ᐅᔭᓱᐁᐧᐊᐧᐠ 10
10
1ᑳ ᐳᓂ ᐃᐦᑖᐟ ᒫᑲ ᐊᐱᒥᓬᐃᐠ ᐁᑲᐧ ᑭ ᐸᓯᑯ ᐃᐢᕒᐁᐃᓬᐊ ᑭᑕ ᓈᑕᒪᐊᐧᐟ ᑖᓬᐊ ᐅᑯᓯᓴ ᐱᔪᐊ, ᐅᑯᓯᓴ ᑖᑖ, ᐃᓵᑲᕒ ᐊᔨᓯᔨᓂᐤ; ᑭ ᐅᐟ ᐃᐦᑖᐃᐧᓂᐤ ᒫᑲ ᐊᓂᑕ ᓭᒪᕒ ᐁ ᐊᐧᒋᐊᐧᕽ ᐃᐸᕒᐁᐃᒼ ᐊᐢᑭ. 2ᑭ ᐅᔭᓱᐋᐧᑌᐤ ᒫᑲ ᐃᐢᕒᐁᐃᓬᐊ ᓂᓯᑕᓇᐤ ᓂᐢᑐ ᐊᔨᐋᐧᐠ ᑕᐦᑐ ᐊᐢᑭ, ᐁᑯᓯ ᑭ ᐳᓂ ᐱᒫᑎᓯᐤ, ᒥᓇ ᑭ ᓇᐃᓈᐤ ᐁᑯᑕ ᓭᒪᕒᐃᕽ.
3ᑭ ᓈᐊᐧᔪᐢᑲᒫᐠ ᒫᑲ ᒉᐊᕒ, ᑭᓬᐃᔭᐟ ᐁ ᐅᑕᐢᑭᐟ; ᐁᑯᓯ ᐁᐊᐧᑯ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ ᓂᓯᑕᓇᐤ ᓂᓱ ᐊᔨᐋᐧᐠ ᑕᐦᑐ ᐊᐢᑭ. 4ᓂᐢᑐᒥᑕᓇᐤ ᒫᑲ ᑭ ᐃᑕᓯᔨᐊᐧ ᐅᑯᓯᓴ ᐁᑯᓯ ᐁᐊᐧᑯᓂ ᑭ ᑌᐦᑕᐱᔨᐊᐧ ᓂᐢᑐᒥᑕᓇᐤ ᓱᓱᒥᐢᑕᑎᒧᓯᓴ, ᒥᓇ ᑭ ᐊᔮᔨᐊᐧ ᓂᐢᑐᒥᑕᓇᐤ ᐅᑌᓇᐊᐧ, ᐁᐊᐧᑯᓂ ᑳ ᐃᓯᔨᐦᑳᑌᑭ ᐦᐋᐹᐦᐟ ᒉᐊᕒ ᐱᔨᐢ ᐊᓄᐦᐨ ᑳ ᑭᓯᑳᐠ, ᑭᓬᐃᔭᐟ ᐊᐢᑭᕽ ᐁᐊᐧᑯᓂ ᐊᔮᐊᐧ. 5ᒉᐊᕒ ᒫᑲ ᑭ ᐳᓂ ᐱᒫᑎᓯᐤ ᒥᓇ ᑭ ᓇᐃᓈᐤ ᐊᓂᑕ ᑳᒪᐣ.
6ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᑭ ᒪᒋᑐᑕᒪᐧᐠ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ ᐁᑯᓯ ᑭ ᐊᑐᐢᑲᐁᐧᐊᐧᐠ ᐊᓂᐦᐃ ᐯᐊᓬᐃᒼ, ᒥᓇ ᐊᓂᐦᐃ ᐋᐢᑕᕒᐋᐦᐟ, ᒥᓇ ᐅ ᒪᓂᑐᒥᔨᐊᐧ ᓯᕒᐃᔭ, ᒥᓇ ᐅ ᒪᓂᑕᒥᔨᐊᐧ ᓴᐃᑕᐣ, ᒥᓇ ᐅ ᒪᓂᑐᒥᔨᐊᐧ ᒧᐋᑊ, ᒥᓇ ᐅ ᒪᓂᑐᒥᔨᐊᐧ ᐋᒪᐣ ᐅᐟ ᐊᐋᐧᓯᒥᓴ, ᒥᓇ ᐅ ᒪᓂᑐᒥᔨᐊᐧ ᐱᓬᐃᐢᑎᓇ; ᐁᑯᓯ ᑭ ᓇᑲᑌᐊᐧᐠ ᑳ ᑎᐯᔨᐦᒋᑫᔨᐟ ᒥᓇ ᓇᒪᐃᐧᔭ ᐊᑐᐢᑲᐁᐧᐊᐧᐠ. 7ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓯᐢᑕᐁᐧᐤ ᐃᐢᕒᐁᐃᓬᐊ, ᒥᓇ ᑭ ᐸᑭᑎᓀᐤ ᐅᒋᐦᒋᔨᕽ ᐱᓬᐃᐢᑎᓇ ᒥᓇ ᐅᒋᐦᒋᔨᕽ ᐋᒪᐣ ᐅᐟ ᐊᐋᐧᓯᒥᓴ. 8ᑭ ᑯᑕᑭᐁᐊᐧᐠ ᒫᑲ, ᒥᓇ ᑭ ᑭᑎᒪᐁᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᐊᐧᑳᐧᓂᒪ ᐁ ᐊᐢᑭᐊᐧᕽ; ᒥᑖᑕᐦᐟ ᓂᔮᓇᓄᓵᑊ ᑕᐦᑐ ᐊᐢᑭ ᑭ ᑭᑎᒪᐁᐊᐧᐠ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᑳᒥᕽ ᒑᕒᑕᓂᕽ ᑳ ᐊᔮᔨᐟ ᐅᐟ ᐊᐢᑭᐋᐧᕽ ᐋᒪᕒᐊᐃᑕᐠ ᐁᐊᐧᑳᐧᓂᒪ ᑭᓬᐃᔭᐟ. 9ᐋᒪᐣ ᐅᐟ ᐊᐋᐧᓯᒥᓴ ᒫᑲ ᑭ ᐋᓱᐊᐧᐊᒪᐧᐠ ᒑᕒᑕᐣ ᑭᑕ ᓄᑎᓈᒋᐠ ᒍᑕ, ᒥᓇ ᐯᐣᒋᒪᓇ, ᒥᓇ ᐊᓂᐦᐃ ᐅ ᐋᐧᐢᑳᐦᐃᑲᓂᕽ ᐃᐸᕒᐁᐃᒼ; ᐁᑯᓯ ᐃᐢᕒᐁᐃᓬ ᒥᐢᑕᐦᐃ ᑭ ᒫᑫᐧᔨᒧᐊᐧᐠ.
10ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒪᐃᐧᒧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ, ᐁ ᐃᑌᐧᒋᐠ ᑭ ᑭ ᐊᐧᓂᑐᑖᑎᓈᐣ, ᒋᑫᒫ ᓂ ᑭ ᓇᑲᑖᓈᐣ ᓂ ᑭᓭᒪᓂᑐᒥᓈᐣ, ᒥᓇ ᓂ ᑭ ᐊᑐᐢᑲᐋᐧᓈᓇᐠ ᐯᐊᓬᐃᒼ. 11ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᓇᒪ ᒋ ᑭ ᑭ ᐸᐢᐱᐦᐃᑎᓈᐋᐧᐤ ᐃᒋᑊᐟ ᐊᔨᓯᔨᓂᐊᐧᐠ ᐅᐦᒋ, ᒥᓇ ᐋᒪᕒᐊᐃᑕᐠ ᐅᐦᒋ, ᒥᓇ ᐋᒪᐣ ᐅᐟ ᐊᐋᐧᓯᒥᓴ ᐅᐦᒋ, ᒥᓇ ᐱᓬᐃᐢᑎᓇᐠ ᐅᐦᒋ? 12ᒥᓇ ᓴᐃᑕᓂᐊᓇᐠ, ᒥᓇ ᐋᒪᓬᐃᑲᐃᑕᐠ, ᒥᓇ ᒣᐊᓇᐃᑕᐠ, ᑭ ᑭ ᐊᐢᐱᐃᑯᐋᐧᐊᐧᐠ; ᐁᑯᓯ ᑭ ᑭ ᒪᐃᐧᒧᐢᑖᐃᐧᓈᐋᐧᐤ, ᑭ ᑭ ᐸᐢᐱᐦᐃᑎᓈᐋᐧᐤ ᒫᑲ ᐅᒋᐦᒋᐋᐧᕽ ᐅᐦᒋ. 13ᐁᔨᐁᐧᕽ ᒫᑲ ᑭ ᑭ ᓇᑲᓯᓈᐋᐧᐤ, ᒥᓇ ᑭ ᑭ ᐊᑐᐢᑲᐋᐧᐋᐧᐊᐧᐠ ᑯᑕᑲᐠ ᒪᓂᑐᐊᐧᐠ; ᐁᐊᐧᑯ ᒫᑲ ᐅᐦᒋ ᓇᒪᐃᐧᔭ ᐁᑲᐧ ᑭ ᑲ ᐸᐢᐱᐦᐃᑎᓈᐋᐧᐤ. 14ᓇᑕᐃᐧ ᒪᐃᐧᒧᐢᑖᑯᐠ ᐊᓂᑭ ᒪᓂᑐᐊᐧᐠ ᑳ ᑭ ᓇᐊᐧᓱᓇᒫᓱᔦᐠ; ᑭᔮᒼ ᐁᐊᐧᑯᓂᐠ ᑭ ᑲ ᐸᐢᐱᐦᐃᑯᐋᐧᐊᐧᐠ ᐅᒪ ᐁ ᒣᑳᐧ ᐋᔨᒥᓯᔦᐠ.
15ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᒥᓯ ᑭ ᐃᑌᐊᐧᐠ ᑳ ᑎᐯᔨᐦᒋᑫᔨᐟ, ᓂ ᑭ ᒪᒋᑐᑌᓈᐣ; ᐁ ᐃᓯ ᒥᔮᐧᐱᓯᒥᑯᔭᐣ ᐃᑐᑕᐃᐧᓈᐣ; ᐱᑯ ᐸᐢᐱᐦᐃᓈᐣ ᑭᐟ ᐃᓯ ᑳᑭᓯᒧᑐᑖᑎᓈᐣ ᐊᓄᐦᐨ ᑳ ᑭᓯᑳᐠ. 16ᑭ ᐁᐧᐱᓀᐊᐧᐠ ᒫᑲ ᐊᓂᐦᐃ ᐱᑐᓯ ᒪᓂᑐᐊᐧ ᑳ ᐊᔮᒋᐠ ᐅᐦᒋ, ᒥᓇ ᑭ ᐊᑐᐢᑲᐁᐧᐊᐧᐠ ᑳ ᑎᐯᔨᐦᒋᑫᔨᐟ; ᐅᐟ ᐊᐦᒑᐦᑲᐧ ᒫᑲ ᑭ ᒥᐦᒋᔭᐁᐧᓯᔨᐊᐧ ᐁ ᐃᓯ ᑯᑕᑭᑖᔨᐟ ᐃᐢᕒᐁᐃᓬᐊ.
17ᐁᑲᐧ ᐋᒪᐣ ᐅᐟ ᐊᐋᐧᓯᒥᓴ ᑭ ᒫᐊᐧᒋᐦᐃᑐᐊᐧᐠ, ᒥᓇ ᑭ ᑲᐯᓯᐊᐧᐠ ᑭᓬᐃᔭᑎᕽ. ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ, ᒥᓇ ᑭ ᑲᐯᓯᐊᐧᐠ ᐊᓂᑕ ᒥᐢᐸ. 18ᐊᔨᓯᔨᓂᐊᐧᐠ ᒫᑲ ᑭᓬᐃᔭᐟ ᐅᑭᒫᐊᐧᐠ, ᑭ ᐃᑎᑐᐊᐧᐠ, ᑖᓈᓇ ᓈᐯᐤ ᓂᑳᐣ ᑫ ᓄᑎᓈᐟ ᐋᒪᐣ ᐅᐟ ᐊᐋᐧᓯᒥᓴ? ᐁᐊᐧᑳᐧᓇ ᑫ ᓂᑳᓇᑭᒥᐦᐟ ᑲᐦᑭᔭᐤ ᑳ ᐅᐟ ᐊᐢᑭᔨᐟ ᑭᓬᐃᔭᑎᕽ.
Currently Selected:
ᐅᔭᓱᐁᐧᐊᐧᐠ 10: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
