ᐅᔭᓱᐁᐧᐊᐧᐠ 14
14
1ᓵᒼᓴᐣ ᒫᑲ ᑭ ᐃᑐᐦᑌᐤ ᑎᒼᓈᑎᕽ ᐁᑯᑕ ᒫᑲ ᑎᒼᓇᑎᕽ ᑭ ᐋᐧᐸᒣᐤ ᐃᐢᑫᐧᐊᐧ ᐅᑖᓂᓯᔨᐊᐧ ᐱᓬᐃᐢᑎᓇ. 2ᑭ ᐯ ᑭᐁᐧᐤ ᒫᑲ ᐁᑯᑕ ᑭ ᐃᐧᐦᑕᒪᐁᐧᐤ ᐅᑖᐃᐧᔭ ᒥᓇ ᐅᑳᐃᐧᔭ, ᒥᓇ ᑭ ᐃᑌᐧᐤ, ᓂ ᑭ ᐋᐧᐸᒫᐤ ᐃᐢᑫᐧᐤ ᑎᒼᓈᑎᕽ ᐅᑖᓂᓯᐋᐧᐊᐧ ᐱᓬᐃᐢᑎᓇᐠ; ᑭᔮᒼ ᒫᑲ ᐅᑎᓇᒪᐃᐧᐠ ᑭᑕ ᐃᐧᑭᒪᐠ. 3ᐁᑲᐧ ᐅᑖᐃᐧᔭ ᒥᓇ ᐅᑳᐃᐧᔭ ᑭ ᐃᑎᐠ, ᓇᒪᐃᐧᔭ ᒋ ᐃᐦᑖᐤ ᐃᐢᑫᐧᐤ ᐃᑕ ᐁ ᐊᔮᒋᐠ ᐅᑖᓂᓯᐋᐧᐊᐧ ᑭ ᒋᐋᐧᒪᐠ, ᐊᐦᐳ ᒣᑳᐧᐨ ᑲᐦᑭᔭᐤ ᓂᐟ ᐊᔨᓯᔨᓂᒪᐠ, ᑳ ᐃᐧ ᓇᑕᐃᐧ ᐅᑎᓇᐟ ᑭᑕ ᐃᐧᐃᐧᔭᐣ ᐁᑳ ᑳ ᓴᕒᑲᒼᓴᐃᓯᐃᐧᒋᐠ ᐱᓬᐃᐢᑎᓇᐠ ᐅᐦᒋ? ᓵᒼᓴᐣ ᒫᑲ ᑭ ᐃᑌᐤ ᐅᑖᐃᐧᔭ, ᑭᔮᒼ ᐅᑎᓇᒪᐃᐧᐣ; ᒋᑫᒫ ᓂ ᒥᔦᐧᔨᒫᐤ. 4ᒫᑲ ᐅᑖᐃᐧᔭ ᒥᓇ ᐅᑳᐃᐧᔭ ᓇᒪᐃᐧᔭ ᑭᐢᑫᔨᑕᒥᔨᐊᐧ ᑳ ᑎᐯᔨᐦᒋᑫᐟ ᐅᒪ ᐅᐦᒋ; ᒋᑫᒫ ᓇᑐᓇᒼ ᑭᑕ ᐅᐦᒋ ᓈᐣᑕᐤ ᐃᑐᑕᐋᐧᐟ ᐱᓬᐃᐢᑎᓇ. ᐁᑯᐢᐱ ᒫᑲ ᒣᑳᐧᐨ ᐱᓬᐃᐢᑎᓇᐠ ᑭ ᑎᐯᔨᒣᐊᐧᐠ ᐃᐢᕒᐁᐃᓬᐊ.
5ᐁᑯᐢᐱ ᒫᑲ ᓵᒼᓴᐣ ᑭ ᐃᑐᐦᑌᐤ ᐊᓯᒋ ᐅᑖᐃᐧᔭ ᒥᓇ ᐅᑳᐃᐧᔭ ᑎᒼᓈᑎᕽ, ᑭ ᐅᑎᐦᑕᒪᐧᐠ ᒫᑲ ᓱᒥᓂᑭᐢᑎᑳᓇ ᑎᒼᓈᑎᕽ; ᐳᑎ ᒫᑲ ᒥᐢᑕᐦᑫᓯᓯᓴ ᑭ ᓀᒧᑐᑖᐠ. 6ᐅᐟ ᐊᐦᒑᐦᑲᐧ ᒫᑲ ᑳ ᑎᐯᔨᐦᒋᑫᔨᐟ ᑭ ᓱᑳᔨᐃᐧᓯᐢᑳᐠ, ᐁᑯᓯ ᑭ ᑭᐢᑭᐱᑌᐤ ᑖᐱᐢᑯᐨ ᐋᐧᐸᑎᑯᓯᓴ ᑭᑕ ᑭ ᐃᓯ ᑭᐢᑭᐱᑖᐟ, ᐁᑯᓯ ᓇᒪᐃᐧᔭ ᑫᑲᐧᐩ ᑕᐦᑯᓇᒼ ᐅᒋᐦᒋᕽ; ᒫᑲ ᓇᒪᐃᐧᔭ ᐃᐧᐦᑕᒪᐁᐧᐤ ᐅᑖᐃᐧᔭ ᐊᐦᐳ ᐅᑳᐃᐧᔭ ᐊᓂᒪ ᑳ ᑭ ᐃᑐᑕᕽ. 7ᑭ ᐃᑐᐦᑌᐤ ᒫᑲ ᐁ ᑭ ᐊᐧᐃᐧᒋᐱᑭᐢᑫᐧᒫᐟ ᐊᓂᐦᐃ ᐃᐢᑫᐧᐊᐧ; ᐁᑯᓯ ᓵᒼᓴᐣ ᑭ ᒥᔪᔭᐁᐧᐃᐠ.
8ᒣᐧᐢᑕᐢ ᐃᔨᑯᕽ ᒫᑲ ᑳᐃᐧ ᒥᓇ ᑭ ᐯ ᐃᑐᐦᑌᐤ ᑭᑕ ᐅᑎᓈᐟ, ᐁᑯᓯ ᐸᐢᑫᐢᑲᓈᕽ ᑭ ᐃᑐᐦᑌᐤ ᐁ ᓇᑕᐋᐧᐯᓂᑫᐟ ᑳ ᓂᐱᔨᐟ ᒥᐢᑕᐦᑫᓯᐊᐧ; ᐳᑎ ᒫᑲ, ᐋᒧᐊᐧᐠ ᑭ ᐊᔮᐊᐧᐠ ᐊᑖᒥᔭᐤ ᑳ ᓂᐱᔨᐟ ᒥᐢᑕᐦᑫᓯᐊᐧ, ᒥᓇ ᐋᒧᓯᓯᐹᐢᑲᐧᐟ ᑭ ᐊᔮᐤ. 9ᑭ ᐅᑎᓇᒼ ᒫᑲ ᐅᒋᐦᒋᕽ, ᐁᑯᓯ ᑭ ᐊᑎ ᐱᒧᐦᑌᐤ, ᐁ ᐊᑎ ᒪᒥᒋᐟ ᐁ ᐱᒧᐦᑌᐟ, ᑭ ᐅᑎᐦᑌᐤ ᒫᑲ ᐅᑖᐃᐧᔭ ᒥᓇ ᐅᑳᐃᐧᔭ, ᐁᑯᓯ ᑭ ᒥᔦᐤ, ᑭ ᒥᒋᔨᐊᐧ ᒫᑲ; ᓇᒪᐃᐧᔭ ᒫᑲ ᐃᐧᐦᑕᒪᐁᐧᐤ ᐁ ᓂᐱᔨᐟ ᒥᐢᑕᐦᑫᓯᐊᐧ ᐁᑯᑕ ᐁ ᑭ ᐅᐦᑎᓇᕽ ᐊᓂᒪ ᐋᒧᓯᓯᐸᐢᑲᐧᐟ. 10ᐅᑖᐃᐧᔭ ᒫᑲ ᑭ ᓈᑌᔨᐊᐧ ᐊᓂᐦᐃ ᐃᐢᑫᐧᐊᐧ; ᐁᑯᓯ ᓵᒼᓴᐣ ᐁᑯᑕ ᑭ ᐃᐧᑯᑫᐤ; ᐊᔨᐢ ᐁᑯᓯ ᒫᓇ ᐅᐢᑭᓂᑭᐊᐧᐠ ᑭ ᐃᑐᑕᒪᐧᐠ. 11ᑭ ᐊᔨᑭᐣ ᒫᑲ ᐃᐢᐱ ᐃᐧᔮᐸᒫᒋᐠ ᑭ ᐯᓯᐁᐧᐊᐧᐠ ᓂᐢᑐᒥᑕᓇᐤ ᐁ ᐃᐧᒉᐋᐧᑲᓂᑐᔨᐟ ᑭᑕ ᐃᐧᒉᐃᐧᑯᐟ.
12ᓵᒼᓴᐣ ᒫᑲ ᑭ ᐃᑌᐤ, ᒫᐦᑎ ᐁᑲᐧ ᑭ ᑲ ᐸᑭᑎᓇᒫᑎᓈᐋᐧᐤ ᐊᐧᐋᐧᓀᔨᑕᒥᒥᐁᐧᐃᐧᐣ; ᑭᐢᐱᐣ ᒫᑲ ᑲᐢᑭᑖᔦᑯ ᑭᑕ ᐃᐧᐦᑕᒪᐃᐧᔦᐠ ᒪᐧᔦᐢ ᐳᓂᐸᔨᑭ ᑌᐸᑯᑊ ᑭᓯᑳᐊᐧ ᑳ ᐱᒥᐸᔨᐠ ᐃᐧᐦᑯᐦᑐᐃᐧᐣ, ᒥᓇ ᒥᐢᑲᒣᑯ, ᐁᑲᐧ ᑭ ᑲ ᒥᔨᑎᓈᐋᐧᐤ ᓂᐢᑐᒥᑕᓇᐤ ᐋᐧᐱᐢᑭ ᐸᐸᑭᐊᐧᔮᓀᑭᓇᐧ ᒥᓇ ᓂᐢᑐᒥᑕᓇᐤ ᒥᐢᑯᑕᓵᑫᐃᐧᓇ. 13ᒫᑲ ᑭᐢᐱᐣ ᐁᑳ ᑲᐢᑭᑖᔦᑯ ᑭᑕ ᐃᐧᐦᑕᒪᐃᐧᔦᐠ, ᐁᑲᐧ ᑭᔭᐋᐧᐤ ᑫ ᒥᔨᔦᐠ ᓂᐢᑐᒥᑕᓇᐤ ᐋᐧᐱᐢᑭ ᐸᐸᑭᐊᐧᔮᓀᑭᓇᐧ ᒥᓇ ᓂᐢᑐᒥᑕᓇᐤ ᒥᐢᑯᑕᓵᑫᐃᐧᓇ. ᑭ ᐃᑌᐊᐧᐠ ᒫᑲ, ᐸᑭᑎᓇ ᑭ ᐊᐧᐋᐧᓀᔨᑕᒥᒥᐁᐧᐃᐧᐣ ᑭᑕ ᐯᑕᒫᕽ. 14ᐅᒥᓯ ᒫᑲ ᑭ ᐃᑌᐤ, ᐅᒥᒋᓱ ᑭ ᐅᐦᒋᐸᔨᐤ ᒥᒋᐃᐧᐣ, ᒥᓇ ᐅᒪᐢᑲᐃᐧᓯᐤ ᑭ ᐅᐦᒋᐸᔨᐤ ᑳ ᓯᐋᐧᐠ. ᐁᑯᓯ ᓇᒪᐃᐧᔭ ᑲᐢᑭᑖᐊᐧᐠ ᓂᐢᑐ ᑭᓯᑳᐊᐧ ᐃᔨᑯᕽ ᑭᑖ ᐃᐧᐦᑕᐦᑭᐠ ᐊᓂᒪ ᐊᐧᐋᐧᓀᔨᑕᒥᒥᐁᐧᐃᐧᐣ.
15ᑭ ᐊᔨᑭᐣ ᒫᑲ ᑌᐸᑯᑊ ᐁ ᐊᑎ ᐃᑕᐦᑐᑭᓯᑳᐠ, ᑭ ᐃᑌᐊᐧᐠ ᓵᒼᓴᓇ ᐃᐧᐃᐧᔨᐊᐧ, ᑲᑫᐧ ᓵᑯᒋᒼ ᑭ ᓈᐯᒼ ᑭᑕ ᐃᐧᐦᑕᒫᑯᔭᕽ ᐊᓂᒪ ᐊᐧᐋᐧᓀᔨᑕᒥᒥᐁᐧᐃᐧᐣ, ᐁᑳ ᑭᑕ ᓴᐢᑲᐅᑖᕽ ᒥᓇ ᑯᑖᐃᐧ ᐅ ᐋᐧᐢᑳᐦᐃᑲᐣ ᐃᐢᑯᑌᐤ ᐅᐦᒋ; ᑭ ᑭ ᓇᑐᒥᓈᐣ ᒋ ᑭᑕ ᒧᓴᐢᑯᓂᔮᕽ? ᓇᒪ ᒋ ᐁᑯᓯ? 16ᓵᒼᓴᐣ ᒫᑲ ᐃᐧᐊᐧ ᑭ ᒫᑐᔨᐊᐧ, ᒥᓇ ᑭ ᐃᑎᐠ, ᐱᑯ ᑭ ᐸᑳᐧᓯᐣ, ᓇᒪᐃᐧᔭ ᑭ ᓵᑭᐦᐃᐣ; ᑭ ᑭ ᐸᑭᑎᓇᒪᐋᐧᐋᐧᐠ ᐊᐧᐋᐧᓀᔨᑕᒥᒥᐁᐧᐃᐧᐣ ᐅᐟ ᐊᐋᐧᓯᒥᓯᐋᐧᐊᐧ ᓂᐟ ᐊᔨᓯᔨᓂᒪᐠ, ᐁᑯᓯ ᓇᒪᐃᐧᔭ ᑯᐦ ᐃᐧᐦᑕᒪᐃᐧᐣ. ᑭ ᐃᑌᐤ ᒫᑲ, ᒫᑎᑲ, ᐊᐦᐳ ᓄᑖᐃᐧ ᒥᓇ ᓂᑳᐃᐧ, ᓇᒪᐃᐧᔭ ᓄᐦ ᐃᐧᐦᑕᒪᐋᐧᐊᐧᐠ ᑭᔭ ᒋ ᒫᑲ ᑭ ᑲ ᐃᐧᐦᑕᒫᑎᐣ? 17ᑭ ᒫᑐᔨᐊᐧ ᒫᑲ ᐁ ᐋᐧᐸᒫᐟ ᐊᓂᐦᐃ ᑌᐸᑯᑊ ᑭᓯᑳᐊᐧ ᒣᑳᐧᐨ ᐅ ᐃᐧᐦᑯᑐᐃᐧᓂᐋᐧᐤ ᐁ ᐱᒥᔦᔨᔨᐠ; ᑭ ᐊᔨᑭᐣ ᒫᑲ ᑌᐸᑯᑊ ᐁ ᐊᑎ ᐃᑕᐦᑐ ᑭᓯᑳᔨᐠ, ᑭ ᐃᐧᐦᑕᒪᐁᐧᐤ, ᒋᑫᒫ ᑭ ᒥᑯᐢᑳᑌᐧᐁᐧᒥᐠ; ᐁᑯᓯ ᑭ ᐃᐧᐦᑕᒪᐁᐧᐤ ᐊᓂᒪ ᐊᐧᐋᐧᓀᔨᑕᒥᒥᐁᐧᐃᐧᐣ ᐅᐟ ᐊᐋᐧᓯᒥᓯᔨᐊᐧ ᐅᐟ ᐊᔨᓯᔨᓂᒪ. 18ᐊᓂᐦᐃ ᒫᑲ ᓈᐯᐊᐧ ᐅᑌᓈᕽ ᑭ ᐃᑎᐠ ᑌᐸᑯᑊ ᐁ ᐊᑎ ᐃᑕᐦᑐᑭᓯᑳᔨᐠ ᒪᐧᔦᐢ ᐸᐦᑭᓯᒧᔨᐟ ᐱᓯᒪᐧ, ᑫᑲᐧᐩ ᐊᐊᐧᓯᒣ ᓯᔨᐋᐧᐠ ᐃᔨᑯᕽ ᐋᒧᓯᓯᐹᐢᑲᐧᐟ? ᒥᓇ ᑫᑲᐧᐩ ᐊᐊᐧᓯᒣ ᒣᐢᑲᐃᐧᓯᒪᑲᕽ ᐃᔨᑯᕽ ᒥᐢᑕᐦᑫᓯᐤ? ᑭ ᐃᑌᐤ ᒫᑲ, ᑭᐢᐱᐣ ᐁᑳ ᑭ ᐱᑯᐱᒋᑫᐋᔦᐠ ᓄᓂᒑᓂᓯᓯᒼ, ᓇᒪᐃᐧᔭ ᑭ ᑲ ᑭ ᒥᐢᑲᐋᐧᑖᑖᐋᐧᐤ ᓂ ᐊᐧᐋᐧᓀᔨᑕᒥᒥᐁᐧᐃᐧᐣ.
19ᐅᐟ ᐊᐦᒑᑯᔨᐊᐧ ᒫᑲ ᑳ ᑎᐯᔨᐦᒋᑫᔨᐟ ᑭ ᐅᑎᐦᑎᐠ ᓱᑳᔭᐃᐧᓯᐃᐧᓂᕽ, ᐁᑯᓯ ᑭ ᐃᑐᐦᑌᐤ ᐊᓂᑕ ᐋᐢᑭᓬᐊᐣ, ᒥᓇ ᑭ ᓂᐸᐁᐤ ᓂᐢᑐᒥᑕᓇᐤ ᓈᐯᐊᐧ ᐁᑯᑕ, ᐁᑯᓯ ᑭ ᒪᓂᐊᐧᑖᑌᐤ, ᒥᓇ ᑭ ᒥᔦᐤ ᒥᐢᑯᑕᓵᑫᐃᐧᓇ ᐊᓂᐦᐃ ᑳ ᑭ ᐃᐧᐦᑕᒥᔨᐟ ᐊᐧᐋᐧᓀᔨᑕᒥᒥᐁᐧᐃᐧᐣ. ᑭ ᑭᓯᐋᐧᓯᐤ ᒫᑲ ᐁᑯᓯ ᑭ ᑭᐁᐧᐤ ᐅᑖᐃᐧᔭ ᐅ ᐋᐧᐢᑳᐦᐃᑲᓂᔨᕽ. 20ᒫᑲ ᓵᒼᓴᐣ ᐃᐧᐊᐧ ᑭ ᒥᔨᒫᐊᐧ ᐯᔭᐠ ᐅ ᐃᐧᒉᐋᐧᑲᓇ, ᐊᓂᐦᐃ ᑳ ᑭ ᐅᑐᑌᒥᐟ.
Currently Selected:
ᐅᔭᓱᐁᐧᐊᐧᐠ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
