ᐅᔭᓱᐁᐧᐊᐧᐠ 11
11
1ᒉᑊᑕ ᒫᑲ ᐊᓇ ᑭᓬᐃᔭᑕᐃᐟ ᑭ ᓱᑫᔨᑖᑯᓯᐤ ᓄᑎᓂᑐᐃᐧᓂᕽ, ᐱᓯᑳᐧᑎᐢᑫᐧᐊᐧ ᑭ ᐅᔪᑳᐃᐧᐤ; ᑭᓬᐃᔭᐟ ᒫᑲ ᑭ ᓂᐦᑖᐃᐧᑭᐦᐁᐤ ᒉᑊᑕᐊᐧ. 2ᑭᓬᐃᔭᐟ ᒫᑲ ᐃᐧᐊᐧ ᑭ ᓂᐦᑖᐃᐧᑭᑕᒪᐠ ᐁ ᐅᑯᓯᓯᐟ; ᐃᐢᐱ ᒫᑲ ᐃᐧᐊᐧ ᐅᑯᓯᓯᔨᐊᐧ ᐁᑎ ᐅᐦᐱᑭᔨᐟ, ᑭ ᐊᐧᔭᐃᐧᑎᓴᐁᐧᐊᐧᐠ ᒉᑊᑕᐊᐧ, ᒥᓇ ᑭ ᐃᑌᐊᐧᐠ. ᓇᒪᐃᐧᔭ ᑭ ᑲ ᐅ ᑎᐯᔨᒋᑲᓂᐣ ᓄᑖᐃᐧᓈᐣ ᐃᐧᑭᕽ; ᒋᑫᒫ ᐱᑐᐢ ᐃᐢᑫᐧᐤ ᑯᔪᑳᐃᐧᐣ. 3ᐁᑯᓯ ᒫᑲ ᒉᑊᑕ ᑭ ᑕᐸᓯᐦᐁᐤ ᐅᒋᐋᐧᒪ, ᒥᓇ ᑭ ᐊᔮᐤ ᑖᑊ ᐊᐢᑭᕽ; ᐁᑯᑕ ᒫᑲ ᑭ ᒫᒪᐃᐧ ᓈᑎᐠ ᒉᑊᑕ ᐱᑯᓇᑕ ᐊᔨᓯᔨᓂᐊᐧ, ᐁᑯᓯ ᐁ ᑭ ᐊᐧᐃᐧᒉᐃᐧᑯᐟ.
4ᑭ ᐊᔨᑭᐣ ᒫᑲ ᓈᑫᐢ ᐃᔨᑯᕽ, ᐋᒪᐣ ᐅᐟ ᐊᐋᐧᓯᒥᓴ ᑭ ᓇᑐᐸᔨᐢᑕᐁᐧᐊᐧᐠ ᐃᐢᕒᐁᐃᓬᐊ. 5ᐁᑯᓯ ᑭ ᐃᐢᐸᔨᐤ ᐃᐢᐱ ᐋᒪᐣ ᐅᐟ ᐊᐋᐧᓯᒥᓴ ᓀᑐᐸᔨᐢᑕᐋᒋᐠ ᐃᐢᕒᐁᐃᓬᐊ, ᐊᓂᑭ ᑳ ᓂᑳᓀᔨᑖᑯᓯᒋᐠ ᐊᓂᑕ ᑭᓬᐃᔭᐟ ᑭ ᓇᑕᐃᐧ ᓈᑌᐊᐧᐠ ᒉᑊᑕᐊᐧ ᑖᑊ ᐊᐢᑭᕽ ᐅᐦᒋ; 6ᑭ ᐃᑌᐊᐧᐠ ᒫᑲ ᒉᑊᑕᐊᐧ, ᐯ ᓂᑳᓂᐢᑕᒪᐃᐧᓈᐣ, ᑭᑕ ᓄᑎᓈᔭᑯᐠ ᐋᒪᐣ ᐅᐟ ᐊᐋᐧᓯᒥᓴ. 7ᒉᑊᑕ ᒫᑲ ᑭ ᐃᑌᐤ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᑭᓬᐃᔭᐟ, ᓇᒪ ᒋ ᑭ ᑭ ᐸᑲᐧᓯᓈᐋᐧᐤ, ᒥᓇ ᑭ ᑭ ᐊᐧᔭᐃᐧᑎᓴᐅᓈᐋᐧᐤ ᓄᑖᐃᐧ ᐃᐧᑭᕽ ᐅᐦᒋ? ᑖᓀᐦᑭ ᒫᑲ ᓈᓇᐹᐃᐧ ᐁ ᐋᔨᒥᓯᔦᐠ ᑳ ᐯ ᓈᓯᔦᐠ? 8ᐁᑯᓯ ᑳ ᓂᑳᓀᔨᑖᑯᓯᒋᐠ ᑭᓬᐃᔭᐟ ᑭ ᐃᑌᐊᐧᐠ ᒉᑊᑕᐊᐧ, ᐁᐊᐧᑯ ᐅᐦᒋ ᐁᑲᐧ ᑳ ᐯ ᓈᑎᑖᕽ, ᑭᑕ ᐃᐧᒉᐃᐧᔮᕽ ᒥᓇ ᑭᑕ ᓄᑎᓈᔭᑯᐠ ᐋᒪᐣ ᐅᐟ ᐊᐋᐧᓯᒥᓴ, ᐁᑯᓯ ᑭᔭ ᑭ ᑲ ᓂᑳᓇᑭᒥᑲᐃᐧᐣ ᑲᐦᑭᔭᐤ ᑕᐦᑐ ᑳ ᐅᐟ ᐊᐢᑭᒋᐠ ᑭᓬᐃᔭᑎᕽ. 9ᒉᑊᑕ ᒫᑲ ᐅᒥᓯ ᑮ ᐃᑌᐤ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᑭᓬᐃᔭᑎᕽ, ᑭᐢᐱᐣ ᑭᐁᐧᑕᐃᔦᑯ ᑭᑕ ᓄᑎᓇᑭᐠ ᐋᒪᐣ ᐅᐟ ᐊᐋᐧᓯᒥᓴ, ᐁᑯᓯ ᑳ ᑎᐯᔨᐦᒋᑫᐟ ᐸᑭᑎᓈᒋ ᓂ ᓂᑳᓂᓯᕽ ᑭ ᑲ ᓂᑳᓇᑭᒥᓈᐋᐧᐤ ᒋ? 10ᐊᓂᑭ ᒫᑲ ᑳ ᓂᑳᓀᔨᑖᑯᓯᒋᐠ ᑭᓬᐃᔭᐟ ᑭ ᐃᑌᐊᐧᐠ ᒉᑊᑕᐊᐧ, ᑳ ᑎᐯᔨᐦᒋᑫᐟ ᑭ ᑲ ᐋᐧᐸᒥᑯᓇᐤ ᐋᔨᑕᐤ; ᑫᐦᒋᓈ ᐁ ᐃᑕᐢᑌᐠ ᑭᐟ ᐃᑌᐧᐃᐧᐣ ᐁᑯᓯ ᑫ ᐃᑐᑕᒫᕽ. 11ᐁᑲᐧ ᒉᑊᑕ ᑭ ᐃᐧᒉᐁᐧᐤ ᑳ ᓂᑳᓀᔨᑖᑯᓯᔨᐟ ᑭᓬᐃᔭᐟ, ᐊᔨᓯᔨᓂᐊᐧ ᒫᑲ ᑭ ᐃᑕᐦᐃᐠ ᑭᑕ ᓂᑳᓇᑭᒥᐦᐟ ᒥᓇ ᑭᑕ ᑎᐯᔨᒫᐟ; ᐁᑯᓯ ᒉᑊᑕ ᑭ ᐃᐧᐦᑕᒼ ᑲᐦᑭᔭᐤ ᐅᐟ ᐃᑌᐧᐃᐧᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᐁᑯᑕ ᒥᐢᐸᐃᕽ.
12ᒉᑊᑕ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐊᓂᐦᐃ ᐅ ᑭᐦᒋ ᐅᑭᒫᒥᔨᐊᐧ ᐋᒪᐣ ᐅᐟ ᐊᐋᐧᓯᒥᓴ, ᐁ ᐃᑌᐧᐟ, ᑖᓂᓯ ᐅᒪ ᐋᐧ ᐃᑐᑕᐃᐧᔭᐣ ᑳ ᐯ ᓇᑕᐃᐧ ᓄᑎᓇᒪᐣ ᓂᐟ ᐊᐢᑭ? 13ᐁᑯᓯ ᐅ ᑭᐦᒋ ᐅᑭᒫᒥᔨᐊᐧ ᐋᒪᐣ ᐅᐟ ᐊᐋᐧᓯᒥᓴ ᑭ ᓇᐢᑫᐧᐊᐧᓯᒣᔨᐊᐧ ᐅᑖᒋᒧᐊᐧ ᒉᑊᑕ ᑳ ᑭ ᐃᓯᑎᓴᐋᐧᔨᐟ, ᒋᑫᒫ ᐃᐢᕒᐁᐃᓬ ᐁ ᑭ ᐅᑎᓇᕽ ᓂᐟ ᐊᐢᑭ, ᐃᐢᐱ ᐃᒋᑊᐟ ᐊᐢᑭᕽ ᑳ ᐯ ᐅᐦᑐᑌᐟ, ᐋᕒᓇᐣ ᐅᐦᒋ ᒑᐸᐠ ᐃᐢᑯ, ᒥᓇ ᒑᕒᑕᐣ ᐃᐢᑯ; ᐁᑲᐧ ᒫᑲ ᑭᔮᒼ ᐯᔭᐦᑕᐠ ᐸᑭᑎᓇ ᐅᐦᐃ ᐊᐢᑭᔭ. 14ᒉᑊᑕ ᒫᑲ ᑭᐦᑖᐧᒼ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐊᓂᐦᐃ ᐅ ᑭᐦᒋ ᐅᑭᒫᒥᔨᐊᐧ ᐋᒪᐣ ᐅᐟ ᐊᐋᐧᓯᒥᓴ. 15ᑭ ᐃᑌᐤ ᒫᑲ, ᐅᒥᓯ ᐃᑌᐧᐤ ᒉᑊᑕ, ᓇᒪᐃᐧᔭ ᐅᐦᒋ ᐅᑎᓇᒣᐧᐤ ᐃᐢᕒᐁᐃᓬ ᐅᐟ ᐊᐢᑭᔨᐤ ᒧᐋᐸ ᐊᐦᐳ ᐅᐟ ᐊᐢᑭᔨᐤ ᐋᒪᐣ ᐅᐟ ᐊᐋᐧᓯᒥᓴ; 16ᒫᑲ ᐃᐢᐱ ᐃᒋᑊᑎᕽ ᑳ ᐯ ᐅᐦᑐᑌᒋᐠ, ᒥᓇ ᐃᐢᕒᐁᐃᓬ ᑳ ᐱᒧᑖᑐᑕᕽ ᐱᑲᐧᑕᐢᑭ ᒥᐦᑳᐧᑲᒥᐃᐧ ᐃᐧᓂᐯᑯᕽ, ᐁᑯᓯ ᑳ ᑕᑯᓯᕽ ᑫᑎᓯᕽ; 17#ᓇᒼᐸᕒᐢ 20:14-21ᐁᑲᐧ ᐃᐢᕒᐁᐃᓬ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐊᓂᐦᐃ ᐃᑕᒼ ᑭᐦᒋ ᐅᑭᒫᐊᐧ, ᐁ ᐃᑌᐧᐟ, ᐸᑭᑎᓇᒪᐃᐧᐣ ᑭ ᐸᑯᓭᔨᒥᑎᐣ ᑭᑕ ᓵᐳ ᐱᒧᐦᑌᔮᐣ ᑭᐟ ᐊᐢᑭᕽ; ᒫᑲ ᐃᑕᒼ ᑭᐦᒋ ᐅᑭᒫᐤ ᓇᒪᐃᐧᔭ ᓇᑐᐦᑕᒼ. ᐁᑯᓯ ᑖᐱᐢᑯᐨ ᑭ ᐃᓯᑎᓴᐦᐊᒪᐁᐧᐤ ᒧᐋᑊ ᑭᐦᒋ ᐅᑭᒫᐊᐧ; ᒫᑲ ᓇᒪᐃᐧᔭ ᐃᐧ ᓇᐢᑯᒥᐠ; ᐁᑯᓯ ᐃᐢᕒᐁᐃᓬ ᑭ ᐊᔮᐊᐧᐠ ᐊᓂᑕ ᑫᑎᓯᕽ. 18#ᓇᒼᐸᕒᐢ 21:4ᐁᑲᐧ ᑭ ᐱᒧᑖᑐᑕᒼ ᐱᑲᐧᑕᐢᑭ, ᒥᓇ ᐁ ᑭ ᑌᑎᐱᐢᑲᑭᐠ ᐃᑕᒼ ᐊᐢᑭ ᒥᓇ ᒧᐊᑊ ᐊᐢᑭ, ᐋᐧᐸᓄᑖᕽ ᒫᑲ ᑭ ᐃᑌᑫᐢᑲᒪᐧᐠ ᒧᐋᑊ ᐊᐢᑭ, ᐁᑯᓯ ᑭ ᑲᐯᓯᐋᐧᐠ ᐊᑳᒥᕽ ᐋᕒᓇᐣ; ᒫᑲ ᓇᒪᐃᐧᔭ ᐅᐦᒋ ᐱᐦᑐᑫᐊᐧᐠ ᐁ ᐃᐢᑯ ᐊᔮᐠ ᒧᐋᑊ, ᒋᑫᒫ ᐋᕒᓇᐣ ᐁᐊᐧᑯ ᐁ ᑭᓯᐱᐊᔮᐠ ᒧᐋᑊ. 19#ᓇᒼᐸᕒᐢ 21:21-24ᐃᐢᕒᐁᐃᓬ ᒫᑲ ᑭ ᐃᓯᑎᓴᐦᐊᒪᐁᐧᐊᐧᐠ ᐅᑖᒋᒧᐊᐧ ᐊᓂᐦᐃ ᓯᐦᐋᐣ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ, ᐦᐁᐢᐸᐣ ᑭᐦᒋ ᐅᑭᒫᐤ; ᐃᐢᕒᐁᐃᓬ ᒫᑲ ᑭ ᐃᑌᐤ, ᑭᔮᒼ ᓂ ᑲ ᓵᐳᐱᒧᑖᓈᐣ ᑭ ᐸᑯᓭᔨᒥᑎᓈᐣ, ᑭᐟ ᐊᐢᑭᕽ ᑭᑕ ᐃᑐᐦᑌᔮᐣ ᓂᐟ ᐃᐦᑖᐃᐧᓂᕽ. 20ᒫᑲ ᓯᐦᐋᐣ ᓇᒪᐃᐧᔭ ᓇᑕᐁᐧᔨᒣᐤ ᐃᐢᕒᐁᐃᓬᐊ ᑭᑕ ᓴᐳ ᐱᒧᐦᑌᔨᐟ ᐃᑕ ᐁ ᐃᐢᑯ ᐅᐟ ᐊᐢᑭᐟ ᒫᑲ ᓯᐦᐋᐣ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐅᐟ ᐊᔨᓯᔨᓂᒪ, ᐁᑯᓯ ᑭ ᑲᐯᓯᐤ ᐊᓂᑕ ᒉᐦᐋᐢ, ᒥᓇ ᑭ ᓄᑎᓀᐤ ᐃᐢᕒᐁᐃᓬᐊ. 21ᑳ ᑎᐯᔨᐦᒋᑫᐟ ᒫᑲ ᐅ ᑭᓭᒪᓂᑐᒪ ᐃᐢᕒᐁᐃᓬ ᑭ ᐸᑭᑎᓀᐤ ᓯᐦᐋᓇ ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒥᔨᐊᐧ ᐅᒋᐦᒋᔨᕽ ᐃᐢᕒᐁᐃᓬᐊ, ᐁᑯᓯ ᑭ ᐸᑲᒪᐁᐧᐊᐧᐠ; ᐃᐢᕒᐁᐃᓬ ᒫᑲ ᑭ ᐅᑎᓇᒣᐧᐊᐠ ᑲᐦᑭᔭᐤ ᐅᐟ ᐊᐢᑭᔨᐤ ᐋᒪᕒᐊᐃᑕ, ᐊᓂᐦᐃ ᑳ ᐅᐟ ᐃᐦᑖᐃᐧᓂᔨᐟ ᐁᑯᑕ ᐊᐢᑭᕽ. 22ᑭ ᑎᐯᔨᐦᑕᒪᐧᐠ ᒫᑲ ᑲᐦᑭᔭᐤ ᐁ ᐃᐢᑯ ᐅᐟ ᐊᐢᑭᔨᐟ ᐋᒪᕒᐊᐃᑕ, ᐋᕒᓇᐣ ᐅᐦᒋ ᐱᔨᐢ ᒑᐸᐠ ᐃᐢᑯ, ᒥᓇ ᐱᑲᐧᑕᐢᑭᕽ ᐅᐦᒋ ᒑᕒᑕᐣ ᐃᐢᑯ. 23ᐁᑯᓯ ᐁᑲᐧ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ ᑭ ᒪᐢᑲᒣᐤ ᐋᒪᕒᐊᐃᑕ ᐁ ᑕᐃᐧᓇᒪᐋᐧᐟ ᐅ ᓂᑳᓂᒥᔨᕽ ᐅᐟ ᐊᔨᓯᔨᓂᒪ ᐃᐢᕒᐁᐃᓬ, ᑭᔭ ᒋ ᒫᑲ ᑭ ᑲ ᑎᐯᔨᑌᐣ? 24ᓇᒪ ᒋ ᑭ ᑲ ᑎᐯᔨᑌᐣ ᐊᓂᒪ ᑭᒫᐢ ᑭ ᒪᓂᑐᒼ ᑳ ᒥᔨᐢᐠ ᑭᑕ ᑎᐯᔨᐦᑕᒪᐣ? ᐁᑯᓯ ᒫᑲ ᐃᓯ ᐱᑯ ᐊᐃᐧᔭ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᐁ ᑭ ᒪᐢᑲᒫᐟ ᓂ ᓂᑳᓂᒥᓈᕽ ᐁ ᑕᐃᐧᓇᒫᑯᔮᕽ, ᐁᐊᐧᑯᓂ ᓂ ᑲ ᐊᔮᓈᐣ. 25#ᓇᒼᐸᕒᐢ 22:1-6ᐁᑲᐧ ᒫᑲ ᐊᔨᐋᐧᐠ ᒋ ᑭᔭ ᑭᐟ ᐃᑕᑭᒋᑳᓱᐣ ᐃᔨᑯᕽ ᐯᓬᐋᐠ ᐅᑯᓯᓴ ᓯᐹᕒ, ᒧᐋᑊ ᑭᐦᒋ ᐅᑭᒫᐤ? ᐃᐧᑳᐨ ᒋ ᐁᐊᐧᑯ ᑭ ᒪᐃᐧᓀᐁᐧᐤ ᐃᐢᕒᐁᐃᓬᐊ, ᐊᐦᐳ ᒋ ᐃᐧᑳᐨ ᑭ ᓄᑎᓀᐤ? 26ᒣᑳᐧᐨ ᐃᐢᕒᐁᐃᓬ ᐁ ᐅᐟ ᐃᐦᑖᐃᐧᓂᐟ ᐦᐁᐢᐸᓂᕽ ᒥᓇ ᐅ ᑭᐢᑕᐱᓈᓇ, ᒥᓇ ᐋᕒᐅᐊᕒ ᐊᓯᒋ ᐅ ᑭᐢᑕᐱᓈᓇ, ᒥᓇ ᑲᐦᑭᔭᐤ ᐅᑌᓇᐊᐧ ᒋᑭ ᐋᕒᓇᐣ ᑳ ᐊᔮᑭ, ᓂᐢᑖᐧᐤ ᒥᑖᐦᑐᒥᑕᓇᐤ ᑕᐦᑐ ᐊᐢᑭ; ᑖᓀᐦᑭ ᐁᑳ ᑳᐃᐧ ᑳ ᑭ ᐅᑎᓇᒣᐠ ᓈᐣᑕᐤ ᐃᔨᑯᕽ ᒣᑳᐧᐨ ᐁᑯᐢᐱ? 27ᓂᔭ ᒫᑲ ᓇᒪᐃᐧᔭ ᑯᐦ ᐊᐧᓂᑐᑖᑎᐣ, ᒫᑲ ᑭ ᒫᔨᑐᑕᐃᐧᐣ ᑳ ᓇᑐᐸᔨᐢᑕᐃᐧᔭᐣ; ᑳ ᑎᐯᔨᐦᒋᑫᐟ, ᐊᓇ ᐅᔭᓱᐁᐧᐤ, ᐁᐊᐧᑯ ᑭᑕ ᐅᔭᓱᐋᐧᑕᒼ ᐊᓄᐦᐨ ᑳ ᑭᓯᑳᐠ ᐁ ᐃᑕᐱᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐋᒪᐣ ᐅᐟ ᐊᐋᐧᓯᒥᓴ. 28ᐊᓇ ᒫᑲ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᐣ ᐅᐟ ᐊᐋᐧᓯᒥᓴ ᓵᑯᐨ ᓇᒪᐃᐧᔭ ᓇᑐᐦᑕᒣᐧᐤ ᐅᐟ ᐃᑌᐧᐃᐧᓂᔨᐊᐧ ᒉᑊᑕᐊᐧ ᑳ ᑭ ᐃᓯᑎᓴᐦᐊᒫᑯᐟ.
29ᐁᑲᐧ ᐅᐟ ᐊᐦᒑᐦᑯᔨᐊᐧ ᑳ ᑎᐯᔨᐦᒋᑫᔨᐟ ᑭ ᐅᑎᐦᑎᐠ ᒉᑊᑕ, ᑭ ᐊᑎ ᐋᓱᐃᐧ ᐃᑐᐦᑌᐤ ᒫᑲ ᑭᓬᐃᔭᐟ ᒥᓇ ᒪᓈᓯ, ᒥᓇ ᑭ ᐋᓱᐃᐧ ᐃᑐᐦᑌᐤ ᒥᐢᐸ ᑭᓬᐃᔭᑎᕽ, ᐁᑯᓯ ᐁᑯᑕ ᐅᐦᒋ ᒥᐢᐸ ᑭᓬᐃᔭᑎᕽ ᑭ ᐋᓱᐃᐧ ᓈᑌᐤ ᐋᒪᐣ ᐅᐟ ᐊᐋᐧᓯᒥᓴ. 30ᒉᑊᑕ ᒫᑲ ᑭ ᑭᐦᒋᐃᑌᐤ ᑭᐦᒋᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐧᐤ, ᑭᐢᐱᐣ ᑖᐯᐧ ᐸᑭᑎᓇᑖᐧᐃᐧ ᐋᒪᐣ ᐅᐟ ᐊᐋᐧᓯᒥᓴ ᓂᒋᐦᒋᕽ, 31ᐁᑯᓯ ᑭᑕ ᐃᐦᑭᐣ ᐱᑯ ᑫᑲᐧᐩ ᑫ ᐯ ᐊᐧᔭᐃᐧᐢᑖᑯᐋᐧᓀ ᐁ ᐃᐢᑳᐧᑌᒥᐊᐧᕽ ᓂ ᐋᐧᐢᑳᐦᐃᑲᐣ ᐅᐦᒋ ᑭᑕ ᓇᑭᐢᑳᑯᔮᐣ, ᐯᔭᐦᑕᑫᔨᒧᐃᐧᓂᕽ ᐯ ᑭᐁᐧᔮᓂ ᐋᒪᐣ ᐅᐟ ᐊᐋᐧᓯᒥᓴ ᐁ ᑭ ᓈᑕᑭᐠ, ᐁᐊᐧᑫᐧᔨᐤ ᑭᑕ ᐊᔮᐤ ᑳ ᑎᐯᔨᐦᒋᑫᐟ, ᒪᒍᐢᑌᐦᐊᒫᑫᐃᐧᓂᕽ ᒫᑲ ᓂ ᑲ ᐃᓯ ᐸᑭᑎᓇᒪᐋᐧᐤ.
32ᐁᑯᓯ ᒫᑲ ᒉᑊᑕ ᑭ ᐋᓱᐃᐧ ᓈᑌᐤ ᐋᒪᐣ ᐅᐟ ᐊᐋᐧᓯᒥᓴ ᑭᑕ ᓇᑕᐃᐧ ᓄᑎᓈᐟ; ᑳ ᑎᐯᔨᐦᒋᑫᔨᐟ ᒫᑲ ᑭ ᐸᑭᑎᓇᒫᐠ ᐅᒋᐦᒋᕽ. 33ᑭ ᐸᑲᒪᐁᐧᐤ ᒫᑲ ᐋᕒᐅᐋᕒ ᐅᐦᒋ ᐱᔨᐢ ᐁ ᐅᑎᑕᒪᐣ ᒥᓂᐦᐟ ᐃᐢᑯ, ᓂᓯᑕᓇᐤ ᐅᑌᓇᐊᐧ, ᒥᓇ ᐃᐢᑯ ᐁᐱᓬᒉᕒᐊᒥᒼ, ᒥᑐᓂ ᒥᐦᒉᐟ ᐁ ᓂᐸᐦᐋᐟ. ᐁᑯᓯ ᒫᑲ ᐋᒪᐣ ᐅᐟ ᐊᐋᐧᓯᒥᓴ ᑭ ᓵᑯᒋᐦᐃᑲᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
34ᒉᑊᑕ ᒫᑲ ᑭ ᐯ ᑕᑯᓯᐣ ᒥᐢᐸᐃᕽ ᐅ ᐋᐧᐢᑳᐦᐃᑲᓂᕽ, ᐁᑯᓯ, ᐳᑎ, ᐅᑖᓂᓴ ᑭ ᐯ ᓇᑕᐃᐧ ᓇᑭᐢᑳᐠ ᐁ ᑭᑭᔨᐟ ᑎᒼᐸᕒᐃᓬᐊ ᒥᓇ ᐁ ᓂᒥᐃᑐᔨᐟ; ᐁᑯᓯ ᐁᐊᐧᑯᓂ ᐱᑯ ᐅᐟ ᐊᐋᐧᓯᒥᓴ; ᓇᒪᐃᐧᔭ ᑯᑕᑲ ᐊᔮᐁᐧᐤ ᑭᑕ ᐅᑯᓯᓯᐟ ᐊᐦᐳ ᑭᑕ ᐅᑖᓂᓯᐟ. 35#ᓇᒼᐸᕒᐢ 30:2ᑭ ᐃᐦᑭᐣ ᒫᑲ ᐃᐢᐱ ᐃᐧᔮᐸᒫᐟ, ᑭ ᔮᔨᑭᐱᑕᒼ ᐅ ᑭᑭᐢᑳᒋᑲᓇ, ᒥᓇ ᑭ ᐃᑌᐧᐤ, ᐋᐃᐦᐋᐩ, ᓂᑖᓂᐢ! ᒥᐢᑕᐦᐃ ᑭ ᑕᐸᐦᑎᓂᐣ, ᑭᔭ ᐯᔭᐠ ᑳ ᒥᑯᐢᑳᑌᔨᑕᒥᐦᐃᔭᐣ; ᒋᑫᒫ ᓂ ᑭ ᑭᑐᑖᐤ ᑳ ᑎᐯᔨᐦᒋᑫᐟ ᓂᑐᓂᕽ ᐅᐦᒋ, ᓇᒪᐃᐧᔭ ᒫᑲ ᑭᑕ ᑭ ᐊᓭᐸᔨᐅᔮᐣ. 36ᑭ ᐃᑎᐠ ᒫᑲ, ᓄᐦᑖ, ᑭᐢᐱᐣ ᑳ ᑭᑐᑖᐊᐧᑌ ᑳ ᑎᐯᔨᐦᒋᑫᐟ ᑭᑐᓂᕽ ᐅᐦᒋ, ᐃᑐᑕᐃᐧᐣ ᐁ ᐃᑕᐢᑌᐠ ᐊᓂᒪ ᑭᑐᓂᕽ ᑳ ᑭ ᐅᐦᒋᐸᔨᐠ; ᒋᑫᒫ ᑳ ᑎᐯᔨᐦᒋᑫᐟ ᐁ ᑭ ᓈᑕᒫᐢᐠ ᑭ ᓄᑎᓈᑲᓇ, ᐊᓂᐦᐃ ᐅᑎ ᐋᒪᐣ ᐅᐟ ᐊᐋᐧᓯᒥᓴ. 37ᑭ ᐃᑌᐤ ᒫᑲ ᐅᑖᐃᐧᔭ, ᑭᔮᒼ ᐅᒪ ᓂ ᑲ ᐃᑐᑕᒫᑲᐃᐧᐣ; ᑭᔮᒼ ᐸᑭᑎᓂᐣ ᓂᓱ ᐱᓯᒼ ᐃᔨᑯᕽ, ᑭᑕ ᓯᐯᐧᑌᔮᐣ ᐁᑯᓯ ᑭᑕ ᐸᐸᒧᑌᔮᐣ ᐊᐧᒋᕽ ᐁᑯᓯ ᑭᑕ ᒪᐃᐧᑳᑕᒫᐣ ᓂᐟ ᐅᐢᑭᓂᑭᐢᑫᐧᐃᐧᐃᐧᐣ, ᓂᔭ ᒥᓇ ᓂ ᐃᐧᒉᐋᐧᑲᓇᐠ. 38ᑭ ᐃᑌᐤ ᒫᑲ, ᓂᔮ, ᐁᑯᓯ ᑭ ᓯᐯᐧᑎᓴᐁᐧᐤ ᓂᓱ ᐱᓯᒼ ᐃᔨᑯᕽ; ᑭ ᓯᐯᐧᑌᐤ ᒫᑲ ᐃᐧᔭ ᒥᓇ ᐅ ᐃᐧᒉᐊᐧᑲᓇ, ᐁᑯᓯ ᑭ ᒪᐃᐧᑳᑕᒼ ᐅᐟ ᐅᐢᑭᓂᑭᐢᑫᐧᐃᐧᐃᐧᐣ ᐊᐧᒋᕽ. 39ᑭ ᐃᐦᑭᐣ ᒫᑲ ᐁ ᐳᓂ ᓂᓱᐱᓯᒧᐊᐧᕽ, ᑳᐃᐧ ᑭ ᐯ ᓈᑌᐤ ᐅᑖᐃᐧᔭ, ᐁᑯᓯ ᑭ ᐃᑐᑖᐠ ᐁ ᐃᑕᐢᑌᔨᐠ ᐅ ᑭᐦᒋᐃᑌᐧᐃᐧᓂᔨᐤ ᑳ ᑭ ᑭᐦᒋᐃᑌᐧᔨᐟ; ᓇᒪᐃᐧᔭ ᒫᑲ ᐅᐦᒋ ᑭᐢᑫᔨᒣᐤ ᓈᐯᐊᐧ. ᐅᒥᓯ ᒫᑲ ᑭ ᐃᓯᐦᒋᑫᐊᐧᐠ ᐃᐢᕒᐁᐃᓬᐃᕽ, 40ᐊᓂᑭ ᐃᐢᕒᐁᐃᓬ ᐅᑖᓂᓴ ᑕᐦᑐ ᐊᐢᑭ ᑭ ᒪᐃᐧᑳᑌᐊᐧᐠ ᐅᑖᓂᓯᔨᐊᐧ ᐊᓂᐦᐃ ᒉᑊᑕᐊᐧ ᑭᓬᐃᔭᑕᐃᑕ ᓀᐅᑭᓯᑳᐤ ᐯᔭᑳᐧᐤ ᐁ ᐊᐢᑭᐊᐧᕽ.
Currently Selected:
ᐅᔭᓱᐁᐧᐊᐧᐠ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
