ᑎᔪᑕᕒᐊᓇᒥ 26
26
1ᑭᑕ ᐃᐦᑭᐣ ᒫᑲ ᐃᐢᐱ ᑕᑯᓯᓂᔭᓂ ᐊᓂᑕ ᐊᐢᑭᕽ ᑳ ᒥᔨᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᑎᐯᔨᐦᑕᒪᐣ ᐁᑯᓯ ᑎᐯᔨᐦᑕᒪᓂ ᒥᓇ ᐁᑯᑕ ᐅᐟ ᐃᐦᑖᐃᐧᓂᔨᔭᓂ, 2#ᐁᐠᓴᑕᐢ 23:19ᑭ ᑲ ᐅᑎᓀᐣ ᐊᓂᒪ ᒫᐊᐧᐨ ᓂᐢᑕᒼ ᑳ ᓂᐦᑖᐃᐧᑭᕽ ᐊᐢᑭᕽ ᐊᓂᒪ ᑫ ᐯᑖᔭᐣ ᑭᐟ ᐊᐢᑭᕽ ᐅᐦᒋ ᑳ ᒥᔨᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐁᑯᓯ ᑭ ᑲ ᐊᓯᐊᐧᑖᐣ ᐃᐧᑯᐱᐃᐧᐊᐧᑎᕽ ᒥᓇ ᑭ ᑲ ᐃᑐᐦᑖᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ ᑭᑕ ᐊᐢᑖᐟ ᐁᑯᑕ ᐅ ᐃᐧᔪᐃᐧᐣ. 3ᐁᑯᓯ ᑭ ᑲ ᓈᑖᐤ ᐊᔭᒥᐦᐁᐃᐧᔨᓂᐤ ᐁᑯᑕ ᑫ ᐊᔮᐟ ᐁᑯᐢᐱ ᑭᓯᑳᑭ, ᑭ ᑲ ᐃᑖᐤ ᒫᑲ, ᓂ ᐃᐧᐦᑕᒪᐋᐧᐤ ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁ ᐅᑎᑕᒫᐣ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᓄᑖᐃᐧᓈᓇ ᑭᑕ ᒥᔨᑯᔮᕽ. 4ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐅᑎᓇᒼ ᐃᐧᑯᐱᐃᐧᐊᐧᐟ ᑭᒋᐦᒋᕽ ᐅᐦᒋ, ᐁᑯᓯ ᑭᑕ ᐊᐢᑖᐤ ᒋᑭ ᐅ ᐸᑭᑎᓈᓱᐃᐧᓈᐱᐢᑯᔨᕽ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ. 5ᑭ ᑲ ᐊᔭᒥᐣ ᒫᑲ ᑭᑕ ᐃᑌᐧᔭᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᓯᕒᐃᔭᐣ ᑫᑳᐟ ᐁ ᓂᓯᐊᐧᓈᑎᓯᐟ ᑳ ᑭ ᐅᔪᑖᐃᐧᔮᐣ, ᐃᒋᑊᑎᕽ ᒫᑲ ᑭ ᐃᑐᐦᑌᐤ, ᐁᑯᓯ ᐁᑯᑌ ᑭ ᐊᔮᐤ ᐁ ᒐᑲᐋᐧᓯᓯᐟ; ᐁᑯᑕ ᒫᑲ ᑭ ᐊᑎ ᐱᐢᑭᑕᐢᑳᓀᓯᐤ, ᐁ ᑭᐦᒑᔨᐃᐧᐟ, ᐁ ᓱᑳᔭᐃᐧᓯᐟ, ᒥᓇ ᐁ ᒥᐦᒉᑎᐟ; 6ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᓂ ᑭ ᒫᔨᑐᑖᑯᓈᓇᐠ ᒥᓇ ᓂ ᑭ ᑯᑕᑭᐦᐃᑯᓈᓇᐠ, ᒥᓇ ᓂ ᑭ ᒪᐢᑲᐃᐧ ᐊᐊᐧᑳᑎᑯᓈᓇᐠ. 7ᐁᑯᓯ ᓂ ᑭ ᒪᐃᐧᒧᐢᑕᐋᐧᓈᐣ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒥᐋᐧᐊᐧ ᓄᑖᐃᐧᓈᓇᐠ, ᑳ ᑎᐯᔨᐦᒋᑫᐟ ᒫᑲ ᑭ ᐯᑕᒼ ᓂᐟ ᐃᑌᐧᐃᐧᓂᓈᐣ, ᒥᓇ ᑭ ᐋᐧᐸᐦᑕᒼ ᓂ ᑯᑕᑭᑖᐃᐧᓂᓈᐣ, ᒥᓇ ᓂᐟ ᐊᑐᐢᑫᐃᐧᓂᓈᐣ, ᒥᓇ ᓂ ᑭᑎᒪᐦᐃᑯᐃᐧᓂᓈᐣ; 8ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᐯ ᐊᐧᔭᐃᐧᑕᐦᐃᑯᓈᐣ ᐃᒋᑊᑎᕽ ᐅᐦᒋ ᐁ ᓱᐦᑭᒋᐦᒉᐟ ᒥᓇ ᐁ ᓱᐃᐧᓂᐢᑫᐟ, ᒥᓇ ᑭᑭ ᑳ ᑭᐦᒋ ᑯᐢᑖᑌᔨᑖᑲᐧᐦᑭ, ᒥᓇ ᐋᐧᐸᐦᑕᐦᐃᐁᐧᐃᐧᓇ, ᒥᓇ ᑳ ᒫᒪᐢᑳᑌᔨᑖᑲᐧᐦᑭ; 9ᓂ ᑭ ᐯᓯᑯᓈᐣ ᒫᑲ ᐅᑕ ᒥᓇ ᓂ ᑭ ᒥᔨᑯᓈᐣ ᐅᒪ ᐊᐢᑭ, ᐅᒪ ᐅᑎ ᐊᐢᑭ ᑳ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐹᐢᑲᐧᐟ. 10ᐁᑲᐧ ᒫᑲ, ᒫᑎᑲ, ᓂ ᑭ ᐯᑖᐣ ᑳ ᓂᐢᑕᒥᑭᐦᑭ ᐊᐢᑭᕽ, ᑭᔭ ᑌᐯᔨᐦᒋᑫᔭᐣ ᑳ ᑭ ᒥᔨᔭᐣ. ᐁᑯᓯ ᑭ ᑲ ᐊᐢᑖᐣ ᐁᑯᑕ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᑭ ᑲ ᐊᔭᒥᐦᐋᐣ ᐅᐦᑎᔮᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 11ᑭ ᑲ ᒪᒪᐦᑖᑯᐃᑯᐣ ᒫᑲ ᑕᐦᑐ ᑫᑲᐧᐩ ᑳ ᒥᔮᐧᓯᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ ᒥᓇ ᐊᓂᐦᐃ ᑭᑭᕽ ᑳ ᐊᔮᔨᐟ, ᑭᔭ, ᒥᓇ ᓬᐃᐸᐃᐟ, ᒥᓇ ᒫᓂᑌᐤ ᑳ ᐃᐧᒋᐊᔮᒥᐢᐠ.
12 #
ᑎᔪᑕᕒᐊᓇᒥ 14:28,29 ᐃᐢᐱ ᑭ ᐳᓂ ᐅᑎᓇᒪᓂ ᐯᔭᐠ ᒥᑖᑕᐦᐟ ᐅᐦᒋ ᑳ ᔭᑭᑭᑖᔭᐣ ᐁ ᐊᑎ ᓂᐢᑐ ᐊᐢᑭᐊᐧᕽ, ᐁᐊᐧᑯ ᒫᑲ ᑳ ᐊᐢᑭᐊᐧᕽ ᐯᔭᐠ ᒥᑖᑕᐦᐟ ᐅᐦᒋ ᑳ ᐅᑎᓂᑳᑌᐠ, ᐁᑲᐧ ᑭ ᑲ ᒥᔭᐤ ᓬᐃᐸᐃᐟ, ᒥᓇ ᒫᓂᑌᐤ, ᒥᓇ ᑳ ᑭᐋᐧᑎᓯᐟ, ᒥᓇ ᓯᑳᐃᐧᐢᑫᐧᐤ, ᑭᑕ ᒥᒋᓱᒋᐠ ᐱᐦᒋ ᑭᐟ ᐃᐢᑳᐧᑌᒥᕽ, ᒥᓇ ᑭᑕ ᑭᐢᐳᒋᐠ; 13ᐅᒥᓯ ᒫᑲ ᑭ ᑲ ᐃᑖᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᓂ ᑭ ᐊᐧᔭᐃᐧᑕᑖᐣ ᑲᐦᑭᔭᐤ ᑳ ᑲᓈᑕᑭ ᓂᑭᕽ ᐅᐦᒋ, ᒥᓇ ᓂ ᑭ ᒥᔮᐤ ᓬᐃᐸᐃᐟ, ᒥᓇ ᒫᓂᑌᐤ, ᒥᓇ ᑳ ᑭᐋᐧᑎᓯᐟ, ᒥᓇ ᓯᑳᐃᐧᐢᑫᐧᐤ, ᐁ ᐃᑕᐢᑌᐠ ᑲᐦᑭᔭᐤ ᑭᐟ ᐃᑕᓱᐁᐧᐃᐧᐣ ᑳ ᑭ ᐃᑕᓱᐋᐧᓯᔭᐣ; ᓇᒪᐃᐧᔭ ᓄᐦ ᐊᐧᓂᑐᑌᐣ ᓈᐣᑕᐤ ᑭᐟ ᐃᑕᓱᐁᐧᐃᐧᓇ, ᓇᒪᐃᐧᔭ ᒥᓇ ᓄᐦ ᐊᐧᓂᑭᐢᑭᓯᐣ; 14ᓇᒪᐃᐧᔭ ᓄᐦ ᒥᒋᐣ ᐁᐊᐧᑯ ᓂ ᒫᑐᐃᐧᓂᕽ, ᒥᓇ ᓇᒪᐃᐧᔭ ᓄᐦ ᐸᑭᑎᓀᐣ ᐁᑯᑕ ᐅᐦᒋ ᑫᑲᐧᐩ ᐁᑳ ᐁ ᐯᑲᕽ, ᒥᓇ ᓇᒪᐃᐧᔭ ᓄᐦ ᒣᑭᐣ ᐁᑯᑕ ᐅᐦᒋ ᐅᓂᐱᐊᐧᐠ ᑭᑕ ᐃᓯ ᐊᐸᑕᕽ; ᓂ ᑭ ᓇᑐᐦᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ, ᓂ ᑭ ᐃᑐᑌᐣ ᐁ ᐃᑕᐢᑌᐠ ᑲᐦᑭᔭᐤ ᑳ ᑭ ᐃᑕᓱᐋᐧᓯᔭᐣ. 15ᔮᓯ ᑲᓇᐋᐧᐸᒥᐣ ᑭ ᑲᓈᒋ ᐃᐦᑖᐃᐧᓂᕽ ᐅᐦᒋ, ᑭᐦᒋᑭᓯᑯᕽ ᐅᐦᒋ, ᒥᓇ ᓴᐁᐧᔨᒥᐠ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᒥᓇ ᐊᐢᑭ ᑳ ᑭ ᒥᔨᔮᕽ, ᑳ ᑭ ᐃᓯ ᑭᐦᒋᐃᑕᒋᐠ ᓄᑖᐃᐧᓈᓇᐠ, ᐊᐢᑭ ᐁ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐹᐢᑲᐧᐟ.
16ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᐟ ᐃᑕᓱᐋᐧᑎᐠ ᑭᑕ ᐃᑐᑕᒪᐣ ᑲᐦᑭᔭᐤ ᐅᐦᐃ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ; ᑭ ᑲ ᑲᓀᐧᔨᑌᐣ ᒫᑲ, ᒥᓇ ᑭ ᑲ ᐃᑐᑌᐣ ᒥᓯᐁᐧ ᑭᑌᐦᐃᕽ, ᒥᓇ ᒥᓯᐁᐧ ᑭᐟ ᐊᐦᒑᑯᕽ. 17ᑭ ᑭ ᐊᓱᑕᒪᐋᐧᐤ ᑳ ᑎᐯᔨᐦᒋᑫᐟ ᐊᓄᐦᐨ ᑳ ᑭᓯᑳᐠ ᑭᑕ ᐅ ᑭᓭᒪᓂᑐᒥᔭᐣ, ᒥᓇ ᑭᑕ ᐱᒧᑖᑐᑕᒪᐧᐟ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᒥᑎᒣᐊᐧᐟ ᐅ ᑲᑫᐢᑫᐧᐃᐧᓇ, ᒥᓇ ᐅᐟ ᐃᑕᓱᐁᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᒥᓇ ᑭᑕ ᓇᑐᐦᑕᒪᐧᐟ ᐅᐟ ᐃᑌᐧᐃᐧᐣ; 18#ᐁᐠᓴᑕᐢ 19:5; ᑎᔪᑕᕒᐊᓇᒥ 4:20; 7:6; 14:2; ᑖᐃᑕᐢ 2:14; 1 ᐱᑕᕒ 2:9ᐃᐧᐢᑕ ᒫᑲ ᑳ ᑎᐯᔨᐦᒋᑫᐟ ᑭ ᑭ ᐊᓱᑕᒫᐠ ᐊᓄᐦᐨ ᑳ ᑭᓯᑳᐠ ᑭᑕ ᐱᐢᑭᐦᑎᓂᐢᐠ ᑭᑕ ᐅᐟ ᐊᔨᓯᔨᓂᒥᐟ, ᑳ ᑭ ᐃᓯ ᐊᓱᑕᒫᐢᐠ, ᒥᓇ ᑭᑕ ᒥᑎᒣᐊᐧᐟ ᑲᐦᑭᔭᐤ ᐅᐟ ᐃᑕᓱᐁᐧᐃᐧᓇ; 19ᑭᔭ ᒫᑲ ᑭᑕ ᐃᐢᐯᔨᑖᑯᐃᐢᐠ ᐊᔨᐋᐧᐠ ᑲᐦᑭᔭᐤ ᓇᓈᑐᑯᐢᑳᐣ ᐊᔨᓯᔨᓂᐊᐧ ᑳ ᑭ ᐅᓯᐦᐋᐟ, ᒪᒥᐦᒋᒥᑯᐃᐧᓂᕽ, ᒥᓇ ᐃᐧᔪᐃᐧᓂᕽ, ᒥᓇ ᑭᐢᑌᔨᑖᑯᓯᐃᐧᓂᕽ; ᒥᓇ ᑭᔭ ᑭᑕ ᐃᓯ ᐊᔮᔭᐣ ᑳ ᑲᓈᑎᓯᔨᐟ ᐅᐟ ᐊᔨᓯᔨᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐁ ᐃᑕᐢᑌᔨᐠ ᑳ ᑭ ᐃᑌᐧᐟ.
Currently Selected:
ᑎᔪᑕᕒᐊᓇᒥ 26: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
