᑖᐃᐧᔨᐊᐧ ᑭ ᐃᑎᐠ, ᑖᐯᐧ ᐁᓴ ᐸᑳᐧᑌᐤ ᓂ ᑭ ᐃᑌᔨᑌᐣ; ᐁᑯᓯ ᐁᐊᐧᑯ ᐅᐦᒋ ᓂ ᑭ ᒥᔮᐤ ᑭ ᐃᐧᒉᐋᐧᑲᐣ; ᓇᒪ ᒋ ᐅᓯᒪ ᓇᐊᐧᐨ ᑲᑕᐊᐧᓯᓯᔨᐊᐧ ᐃᔨᑯᕽ ᐃᐧᔭ? ᑭᔮᒼ ᐁᐊᐧᑯ ᐅᑎᐣ, ᑭ ᐸᑯᓭᔨᒥᑎᐣ, ᐃᔨᑯᕽ ᐃᐧᔭ ᐊᐊᐧ.
3ᓵᒼᓴᐣ ᒫᑲ ᑭ ᐃᑌᐤ, ᐁᑲᐧ ᐃᐧᔭ ᓇᒪᐃᐧᔭ ᓂ ᑲ ᐊᑖᒣᔨᑖᑯᓯᐣ ᐱᓬᐃᐢᑎᓇᐠ ᐅᐦᒋ, ᐋᑕ ᓇᔦᐦᑖᐃᐧᑐᑕᐊᐧᑳᐧᐃᐧ. 4ᓵᒼᓴᐣ ᒫᑲ ᑭ ᓇᑕᐃᐧ ᐅᑎᓀᐤ ᓂᐢᑖᐧᐤ ᒥᑖᐦᑐᒥᑕᓇᐤ ᒪᑫᓯᓴ, ᐁᑯᓯ ᑭ ᐅᑎᓇᒼ ᐸᓯᓵᐋᐧᓇ, ᒥᓇ ᐁ ᑭ ᓈᓂᓱᒧᑖᐊᐧᐟ ᐅᓱᔨᐊᐧ, ᐁᑯᓯ ᑭ ᐊᐢᑖᐤ ᐸᓯᓵᐋᐧᐣ ᑖᐋᐧᔨᕽ ᑕᑖᐢᑕᐃᐧᐨ ᓈᓂᓱ ᐅᓱᔭ. 5ᐃᐢᐱ ᒫᑲ ᑳ ᓴᐢᑲᐊᕽ ᐸᓯᓵᐋᐧᓇ, ᑭ ᐸᑭᑎᓀᐤ ᐃᑕ ᐁ ᐱᒪᐢᑭᓱᔨᐟ ᐅ ᐸᐦᑫᐧᓯᑲᓂᑳᓂᔨᐊᐧ ᐱᓬᐃᐢᑎᓇ, ᐁᑯᓯ ᑭ ᐸᓯᓭᐧᐤ ᐊᓂᐦᐃ ᑳ ᐋᐊᓴᐢᑭᓱᔨᐟ ᒥᓇ ᑳ ᒋᒪᓱᔨᐟ ᐸᐦᑫᐧᓯᑲᓂᑳᓇ, ᐊᓯᒋ ᒥᓇ ᐋᓬᐃᑊ ᑭᐢᑎᑳᓇ.
6ᐁᑲᐧ ᐱᓬᐃᐢᑎᓇᐠ ᑭ ᐃᑌᐧᐊᐧᐠ, ᐊᐁᐧᓇ ᐅᒪ ᑳ ᐃᑐᑕᕽ? ᑭ ᐃᑌᐧᐊᐧᐠ ᒫᑲ, ᓵᒼᓴᐣ, ᐅᑎᑲᐧᑎᒪ ᐊᓇ ᑎᒼᓇᐃᐟ, ᒋᑫᒫ ᑭ ᐅᑎᓀᔨᐊᐧ ᐃᐧᐊᐧ, ᐁᑯᓯ ᐁ ᑭ ᒥᔨᒫᐟ ᐅ ᐃᐧᒉᐋᐧᑲᓂᔨᐊᐧ. ᐊᓂᑭ ᒫᑲ ᐱᓬᐃᐢᑎᓇᐠ ᑭ ᐯ ᐃᑐᐦᑌᐊᐧᐠ, ᐁᑯᓯ ᑭ ᓴᐢᑲᐁᐧᐊᐧᐠ ᒥᓇ ᐅᑖᐃᐧᔨᐊᐧ ᐃᐢᑯᑌᐤ ᐅᐦᒋ.
7ᓵᒼᓴᐣ ᒫᑲ ᑭ ᐃᑌᐤ, ᑭᐢᐱᐣ ᐁᑯᓯ ᐅᒪ ᐃᑐᑕᒣᑯ ᑫᐦᒋᓈ ᓂ ᑲ ᐋᐯᐦᐅᐣ ᑭᔭᐋᐧᐤ ᐅᐦᒋ, ᐁᑲᐧ ᒫᑲ ᐹᑎᒫ ᑫ ᐳᔪᔮᐣ. 8ᑭ ᐸᑲᒪᐁᐧᐤ ᒫᑲ ᒥᑐᑲᓂᕽ ᒥᓇ ᒥᐹᐧᒥᕽ; ᑭᐦᒋ ᓂᐸᑖᑫᐃᐧᓂᕽ; ᑭ ᓯᐯᐧᑌᐤ ᒫᑲ ᐁᑯᓯ ᑭ ᓇᑕᐃᐧ ᐊᔮᐤ ᑖᐢᑳᐱᐢᑳᕽ ᐃᑖᒼ ᑭᐢᑖᐱᐢᑯᕽ.
9ᐁᑲᐧ ᐱᓬᐃᐢᑎᓇᐠ ᑭ ᓯᐯᐧᑌᐊᐧᐠ, ᒥᓇ ᑭ ᑲᐯᓯᐊᐧᐠ ᒍᑕᐃᕽ, ᐁ ᑭ ᒥᓯᑌ ᐊᔮᒋᐠ ᒫᑲ ᐊᓂᑕ ᓬᐃᐦᐊᐩ. 10ᒍᑕ ᒫᑲ ᐊᔨᓯᔨᓂᐊᐧᐠ ᑭ ᐃᑌᐧᐊᐧᐠ, ᑖᓀᐦᑭ ᑳ ᐯ ᒪᐃᐧᓀᐢᑲᐃᐧᔮᕽ? ᐁᑯᓯ ᑭ ᐃᑌᐧᐊᐧᐠ, ᑭᑕ ᒪᒫᒋᑲᐧᐱᑖᔮᕽ ᓵᒼᓴᐣ ᑳ ᐅᐦᒋ ᐯ ᐃᑐᐦᑌᔮᕽ, ᑭᑕ ᐃᑐᑕᐋᐧᔮᕽ ᑖᐱᐢᑯᐨ ᑳ ᑭ ᐃᑐᑖᑯᔮᕽ. 11ᐁᑲᐧ ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ ᒍᑕ ᓈᐯᐊᐧᐠ ᑭ ᐃᑐᐦᑌᐊᐧᐠ ᐃᑖᒼ ᑖᐢᑳᐱᐢᑳᕽ, ᑭ ᐃᑌᐊᐧᐠ ᒫᑲ ᓵᒼᓴᓇ, ᓇᒪ ᒋ ᑭ ᑭᐢᑫᔨᑌᐣ ᐱᓬᐃᐢᑎᓇᐠ ᐁ ᑎᐯᔨᒥᑯᔭᑯᐠ? ᑫᑲᐧᐩ ᐅᒪ ᑳ ᑭ ᐃᑐᑕᐃᐧᔮᕽ? ᑭ ᐃᑌᐤ ᒫᑲ, ᑳ ᑭ ᐃᑐᑕᐃᐧᒋᐠ ᐁᑯᓯ ᓂᐢᑕ ᑳ ᐃᑐᑕᐊᐧᑭᐠ. 12ᐁᑯᓯ ᒫᑲ ᑭ ᐃᑎᐠ, ᑭ ᐯ ᓇᑕᐃᐧ ᒪᒫᒋᑲᐧᐱᑎᑎᓈᐣ, ᑭᑕ ᐸᑭᑎᓂᑖᕽ ᐅᒋᐦᒋᐋᐧᕽ ᐱᓬᐃᐢᑎᓇᐠ. ᓵᒼᓴᐣ ᒫᑲ ᑭ ᐃᑌᐤ, ᑭᐦᒋ ᐊᓱᑕᒪᐃᐧᐠ, ᐁᑳ ᑭᔭᐋᐧᐤ ᑭᑕ ᓂᐸᐃᔦᐠ. 13ᑭ ᑭᑐᑎᐠ ᒫᑲ ᐁ ᐃᑌᐧᔨᐟ, ᓇᒪᐃᐧᔭ; ᒫᑲ ᑭ ᑲ ᒪᒫᒋᑲᐧᐱᑎᑎᓈᐣ, ᐁᑯᓯ ᑭ ᑲ ᐸᑭᑎᓂᑎᓈᐣ ᐅᒋᐦᒋᐋᐧᕽ; ᒫᑲ ᑫᐦᒋᓈ ᓇᒪᐃᐧᔭ ᓂᔭᓈᐣ ᑭ ᑲ ᓂᐸᐃᑎᓈᐣ. ᐁᑯᓯ ᑭ ᒪᒫᒋᑲᐧᐱᑌᐊᐧᐠ ᓂᓱ ᐅᐢᑭ ᐱᒪᓇᑳᐧᓇ ᐁ ᐋᐸᒋᐦᑖᒋᐠ, ᐁᑯᓯ ᑭ ᐯ ᓯᐯᐧᑕᐦᐁᐊᐧᐠ ᑭᐢᑖᐱᐢᑳᕽ ᐅᐦᒋ.
14ᐃᐢᐱ ᒫᑲ ᑌᑯᓯᕽ ᐊᓂᑕ ᓬᐃᐦᐊᐩ, ᐱᓬᐃᐢᑎᓇᐠ ᑭ ᓵᑯᐁᐧᐊᐧᐠ ᐁ ᓇᑭᐢᑲᐋᐧᒋᐠ; ᐁᑯᓯ ᐅᐟ ᐊᐦᒑᐦᑯᔨᐊᐧ ᑳ ᑎᐯᔨᐦᒋᑫᔨᐟ ᑭ ᓱᑳᔭᐃᐧ ᐅᑎᐦᑎᐠ, ᐊᓂᐦᐃ ᒫᑲ ᐱᒪᓇᑳᐧᓇ ᐅᐢᐱᑐᓂᕽ ᑭ ᐃᓯ ᐊᔮᔨᐊᐧ ᑖᐱᐢᑯᐨ ᐁ ᐃᐢᑳᐧᑎᑭ ᐃᐢᑯᑌᕽ ᐅ ᒪᒫᒋᑲᐧᐱᓱᐃᐧᓇ ᒫᑲ ᑭ ᐸᐦᑭᑎᓂᔨᐊᐧ ᐅᒋᐦᒋᕽ ᐅᐦᒋ. 15ᑭ ᒥᐢᑲᒼ ᒫᑲ ᐅᐢᑭ ᓱᓱᒥᐢᑕᑎᒧᐢᑲᐣ, ᐁᑯᓯ ᑭ ᐃᓯᓂᐢᑫᔨᐤ ᒥᓇ ᑭ ᐅᑎᓇᒼ, ᑭ ᓂᐸᐁᐤ ᒫᑲ ᑭᐦᒋᒥᑖᐦᑐᒥᑕᓇᐤ ᓈᐯᐊᐧ ᐁᐊᐧᑫᐧᔨᐤ ᐅᐦᒋ. 16ᓵᒼᓴᐣ ᒫᑲ ᑭ ᐃᑌᐧᐤ, ᐅᑖᐱᐢᑲᐣ ᐅᐦᒋ ᓱᓱᒥᐢᑕᑎᒼ ᓂ ᑭ ᐋᔮᑭᐧᑕᐃᐧᓯᒫᐊᐧᐠ, ᐅ ᑖᐱᐢᑲᐣ ᐅᐦᒋ ᓱᓱᒥᐢᑕᑎᒼ ᓂ ᑭ ᓂᐸᐦᐋᐊᐧᐠ ᑭᐦᒋᒥᑖᐦᑐᒥᑕᓇᐤ ᓈᐯᐊᐧᐠ. 17ᑭ ᐊᔨᑭᐣ ᒫᑲ ᐃᐢᐱ ᑳ ᐳᓂ ᐱᑭᐢᑫᐧᐟ, ᑭ ᐁᐧᐱᓇᒼ ᐊᓂᒪ ᐅᐢᑲᐣ ᐅᒋᐦᒋᕽ ᐅᐦᒋ; ᐁᑯᓯ ᐁᑯᑕ ᐊᓂᒪ ᑭ ᐃᓯᔨᐦᑳᑌᐤ, ᕒᐁᒫᐦᐟ ᓬᐃᐦᐊᐩ.
18ᒥᐢᑕᐦᐃ ᒫᑲ ᑭ ᓄᑌᔮᐸᑫᐧᐤ, ᐁᑯᓯ ᑭ ᒪᐃᐧᒧᐢᑕᐁᐧᐤ ᑳ ᑎᐯᔨᐦᒋᑫᔨᐟ ᒥᓇ ᑭ ᐃᑌᐧᐤ, ᑭ ᑭ ᐸᑭᑎᓀᐣ ᐅᒪ ᑭᐦᒋ ᐸᐢᐱᐦᐃᐁᐧᐃᐧᐣ ᐅᒋᐦᒋᕽ ᐅᐦᒋ ᑭᐟ ᐊᑐᐢᑫᔮᑲᐣ; ᐁᑲᐧ ᒫᑲ ᓂ ᑲ ᓂᐸᐦᐋᐹᑳᐧᐣ ᒋ, ᐁᑯᓯ ᑭᑕ ᐸᐦᑭᓯᓂᔮᐣ ᐅᒋᐦᒋᕽ ᐁᑳ ᑳ ᓴᕒᑲᒼᓴᐃᓯᐃᐧᐟ. 19ᒫᑲ ᑭᓭᒪᓂᑐ ᑭ ᑕᐃᐧᐸᔨᑖᐤ ᑳ ᐋᐧᔮᐠ ᐁᓂᑕ ᓬᐃᐦᐊᐩ ᐁᑯᑕ ᒫᑲ ᑭ ᐅᐦᒋᐸᔨᐤ ᓂᐱ; ᐁᑯᓯ ᐃᐢᐱ ᑳ ᒥᓂᐦᑫᐧᐟ, ᐅᐟ ᐊᐦᒑᐦᑲᐧ ᒥᓇ ᑭ ᐅᑎᐦᑎᐠ, ᐁᑯᓯ ᑭ ᐊᑎ ᒪᐢᑲᐋᐧᑎᓯᐤ; ᐁᐊᐧᑯ ᐅᐦᒋ ᐁᑯᑕ ᐊᓂᒪ ᑭ ᐃᓯᔨᐦᑳᑌᐤ ᐁᐣᐦᐋᑳᕒ, ᑳ ᐊᔮᐠ ᐁᑯᑕ ᓬᐃᐦᐋᔨᕽ ᐱᔨᐢ ᐊᓄᐦᐨ ᑳ ᑭᓯᑳᐠ. 20ᑭ ᐅᔭᓱᐋᐧᑌᐤ ᒫᑲ ᐃᐢᕒᐁᐃᓬᐊ ᐁ ᒣᑳᐧ ᐅ ᑭᓯᑳᒥᔨᐟ ᐱᓬᐃᐢᑎᓇ ᓂᓯᑕᓇᐤ ᑕᐦᑐ ᐊᐢᑭ.
Currently Selected:
ᐅᔭᓱᐁᐧᐊᐧᐠ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
