ᑎᔪᑕᕒᐊᓇᒥ 24
24
1 #
ᒫᐟᔪ 5:31; 19:7; ᒫᕒᐠ 10:4 ᑭᐢᐱᐣ ᐊᔨᓯᔨᓂᐤ ᐁᐧᑎᓈᒋ ᐃᐢᑫᐧᐊᐧ, ᒥᓇ ᐃᐧᔨᑭᒫᒋ, ᐁᑯᓯ ᑭᑕ ᐃᐦᑭᐣ ᑭᐢᐱᐣ ᐁᑳ ᒥᔦᐧᔨᒫᒋ, ᓈᐣᑕᐤ ᑫᑲᐧᐩ ᐁ ᒥᐢᑲᕽ ᐁᑳ ᑲᐧᔭᐢᐠ ᐁ ᐃᓯ ᐊᔮᔨᐟ, ᑭᔮᒼ ᑭᑕ ᒪᓯᓇᐦᐊᒼ ᐁᐧᐱᓂᑐᐃᐧ ᒪᓯᓇᐦᐃᑲᐣ, ᐁᑯᓯ ᑭᑕ ᒥᔦᐤ ᐅᒋᐦᒋᔨᕽ, ᒥᓇ ᑭᑕ ᐊᐧᔭᐃᐧᑎᓴᐁᐧᐤ ᐃᐧᑭᕽ ᐅᐦᒋ. 2ᐃᐢᐱ ᒫᑲ ᐊᐧᔭᐃᐧᔨᒋ ᐃᐧᑭᕽ ᐅᐦᒋ ᑭᔮᒼ ᑯᑕᑲ ᐊᔨᓯᔨᓂᐊᐧ ᑭᑕ ᑭ ᐅ ᓈᐯᒥᐤ. 3ᑭᐢᐱᐣ ᒫᑲ ᐃᐢᑳᐧᔮᐨ ᐅ ᓈᐯᒪ ᐸᑳᐧᑎᑯᒋ, ᒥᓇ ᒪᓯᓇᐦᐊᒫᑯᒋ ᐁᐧᐱᓂᑐᐃᐧ ᒪᓯᓇᐦᐃᑲᐣ, ᐁᑯᓯ ᒥᔨᑯᒋ ᐅᒋᐦᒋᕽ, ᐁᑯᓯ ᓯᐯᐧᑎᓴᐅᑯᒋ ᐃᐧᑭᔨᕽ ᐅᐦᒋ; ᐊᐁᐧᑳ ᐊᓂᐦᐃ ᐃᐢᑳᐧᔮᐨ ᐅᓈᐯᒪ ᓂᐱᔨᒋ, ᑳ ᑭ ᐅᑎᓂᑯᐟ ᑭᑕ ᐅ ᓈᐯᒥᐟ; 4ᐊᓂᐦᐃ ᓂᐢᑕᒼ ᐅ ᓈᐯᒪ ᑳ ᑭ ᓯᐯᐧᑎᓴᐦᐅᑯᐟ, ᓇᒪᐃᐧᔭ ᑳᐃᐧ ᒥᓇ ᑭᑕ ᑭ ᐅᑎᓂᐠ ᑭᑕ ᐃᐧᐃᐧᐟ, ᐊᓂᒪ ᐁ ᑭ ᐃᐧᔨᐱᐃᒥᐦᐟ; ᒋᑫᒫ ᐁᐊᐧᑯ ᐸᑳᐧᑎᑲᐧᐣ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ; ᓇᒪᐃᐧᔭ ᒫᑲ ᑭ ᑲ ᐃᓯᒋᑳᐣ ᒪᒋᐃᑎᐃᐧᐣ ᑭᑕ ᐊᔮᐠ ᐊᐢᑭᕽ ᑳ ᒥᔨᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᑎᐯᔨᐦᑕᒪᐣ.
5ᑭᐢᐱᐣ ᐊᔨᓯᔨᓂᐤ ᐁ ᐅᐢᑭᐢᑫᐧᐁᐧᐟ, ᓇᒪᐃᐧᔭ ᑭᑕ ᐃᐧᒋᐦᐃᐁᐧᐤ ᐁ ᓇᑐᐸᔨᕽ, ᓇᒪᐃᐧᔭ ᒥᓇ ᑭᑕ ᐊᑐᐢᑲᐋᐤ ᓈᐣᑕᐤ ᐊᑐᐢᑫᐃᐧᐣ; ᑭᑕ ᑎᐯᔨᒥᓱ ᐃᐧᑭᕽ ᐯᔭᐠ ᐊᐢᑭᐃᐧᐣ, ᐁᑯᓯ ᑭᑕ ᓂᐢᑖᓯᐢᑲᐋᐧᐟ ᐊᓂᐦᐃ ᐃᐧᐊᐧ ᑳ ᑭ ᐅᑎᓈᐟ. 6ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᐅᑎᓇᒼ ᐱᓂᐳᒋᑲᐣ ᐊᐦᐳ ᑳ ᐊᐧᐢᑭᑕᐱᔨᐟ ᐱᓂᐳᒋᑲᓇᓯᓂᔭ ᑭᑕ ᐊᐢᐱ ᓇᑖᑖᒥᐦᐟ; ᐊᔨᓯᔨᓂᐊᐧ ᐅ ᐱᒫᑎᓯᐃᐧᓂᔨᐤ ᐅᑎᓇᐣ ᐁ ᐊᐢᐱᓇᑖᑖᒥᐦᐟ.
7 #
ᐁᐠᓴᑕᐢ 21:16
ᑭᐢᐱᐣ ᐊᔨᓯᔨᓂᐤ ᑭᐢᑫᔨᑖᑯᓯᒋ ᐁ ᑭᒧᑎᐟ ᓈᐣᑕᐤ ᐅᒋᐋᐧᒪ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑯᓯ ᐃᑐᑕᐋᐧᒋ ᑖᐱᐢᑯᐨ ᐊᐊᐧᑳᐣ, ᐊᐦᐳ ᐊᑖᐋᐧᑫᒋ; ᐁᑲᐧ ᐊᓇ ᐅᑭᒧᑎᐤ ᑭᑕ ᓂᐱᐤ; ᑭ ᑲ ᐃᑲᑌᓇᒫᓱᓈᐋᐧᐤ ᒫᑲ ᒪᒑᔨᐃᐧᐣ.
8 #
ᓬᐃᐱᑎᑲᐢ 13:1—14:54
ᒣᔮᑳᐧᒼ ᐊᓂᒪ ᐋᔨᒫᐢᐱᓀᐃᐧᐣ ᒪᒑᐢᐱᓀᐃᐧᐣ, ᑭᑕ ᐋᑲᒥ ᓈᑲᑌᔨᑕᒪᐣ ᒥᓇ ᑭᑕ ᐃᑐᑕᒪᐣ ᑲᐦᑭᔭᐤ ᐊᓂᒪ ᐊᔭᒥᐦᐁᐃᐧᔨᓂᐊᐧᐠ ᓬᐃᐸᐃᑕᐠ ᑫ ᑭᐢᑭᓄᐦᐊᒫᑯᔦᑯᐠ; ᑳ ᑭ ᐃᑕᓱᐋᐧᑕᑭᐠ, ᓈᑲᑌᔨᑕᒧᐠ ᐁᑯᓯ ᑭᑕ ᐃᑐᑕᒣᐠ. 9#ᓇᒼᐸᕒᐢ 12:10ᑲᓄᑭᐢᑭᓯᐠ ᑳ ᑎᐯᔨᐦᒋᑫᐟ ᑳ ᑭ ᐃᑐᑕᐋᐧᐟ ᒥᕒᐃᔭᒪ, ᐁ ᐯ ᐱᒧᐦᑌᐅᔦᐠ ᐃᒋᑊᐟ ᐊᐢᑭᕽ ᐁ ᐯ ᐅᐦᒋ ᐊᐧᔭᐃᐧᔦᐠ.
10 #
ᐁᐠᓴᑕᐢ 22:26,27 ᑭᐢᐱᐣ ᐁ ᐊᐃᐧᐊᐟ ᑭᒋᐊᔨᓯᓂᐤ ᓈᐣᑕᐤ ᐊᐃᐧᐦᐃᐁᐧᐃᐧᐣ ᓇᒪᐃᐧᔭ ᑭ ᑲ ᐱᐦᑐᑫᐋᐧᐣ ᐃᐧᑭᕽ ᑭᑕ ᐅᑎᓇᒪᐧᐟ ᐁ ᐊᐢᐱ ᓇᑖᑖᒥᐢᐠ. 11ᐊᐧᔭᐃᐧᑎᒥᕽ ᑭ ᑲ ᓂᐸᐃᐧᐣ, ᐁᑯᓯ ᐊᓇ ᐊᔨᓯᔨᓂᐤ ᑳ ᐊᐃᐧᐊᓱᒥᐢᐠ ᑭ ᑲ ᐯ ᐊᐧᔭᐃᐧᑕᑕᒫᐠ ᐊᓂᒪ ᑳ ᐊᐢᐱ ᓇᑖᑖᒥᐢᐠ. 12ᑭᐢᐱᐣ ᒫᑲ ᐊᓇ ᐊᔨᓯᔨᓂᐤ ᑭᑎᒫᑭᓯᐤ ᓇᒪᐃᐧᔭ ᑭ ᑲ ᑭᑭ ᓂᐹᐋᐧᐣ ᐅᐟ ᐊᐢᐱ ᓇᑖᑖᒧᐃᐧᐣ; 13ᑳᐃᐧ ᑭ ᑲ ᒥᔮᐤ ᐅᐟ ᐊᐢᐱ ᓇᑖᑖᒧᐃᐧᐣ ᐃᐢᐱ ᐸᐦᑭᓯᒧᑭ, ᑭᑕ ᓂᐹᑫᐟ ᐅ ᓂᐹᑲᐣ, ᐁᑯᓯ ᑭᑕ ᓴᐃᐧᔨᒥᐢᐠ; ᑲᐧᔭᐢᑳᐧᑎᓯᐃᐧᐣ ᒫᑲ ᑭ ᑲ ᐃᑕᑭᑕᒫᑲᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.
14 #
ᓬᐃᐱᑎᑲᐢ 19:13
ᓇᒪᐃᐧᔭ ᑭ ᑲ ᑭᑎᒪᐋᐤ ᐊᑐᐢᑫᔮᑲᐣ ᐁ ᑭᑎᒫᑭᓯᐟ ᒥᓇ ᐁ ᑭᐧᑕᒫᐟ, ᑭᐢᐱᐣ ᑭᒋᐋᐧᒪᐠ ᐅᐦᒋ ᐊᐦᐳ ᒫᓂᑌᐊᐧᐠ ᐅᐦᒋ ᑭᐟ ᐊᐢᑭᕽ ᑳ ᐊᔮᒋᐠ ᐱᐦᒋ ᑭᐟ ᐃᐢᑳᐧᑌᒥᕽ; 15ᐁᐧᑎᐦᒋᐸᔨᓂᔨᑭ ᐅ ᑭᓯᑳᒼ ᑭ ᑲ ᒥᔮᐤ ᐅ ᑎᐸᐦᐊᒫᑯᐃᐧᐣ, ᐁᑳᐃᐧᔭ ᓄᐦᑕᐤ ᑭᑕ ᐸᐦᑭᓯᒧᐣ; ᒋᑫᒫ ᑭᑎᒫᑭᓯᐤ ᒥᓇ ᐁᐊᐧᑫᐧᔨᐤ ᒫᒥᑐᓀᔨᑕᒼ; ᐁᑳ ᑭᑕ ᒪᐃᐧᒧᐢᑕᐋᐧᐟ ᑳ ᑎᐯᔨᐦᒋᑫᔨᐟ ᑭᔭ ᐅᐦᒋ ᐁᑯᓯ ᒪᒋᐃᑌᐃᐧᐣ ᑭᑕ ᐃᑕᑭᑕᒫᑲᐃᐧᔭᐣ.
16 #
2 ᑭᐦᒋ ᐅᑭᒫᐊᐧᐠ 14:6; 2 ᐊᑭᓀ ᐋᒋᒧᐃᐧᓇ 25:4; ᐃᓯᑭᐁᓬ 18:20 ᐅᑖᐃᐧᒫᐊᐧᐠ ᓇᒪᐃᐧᔭ ᑭᑕ ᓂᐸᐦᐋᐊᐧᐠ ᐅᐟ ᐊᐋᐧᓯᒥᓯᐋᐧᐊᐧ ᐅᐦᒋ, ᒥᓇ ᓇᒪᐃᐧᔭ ᐊᐋᐧᓯᓴᐠ ᑭᑕ ᓂᐸᐦᐋᐊᐧᐠ ᐅᑖᐃᐧᐋᐧᐊᐧ ᐅᐦᒋ; ᑲᐦᑭᔭᐤ ᐊᔨᓯᔨᓂᐤ ᑭᑕ ᓂᐸᐦᐋᐤ ᐃᐧᔭ ᑎᐱᔭᐤ ᐅ ᒪᒋᑐᑕᒧᐃᐧᐣ ᐅᐦᒋ.
17 #
ᐁᐠᓴᑕᐢ 23:9; ᓬᐃᐱᑎᑲᐢ 19:33,34; ᑎᔪᑕᕒᐊᓇᒥ 27:19 ᓇᒪᐃᐧᔭ ᑭ ᑲ ᐊᐧᓈᑖᐋᐧᐣ ᐅᔭᓱᐋᐧᑎᑯᐃᐧᐣ ᒫᓂᑌᐤ ᐊᐦᐳ ᑳ ᑭᐋᐧᑎᓯᐟ; ᒥᓇ ᓇᒪᐃᐧᔭ ᑭ ᑲ ᐅᑎᓇᒫᐧᐣ ᐅ ᑭᑭᐢᑳᒋᑲᐣ ᓯᑳᐃᐧᐢᑫᐧᐤ ᑭᑕ ᐊᐢᐸᑐᑎᐢᐠ; 18ᒫᑲ ᑭ ᑲ ᑲᓄᑭᐢᑭᓯᐣ ᐁ ᑭ ᐊᐊᐧᑳᓂᐃᐧᔭᐣ ᐃᒋᑊᐟ ᐊᐢᑭᕽ, ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁ ᑭ ᐸᐢᐱᐦᐃᐢᐠ ᐁᑯᑕ ᐅᐦᒋ; ᐁᐊᐧᑯ ᐅᐦᒋ ᑳ ᐃᑕᓱᐋᐧᑎᑖᐣ ᐁᐊᐧᑯ ᐅᒪ ᑭᑕ ᐃᑐᑕᒪᐣ.
19 #
ᓬᐃᐱᑎᑲᐢ 19:9,10; 23:22 ᐃᐢᐱ ᒪᓂᓴᒪᓂ ᑭ ᑭᐢᑎᑳᒋᑲᓇ ᑭᐢᑎᑳᓂᕽ, ᐊᐧᓂᑭᐢᑭᓯᔭᓂ ᒫᑲ ᐯᔭᐠ ᐊᓴᐱᒋᑲᐣ ᑭᐢᑎᑳᓂᕽ, ᓇᒪᐃᐧᔭ ᑭ ᑲ ᑭᐋᐧᐣ ᑭᑕ ᓈᑕᒪᐣ; ᑭᑕ ᐊᔮᐤ ᒫᓂᑌᐤ ᒥᓇ ᑭᐋᐧᑎᐢ ᒥᓇ ᓯᑳᐃᐧᐢᑫᐧᐤ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᓴᐁᐧᔨᒥᐢᐠ ᑲᐦᑭᔭᐤ ᑳ ᐃᓯ ᐊᑐᐢᑲᑕᒪᐣ ᑭᒋᐦᒋᕽ.
20ᐃᐢᐱ ᐸᐊᐧᐊᐧᒋ ᐋᓬᐃᑊ ᐱᒥᐋᐧᑎᐠ, ᓇᒪᐃᐧᔭ ᑭᐦᑖᐧᒼ ᑭ ᑲ ᐸᐊᐧᐋᐧᐤ; ᑭᑕ ᐊᔮᐤ ᒫᓂᑌᐤ, ᐅᑭᐋᐧᑎᐢ, ᒥᓇ ᓯᑳᐃᐧᐢᑫᐧᐤ. 21ᐃᐢᐱ ᒥᔮᐊᐧᒋᐊᑖᐧᐃᐧ ᓱᒥᓂᓴᐠ ᑭ ᓱᒥᓂᑭᐢᑎᑳᓂᕽ, ᓇᒪᐃᐧᔭ ᑳᑭᑖᐧᒼ ᑭ ᑲ ᒧᓴᑭᓈᐊᐧᐠ; ᑭᑕ ᐊᔮᐁᐧᐊᐧᐠ ᒫᓂᑌᐤ, ᐅᑭᐋᐧᑎᐢ, ᒥᓇ ᓯᑳᐃᐧᐢᑫᐧᐤ. 22ᐁᑯᓯ ᑭ ᑲ ᑲᓄᑭᐢᑭᓯᐣ ᐁ ᑭ ᐊᐊᐧᑳᓂᐃᐧᔭᐣ ᐃᒋᑊᐟ ᐊᐢᑭᕽ; ᐁᐊᐧᑯ ᒫᑲ ᐅᐦᒋ ᑳ ᐃᑕᓱᐋᐧᑎᑖᐣ ᐅᒪ ᑭᑕ ᐃᑐᑕᒪᐣ.
Currently Selected:
ᑎᔪᑕᕒᐊᓇᒥ 24: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
