ᑎᔪᑕᕒᐊᓇᒥ 25
25
1ᑭᐢᐱᐣ ᐊᐧᐋᐧᓀᔨᑕᒥᐃᑐᑖᐧᐃᐧ ᐊᔨᓯᔨᓂᐊᐧᐠ ᐯ ᐃᑐᐦᑌᑖᐧᐃᐧ ᒫᑲ ᐅᔭᓱᐁᐧᐃᐧᓂᕽ, ᐁᑯᓯ ᐅᔭᓱᐋᐧᑎᑯᑖᐧᐃᐧ ᐅᔭᓱᐁᐧᐃᐧᔨᓂᐊᐧ; ᑲᐧᔭᐢᐠ ᑭᑕ ᐃᑕᔦᐊᐧᐠ ᑳ ᑲᐧᔭᐢᑳᐧᑎᓯᔨᐟ ᒫᑲ ᑭᑕ ᓈᓂᐳᒣᐊᐧᐠ ᑳ ᒪᒑᔨᐃᐧᔨᐟ; 2ᑭᑕ ᐃᐦᑭᐣ ᒫᑲ, ᑭᐢᐱᐣ ᐊᓇ ᑳ ᒪᒑᔨᐃᐧᐟ ᐊᔨᓯᔨᓂᐤ ᑲᐢᑭᑕᒪᓱᒋ ᑭᑕ ᐸᓴᐢᑌᐅᐦᐟ ᐅᔭᓱᐁᐧᐃᐧᔨᓂᐤ ᑭᑕ ᐃᑕᓱᐁᐧᐤ ᑭᑕ ᐱᒥᓯᓂᔨᐟ, ᐁᑯᓯ ᑭᑕ ᐸᐸᓴᐢᑌᐅᒥᐦᐟ ᐁ ᑲᓇᐋᐧᐸᒫᐟ, ᐃᔨᑯᕽ ᐊᓂᒪ ᐁ ᑭ ᒪᒋᑐᑕᒥᔨᐟ ᑎᐱᑕᑖᐧᐤ. 3#2 ᑲᕒᐃᐣᑎᔭᓇ 11:24ᓀᒥᑕᓇᐤ ᑕᐦᑖᐧᐤ ᑭᑕ ᑭ ᐸᓴᐢᑌᐋᐧᐤ ᓇᒪᐃᐧᔭ ᒫᑲ ᐊᔨᐋᐧᐠ; ᐊᔨᐢ ᑭᐢᐱᐣ ᐊᔨᐋᐧᐠ, ᐁᑯᓯ ᒥᐦᒉᑖᐧᐤ ᐊᐊᐧᓯᒣ ᐊᑎ ᐸᓴᐢᑌᐋᐧᒋ, ᐁᑲᐧ ᑭᒋᐋᐧᒼ ᑭᑕ ᐊᑎ ᐱᐁᐧᔨᒪᐟ.
4 #
1 ᑲᕒᐃᐣᑎᔭᓇ 9:9; 1 ᑎᒪᑏ 5:18 ᓇᒪᐃᐧᔭ ᑭ ᑲ ᑭᐳᑐᓀᐱᑖᐤ ᒧᐢᑐᐢ ᐃᐢᐱ ᐸᐃᐧᐢᑲᐋᐧᒋ ᐸᐦᑫᐧᓯᑲᓂᑳᓇ.
5 #
ᒫᐟᔪ 22:24; ᒫᕒᐠ 12:19; ᓬᐅᐠ 20:28 ᑭᐢᐱᐣ ᐁ ᐅᒋᐋᐧᒥᑐᒋᐠ ᒫᒪᐃᐧ ᐊᔮᑖᐧᐃᐧ, ᐁᑯᓯ ᐯᔭᐠ ᐳᓂ ᐱᒫᑎᓯᒋ, ᐁᑳ ᒫᑲ ᐅᑯᓯᓯᒋ; ᐃᐧᐊᐧ ᐊᓇ ᐁᑳ ᑳ ᐱᒫᑎᓯᐟ ᓇᒪᐃᐧᔭ ᑭᑕ ᐅ ᓈᐯᒥᐤ ᒫᓂᑌᐊᐧ ᐊᐧᔭᐃᐧᑎᒫᔨᕽ: ᐅᓈᐯᒪ ᐅᒋᐋᐧᒥᔨᐊᐧ ᑭᑕ ᐃᐧᒉᐃᐧᐠ, ᑭᑕ ᐅᑎᓂᐠ ᑭᑕ ᐃᐧᐃᐧᐟ, ᐁᑯᓯ ᑭᑕ ᑎᐱᑐᑕᒥᔨᐊᐧ ᐁ ᐃᑕᐢᑌᔨᐠ ᐅ ᓈᐯᒪ ᐅᒋᐋᐧᒥᔨᐊᐧ ᑭᑕ ᐃᑐᑖᑯᐟ. 6ᑭᑕ ᐃᐦᑭᐣ ᒫᑲ ᐊᓂᐦᐃ ᓂᐢᑕᒼ ᑫ ᓂᐦᑖᐃᐧᑭᐦᐋᐟ ᑭᑕ ᐋᓂᐢᑫᐢᑲᒥᔨᐊᐧ ᐅ ᐃᐧᔪᐃᐧᓂᔨᐤ ᐅᒋᐋᐧᒪ ᑳ ᓂᐱᔨᐟ, ᐅ ᐃᐧᔪᐃᐧᓂᔨᐤ ᐁᑳ ᑭᑕ ᐳᓂᐸᔨᓂᔨᐠ ᐃᐢᕒᐁᐃᓬᐃᕽ. 7#ᕒᐅᐦᐟ 4:7,8ᑭᐢᐱᐣ ᒫᑲ ᐊᓇ ᓈᐯᐤ ᐁᑳ ᒥᔦᐧᔨᑕᑭ ᑭᑕ ᐅᑎᓂᒫᐟ ᐅᒋᐋᐧᒪ ᐃᐧᐃᐧᔨᐊᐧ, ᑭᔮᒼ ᐅᒋᐋᐧᒪ ᐃᐧᐃᐧᔨᐊᐧ ᑭᑕ ᓈᑌᔨᐊᐧ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᐊᓂᑕ ᑭᐦᒋᐃᐢᑳᐧᑌᒥᕽ, ᑭᑕ ᐃᑖᔨᐟ, ᓂ ᓈᐯᒼ ᐅᒋᐋᐧᒪ ᐋᓀᐧᑕᒼ ᑭᑕ ᐊᐧᓂᐢᑳᓇᒪᐋᐧᐟ ᐅᒋᐋᐧᒪ ᐃᐧᔪᐃᐧᐣ ᐃᐢᕒᐁᐃᓬᐃᕽ, ᓇᒪᐃᐧᔭ ᓂ ᐃᐧ ᐃᑐᑖᐠ ᐁ ᐃᑕᐢᑌᐠ ᓂ ᓈᐯᒼ ᐅᒋᐋᐧᒪ ᑭᑕ ᐃᑐᑕᐃᐧᐟ. 8ᐁᑲᐧ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᐅᐟ ᐅᑌᓈᕽ ᑭᑕ ᓇᑐᒥᐠ ᑭᑕ ᐊᔭᒥᐃᑯᐟ; ᑭᐢᐱᐣ ᒫᑲ ᓂᐸᐃᐧᒋ ᒥᓇ ᐃᑌᐧᒋ, ᓇᒪᐃᐧᔭ ᓂ ᒥᔦᐧᔨᑌᐣ ᑭᑕ ᐅᑎᓇᐠ; 9ᐁᑲᐧ ᒫᑲ ᐊᓂᐦᐃ ᐅᒋᐋᐧᒪ ᐃᐧᐃᐧᔨᐊᐧ ᑭᑕ ᐯ ᓈᑎᐠ ᐁ ᐋᐧᐸᒥᑯᐟ ᐊᓂᐦᐃ ᑳ ᓂᑳᓀᔨᑖᑯᓯᔨᐟ, ᐁᑯᓯ ᑭᑕ ᐋᐱᑯᓇᒥᔨᐊᐧ ᐅ ᒪᐢᑭᓯᐣ ᐅᓯᑎᕽ ᐅᐦᒋ, ᒥᓇ ᑭᑕ ᓯᑳᐧᑎᐠ ᐅᐦᑳᐧᑲᓂᕽ; ᐁᑯᓯ ᑭᑕ ᓇᐢᑫᐧᐊᐧᓯᒧᔨᐟ ᑭᑕ ᐃᑌᐧᔨᐟ, ᐁᑯᓯ ᐅᒪ ᑫ ᐃᑐᑖᐦᐟ ᐊᓇ ᐊᔨᓯᔨᓂᐤ ᐁᑳ ᑳ ᐊᐧᓂᐢᑳᓇᒫᐧᐟ ᐅᒋᐋᐧᒪ ᐅ ᐋᐧᐢᑳᐦᐃᑲᓂᔨᐤ. 10ᐅᒥᓯ ᒫᑲ ᑭᑕ ᐃᓯᔨᐦᑳᑖᐤ ᐃᐢᕒᐁᐃᓬᐃᕽ, ᐃᐧᑭ ᐊᓇ ᑳ ᑭ ᐋᐱᑯᓇᒧᐦᐟ ᐅ ᒪᐢᑭᓯᐣ.
11ᑭᐢᐱᐣ ᓈᐯᐊᐧᐠ ᐁ ᓄᑎᓂᑐᒋᐠ, ᐁᑯᓯ ᐃᐧᐊᐧ ᐊᓇ ᐯᔭᐠ ᑭᓯᐋᐧᐠ ᐯ ᐃᑐᐦᑌᔨᐊᐧ ᑭᑕ ᐸᐢᐱᐦᐋᐟ ᐅ ᓈᐯᒪ ᐅᒋᐦᒋᔨᕽ ᐅᐦᒋ ᐊᓂᐦᐃ ᑳ ᐸᑲᒪᐅᑯᔨᐟ, ᐃᓯᒋᐦᒉᔨᐤ ᒫᑲ ᐁ ᐅᑎᐦᑎᓈᐟ ᑳᑕᓄᕽ; 12ᑭ ᑲ ᒪᓂᓴᒫᐧᐣ ᐅᒋᐦᒋ, ᓇᒪᐃᐧᔭ ᑭ ᑲ ᑭᑎᒫᑭᓇᐋᐧᐤ.
13 #
ᓬᐃᐱᑎᑲᐢ 19:35,36 ᓇᒪᐃᐧᔭ ᑭ ᑲ ᐊᔮᐣ ᑭ ᒪᐢᑭᒧᑎᕽ ᑲᔦᓯ ᑎᐸᐯᐢᑯᒋᑲᓇ, ᐁ ᒥᓵᐠ ᒥᓇ ᐁ ᐊᐱᓵᓯᐠ. 14ᓇᒪᐃᐧᔭ ᑭ ᑲ ᐊᔮᐣ ᑭ ᐋᐧᐢᑳᐦᐃᑲᓂᕽ ᓇᓈᑐᕽ ᑎᐸᐃᑲᓇ ᐁ ᒥᓵᐠ ᒥᓇ ᐁ ᐊᐱᓵᓯᐠ. 15ᒫᑲ ᑭ ᑲ ᐊᔮᐣ ᑲᐧᔭᐢᐠ ᒥᓇ ᒣᐧᐦᒋ ᐁ ᐃᐢᐱᑎᓂᑲᐧᕽ ᑎᐹᐯᐢᑯᒋᑲᐣ, ᒥᓇ ᒣᐧᐦᒋ ᒥᓇ ᑲᐧᔭᐢᐠ ᐁ ᐃᐢᐱᒑᐠ ᑎᐸᐃᑲᐣ ᑭ ᑲ ᐊᔮᐣ; ᑭ ᑭᓯᑳᒪ ᑭᓀᐧᐢ ᑭᑕ ᐊᔮᑭ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ. 16ᒋᑫᒫ ᑲᐦᑭᔭᐤ ᐁᑯᓯ ᑳ ᐃᑐᑕᐦᑭᐠ, ᑲᐦᑭᔭᐤ ᐅᑎ ᐁᑳ ᑲᐧᔭᐢᐠ ᑳ ᐃᑐᑕᐦᑭᐠ ᐸᑳᐧᑌᔨᒥᑲᐧᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ.
17 #
ᐁᐠᓴᑕᐢ 17:8-14; 1 ᓵᒼᔪᐃᓬ 15:2-9 ᑲᓄᑭᐢᑭᐢᑭᓯ ᐋᒪᓬᐃᐠ ᑳ ᑭ ᐃᑐᑖᐢᐠ ᐁ ᐯ ᐱᒧᐦᑌᐅᔭᐣ ᐃᐢᐱ ᐃᒋᑊᑎᕽ ᑳ ᐯ ᐅᐦᑐᑌᔭᐣ; 18ᑳ ᑭ ᓇᑕᐃᐧᓇᑭᐢᑳᐢᐠ ᒣᐢᑲᓈᕽ, ᐁᑯᓯ ᐁ ᑭ ᓂᐸᐦᐋᐟ ᐋᑎᐦᐟ ᑭᔭ ᐅᐦᒋ, ᑕᐦᑐ ᑳ ᓀᓱᐃᐧᓯᔨᐟ ᑯᑖᐢᑲᓈᒥᕽ ᑳ ᐊᔮᔨᐟ, ᒣᑳᐧᐨ ᐁ ᓄᑌᓯᓂᔭᐣ ᒥᓇ ᐁ ᐊᔦᐢᑯᓯᔭᐣ; ᐁᑯᓯ ᐁᑳ ᐁ ᑯᐢᑖᐟ ᑭᓭᒪᓂᑐᐊᐧ. 19ᐁᑯᓯ ᑭᑕ ᐃᐦᑭᐣ, ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐊᔦᐧᐱᐃᐢᑭ ᐳᓂᐊᑖᐧᐃᐧ ᑭ ᓄᑎᓈᑲᓇᐠ ᐋᐧᐢᑳ ᑳ ᐊᔮᒋᐠ, ᐊᓂᑕ ᐊᐢᑭᕽ ᑳ ᒥᔨᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᑎᐯᔨᐦᑕᒪᐣ, ᑭᑕ ᑳᓯᐯᐊᒪᐧᐟ ᐅ ᑭᐢᑭᓯᑐᑖᑯᐃᐧᐣ ᐊᓇ ᐋᒪᓬᐃᐠ ᓯᐹ ᑭᓯᑯᕽ ᐅᐦᒋ; ᓇᒪᐃᐧᔭ ᑭ ᑲ ᐊᐧᓂᑭᐢᑭᓯᐣ.
Currently Selected:
ᑎᔪᑕᕒᐊᓇᒥ 25: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
