ᑎᔪᑕᕒᐊᓇᒥ 20
20
1ᐃᐢᐱ ᓇᑐᐸᔨᐢᑕᐊᑖᐧᐃᐧ ᑭ ᓄᑎᓈᑲᓇᐠ, ᐋᐧᐸᒪᑖᐧᐃᐧ ᒫᑲ ᒥᐢᑕᑎᒪᐧᐠ ᒥᓇ ᑎᐦᑎᐱᑖᐸᓈᐢᑲᐧᐠ ᒥᓇ ᐊᔨᓯᔨᓂᐊᐧᐠ ᐊᐊᐧᓯᒣ ᐁ ᒥᐦᒉᑎᒋᐠ ᐃᔨᑯᕽ ᑭᔭ, ᓇᒪᐃᐧᔭ ᑭ ᑲ ᑯᐢᑖᐊᐧᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐃᐧᒉᐃᐧᐠ, ᐊᓇ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ. 2ᑭᑕ ᐃᐦᑭᐣ ᒫᑲ ᐃᐢᐱ ᑭᓯᐋᐧᐠ ᐊᑎ ᐊᔮᔦᑯ ᓄᑎᓂᑐᐃᐧᓂᕽ, ᐊᔭᒥᐦᐁᐃᐧᔨᓂᐤ ᑭᑕ ᓈᑌᐤ ᒥᓇ ᑭᑕ ᐊᔭᒥᐦᐁᐤ ᐊᔨᓯᔨᓂᐊᐧ, 3ᐅᒥᓯ ᒫᑲ ᑭᑕ ᐃᑌᐤ, ᓇᑐᐦᑕᒧᐠ ᐃᐢᕒᐁᐃᓬ, ᐊᓄᐦᐨ ᑳ ᑭᓯᑳᐠ ᑭᓯᐊᐧᐠ ᑭᐟ ᐊᑎ ᓈᑖᐋᐧᐊᐧᐠ ᑭᑕ ᓄᑎᓈᔦᑯᐠ ᑭ ᓄᑎᓈᑲᓂᐋᐧᐊᐧᐠ; ᐁᑳᐃᐧᔭ ᓵᑯᑌᐦᐁᐠ, ᐁᑳᐃᐧᔭ ᓭᑭᓯᐠ ᒥᓇ ᐁᑳᐃᐧᔭ ᓇᓇᒥᐸᔨᐠ, ᐊᐦᐳ ᐁᑳᐃᐧᔭ ᑯᐢᑎᑯᐠ; 4ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐁᐊᐧᑳᐧᓇ ᑳ ᐃᐧᒉᐃᐧᑯᔦᐠ, ᑭᑕ ᓄᑎᓂᑫᐢᑕᒫᑯᔦᐠ ᑭ ᓄᑎᓈᑲᓂᐋᐧᐊᐧ ᑭᑕ ᐱᒫᒋᐦᐃᑯᔦᐠ.
5ᐊᓂᑭ ᒫᑲ ᐁᐧᑭᒫᑲᑕᑭᐠ ᑭᑕ ᐱᑭᐢᑳᐧᑌᐊᐧᐠ ᐊᔨᓯᔨᓂᐊᐧ ᐁ ᐃᑌᐧᒋᐠ, ᑕᓈᓇ ᐊᔨᓯᔨᓂᐤ ᑳ ᐅᓯᐦᑖᑫᐧ ᐅᐢᑭ ᐋᐧᐢᑳᐦᐃᑲᐣ ᐁᑳ ᒫᑲ ᐁ ᑭ ᐅᐦᒋ ᑭᐢᑕᑭᑕᕽ? ᑭᔮᒼ ᑭᑕ ᑭᐁᐧᐤ ᐃᐧᑭᕽ, ᓈᐣᑕᐤ ᐃᓯ ᑭᑕ ᓂᐸᐦᐋᐤ ᓄᑎᓂᑐᐃᐧᓂᕽ ᐁᑯᓯ ᒫᑲ ᑯᑕᑲ ᐊᔨᓯᔨᓂᐊᐧ ᑭᑕ ᑭᐢᑖᑭᑕᒥᔨᐊᐧ. 6ᒥᓇ ᑖᓈᓇ ᐊᔨᓯᔨᓂᐤ ᑳ ᑭᐢᑎᑫᑫᐧ ᓱᒥᓂᑭᐢᑎᑳᐣ, ᐁᑯᓯ ᐁᑳ ᐁ ᑭ ᐅᐦᒋ ᐋᐸᒋᐦᑖᐟ ᐁ ᒥᓂᓯᐊᐧᓂᔨᐠ? ᑭᔮᒼ ᑭᑕ ᑭᐁᐧᐤ ᐃᐧᑭᕽ, ᓈᐣᑕᐤ ᐃᓯ ᑭᑕ ᓂᐸᐦᐋᐤ ᓄᑎᓂᑐᐃᐧᓂᕽ, ᐁᑯᓯ ᒫᑲ ᑯᑕᑲ ᐊᔨᓯᔨᓂᐊᐧ ᑭᑕ ᐋᐸᒋᐦᑖᔨᐟ ᐁ ᐃᓯ ᒥᓂᓯᐊᐧᓂᔨᐟ. 7ᒥᓇ ᑖᓈᓇ ᐊᔨᓯᔨᓂᐤ ᑳ ᑭᐢᑭᒫᑫᐧ ᐃᐢᑫᐧᐊᐧ ᐁᑯᓯ ᐁᑳ ᒉᐢᑲᐧ ᐁ ᐅᑎᓈᐟ? ᑭᔮᒼ ᑭᑕ ᓇᑕᐃᐧ ᑭᐁᐧᐤ ᐃᐧᑭᕽ, ᓈᐣᑕᐤ ᐃᓯ ᑭᑕ ᓂᐸᐦᐋᐤ ᓄᑎᓂᑐᐃᐧᓂᕽ ᐁᑯᓯ ᑯᑕᑲ ᓈᐯᐊᐧ ᑭᑕ ᐅᑎᓈᔨᐟ. 8ᐁᑯᓯ ᑳ ᐅᑭᒫᑲᑕᑭᐠ ᑫᔮᐱᐨ ᐊᐊᐧᓯᒣ ᑭᑕ ᐱᑭᐢᑳᐧᑌᐊᐧᐠ ᐊᔨᓯᔨᓂᐊᐧ, ᐁᑯᓯ ᑭᑕ ᐃᑌᐊᐧᐠ, ᑖᓈᓇ ᐊᔨᓯᔨᓂᐤ ᑳ ᓭᑭᓯᐟ ᒥᓇ ᑳ ᓵᑯᑌᐦᐁᐟ? ᑭᔮᒼ ᑭᑕ ᑭᐁᐧᐤ ᐃᐧᑭᕽ, ᓈᐣᑕᐤ ᐃᓯ ᐅᒋᐋᐧᒪ ᑭᑕ ᐊᑎ ᓵᑯᑌᐦᐁᔦᐊᐧ ᑖᐱᐢᑯᐨ ᐃᐧᔭ. 9ᑭᑕ ᐃᐦᑭᐣ ᒫᑲ ᐃᐢᐱ ᐊᓂᑭ ᐁᐧᑭᒫᑲᑕᑭᐠ ᑭ ᐳᓂ ᐱᑭᐢᑳᐧᑖᑖᐧᐃᐧ ᐊᔨᓯᔨᓂᐊᐧ, ᑭᑕ ᐅᔭᑭᒣᐊᐧᐠ ᓯᒫᑲᓂᓯᐁᐧᑭᒫᐊᐧ ᑭᑕ ᓂᑳᓂᐢᑕᒪᐋᐧᔨᐟ ᐊᔨᓯᔨᓂᐊᐧ.
10ᐁᑎ ᐅᑎᑕᒣᑯ ᐅᑌᓇᐤ ᑭᑕ ᓄᑎᓇᒣᐠ, ᑌᐹᐧᑕᒧᐠ ᐃᐧᑕᐢᑭᐃᐧᐣ. 11ᑭᑕ ᐃᐦᑭᐣ ᒫᑲ ᑭᐢᐱᐣ ᓇᐢᑯᒥᑯᔭᓂ ᐃᐧᑕᐢᑭᐃᐧᐣ ᒥᓇ ᔪᑌᓇᒫᑲᐃᐧᔦᑯ, ᐁᑯᓯ ᑭᑕ ᐃᐦᑭᐣ ᑲᐦᑭᔭᐤ ᐊᔨᓯᔨᓂᐊᐧᐠ ᐁᑯᑕ ᑫ ᒥᐢᑳᒋᐠ ᑭ ᑲ ᑎᐸᐦᐃᑫᐋᐊᐧᐠ ᐁᑯᓯ ᑭ ᑲ ᐊᑐᐢᑳᑲᐧᐠ. 12ᒫᑲ ᑭᐢᐱᐣ ᐁᑳ ᐃᐧ ᐃᐧᑕᐢᑭᒥᑯᔭᓂ, ᒫᑲ ᐃᐧ ᓄᑎᓂᑯᔭᓂ, ᐁᑲᐧ ᑭ ᑲ ᓇᑐᐸᔨᐢᑌᐣ. 13ᐃᐢᐱ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐸᑭᑎᓇᑭ ᑭᒋᐦᒋᕽ, ᑭ ᑲ ᓂᐸᐦᐋᐊᐧᐠ ᑲᐦᑭᔭᐤ ᑳ ᓈᐯᐃᐧᒋᐠ ᐃᓴᐁᐧᐢᐠ ᐅᐦᒋ. 14ᒫᑲ ᐃᐧᔭ ᐃᐢᑫᐧᐊᐧᐠ ᒥᓇ ᐊᐋᐧᓯᓴᐠ, ᒥᓇ ᒧᐢᑐᓴᐧᐠ, ᒥᓇ ᑲᐦᑭᔭᐤ ᐅᑌᓈᕽ ᑳ ᐊᔮᐠ, ᑲᐦᑭᔭᐤ ᒪᓂᐊᐧᑌᐃᐧᐣ ᑭ ᑲ ᐅᑎᓇᒫᓱᐣ; ᑭ ᑲ ᒥᒋᐣ ᒫᑲ ᑳ ᑭ ᒪᐢᑲᒪᒋᐠ ᑭ ᓄᑎᓈᑲᓇᐠ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ. 15ᐁᑯᓯ ᐅᒪ ᑫ ᐃᑐᑕᒪᐣ ᑲᐦᑭᔭᐤ ᐅᑌᓇᐊᐧ ᐋᔭᐤ ᑳ ᐊᔮᑭ, ᐁᑳ ᑳ ᐅᐟ ᐅᑌᓇᐃᐧᐃᐧᓂᒋᐠ ᐅᑭ ᐊᔨᓯᔨᓂᐊᐧᐠ. 16ᒫᑲ ᐃᐧᔭ ᐅᐟ ᐅᑌᓇᐃᐧᐋᐧᐊᐧ ᐅᑭ ᐊᔨᓯᔨᓂᐊᐧᐠ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ ᑭᑕ ᑎᐯᔨᐦᑕᒪᐣ, ᓇᒪᐃᐧᔭ ᐊᐃᐧᔭᐠ ᑳ ᐹᐸᑭᑕᑖᒧᐟ ᑭ ᑲ ᐃᐢᑯᐋᐤ. 17ᒫᑲ ᒥᑐᓂ ᑭ ᑲ ᓂᓯᐊᐧᓈᒋᐦᐋᐊᐧᐠ; ᐊᓂᑭ ᐦᐃᑕᐃᑕᐠ, ᒥᓇ ᐋᒪᕒᐊᐃᑕᐠ, ᐊᓇ ᑫᓇᓇᐃᐟ, ᒥᓇ ᐯᕒᐃᓴᐃᐟ, ᐊᓇ ᐦᐊᐃᐸᐃᐟ, ᒥᓇ ᒉᑊᔪᓴᐃᐟ; ᑳ ᑭ ᐃᑕᓱᐋᐧᑎᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 18ᐁᑳ ᑭᑕ ᑭᐢᑭᓄᐦᐊᒫᑯᔦᑯᐠ ᑭᑕ ᑭᐢᑭᓇᐋᐧᐸᐦᑕᒫᐧᔦᐠ ᑲᐦᑭᔭᐤ ᑳ ᐸᑳᐧᑎᑲᐧᓂᔨᑭ, ᑳ ᑭ ᐃᑐᑕᐋᐧᒋᐠ ᐅ ᒪᓂᑐᑳᓂᐋᐧᐊᐧ; ᐁᑯᓯ ᑭᑕ ᐃᓯ ᒪᒋᑐᑕᐋᐧᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ.
19ᑭᐢᐱᐣ ᒫᑲ ᑭᓀᐧᐢ ᐃᑕᓯ ᑲᐯᓯᐢᑕᒪᓂ ᐅᑌᓇᐤ ᐁ ᓇᑐᐸᔨᐢᑕᒪᐣ ᑭᑕ ᐅᑎᓇᒪᐣ, ᓇᒪᐃᐧᔭ ᑭ ᑲ ᓂᓯᐊᐧᓈᒋᐦᐋᐊᐧᐠ ᒥᐢᑎᑲᐧᐠ ᑭᑕ ᒋᑲᐊᐧᒋᐠ; ᒋᑫᒫ ᑭ ᑲ ᑭ ᐅᐦᑕᒋᑳᐣ, ᐁᑯᓯ ᓇᒪᐃᐧᔭ ᑭ ᑲ ᑲᐊᐧᐋᐧᐊᐧᐠ; ᐊᔨᓯᔨᓂᐃᐧᐤ ᒋ ᒫᑲ ᐃᐧᔭ ᒥᐢᑎᐠ ᑭᑕ ᓄᑎᓇᐟ? 20ᐱᑯ ᐊᓂᑭ ᒥᐢᑎᑲᐧᐠ ᑳ ᑭᐢᑫᔨᒪᒋᐠ ᐁᑳ ᐁ ᒥᒋᓵᐧᑎᒋᐠ, ᑭ ᑲ ᓂᓯᐊᐧᓈᒋᐦᐋᐊᐧᐠ ᑭᔮᒼ ᒥᓇ ᑭ ᑲ ᑲᐊᐧᐋᐧᐊᐧᐠ; ᑭ ᑲ ᐅᓯᐦᑖᐣ ᒫᑲ ᑭᑕ ᐋᑯᓯᒧᑐᑕᒪᐣ ᐊᓂᒪ ᐅᑌᓇᐤ ᑳ ᓄᑎᓇᒪᐣ, ᐱᔨᐢ ᐃᔨᑯᕽ ᑭᑕ ᓵᑯᒋᐦᑖᔭᐣ.
Currently Selected:
ᑎᔪᑕᕒᐊᓇᒥ 20: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
