ᐁᐠᓴᑕᐢ 34
34
1ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐸᑫᐧᐅᐠ ᓂᓱ ᐁ ᓇᐸᑳᐱᐢᑭᓯᒋᐠ ᐊᓯᓂᔭᐠ ᑖᐱᐢᑯᐨ ᐊᓂᑭ ᓂᐢᑕᒼ; ᓂ ᑲ ᒪᓯᓇᐁᐣ ᒫᑲ ᐁᑯᑕ ᓇᐸᑳᐱᐢᑯᕽ ᐊᓂᐦᐃ ᐃᑌᐧᐃᐧᓇ ᑳ ᑭ ᐊᔮᑭ ᐊᓂᐦᐃ ᓂᐢᑕᒼ ᓇᐸᑳᐱᐢᑲᐧ ᑳ ᑭ ᐱᑯᑎᑖᔮᐣ. 2ᐊᐧᐁᐧᔨ ᒫᑲ ᑫᑭᓭᐹᔮᑭ, ᐁᑯᓯ ᐯ ᐃᑐᐦᑌᑲᐣ ᑫᑭᓯᐹᔮᑭ ᓴᐃᓇᐩ ᐊᐧᒋᕽ, ᐁᑯᑕ ᒫᑲ ᐯ ᓇᑕᐋᐧᐸᒥᐣ ᑕᐦᑯᑖᒪᑎᐣ ᐊᐧᒋᕽ. 3ᓇᒪᐃᐧᔭ ᒫᑲ ᐊᐃᐧᔭᐠ ᐊᔨᓯᔨᓂᐤ ᑭ ᑲ ᐯ ᐃᐧᒉᐃᐧᐠ, ᒥᓇ ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᓄᑯᓯᐤ ᓈᐣᑕᐤ ᐃᑕ ᐊᐧᒋᕽ; ᒥᓇ ᐁᑳᐃᐧᔭ ᒫᔭᑎᐦᑲᐧᐠ ᐊᐦᐳ ᐱᓯᐢᑭᐊᐧᐠ ᑭᑕ ᒪᒥᒋᓱᐊᐧᐠ ᑎᐱᐢᑯᐨ ᐊᓂᒪ ᐊᐧᒋ.
4ᑭ ᐸᑫᐧᐁᐧᐤ ᒫᑲ ᓂᓱ ᐁ ᓇᐸᑳᐱᐢᑭᓯᔨᐟ ᐊᓯᓂᔭ ᑖᐱᐢᑯᐨ ᐊᓂᐦᐃ ᓂᐢᑕᒼ; ᐁᑯᓯ ᒧᓯᐢ ᑭ ᐊᐧᓂᐢᑳᐤ ᐃᐧᐸᐨ ᐁ ᑫᑭᓭᐹᔮᐠ, ᑭ ᐃᑐᐦᑌᐤ ᒫᑲ ᓴᐃᓇᐩ ᐊᐧᒋᕽ, ᑳ ᑭ ᐃᑕᓱᐋᐧᑎᑯᐟ ᑳ ᑎᐯᔨᐦᒋᑫᔨᐟ ᐁᑯᓯ ᑭ ᑕᐦᑯᓀᐤ ᐅᒋᐦᒋᕽ ᐊᓂᐦᐃ ᓂᓱ ᐁ ᓇᐸᑳᐱᐢᑭᓯᔨᐟ ᐊᓯᓂᔭ. 5ᑳ ᑎᐯᔨᐦᒋᑫᐟ ᒫᑲ ᑭ ᐯ ᔮᓯᐤ ᐊᐧᐢᑯᕽ, ᐁᑯᓯ ᐁᑯᑕ ᑭ ᐃᐧᒋᑳᐸᐃᐧᐢᑖᐠ, ᒥᓇ ᑭ ᐃᐧᐦᑕᒥᔨᐊᐧ ᐅ ᐃᐧᔪᐃᐧᓂᔪᐤ ᑳ ᑎᐯᔨᐦᒋᑫᐟ. 6#ᐁᐠᓴᑕᐢ 20:5,6; ᓇᒼᐸᕒᐢ 14:18; ᑎᔪᑕᕒᐊᓇᒥ 5:9,10; 7:9,10ᑳ ᑎᐯᔨᐦᒋᑫᔨᐟ ᒫᑲ ᑭ ᐱᒫᐸᒣᐤ, ᐁᑯᓯ ᑭ ᐃᐧᐦᑕᒼ, ᑳ ᑎᐯᔨᐦᒋᑫᐟ, ᑳ ᑎᐯᔨᐦᒋᑫᐟ, ᑭᓭᒪᓂᑐ ᑳ ᒧᐢᑭᓀᐟ ᑭᑎᒫᑭᓈᑫᐃᐧᐣ ᒥᓇ ᓴᐁᐧᔨᐦᒋᑫᐃᐧᐣ, ᑳ ᐹᐧᐢᑕᐃᐧᐟ, ᑭᑕ ᑭᓯᐋᐧᓯᐟ, ᒥᓇ ᑳ ᐁᐧᔪᑎᓯᐟ ᑭᓭᐋᐧᑎᓯᐃᐧᐣ ᒥᓇ ᑖᐯᐧᐃᐧᐣ. 7ᐁ ᑲᓇᐁᐧᔨᑕᒪᐊᐧᐠ ᑭᓭᐋᐧᑎᓯᐃᐧᐣ ᑭᐦᒋᒥᑖᐦᑐᒥᑕᓇᐤ, ᐁ ᐳᓂᔨᑕᒫᑫᐟ ᒪᒋᐃᑌᐃᐧᐣ ᒥᓇ ᐊᐧᓂᑐᑕᒧᐃᐧᐣ ᒥᓇ ᒪᒑᔨᐃᐧᐣ; ᒫᑲ ᐁᑳ ᓈᐣᑕᐤ ᐃᓯ ᑫ ᐁᐧᐯᔨᑕᒪᐋᐧᐟ ᑳ ᒪᒋᑐᑕᒥᔨᐟ; ᐁ ᐅᑎᐦᑎᑯᔨᐟ ᐊᐋᐧᓯᓴ ᐅᑖᐃᐧᐋᐧᐊᐧ ᐅ ᒪᒋᑐᑕᒧᐃᐧᓂᔨᐊᐧ, ᒥᓇ ᐊᐋᐧᓯᓴ ᐅᐟ ᐊᐋᐧᓯᒥᓯᔨᐊᐧ, ᐱᔨᐢ ᓂᐢᑐ ᒥᓇ ᐱᔨᐢ ᓀᐤ ᐁ ᐊᔮᓂᐢᑫ ᐱᒫᑎᓯᒋᐠ. 8ᒧᓯᐢ ᒫᑲ ᑭ ᑲᑫᐧᔮᐦᐅ, ᐁᑯᓯ ᐁ ᑭ ᓈᒥᐢᑫᐧᔨᐟ ᒧᒋᕽ ᐃᓯ ᒥᓇ ᐁ ᑭ ᐅᒋᐦᒋᐦᑲᐧᓂᐟ. 9ᑭ ᐃᑌᐧᐤ ᒫᑲ, ᑭᐢᐱᐣ ᐁᑲᐧ ᑳ ᒥᐢᑲᒧᐋᐧᓂ ᑭᑕ ᒥᔪ ᑲᓇᐋᐧᐸᒥᔭᐣ ᑌᐯᔨᐦᒋᑫᔭᐣ, ᑭᔮᒼ ᑳ ᑎᐯᔨᐦᒋᑫᐟ ᑭ ᐸᑯᓭᔨᒥᑎᐣ, ᓂ ᑲ ᐃᐧᒉᑯᓈᐣ ᒣᑳᐧᐊᔨᕽ ᒋᑫᒫ ᓯᑐᐃᐧᑲᐧᔭᐁᐧᐊᐧᐠ ᐅᑭ ᐊᔨᓯᔨᓂᐊᐧᐠ; ᒥᓇ ᐳᓀᔨᑕᒪᐃᐧᓈᐣ ᓂ ᐊᐧᓂᑐᑕᒧᐃᐧᓂᓈᐣ ᒥᓇ ᓂ ᒪᒋᑎᐃᐧᓂᓈᐣ, ᒥᓇ ᐅᑎᓂᓈᐣ ᑭᔭ ᑭᑕ ᑎᐱᔨᒥᔮᕽ.
10ᑭ ᐃᑌᐧᐤ ᒫᑲ, ᒫᑎᑲ, ᓄᓯᑖᐣ ᐊᓱᑕᒫᑫᐃᐧᐣ ᐁ ᐋᐧᐸᐦᑕᐦᑭᐠ ᑲᐦᑭᔭᐤ ᑭᐟ ᐊᔨᓯᔨᓂᒪᐠ ᑭᑕ ᐃᑐᑕᒫᐣ ᐁ ᒫᒪᐢᑳᑌᔨᑖᑲᐧᐦᑭ, ᑐᐊᐧ ᐁᑳ ᐃᐧᑳᐨ ᑳ ᑭ ᐃᑐᒋᑳᑌᑭ ᒥᓯᐁᐧᐢᑲᒥᐠ, ᒥᓇ ᓈᐣᑕᐤ ᐃᑕ ᐁ ᐃᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ; ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᒣᑳᐧᐨ ᐃᑕ ᑳ ᐊᔮᔭᐣ ᑭᑕ ᐋᐧᐸᐦᑕᒪᐧᐠ ᐅᐟ ᐃᓯᐦᒋᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒋᑫᒫ ᑭᑕ ᑯᐢᑖᑌᔨᑖᑲᐧᐣ ᐊᓂᒪ ᑫ ᐃᑐᑕᒫᐣ ᑭᔭ ᐅᐦᒋ. 11ᓈᑲᑕᐁᐧᔨᑕ ᐊᓂᒪ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ; ᒫᑎᑲ, ᓂ ᑲ ᐊᐧᔭᐃᐧᑎᓴᐋᐧᐊᐧᐠ ᑭ ᓂᑳᓂᒥᕽ, ᐊᓇ ᐋᒪᕒᐊᐃᐟ, ᒥᓇ ᑫᓇᓇᐃᐟ, ᒥᓇ ᐦᐃᑕᐃᐟ ᒥᓇ ᐯᕒᐃᓴᐃᐟ, ᒥᓇ ᐦᐊᐃᐸᐃᐟ, ᒥᓇ ᒉᑊᔪᓴᐃᑕ. 12ᐊᔮᑳᐧᒥᓯ ᒫᑲ ᑭᔭ, ᐁᑳ ᑭᑕ ᐃᐧᒋᐦᐃᓯᒋᑫᒪᒋᐠ ᑳ ᐅᐟ ᐅᐦᑖᐃᐧᓂᒋᐠ ᐊᓂᒪ ᐊᐢᑭ ᐃᑌ ᑳ ᐃᑐᐦᑌᔭᐣ, ᐁᑳ ᓈᐣᑕᐤ ᐃᓯ ᑭᑕ ᐊᐧᓈᐃᑯᔭᐣ ᒣᑳᐧᐨ ᐃᑕ ᐁ ᐊᔮᔭᐣ. 13#ᑎᔪᑕᕒᐊᓇᒥ 16:21ᒫᑲ ᑭ ᑲ ᓂᐦᒋᐁᐧᐸᐊᒫᐧᓈᐋᐧᐤ ᐅ ᐸᑭᑎᓈᓱᐃᐧᓈᐱᐢᑯᐋᐧᐊᐧ, ᒥᓇ ᑭ ᑲ ᐱᑲᐧᑕᐅᒫᐋᐧᐊᐧ ᐅ ᒪᓂᑐᑳᓂᐋᐧᐊᐧ, ᒥᓇ ᑭ ᑲ ᑭᐢᑲᑕᐦᐅᒫᐋᐧᐊᐧ ᐅ ᓇᐢᐱᓯᒋᑲᓂᐋᐧᐊᐧ. 14ᒋᑫᒫ ᓇᒪᐃᐧᔭ ᑭ ᑲ ᐊᔭᒥᐦᐋᐃᐧ ᐊᑐᐢᑲᐋᐧᐤ ᑯᑕᐠ ᒪᓂᑐ; ᒋᑫᒫ ᑳ ᑎᐯᔨᐦᒋᑫᐟ ᐅᐦᑌᔨᑕᒼ ᑳ ᐃᓯᔨᐦᑳᓱᐟ ᐅᐦᑌᔨᑕᒧᐃᐧ ᑭᓭᒪᓂᑐᐃᐧᐤ. 15ᐁᑳ ᑭᑕ ᐃᐧᒋᐦᐃᓯᒋᑫᒪᒋᐠ ᑳ ᐅᐟ ᐃᐦᑖᐃᐧᓂᒋᐠ ᐁᑯᑕ ᐊᐢᑭᕽ, ᐁᑯᓯ ᑭᑕ ᒪᒣᔭᐁᐧᔨᒥᒪᐟ ᐅ ᒪᓂᑐᒥᔨᐊᐧ, ᒥᓇ ᑭᑕ ᐸᑭᑎᓈᓱᐢᑖᒪᐟ ᐅ ᒪᓂᑐᒥᔨᐊᐧ, ᐁᑯᓯ ᐊᐃᐧᔭᐠ ᑭ ᑲ ᓇᑐᒥᐠ ᒥᓇ ᑭ ᑲ ᒥᒋᐋᐧᐣ ᐅ ᐸᑭᑎᓈᓱᐃᐧᐣ. 16ᐁᑯᓯ ᑭᑕ ᐅᑎᓂᒪᐟ ᐅᑖᓂᓯᐋᐧᐊᐧ ᑭᑯᓯᓴ ᑭᑕ ᐃᐧᒉᐋᐧᔨᐟ, ᐁᑯᓯ ᐅᑖᓂᓯᐋᐧᐊᐧ ᒪᒣᔭᐁᐧᔨᒫᑖᐧᐃᐧ ᐅ ᒪᓂᑐᒥᐋᐧᐊᐧ ᓯᑭᐢᑲᐋᐧᑖᐧᐃᐧ ᒫᑲ ᑭᑯᓯᓯᐋᐧᐊᐧ ᑭᑕ ᒪᒣᔭᐁᐧᔨᒫᔨᐟ ᐅ ᒪᓂᑐᑳᓂᔨᐊᐧ. 17#ᐁᐠᓴᑕᐢ 20:4; ᓬᐃᐱᑎᑲᐢ 19:4; ᑎᔪᑕᕒᐊᓇᒥ 5:8; 27:15ᓇᒪᐃᐧᔭ ᑭ ᑲ ᐅᓯᐦᐋᐊᐧᐠ ᑎᐦᑳᐱᐢᑭᓯᑲᓂ ᒪᓂᑐᑳᓇᐠ.
18 #
ᐁᐠᓴᑕᐢ 12:14-20; ᓬᐃᐱᑎᑲᐢ 23:6-8; ᓇᒼᐸᕒᐢ 28:16-25 ᐁ ᐃᐧᐦᑯᐦᑐᕽ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ ᑭ ᑲ ᑎᐱᑐᑌᐣ. ᑌᐸᑯᑊ ᑭᓯᑳᐤ ᑭ ᑲ ᒧᐋᐧᐤ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ, ᑳ ᑭ ᐃᑕᓱᐋᐧᑎᑖᐣ ᐃᑕ ᐁ ᐅᑎᐦᒋᐸᔨᐠ ᐁᐱᑊ ᐱᓯᒼ; ᒋᑫᒫ ᒣᑳᐨ ᐁᐱᑊ ᐱᓯᒼ ᑳ ᑭ ᐯ ᓯᐯᐧᑌᔦᐠ ᐃᒋᑊᐟ ᐊᐢᑭᕽ ᐅᐦᒋ. 19#ᐁᐠᓴᑕᐢ 13:2ᑲᐦᑭᔭᐤ ᐊᓂᑭ ᓂᐢᑕᒼ ᓂᐦᑖᐃᐧᑭᐦᐋᑲᓇᐠ ᓂᔭ ᓂᐟ ᐊᔮᓇᐠ; ᒥᓇ ᑲᐦᑭᔭᐤ ᑭᐟ ᐊᐊᐧᑳᓇᐠ ᑳ ᓈᐯᐊᔭᐋᐃᐧᒋᐠ, ᓂᐢᑕᒼ ᐅ ᓂᐦᑖᐃᐧᑭᐦᐋᑲᓇ ᒧᐢᑐᐢ ᒥᓇ ᒫᔭᑎᕽ. 20#ᐁᐠᓴᑕᐢ 13:13ᒫᑲ ᐃᐧᔭ ᓂᐢᑕᒼ ᐅ ᓂᐦᑖᐃᐧᑭᐋᑲᓇ ᓱᓱᐃᐧᒥᐢᑕᑎᒼ ᑭ ᑲ ᒣᐢᑯᑐᓈᐤ ᒫᔭᑎᐦᑯᓯᓴ ᐅᐦᒋ; ᑭᐢᐱᐣ ᒫᑲ ᐁᑳ ᐃᐧ ᒣᐢᑯᑐᓇᒋ ᑭ ᑲ ᑲᐢᑭᑫᐧᓈᐤ. ᑲᐦᑭᔭᐤ ᑭ ᓂᐢᑕᒧᓴᓇᐠ ᐁ ᐅᑯᓯᓯᔭᐣ ᑭ ᑲ ᒣᐢᑯᑐᓈᐊᐧᐠ. ᓇᒪᐃᐧᔭ ᒥᓇ ᐊᐃᐧᔭᐠ ᐱᓯᓯᐠ ᓂ ᑲ ᐯ ᐅᐦᑎᐢᑲᐃᐧᐢᑳᐠ.
21 #
ᐁᐠᓴᑕᐢ 20:9,10; 23:12; 31:15; 35:2; ᓬᐃᐱᑎᑲᐢ 23:3; ᑎᔪᑕᕒᐊᓇᒥ 5:13,14 ᓂᑯᑖᐧᓱᑭᓯᑳᐤ ᑭ ᑲ ᐊᑐᐢᑳᐣ, ᒫᑲ ᑌᐸᑯᑊ ᐁ ᑕᐦᑐᑭᓯᑳᐠ ᑭ ᑲ ᐊᔦᐧᐱᐣ; ᒣᑳᐧ ᐱᑯᐱᒋᑫᐃᐧᓂᕽ ᒥᓇ ᒪᓂᓯᑫᐃᐧᓂᕽ ᑭ ᑲ ᐊᔦᐧᐱᐣ.
22 #
ᓬᐃᐱᑎᑲᐢ 23:15-21; ᓇᒼᐸᕒᐢ 28:26-31;
ᓬᐃᐱᑎᑲᐢ 23:39-43
ᑭ ᑲ ᓈᑲᑕᐁᐧᔨᑌᐣ ᒥᓇ ᐊᓂᒪ ᐃᐧᐦᑯᐦᑐᐃᐧᐣ ᐁ ᐃᐢᐸᔨᑭ, ᐊᓂᒪ ᐅᑎ ᓂᐢᑕᒼ ᐁ ᒥᓂᓯᐃᐧᐟ ᐸᐦᑫᐧᓯᑲᓂᑳᐣ ᐁ ᑭᐢᑭᓱᐦᐟ, ᐁᑯᓯ ᒥᓇ ᐊᓂᒪ ᐃᐧᐦᑯᐦᑐᐃᐧᐣ ᐁ ᑭᓯ ᒫᐊᐧᒋᒋᑫᕽ ᐁ ᐊᑎ ᐳᓂᐹᔨᐠ ᐯᔮᐠ ᐊᐢᑭᐃᐧᐣ.
23ᓂᐢᑖᐧᐤ ᑕᐦᑐ ᐊᐢᑭ ᑲᐦᑭᔭᐤ ᑳ ᓈᐯᐃᐧᔦᐠ ᑭ ᑲ ᐅᐦᑎᐢᑲᐃᐧᐢᑲᐋᐧᐋᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᐅ ᑭᓭᒪᓂᑐᒪ ᐃᐢᕒᐁᐃᓬ. 24ᒋᑫᒫ ᓂ ᑲ ᐊᐧᔮᐃᐧᐁᐧᐱᓈᐊᐧᐠ ᑭ ᓂᑳᓂᒥᕽ ᐁ ᓇᓈᑐᑯᐢᑳᓀᓯᒋᐠ ᐊᔨᓯᔨᓂᐊᐧᐠ, ᒥᓇ ᓂ ᑳ ᔭᑲᐢᑖᐣ ᑭᐟ ᐊᐢᑭ; ᓇᒪᐃᐧᔭ ᒥᓇ ᐊᐃᐧᔭᐠ ᐊᔨᓯᔨᓂᐤ ᑭᑕ ᓇᑕᐁᐧᔨᑕᒼ ᑭᐟ ᐊᐢᑭ ᐃᑕ ᒫᓇ ᐁᑐᐦᑌᔮᓂ ᑭᑕ ᐅᑎᐢᑲᐃᐧᐢᑲᐊᐧᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᓂᐢᑖᐧᐤ ᑕᐦᑐ ᐊᐢᑭ. 25#ᐁᐠᓴᑕᐢ 12:10ᓇᒪᐃᐧᔭ ᐁ ᐅᐦᐱᓱᐟ ᐸᐦᑫᐧᓯᑲᐣ ᑭ ᑲ ᑭᑭ ᐸᑭᑎᓀᐣ ᐁ ᒥᐦᑯᐊᐧᕽ ᑳ ᐸᑭᑎᓈᓱᐢᑕᐃᐧᔭᐣ; ᓇᒪᐃᐧᔭ ᒥᓇ ᐸᑭᑎᓈᓱᐃᐧᐣ ᒪᔮᐢᑳᑯᐃᐧ ᐃᐧᐦᑯᐦᑐᐃᐧᓂᕽ ᑭᑕ ᐃᐢᑲᐧᐢᒋᑳᑌᐤ ᑫᑭᓭᐸᔮᑭ. 26#ᑎᔪᑕᕒᐊᓇᒥ 26:2; ᑎᔪᑕᕒᐊᓇᒥ 14:21ᐊᓂᐦᐃ ᓂᐢᑕᒼ ᐁ ᓂᐢᑕᒼ ᒥᓂᓯᐃᐧᐠ ᑭᐟ ᐊᐢᑭ ᑭ ᑲ ᐱᑐᑲᑖᐣ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. ᓇᒪᐃᐧᔭ ᑭ ᑲ ᐸᑳᓯᒫᐤ ᐋᐧᐸᑎᑯᓯᐢ ᐅᑳᐃᐧᔭ ᐅ ᑐᐦᑐᓴᐳᔨᕽ.
27ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᒪᓯᓇᐦᐊ ᐅᐦᐃ ᐃᑌᐧᐃᐧᓇ; ᒋᑫᒫ ᐁ ᐃᑕᐢᑌᑭ ᐅᐦᐃ ᐃᑌᐧᐃᐧᓇ ᑭ ᑭ ᐃᐧᒋᐦᐃᓯᒋᑫᒥᑎᓈᐋᐧᐤ ᑭᔭ ᒥᓇ ᐃᐢᕒᐁᐃᓬ. 28ᐁᑯᑕ ᒫᑲ ᑭ ᐃᐧᒋᐊᔮᒣᐤ ᑳ ᑎᐯᔨᐦᒋᑫᔨᐟ ᓀᒥᑕᓇᐤ ᑭᓯᑳᐤ ᒥᓇ ᓀᒥᑕᓇᐤ ᑎᐱᐢᑳᐤ; ᓇᒪᐃᐧᔭ ᒧᐁᐧᐤ ᐸᐦᑫᐧᓯᑲᓇ ᐊᐦᐳ ᓇᒪᐃᐧᔭ ᒥᓂᐦᑫᐧᐤ ᓂᐱ. ᑭ ᒪᓯᓇᐦᐊᒼ ᒫᑲ ᓇᐸᑳᐱᐢᑯᕽ ᐁ ᐃᑌᐧᒪᑲᕽ ᐃᐧᒋᐦᐃᐧᓱᒋᑫᒥᑐᐃᐧᐣ, ᐊᓂᐦᐃ ᐅᑎ ᒥᑖᑕᐦᐟ ᐅᔭᓱᐁᐧᐃᐧᓇ.
29 #
2 ᑲᕒᐃᐣᑎᔭᓇ 3:7-16
ᑭ ᐊᔨᑭᐣ ᒫᑲ ᐃᐢᐱ ᒧᓯᐢ ᐱᔦ ᓂᑖᒪᒋᐁᐧᐟ ᓴᐃᓇᐩ ᐊᐧᒋ ᐅᐦᒋ ᐁ ᑕᐦᑯᓈᐟ ᒧᓯᐢ ᐅᒋᐦᒋᕽ ᐊᓂᐦᐃ ᐁ ᓂᓯᔨᐟ ᓇᐸᑳᐢᑲᐧ, ᐊᐧᓴᑲᔭ ᐅᐦᑳᐧᑲᓂᕽ ᑭ ᐋᐧᓯᓱᔨᐊᐧ ᐊᓂᒪ ᐁ ᑭ ᐃᐧᒋᐊᔭᒥᒫᐟ. 30ᐃᐢᐱ ᒫᑲ ᐁᕒᐊᐣ ᒥᓇ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᐧᔮᐸᒫᒋᐠ ᒧᓯᓴ, ᐳᑎ ᐊᐧᓴᑲᔭ ᐅᐦᑳᐧᑲᓂᕽ ᑭ ᐋᐧᓯᓱᔨᐊᐧ; ᐁᑯᓯ ᑭ ᐊᐢᑖᓯᐊᐧᐠ ᑭᓯᐋᐧᐠ ᑭᑕ ᓈᑖᒋᐠ. 31ᒧᓯᐢ ᒫᑲ ᑭ ᓇᑐᒣᐤ, ᐁᑯᓯ ᐁᕒᐊᐣ ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᐅᔭᓱᐁᐧᐃᐧᔨᓂᒥᐋᐧᐊᐧ ᑳᐃᐧ ᑭ ᐯ ᓈᑎᐠ; ᐁᑯᓯ ᒧᓯᐢ ᑭ ᐊᔭᒥᐦᐁᐤ. 32ᒣᐧᐢᑕᐢ ᐃᔨᑯᕽ ᒫᑲ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᓯᐋᐧᐠ ᑭ ᐯ ᓈᑎᐠ; ᐁᑯᓯ ᑭ ᒥᔦᐤ ᐁ ᐃᑕᓱᐊᐧᑖᐟ ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᔨᐟ ᑳ ᑭ ᐃᑕᓱᐋᐧᑎᑯᐟ ᓴᐃᓇᐩ ᐊᐧᒋᕽ. 33ᐃᐢᐱ ᒫᑲ ᒧᓯᐢ ᑳ ᐳᓂ ᐱᑭᐢᑫᐧᐟ ᑭ ᐊᐢᑖᐤ ᐋᑯᑫᐧᐅᐣ ᐅᐦᑳᐧᑲᓂᕽ. 34ᒫᑲ ᐃᐢᐱ ᒧᓯᐢ ᐱᔨᑐᑫᐟ ᑭᑕ ᐃᐧᒋᐱᑭᐢᑫᐧᒫᐟ ᑳ ᑎᐯᔨᐦᒋᑫᔨᐟ ᑭ ᐃᑎᓇᒼ ᐋᑯᑫᐧᐅᐣ ᐃᐢᑯ ᒥᓇ ᐁ ᐯ ᐊᐧᔭᐃᐧᐟ; ᐁᑯᓯ ᑭ ᐯ ᐊᐧᔭᐃᐧᐤ ᒥᓇ ᑭ ᐃᐧᐦᑕᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᒪ ᑳ ᐃᑕᓱᐋᐧᑎᐦᐟ. 35ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᐋᐧᐸᐦᑕᒥᔨᐊᐧ ᐅᐦᑳᐧᑲᐣ ᒧᓯᐢ ᐊᐧᓴᑲᔭ ᐅᐦᑳᐧᑲᓂᕽ ᐁ ᐋᐧᓯᓱᔨᐟ; ᐁᑯᓯ ᒥᓇ ᒧᓯᐢ ᑭ ᐊᐢᑖᐤ ᐋᑯᑫᐧᐅᐣ ᐅᐦᑳᐧᑲᓂᕽ, ᐃᐢᑯ ᐁ ᐱᐦᑐᑫᐧ ᑭᑕ ᐃᐧᒋᐱᑭᐢᑫᐧᒫᐟ.
Currently Selected:
ᐁᐠᓴᑕᐢ 34: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
