ᐁᐠᓴᑕᐢ 22
22
1ᑭᐢᐱᐣ ᐊᔨᓯᔨᓂᐤ ᑭᒧᑎᒋ ᒧᐢᑐᓴᐧ ᐊᐦᐳ ᒫᔭᑎᐦᑲᐧ, ᐁᑯᓯ ᓂᐸᐦᐋᒋ, ᐊᐦᐳ ᐊᑖᐋᐧᑫᒋ, ᑭᑕ ᑎᐸᐦᐃᑫᐤ ᓂᔮᓇᐣ ᒧᐢᑐᓴᐧ ᒥᐢᑯᐨ ᐯᔭᐠ ᒧᐢᑐᓴᐧ, ᒥᓇ ᓀᐤ ᒫᔭᑎᐦᑲᐧ ᒥᐢᑯᐨ ᐯᔭᐠ ᒫᔭᑎᐦᑲᐧ.
2ᑭᐢᐱᐣ ᑭᒧᑎᐢᐠ ᒣᑳᐧᐢᑳᐦᒋ ᐁ ᑭᒧᑎᐟ, ᐁᑯᓯ ᐸᑲᒪᐅᐦᒋ ᓂᐱᒋ ᒫᑲ, ᓇᒪ ᑫᑲᐧᐩ ᒥᐦᑯ ᑭᑕ ᐊᑖᒥᒫᐤ. 3ᑭᐢᐱᐣ ᑭᓯᑲᐃᐧᐱᓯᒼ ᓵᓴᐩ ᓵᑳᐢᑌᐢᑳᐠ ᑭᑕ ᓯᑭᓂᑫᐢᑕᒪᐋᐧᐤ ᒥᐦᑯ; ᐃᑕᐢᑌᐤ ᒥᑐᓂ ᑭᑕ ᑎᐸᐊᕽ, ᑭᐢᐱᐣ ᐁᑳ ᑫᑲᐧᐩ ᐊᔮᒋ, ᑭᑕ ᐊᑖᐋᐧᑳᑖᐤ ᐅ ᑭᒧᑎᐃᐧᐣ ᐅᐦᒋ. 4ᑭᐢᐱᐣ ᐅ ᑭᒧᑎᐃᐧᐣ ᒥᐢᑭᑳᑌᔨᑭ ᐅᒋᐦᒋᕽ ᐁ ᐱᒫᑎᓯᔨᐟ, ᑭᐢᐱᐣ ᒧᐢᑐᓴᐧ, ᐊᐦᐳ ᓱᓱᒥᐢᑕᑎᒪᐧ, ᐊᐦᐳ ᒫᔭᑎᐦᑲᐧ; ᓂᓵᐧᐤ ᐃᔨᑯᕽ ᑭᑕ ᑎᐸᐁᐧᐤ.
5ᑭᐢᐱᐣ ᐊᔨᓯᔨᓂᐤ ᐅᐟ ᐃᓯᐦᒋᑫᐃᐧᐣ ᐅᐦᒋ ᑭᑖᓂᐃᐧᑭ ᑭᐢᑎᑳᐣ ᐊᐦᐳ ᓱᒥᓂ ᑭᐢᑎᑳᐣ, ᐁᑯᓯ ᐸᑭᑎᓈᒋ ᐅ ᐱᓯᐢᑭᒪ, ᒥᒋᓱᔨᒋ ᒫᑲ ᑯᑕᑲ ᐊᔨᓯᔨᓂᐊᐧ ᐅ ᑭᐢᑎᑳᓂᔨᕽ; ᐁ ᒫᐊᐧᒋ ᒥᔮᐧᓯᓂᔨᐠ ᐃᐧᔭ ᐅ ᑭᐢᑎᑳᐣ, ᒥᓇ ᐁ ᒫᐊᐧᒋ ᒥᔮᐧᓯᓂᔨᐠ ᐅ ᓱᒥᓇ ᑭᐢᑎᑳᐣ, ᑭᑕ ᐅᐦᒋ ᑎᐸᐦᐃᑫᐤ.
6ᑭᐢᐱᐣ ᓯᐯᐧᐸᔨᑭ ᐃᐢᑯᑌᐤ, ᐊᑎ ᓴᐢᑭᑌᑭ ᒫᑲ ᑲᐃᐧᒥᓇᑲᓯᐢᑳᕽ ᐁᑯᓯ ᐱᔨᐢ ᐸᐦᑫᐧᓯᑲᓂᑳᐣ ᐁ ᑭ ᐊᐊᓯᑳᐸᐃᐧᐦᐃᐦᐟ, ᐊᐦᐳ ᑫᔮᐱᐨ ᐁ ᐱᒪᐢᑭᓱᐟ ᐸᐦᑫᐧᓯᑲᓂᑳᐣ, ᐊᐦᐳ ᑭᐢᑎᑳᓇᐢᑲᒥᑯᕽ ᓂᓯᐊᐧᓈᒋᒋᑫᒪᑲᐣ; ᐊᓇ ᑳ ᑭ ᐸᓯᓵᐁᐧᐟ ᑫᐦᒋᓈ ᑭᑕ ᑎᐸᐦᐃᑫᐤ.
7ᑭᐢᐱᐣ ᐊᔨᓯᔨᓂᐤ ᐸᑭᑎᓇᒪᐋᐧᒋ ᐃᐧᒋ ᐊᔨᓯᔨᓂᐊᐧ ᓱᓂᔮᐊᐧ ᐊᐦᐳ ᐊᔪᐃᐧᓂᓴ ᑭᑕ ᑲᓇᐁᐧᔨᑕᒥᔨᐟ ᐁᑯᓯ ᑭᒧᑎᓈᓂᐊᐧᐦᑭ ᐊᓇ ᐊᔨᓯᔨᓂᐤ ᐃᐧᑭᕽ ᐅᐦᒋ; ᑭᐢᐱᐣ ᑳ ᑭᒧᑎᐟ ᒥᐢᑳᐦᒋ ᓂᓵᐧᐤ ᐃᔨᑯᕽ ᑭᑕ ᑎᐸᐦᐃᑫᐤ. 8ᑭᐢᐱᐣ ᐁᑳ ᒥᐢᑳᐦᒋ ᑳ ᑭᒧᑎᐟ, ᐁᑲᐧ ᐊᓇ ᐁᐧᑭᒫᑲᑕᕽ ᐋᐧᐢᑳᐦᐃᑲᐣ ᑭᑕ ᐯ ᓈᑌᐤ ᐅᔭᓱᐁᐧᐃᐧᔨᓂᐊᐧ ᑭᑕ ᑭᐢᑫᔨᑖᑲᐧᕽ ᑭᐢᐱᐣ ᐁᑳ ᑳ ᐅᑎᓇᒧᑫᐧ ᐃᐧᒋ ᐊᔨᓯᔨᓂᐊᐧ ᐅᐟ ᐊᔮᓂᔨᐊᐧ. 9ᑲᐦᑭᔭᐤ ᑐᐃᐧ ᐊᐧᓂᑐᑕᒧᐃᐧᐣ, ᒧᐢᑐᐢ ᐅᐦᒋ, ᐊᐦᐳ ᓱᓱᒥᐢᑕᑎᒼ, ᐊᐦᐳ ᒫᔭᑎᕽ, ᐊᐦᐳ ᑭᑭᐢᑳᒋᑲᐣ, ᐊᐦᐳ ᓈᐣᑕᐤ ᑫᑲᐧᐩ ᐁ ᐊᐧᓂᑖᕽ, ᐁᐊᐧᑫᐧᔨᐤ ᐅᐦᒋ ᐯᔭᐠ ᐁ ᐃᑌᐧᐟ, ᐁᐊᐧᑯᒪ, ᐁ ᐃᑌᐧᒋᐠ ᑖᐱᐢᑯᐨ ᑭᑕ ᐃᑐᑕᑖᐋᐧᐣ ᑭᑕ ᐅᑎᐢᑲᐃᐧᐢᑳᑯᐟ ᐅᔭᓱᐁᐧᐃᐧᔨᓂᐤ; ᐊᓂᐦᐃ ᒫᑲ ᐅᔭᓱᐁᐧᐃᐧᔨᓂᐤ ᑫ ᐃᑕᓱᐋᐧᑖᐟ ᓂᓵᐧᐤ ᐃᔨᑯᕽ ᑭᑕ ᑎᐸᐦᐊᒪᐁᐧᐤ ᐃᐧᒋ ᐊᔨᓯᔨᓂᐊᐧ.
10ᑭᐢᐱᐣ ᐊᔨᓯᔨᓂᐤ ᐸᑭᑎᓇᒪᐋᐧᒋ ᐃᐧᒋ ᐊᔨᓯᔨᓂᐊᐧ ᓱᓱᒥᐢᑕᑎᒪᐧ, ᐊᐦᐳ ᒧᐢᑐᓴᐧ ᐊᐦᐳ ᒫᔭᑎᐦᑲᐧ, ᐊᐦᐳ ᓈᐣᑕᐤ ᐱᓯᐢᑭᐊᐧ, ᑭᑕ ᑲᓇᐁᐧᔨᒫᔨᐟ; ᐁᑯᓯ ᓂᐱᔨᒋ, ᐊᐦᐳ ᐃᐧᓵᑭᓯᓂᔨᐟ, ᐊᐦᐳ ᐃᔨᑳᑎᓴᐅᒥᐦᐟ, ᐁᑳ ᐊᐃᐧᔭᐠ ᐁ ᐋᐧᐸᐦᑕᕽ. 11ᑭᑕ ᑭᐦᒋ ᐃᑌᐧᐃᑐᐊᐧᐠ ᑳ ᑎᐯᔨᐦᒋᑫᐟ ᐁ ᐊᐢᐱᒧᒋᐠ, ᐁᑳ ᐁ ᑭ ᐅᐦᒋ ᐅᑎᓇᒫᐧᐟ ᐃᐧᒋ ᐊᔨᓯᔨᓂᐊᐧ ᐅᐟ ᐊᔮᓂᔨᐊᐧ; ᐁᑯᓯ ᐊᓇ ᑳ ᐅᐟ ᐊᔮᓂᐟ ᐁᐊᐧᑫᐧᔨᐤ ᑭᑕ ᐅᑎᓇᒼ, ᓇᒪᐃᐧᔭ ᒫᑲ ᑭᑕ ᑎᐸᐦᐃᑫᐤ. 12ᒫᑲ ᐃᐧᔭ ᑭᐢᐱᐣ ᑭᒧᑕᒫᐦᒋ ᑭᑕ ᑎᐸᐦᐊᒪᐁᐧᐤ ᑳ ᑎᐱᔭᐁᐧᐃᐧᓯᔨᐟ. 13ᑭᐢᐱᐣ ᑭ ᐱᑯᐱᑎᒫᐊᐧ, ᑭᑕ ᐯᑖᐤ ᐁ ᐱᐃᐧᐸᔨᔨᐟ ᑭᑕ ᑭᐢᑫᔨᑖᑲᐧᕽ; ᓇᒪᐃᐧᔭ ᑭᑕ ᑎᐸᐁᐧᐤ ᑳ ᑭ ᐱᑯᐱᑎᒥᐦᐟ.
14ᑭᐢᐱᐣ ᐊᔨᓯᔨᓂᐤ ᑫᑲᐧᐩ ᐊᐃᐧᐋᓱᒫᒋ ᐃᐧᒋ ᐊᔨᓯᔨᓂᐊᐧ, ᐁᑯᓯ ᐃᐧᓴᑲᐅᒥᐦᐟ ᐊᐦᐳ ᓂᐱᔨᐟ, ᐊᓇ ᐁ ᑎᐱᔭᐁᐧᐃᐧᓯᐟ ᐁᑳ ᐁᑯᑕ ᐁ ᐊᔮᐟ, ᑫᐦᒋᓈ ᑭᑕ ᑎᐸᐁᐧᐤ. 15ᑭᐢᐱᐣ ᑳ ᑎᐱᔭᐁᐧᐃᐧᓯᐟ ᐁᑯᑕ ᐊᔮᒋ, ᓇᒪᐃᐧᔭ ᑭᑕ ᑎᐸᐁᐧᐤ; ᑭᐢᐱᐣ ᑳ ᒪᓯᓇᐦᐃᑫᐋᑫᐧ, ᐊᔨᐢ ᑭᐢᐱᓇᒋᑫᐃᐧᐣ ᑳ ᑭ ᐅᐦᒋ ᐯ ᐃᑐᐦᑌᔨᐟ.
16 #
ᑎᔪᑕᕒᐊᓇᒥ 22:28,29 ᑭᐢᐱᐣ ᐊᔨᓯᔨᓂᐤ ᐅᒋᐋᒋ ᐅᐢᑭᓂᑭᐢᑫᐧᐊᐧ ᐁᑳ ᑳ ᑭᐢᑭᒥᒥᐦᐟ ᐁᑯᓯ ᐃᐧᒉᐋᐧᒋ, ᑭᑕ ᑎᐸᐦᐃᑫᐤ ᐁ ᐃᑕᐢᑌᐠ ᑭᑕ ᐃᓯᐦᒋᑫᐟ ᐁ ᐃᐧᐃᐧᐟ. 17ᑭᐢᐱᐣ ᒫᑲ ᐅᑖᐃᐧᔨᐊᐧ ᐁᑳ ᐃᐧ ᒥᔨᑯᒋ, ᑭᑕ ᑎᐸᐦᐃᑫᐤ ᓱᓂᔮᐊᐧ ᐃᔨᑯᕽ ᑳ ᐃᓯ ᐅᐦᑎᓇᒫᐦᒋᐠ ᐅᐢᑭᓂᑭᐢᑫᐧᐊᐧᐠ.
18 #
ᑎᔪᑕᕒᐊᓇᒥ 18:10,11 ᓇᒪᐃᐧᔭ ᑭᑕ ᐱᒫᑎᓯᐤ ᑳ ᒪᒋ ᒪᒫᑖᐃᐧᓯᐟ ᐃᐢᑫᐧᐤ.
19 #
ᓬᐃᐱᑎᑲᐢ 18:23; 20:15,16; ᑎᔪᑕᕒᐊᓇᒥ 27:21 ᐊᐃᐧᔭᐠ ᑫ ᐃᐧᒉᐋᐧᑫᐧ ᐱᓯᐢᑭᐊᐧ ᑭᑕ ᓂᐸᐦᐋᐤ.
20 #
ᑎᔪᑕᕒᐊᓇᒥ 17:2-7
ᐊᓇ ᑳ ᐸᑭᑎᓈᓱᐢᑕᐋᐧᐟ ᓈᐣᑕᐤ ᐱᑐᐢ ᒪᓂᑐᐊᐧ, ᑭᐢᐱᐣ ᓇᒪᐃᐧᔭ ᐱᑯ ᑳ ᑎᐯᔨᐦᒋᑫᔨᐟ, ᒥᑐᓂ ᑭᑕ ᓂᓯᐊᐧᓈᒋᐦᐋᐤ.
21 #
ᐁᐠᓴᑕᐢ 23:9; ᓬᐃᐱᑎᑲᐢ 19:33,34; ᑎᔪᑕᕒᐊᓇᒥ 24:17,18; 27:19 ᒫᓂᑌᐤ ᓇᒪᐃᐧᔭ ᑭ ᑲ ᒫᔨᑐᑕᐋᐧᐤ, ᒥᓇ ᓇᒪᐃᐧᔭ ᑭ ᑲ ᑭᑎᒪᐋᐤ; ᒋᑫᒫ ᑭ ᑭ ᒫᓂᑌᐃᐧᓈᐋᐧᐤ ᐃᒋᑊᐟ ᐊᐢᑭᕽ.
22ᓇᒪᐃᐧᔭ ᑭ ᑲ ᑯᑕᑭᐋᐤ ᓈᐣᑕᐤ ᓯᑳᐃᐧᐢᑫᐧᐤ, ᐊᐦᐳ ᐁ ᑭᐋᐧᑎᓯᐟ ᐊᐋᐧᓯᐢ. 23ᑭᐢᐱᐣ ᓈᐣᑕᐤ ᐃᓯ ᑯᑕᑭᐁᑳᐧᐃᐧ, ᐁᑯᓯ ᒪᐃᐧᒧᐢᑕᐃᐧᑖᐧᐃᐧ ᓇᐣᑕᐤ ᐃᓯ, ᑫᐦᒋᓇ ᓂ ᑲ ᐯᐦᑕᒫᐧᐣ ᐅ ᒪᐃᐧᒧᐢᒋᑫᐃᐧᓂᐋᐧᐤ; 24ᐊᓂᒪ ᒫᑲ ᓂ ᑭᓯᐋᐧᓯᐃᐧᐣ ᑭᑕ ᐊᑎ ᑭᓯᑌᐤ, ᒥᓇ ᑭ ᑲ ᓂᐸᐃᑎᓈᐋᐧᐤ ᐃᓴᐁᐧᐢᐠ ᐅᐦᒋ; ᑭᐃᐧᐋᐧᐊᐧᐠ ᒫᑲ ᑭᑕ ᓯᑳᐃᐧᐊᐧᐠ, ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ ᑭᑕ ᑭᐋᐧᑎᓯᐊᐧᐠ.
25 #
ᓬᐃᐱᑎᑲᐢ 25:35-38; ᑎᔪᑕᕒᐊᓇᒥ 15:7-11; 23:19,20 ᑭᐢᐱᐣ ᐊᐃᐧᐊᑖᐧᐃᐧ ᓱᓂᔮᐊᐧ ᓈᐣᑕᐤ ᓂᐟ ᐊᔨᓯᔨᓂᒪᐠ ᑲ ᐃᐧᒋᐊᔮᒥᐢᑭᐠ ᐁ ᑭᑎᒫᑭᓯᒋᐠ; ᓇᒪᐃᐧᔭ ᑭ ᑲ ᐃᓯ ᑲᓇᐋᐧᐸᒫᐤ ᑖᐱᐢᑯᐨ ᐊᐃᐧᔭᐠ ᐁ ᒪᓯᓇᐦᐊᒫᐢᐠ; ᐊᐦᐳ ᓇᒪᐃᐧᔭ ᑭ ᑲ ᐊᑭᐦᑕᒪᐋᐧᐤ ᐁ ᒫᐊᐧᒋᐦᒋᑫᐸᔨᔨᐟ. 26#ᑎᔪᑕᕒᐊᓇᒥ 24:10-13ᑭᐢᐱᐣ ᐅᑎᓇᒪᐧᒋ ᑭᐦᒋ ᐊᔨᓯᔨᓂᐤ ᐅᐢᑯᑖᑲᐩ ᑭᑕ ᑭᐢᑯᑕᒪᐧᐟ ᑭ ᑲ ᐸᑭᑎᓇᒪᐋᐧᐤ ᒪᐧᔦᐢ ᐊᐊᐧᓭᐁᐧᐟ ᐱᓯᒼ. 27ᒋᑫᒫ ᐁᐊᐧᑫᐧᔨᐤ ᐱᑯ ᐅᐟ ᐊᑲᐧᓇᐦᐅᐃᐧᐣ, ᐁᐊᐧᑫᐧᔨᐤ ᐁᐧᐦᒋ ᐊᑯᐋᐧᐟ ᐊᐧᓴᑲᔭ; ᑫᑲᐧᐩ ᑫ ᓂᐹᑫᐟ? ᑭᑕ ᐃᐢᐸᔨᐤ ᒫᑲ ᐃᐢᐱ ᒪᐃᐧᒧᐢᑕᐃᐧᒋ ᓂ ᑲ ᓇᑐᐦᑕᐋᐧᐤ, ᒋᑫᒫ ᓂ ᑭᓭᐋᐧᑎᓯᐣ.
28 #
ᐃᓯᐦᒋᑫᐃᐧᓂᐋᐧᐊᐧ 23:5
ᓇᒪᐃᐧᔭ ᑭ ᑲ ᐱᐃᐧᑭᓵᐧᑖᐊᐧᐠ ᐅᔭᓱᐁᐧᐊᐧᐠ, ᐊᐦᐳ ᓇᒪᐃᐧᔭ ᑭ ᑲ ᒪᒋ ᐃᑖᐤ ᑳ ᑎᐯᔨᒫᐟ ᑭᐟ ᐊᔨᓯᔨᓂᒪ.
29ᓇᒪᐃᐧᔭ ᑭ ᑲ ᐹᐧᐢᑕᐃᐧᓯᐣ ᑭᑕ ᐸᑭᑎᓇᒪᐣ ᓂᐢᑕᒼ ᑳ ᑕᐦᑎᑭ ᑭ ᒥᓂᓯᒪ, ᒥᓇ ᑭ ᒥᓂᐦᑫᐧᐃᐧᓇ. ᑭ ᓂᐢᑕᒧᓵᐣ ᐁ ᐅᑯᓯᓯᔭᐣ ᑭ ᑲ ᒥᔨᐣ. 30ᐁᑯᓯ ᒫᑲ ᒥᓇ ᒣᐧᐦᒋ ᑫ ᑐᑕᐊᐧᐟ ᑭ ᒧᐢᑐᓱᒼ, ᒥᓇ ᑭ ᒫᔭᑎᐦᑯᒼ, ᑌᐸᑯᑊ ᑭᓯᑳᐤ ᑭᑕ ᐃᐧᒉᐁᐧᐤ ᐅᑳᐃᐧᔭ; ᐊᑎ ᐊᔨᓈᓀᐅ ᑭᓯᑳᑭ ᑭ ᑲ ᒥᔨᐣ.
31 #
ᓬᐃᐱᑎᑲᐢ 17:15
ᑭ ᑲ ᐅ ᑲᓈᒋ ᐅᐟ ᐊᔨᓯᔨᓂᒥᒥᑎᓈᐋᐧᐤ ᒫᑲ; ᓇᒪᐃᐧᔭ ᒥᓇ ᑭ ᑲ ᒥᒋᓈᐋᐧᐤ ᐊᓂᒪ ᐃᐧᔮᐢ ᑳ ᐱᑯᐱᑕᑭᐠ ᐱᓯᐢᑭᐊᐧᐠ ᐱᑲᐧᒑᔨᕽ; ᑭ ᑲ ᐁᐧᐱᓇᒪᐋᐧᐋᐧᐊᐧᐠ ᐊᑎᒪᐧᐠ.
Currently Selected:
ᐁᐠᓴᑕᐢ 22: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
