ᐁᐠᓴᑕᐢ 23
23
1 #
ᐁᐠᓴᑕᐢ 20:16; ᓬᐃᐱᑎᑲᐢ 19:11,12; ᑎᔪᑕᕒᐊᓇᒥ 5:20 ᓇᒪᐃᐧᔭ ᑭ ᑲ ᐅᑌᓀᐣ ᑭᔮᐢᑭᐋᐧᒋᒧᐃᐧᐣ; ᐁᑳᐃᐧᔭ ᐃᐧᒋᐊᐢᑖᒧᒥᐠ ᑭᒋᐦᒋ ᐅᒪᒑᑎᓴᐠ ᑭᑕ ᐁᑳ ᑲᐧᔭᐢᐠ ᐃᑖᒋᒧᔭᐣ. 2ᓇᒪᐃᐧᔭ ᑭ ᑲ ᐱᒥᑎᓴᐋᐧᐊᐧᐠ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑭᑕ ᒪᒋ ᑐᑕᐦᑭᐠ; ᓇᒪᐃᐧᔭ ᒥᓇ ᑭ ᑲ ᐱᑭᐢᑳᐧᑌᐣ ᓈᐣᑕᐤ ᐃᓯᐦᒋᑫᐃᐧᐣ ᐁ ᐱᒥᑎᓴᐦᐊᐧᑭᐠ ᒥᐦᒉᐟ ᑭᑕ ᐊᐧᓈᑖᒋᐠ ᐅᔭᓱᐋᐧᓯᐁᐧᐃᐧᐣ. 3#ᓬᐃᐱᑎᑲᐢ 19:15ᓇᒪᐃᐧᔭ ᒥᓇ ᑲᑖᐨ ᑭ ᑲ ᓂᓱᑲᒪᐋᐧᐤ ᑭᑎᒫᑭ ᐊᔨᓯᔨᓂᐤ ᐅᐟ ᐃᓯ ᓇᑐᓇᒧᐃᐧᓂᕽ.
4 #
ᑎᔪᑕᕒᐊᓇᒥ 22:1-4
ᑭᐢᐱᐣ ᓇᑭᐢᑳᒪᒋ ᑳ ᓇᔦᑖᐁᐧᔨᒥᐢᐠ ᐅ ᒧᐢᑐᓱᒪ ᐊᐦᐳ ᐅ ᓱᓱᒥᐢᑕᑎᒧᒪ ᐁ ᐊᐧᓂᓯᓂᔨᐟ, ᑫᐦᒋᓈ ᑭ ᑲ ᑭᐁᐧᑕᑕᒪᐋᐧᐤ. 5ᑭᐢᐱᐣ ᑭ ᐋᐧᐸᒥᒫᐊᐧ ᐅ ᓱᓱᒥᐢᑕᑎᒧᒪ ᐊᓇ ᑳ ᐸᑳᐧᑎᐢᐠ ᐁ ᑲᐃᐧᐢᑯᓱᔨᐠ ᐅ ᓇᔭᒋᑲᓂᔨᐤ, ᐁᑳ ᐋᑕ ᒋᑫᔨᑕᒪᓂ ᑭᑕ ᐃᐧᒋᐊᐟ; ᓵᑯᐨ ᑭ ᑲ ᐃᐧᒋᐋᐤ.
6 #
ᓬᐃᐱᑎᑲᐢ 19:15; ᑎᔪᑕᕒᐊᓇᒥ 16:19 ᓇᒪᐃᐧᔭ ᑭ ᑲ ᐊᐧᓈᑖᐋᐧᒼ ᐅᔭᓱᐋᐧᑎᑯᐃᐧᐣ ᑳ ᑭᑎᒫᑭᓯᐟ ᐅᐟ ᐃᓯ ᓇᑐᓇᒧᐃᐧᓂᕽ. 7ᐁᑳᐃᐧᔭ ᓭᓯᑫᑖ ᓇᐢᐹᐨ ᑫᑲᐧᐩ; ᐁᑯᓯ ᐊᓇ ᐁᑳ ᑳ ᐊᑖᒣᔨᑖᑯᓯᐟ ᒥᓇ ᑲᐧᔭᐢᐠ ᑳ ᐃᓯᐁᐧᐱᓯᐟ ᓇᒪᐃᐧᔭ ᑭ ᑲ ᓂᐸᐦᐋᐤ; ᒋᑫᒫ ᓇᒪᐃᐧᔭ ᑲᐧᔭᐢᐠ ᓂ ᑲ ᐃᑕᑭᒫᐤ ᐅᒪᒑᑎᓯᐤ. 8ᓇᒪᐃᐧᔭ ᒥᓇ ᑭ ᑲ ᐅᑎᓀᐣ ᒣᑭᐃᐧᐣ; ᒋᑫᒫ ᒣᑭᐃᐧᐣ ᑭᐹᐧᐱᐢᑳᐠ ᑳ ᐃᔨᓂᓯᐟ; ᒥᓇ ᓂᓯᐋᐧᓈᒋᑕᒫᐠ ᐅᐟ ᐃᑌᐧᐃᐧᓇ ᑲᐧᔭᐢᐠ ᑲ ᐃᑖᑎᓯᐟ. 9#ᐁᐠᓴᑕᐢ 22:21; ᓬᐃᐱᑎᑲᐢ 19:33,34; ᑎᔪᑕᕒᐊᓇᒥ 24:17,18; 27:19ᓇᒪᐃᐧᔭ ᒥᓇ ᑭ ᑲ ᑯᑕᑭᐋᐤ ᒫᓂᑌᐤ; ᒋᑫᒫ ᑭ ᑭᐢᑫᔨᑕᒫᐧᓈᐋᐧᐤ ᐅᑌᐦ ᒫᓂᑌᐤ; ᐊᔨᐢ ᐁ ᑭ ᒫᓂᑌᐃᐧᔭᐣ ᐃᒋᑊᐟ ᐊᐢᑭᕽ.
10 #
ᓬᐃᐱᑎᑲᐢ 25:1-7
ᓂᑯᑖᐧᓯᐠ ᐊᐢᑭ ᑭ ᑲ ᑭᐢᑎᑳᑌᐣ ᑭᐟ ᐊᐢᑭ; ᒥᓇ ᑭ ᑲ ᒫᐊᐧᒋᐦᑖᐣ ᐁᓯ ᓂᐦᑖᐃᐧᑭᕽ. 11ᒫᑲ ᑌᐸᑯᑊ ᐁ ᐊᑎ ᑕᐦᑐ ᐊᐢᑭᐊᐧᕽ ᑭ ᑲ ᐊᔦᐧᐱᑖᐣ ᑭᑕ ᐋᐢᑌ ᐊᔮᐠ; ᐊᓂᑭ ᑳ ᑭᑎᒫᑭᓯᒋᐠ ᑭᐟ ᐊᔨᓯᔨᓂᒪᐠ ᑭᑕ ᒥᒋᓱᒋᐠ; ᑫᑲᐧᐩ ᒫᑲ ᐁ ᐃᐢᑯᓇᑭᐠ ᐱᓯᐢᑭᐊᐧᐠ ᑭᐢᑎᑳᓂᕽ ᑳ ᐊᔮᒋᐠ ᑭᑕ ᒥᒋᐊᐧᐠ. ᐁᑯᓯ ᒫᑲ ᒥᓇ ᒣᐧᐦᒋ ᑫ ᑐᑕᒪᐣ ᑭ ᓱᒥᓂ ᑭᐢᑎᑳᐣ, ᒥᓇ ᐋᓬᐃᑊ ᑭᐢᑎᑳᐣ. 12#ᐁᐠᓴᑕᐢ 20:9-11; 31:15; 34:21; 35:2; ᓬᐃᐱᑎᑲᐢ 23:3; ᑎᔪᑕᕒᐊᓇᒥ 5:13,14ᓂᑯᑖᐧᓱ ᑭᓯᑳᐤ ᑭ ᑲ ᑐᑌᐣ ᑭᐟ ᐊᑐᐢᑫᐃᐧᐣ, ᒫᑲ ᑌᐸᑯᑊ ᐊᑎ ᑕᐦᑐ ᑭᓯᑳᑭ ᑭ ᑲ ᐊᔦᐧᐱᐣ; ᐊᓇ ᑭ ᒧᐢᑐᓱᒼ ᒥᓇ ᑭᓱᓱᐊᐧᐢᑎᒼ ᑭᑕ ᐊᔦᐧᐱᐟ, ᒥᓇ ᐅᑯᓯᓴ ᑭᐟ ᐊᑐᐢᑫᔮᑲᓂᐢᑫᐧᒼ ᒥᓇ ᒫᓂᑌᐤ ᑭᑕ ᐊᔦᐧᐱᐟ. 13ᑲᐦᑭᔭᐤ ᒫᑲ ᑫᑲᐧᐩ ᑳ ᑭ ᐊᔨᑎᑕᑯᐠ ᐊᔮᑳᐧᒣᔨᑕᒧᐠ; ᐁᑳᐃᐧᔭ ᒥᓇ ᒫᒥᐢᑯᑕᒫᐧᕽ ᐅ ᐃᐧᔪᐃᐧᓂᐋᐧᐊᐧ ᑯᑕᑲᐠ ᒪᓂᑐᐊᐧᐠ, ᐊᐦᐳ ᐁᑳᐃᐧᔭ ᑭᑐᓂᐋᐧᕽ ᐅᐦᒋ ᐯᑖᑯᑖᐠ.
14ᓂᐢᑖᐧᐤ ᑭ ᑲ ᐃᐧᑯᑫᐢᑕᐃᐧᓈᐋᐧᐤ ᐯᔭᑳᐧᐤ ᐁ ᐊᐢᑭᐊᐧᕽ. 15#ᐁᐠᓴᑕᐢ 12:14-20; ᓬᐃᐱᑎᑲᐢ 23:6-8; ᓇᒼᐸᕒᐢ 28:17-25ᑭ ᑲ ᐃᐧᑯᑳᐣ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ; ᑭ ᑲ ᒧᐋᐧᐤ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ ᑌᐸᑯᑊ ᑭᓯᑳᐤ, ᑳ ᑭ ᐃᑕᓱᐋᐧᑎᑖᐣ ᐃᐢᐱ ᑳ ᐅᔭᑭᑕᒫᐣ ᒣᑳᐧᐨ ᐁᐱᑊ ᐱᓯᒼ (ᒋᑫᒫ ᐁᑯᐢᐱ ᐃᒋᑊᑎᕽ ᑳ ᐯ ᐅᐦᒋ ᐊᐧᔭᐃᐧᔭᐣ); ᐁᑳᐃᐧᔭ ᒫᑲ ᐊᐃᐧᔭᐠ ᐱᓯᓯᐠ ᓂ ᑲ ᐯ ᓈᑎᐠ. 16#ᓬᐃᐱᑎᑲᐢ 23:15-21; ᓇᒼᐸᕒᐢ 28:26-31; ᓬᐃᐱᑎᑲᐢ 23:39-43ᒥᓇ ᐁ ᐃᐧᐦᑯᐦᑐᕽ ᒫᐊᐧᒋᐦᒋᑫᐃᐧᐣ, ᐁ ᓂᐢᑕᒥᑭᕽ ᑭᐟ ᐊᑐᐢᑫᐃᐧᓇ, ᐊᓂᐦᐃ ᑳ ᑭ ᑭᐢᑎᑳᑕᒪᐣ ᑭ ᑭᐢᑎᑳᓂᕽ, ᒥᓇ ᐊᓂᒪ ᐃᐧᑯᐦᑐᐃᐧᐣ ᐁ ᐳᓂ ᒫᐊᐧᒋᐦᑖᕽ, ᐁᐊᐧᑳᐧᓂᒪ ᐁ ᐳᓂᐸᔨᐠ ᐯᔭᐠ ᐊᐢᑭᐃᐧᐣ, ᐃᐢᐱ ᑭ ᒧᓴᑭᓇᒪᓂ ᑭᐟ ᐊᑐᐢᑫᐃᐧᓇ ᑭᐢᑎᑳᓂᕽ ᐅᐦᒋ. 17ᓂᐢᑖᐧᐤ ᑕᐦᑐ ᐊᐢᑭ ᑲᐦᑭᔭᐤ ᑳ ᓈᐯᐃᐧᔦᐠ ᑭᑕ ᐅᑎᐢᑲᐃᐧᐢᑲᐁᐧᐊᐧᐠ ᑳ ᑎᐯᔨᐦᒋᑫᔨᐟ ᑭᓭᒪᓂᑐᐊᐧ.
18ᓇᒪᐃᐧᔭ ᑭ ᑲ ᐸᑭᑎᓈᐤ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ ᑭᑭ ᐁ ᒥᐦᑯᐊᐧᕽ ᑳ ᐸᑭᑎᓈᓱᐢᑕᐃᐧᔭᐣ, ᓇᒪᐃᐧᔭ ᒥᓇ ᐃᐧᔨᐣ ᐁ ᐃᐧᑯᑫᐢᑕᐃᐧᔭᐣ ᑭᑕ ᐊᐢᑌᐤ ᑲᐯᑎᐱᐢᐠ ᐱᔨᐢ ᐁ ᑫᑭᓭᐹᔮᐠ. 19#ᑎᔪᑕᕒᐊᓇᒥ 26:2; ᐁᐠᓴᑕᐢ 34:26; ᑎᔪᑕᕒᐊᓇᒥ 14:21ᐊᓂᐦᐃ ᒫᐊᐧᐨ ᓂᐢᑕᒼ ᑳ ᒥᓂᓯᐊᐧᑭ ᑭᐟ ᐊᐢᑭᕽ ᑭ ᑲ ᐱᑐᑲᑖᐣ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. ᓇᒪᐃᐧᔭ ᑭ ᑲ ᑭᓯᓵᐧᐤ ᐋᐧᐸᑎᑯᓯᐢ ᐅᑳᐃᐧᔭ ᐅ ᑐᐦᑐᓵᐳᔨᕽ.
20ᒫᑎᑲ, ᑭ ᓂᑳᓂᑎᓴᐊᒫᑎᐣ ᐅᑭᓯᑯ, ᑭᑕ ᑲᓇᐁᐧᔨᒥᐢᐠ ᑭ ᒣᐢᑲᓈᕽ ᐁᑯᓯ ᑭᑕ ᐃᑐᐦᑕᐦᐃᐢᐠ ᐊᓂᒪ ᐃᑌ ᑳ ᑭ ᑲᐧᔮᒋᐦᑖᔮᐣ. 21ᐊᔮᑳᐧᒣᔨᒥᕽ ᒥᓇ ᓇᓇᐃᑖᕽ, ᐁᑳᐃᐧᔭ ᑭ ᑲ ᑭᓯᐁᐧᔨᑕᒥᐋᐤ, ᒋᑫᒫ ᓇᒪᐃᐧᔭ ᑭᑕ ᐳᓀᔨᑕᒼ ᑭ ᐊᐧᓂᑐᑕᒧᐃᐧᓂᐋᐧᐊᐧ; ᒋᑫᒫ ᑭᑭᐢᑳᐠ ᓂ ᐃᐧᔪᐃᐧᐣ. 22ᒫᑲ ᑭᐢᐱᐣ ᑖᐯᐧ ᑫ ᓇᓇᐃᑕᐋᐧᐊᐧᑌ, ᒥᓇ ᑐᑕᒪᓂ ᑲᐦᑭᔭᐤ ᐊᓂᒪ ᑳ ᐃᑌᐧᔮᐣ; ᓂ ᑲ ᐅ ᓄᑎᓈᑲᓂᐣ ᑭ ᓄᑎᓈᑲᓇᐠ, ᒥᓇ ᓂ ᑲ ᒪᐃᐧᓀᐋᐧᐊᐧᐠ ᑳ ᒪᐃᐧᓀᐅᐢᑭᐠ. 23ᒋᑫᒫ ᓂᐟ ᐊᑐᐢᑫᔮᑲᐣ ᑭ ᑲ ᓂᑳᓄᑖᐠ ᒥᓇ ᑭ ᑲ ᐯᓯᐠ ᐃᑕ ᐁ ᐊᔮᔨᐟ, ᐋᒪᕒᐊᐃᑕ, ᒥᓇ ᐦᐃᑕᐃᑕ, ᒥᓇ ᐯᕒᐃᓴᐃᑕ, ᒥᓇ ᑫᓇᓇᐃᑕ, ᒥᓇ ᐦᐊᐃᐸᐃᑕ, ᒥᓇ ᒉᑊᔪᓴᐃᑕ; ᐁᑯᓯ ᒫᑲ ᓂ ᑲ ᑭᐢᑲᑕᐋᐧᐊᐧᐠ. 24ᓇᒪᐃᐧᔭ ᑭ ᑲ ᐅᒋᐦᒋᐦᑲᐧᓂᐢᑖᒫᐊᐧ ᐅ ᒪᓂᑐᒥᐋᐧᐊᐧ, ᐊᐦᐳ ᓇᒪᐃᐧᔭ ᑭ ᑲ ᐊᑐᐢᑳᒫᐊᐧ, ᒥᓇ ᓇᒪᐃᐧᔭ ᑭ ᑲ ᑭᐢᑭᓇᐋᐧᐸᒫᐋᐧᐊᐧᐠ; ᒫᑲ ᑭ ᑲ ᓈᐢᐱᒋ ᓂᓯᐊᐧᓈᒋᐦᐋᐋᐧᐊᐧᐠ, ᒥᓇ ᑭ ᑲ ᓂᐦᒋᐁᐧᐸᐦᐅᒫᐊᐧ ᐅ ᒪᓂᑐᑳᓂᐋᐧᐊᐧ. 25ᑭ ᑲ ᐊᑐᐢᑲᐋᐧᐋᐧᐤ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭᑕ ᓴᐁᐧᔨᒣᐤ ᒫᑲ ᑭ ᐸᐦᑫᐧᓯᑲᓂᒪ ᒥᓇ ᑭ ᓂᐱᒼ; ᑭ ᑲ ᒥᑖᑫᐧᓇᒫᑎᐣ ᒫᑲ ᐋᑯᓯᐃᐧᐣ. 26ᓇᒪᐋᐧᐨ ᐊᐃᐧᔭᐠ ᑭᑕ ᐸᐦᑭᓯᒫᐊᐧᓱ, ᐊᐦᐳ ᓇᒪᐃᐧᔭ ᐊᐃᐧᔭᐠ ᑭᑕ ᐱᓯᓯᑯᓯᐤ ᑭᐟ ᐊᐢᑭᕽ; ᐁ ᐃᑕᐦᑎᑭ ᑭ ᑭᓯᑳᒪ ᓂ ᑲ ᑎᐱᐸᔨᑖᐣ. 27ᓂ ᑲ ᐃᓯᑎᓴᐁᐣ ᒫᑲ ᓂ ᑯᐢᑖᑎᑯᓯᐃᐧᐣ ᑭ ᓂᑳᓂᒥᕽ ᒥᓇ ᓂ ᑲ ᓂᓯᐊᐧᓈᒋᐦᐋᐊᐧᐠ ᑕᐦᑐ ᐊᔨᓯᔨᓂᐊᐧᐠ ᑫ ᐊᑎ ᐅᑎᐦᑕᒋᐠ; ᓂ ᑲ ᐃᓯᐦᐋᐊᐧᐠ ᒫᑲ ᑲᐦᑭᔭᐤ ᑭ ᓄᑎᓈᑲᓇᐠ ᑭᑕ ᐊᑎᒥᑳᐸᐃᐧᐢᑖᐢᑭᐠ. 28ᓂ ᑲ ᐃᓯᑎᓴᐋᐧᐤ ᒫᑲ ᐋᒧ ᑭ ᓂᑳᓂᒥᕽ ᐊᓇ ᑫ ᐊᐧᔭᐃᐧᑎᓴᐋᐧᐟ ᐦᐊᐃᐸᐃᑕ, ᒥᓇ ᑫᓇᓇᐃᑕ, ᒥᓇ ᐦᐃᑕᐃᑕ ᑭ ᓂᑳᓂᒥᕽ. 29ᓇᒪᐃᐧᔭ ᐊᔭᐃᐧᐢ ᐯᔭᑳᐧᐤ ᐁ ᐊᐢᑭᐊᐧᕽ ᑲᐦᑭᔭᐤ ᓂ ᑲ ᐊᐧᔭᐃᐧᑎᓴᐋᐧᐊᐧᐠ ᐁᑳ ᑭᑕ ᐱᑲᐧᑕᐢᑲᒥᑯᐊᐧᕽ ᐊᐢᑭ, ᒥᓇ ᐱᓯᐢᑭᐊᐧᐠ ᐁᑳ ᑭᑕ ᐅᓵᒣᔭᑎᒋᐠ. 30ᓂ ᑲ ᐋᐢᑲᐃᐧ ᐊᐧᔭᐃᐧᑎᓴᐋᐧᐊᐧᐠ ᑭ ᓂᑳᓂᒥᕽ, ᐱᔨᐢ ᑭᑕ ᐊᑎ ᒥᐦᒉᑎᔭᐣ, ᒥᓇ ᑭᑕ ᑎᐯᔨᐦᑕᒪᐣ ᐊᐢᑭ. 31ᓂ ᑲ ᐅᔭᐢᑖᐣ ᒫᑲ ᑫ ᐅᐟ ᐃᐦᑖᐃᐧᓂᔭᐣ, ᒥᐦᑳᐧᑲᒥᐃᐧ ᐃᐧᓂᐯᑯᕽ ᐅᐦᒋ, ᐱᔨᐢ ᐅ ᑭᐦᒋᑲᒥᒥᐋᐧᕽ ᐱᓬᐃᐢᑎᓇᐠ, ᒥᓇ ᐱᑲᐧᑕᐢᑭᕽ ᐅᐦᒋ, ᓯᐱᕽ ᐃᐢᑯ; ᒋᑫᒫ ᑭᒋᐦᒋᕽ ᓂ ᑲ ᐸᑭᑎᓈᐊᐧᐠ ᐁᑯᑕ ᐊᐢᑭᕽ ᑳ ᐅᐟ ᐊᐢᑭᒋᐠ; ᐁᑯᓯ ᒫᑲ ᑭ ᑲ ᐊᐧᔭᐃᐧᑎᓴᐋᐧᐊᐧᐠ ᑭ ᓂᑳᓂᒥᕽ. 32ᓇᒪᐃᐧᔭ ᑭ ᑲ ᐃᐧᒋᐦᐃᓯᒋᑫᒫᐊᐧᐠ, ᐊᐦᐳ ᐅ ᒪᓂᑐᑳᓂᐋᐧᐊᐧ. 33ᓇᒪᐃᐧᔭ ᑭᑕ ᐅᐟ ᐊᐢᑭᐊᐧᐠ ᑭᐟ ᐊᐢᑭᕽ, ᐁᑳ ᑭᑕ ᓰᑭᐢᑳᐢᑭᐠ ᑭᑕ ᒪᒋᑐᑕᐃᐧᔭᐣ; ᒋᑫᒫ ᑭᐢᐱᐣ ᑭᐟ ᐊᑐᐢᑫᐢᑖᒫᐊᐧ ᐅ ᒪᓂᑐᑳᓂᐋᐧᐊᐧ, ᑭ ᑲ ᐊᐧᓈᐃᑯᐣ.
Currently Selected:
ᐁᐠᓴᑕᐢ 23: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.