ᑎᔪᑕᕒᐊᓇᒥ 19
19
1 #
ᒑᐢᔪᐊ 20:1-9
ᐃᐢᐱ ᑳ ᑎᐯᔨᐦᒋᑫᐟ ᑭ ᒣᐦᒋᐋᒋ ᓇᓈᑐᑯᐢᑳᐣ ᐊᔨᓯᔨᓂᐊᐧ ᐅᐟ ᐊᐢᑭᑭᔨᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ, ᐁᑯᓯ ᒥᐢᑯᑎᐢᑲᒪᐊᐧᑖᐧᐃᐧ, ᒥᓇ ᐅᐟ ᐃᐦᑖᐃᐧᓂᔭᓂ ᐅᐟ ᐅᑌᓇᐃᐧᐋᐧᕽ, ᒥᓇ ᐅ ᐋᐧᐢᑳᐦᐃᑲᓂᐋᐧᕽ; 2ᑭ ᑲ ᐱᐢᑭᐦᑎᓀᐣ ᓂᐢᑐ ᐅᑌᓇᐊᐧ ᑭᑕ ᐋᐸᒋᐦᑖᔭᐣ ᒣᑳᐧ ᐊᔨᕽ ᑭᐟ ᐊᐢᑭᕽ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ ᑭᑕ ᑎᐯᔨᐦᑕᒪᐣ. 3ᑭ ᑲ ᑲᐧᔮᒋᐦᑖᐣ ᒣᐢᑲᓇᐤ, ᒥᓇ ᑭ ᑲ ᑲᑫᐢᑭᓇᐋᐧᒋᐦᑖᐣ ᐁ ᐃᐢᑯ ᐊᔮᐠ ᑭᐟ ᐊᐢᑭ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ ᑭᑕ ᑎᐯᔨᐦᑕᒪᐣ, ᓂᐢᑕᐧᔭᐠ ᐃᓯ, ᑲᐦᑭᔭᐤ ᐅᓂᐸᑖᑫᐤ ᐁᑯᑌ ᑭᑕ ᐃᑖᒧᐟ.
4ᐁᑯᓯ ᒫᑲ ᐅᒪ ᐁ ᐃᑎᓂᑫᐟ ᐅᓂᐸᑖᑫᐤ ᐁᑯᑌ ᑫ ᐃᑖᒧᐟ ᐁᑯᓯ ᑭᑕ ᐱᒫᑎᓯᐟ; ᐊᓇ ᑳ ᓂᐸᐦᐋᐟ ᐃᐧᒋᐊᔨᓯᔨᓂᐊᐧ ᐁᑳ ᒫᑲ ᐅᐦᒋᑕᐤ ᐁ ᐃᑐᑕᕽ, ᐁᑳ ᑲᔭᐦᑌ ᐁ ᑭ ᐸᑳᐧᑖᐟ; 5ᑖᐱᐢᑯᐨ ᐊᔨᓯᔨᓂᐤ ᐁ ᐃᐧᒉᐋᐧᐟ ᐃᐧᒋᐊᔨᓯᔨᓂᐊᐧ ᓴᑳᕽ ᑭᑕ ᒋᑲᐦᐃᑫᐟ, ᐁᑯᓯ ᐅᒪ ᒫᑲ ᐁ ᐃᐧᐱᓂᐢᑫᐟ ᑭᑕ ᑲᐊᐧᐋᐧᐟ ᒥᐢᑎᑲᐧ, ᒋᑲᐦᐃᑲᐣ ᑫᒋᑯᐸᔨᐤ ᒋᑲᐦᐃᑲᓈᑎᑯᕽ ᐅᐦᒋ, ᐁᑯᓯ ᐱᐢᑕᐅᑯᔨᐟ ᐃᐧᒋᐊᔨᓯᔨᓂᐊᐧ ᓂᐸᐦᐃᑯᔨᐟ ᒫᑲ; ᑭᑕ ᐃᑖᒧ ᐯᔭᐠ ᐅᐦᐃ ᐅᑌᓇᐊᐧ ᐁᑯᓯ ᑭᑕ ᐱᒫᑎᓯᐤ; 6ᐁᑳ ᐊᓇ ᑳ ᐋᐯᐅᐟ ᒥᐦᑯ ᑭᑕ ᓇᐊᐧᓵᐧᑖᐟ ᐅᓂᐸᑖᑫᐊᐧ, ᒣᑳᐧᐨ ᐁ ᑭᓯᐃᐧᑌᐦᐁᐸᔨᐟ, ᐁᑯᓯ ᑭᑕ ᐊᑎᒫᐟ, ᐁ ᐱᐦᒑᔨᐠ ᒣᐢᑲᓇᐤ ᐅᐦᒋ, ᐁᑯᓯ ᑭᑕ ᓂᐸᐦᐋᐟ; ᐁᑳ ᒫᑲ ᐁ ᑲᐢᑭᑕᒫᓱᐟ ᑭᑕ ᓂᐸᐃᐦᐟ, ᒋᑫᒫ ᐁᑳ ᑲᔭᐦᑌ ᐁ ᑭ ᐅᐦᒋ ᐸᑳᐧᑖᐟ. 7ᐁᐊᐧᑯ ᐅᐦᒋ ᑳ ᐃᑕᓱᐋᐧᑎᑖᐣ ᐁ ᐃᑌᐧᔮᐣ, ᓂᐢᑐ ᐅᑌᓇᐊᐧ ᑭ ᑲ ᐱᐢᑭᐦᑎᓇᒫᓱᐣ. 8ᑭᐢᐱᐣ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᔭᑲᐢᑖᒋ ᐁ ᐃᐢᑯ ᐊᔮᐠ ᑭᐟ ᐊᐢᑭ, ᑳ ᑭ ᐃᓯ ᑭᐦᒋᐃᑖᐟ ᑯᑖᐃᐧᔭ, ᒥᔨᐢᑭ ᒫᑲ ᑲᐦᑭᔭᐤ ᐊᓂᒪ ᐊᐢᑭ ᑳ ᑭ ᐊᓱᑕᕽ ᑭᑕ ᒥᔮᐟ ᑯᑖᐃᐧᔭ; 9ᑭᐢᐱᐣ ᑲᓀᐧᔨᑕᒪᓂ ᑲᐦᑭᔭᐤ ᐅᒪ ᐃᑕᓱᐁᐧᐃᐧᐣ ᑭᑕ ᐃᑐᑕᒪᐣ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ, ᑭᑕ ᓵᑭᐦᐊᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᒧᓴᐠ ᑭᑕ ᐱᒧᑖᑐᑕᒪᐧᐟ ᐅᐟ ᐃᑖᑎᓯᐃᐧᓇ; ᐁᑲᐧ ᒥᓇ ᓂᐢᑐ ᐅᑌᓇᐊᐧ ᑭ ᑲ ᑕᑯ ᐱᐢᑭᑕᐢᑕᒫᓱᐣ, ᑕᐦᑯᐨ ᐅᐦᐃ ᓂᐢᑐ; 10ᐁᑳ ᐅ ᒥᐦᑯ ᐊᓇ ᐁᑳ ᑳ ᐊᑖᒣᔨᑖᑯᓯᐟ ᑭᑕ ᓯᑲᐦᐃᑳᑌᐠ ᒣᑳᐧᐨ ᑭᐟ ᐊᐢᑭᕽ, ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ ᑭᑕ ᑎᐯᔨᐦᑕᒪᐣ, ᐁᑯᓯ ᒥᐦᑯ ᑭᑕ ᐊᑖᒣᔨᑖᑯᓯᔭᐣ.
11ᒫᑲ ᑭᐢᐱᐣ ᐊᐃᐧᔭᐠ ᐸᑳᐧᑖᒋ ᐃᐧᒋᐊᔨᓯᔨᓂᐊᐧ, ᐁᑯᓯ ᐊᐢᑲᒪᐋᐧᒋ, ᒥᓇ ᐸᓯᑯᐢᑕᐋᐧᒋ, ᒥᓇ ᐅᐦᒋᑕᐤ ᐸᑲᒪᐋᐧᒋ ᓂᐱᔨᒋ ᒫᑲ; ᐃᑖᒧᒋ ᒫᑲ ᐯᔭᐠ ᐅᐦᐃ ᐅᑌᓇᐊᐧ; 12ᐁᑲᐧ ᑳ ᓂᑳᓀᔨᑖᑯᓯᔨᐟ ᐅᐟ ᐅᑌᓈᕽ ᑭᑕ ᐃᓯᑎᓴᐦᐅᐁᐧᔨᐊᐧ ᑭᑕ ᓈᑎᐦᐟ ᐁᑯᑕ ᐅᐦᒋ ᒥᓇ ᑭᑕ ᐸᑭᑎᓀᐊᐧᐠ ᐅᒋᐦᒋᔨᕽ ᑳ ᐋᐯᐅᔨᐟ ᒥᐦᑯ, ᑭᑕ ᓂᐸᐃᐦᐟ. 13ᓇᒪᐃᐧᔭ ᑭ ᑲ ᑭᑎᒫᑭᓇᐋᐧᐤ, ᒫᑲ ᑭ ᑲ ᐃᑲᑌᓇᒪᐋᐧᐤ ᐃᐢᕒᐁᐃᓬ ᐁᑳ ᑳ ᐊᑖᒣᔨᑖᑲᐧᕽ ᒥᐦᑯ, ᑭᑕ ᓇᓇᐦᐃᐸᔨᐃᑯᔭᐣ.
14 #
ᑎᔪᑕᕒᐊᓇᒥ 27:17
ᓇᒪᐃᐧᔭ ᑭ ᑲ ᐋᑕᐢᑖᐋᐧᐣ ᑭᒋᐊᔨᓯᔨᓂᐤ ᐁ ᑭᐢᑭᓇᐋᐧᒋᑌᔨᐠ ᐅ ᑎᐸᐦᐊᐢᑳᐣ, ᐊᓂᑭ ᑲᔮᐢ ᑳ ᑭ ᐊᐢᑖᒋᐠ, ᐊᓂᑕ ᑭ ᑎᐯᔨᒋᑲᓂᕽ ᑫ ᑎᐯᔨᐦᑕᒪᐣ, ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ ᑭᑕ ᑎᐯᔨᐦᑕᒪᐣ.
15 #
ᓇᒼᐸᕒᐢ 35:30; ᑎᔪᑕᕒᐊᓇᒥ 17:6; ᒫᐟᔪ 18:16; ᒑᐣ 8:17; 2 ᑲᕒᐃᐣᑎᔭᓇ 13:1; 1 ᑎᒪᑏ 5:19; ᐦᐃᐸᕒᐅᐊᐧ 10:28 ᐯᔭᐠ ᐅᑖᒋᒧ ᓇᒪᐃᐧᔭ ᑭᑕ ᐸᓯᑯᐢᑕᐁᐧᐤ ᓈᐣᑕᐤ ᐊᔨᓯᔨᓂᐊᐧ ᓈᐣᑕᐤ ᒪᒋᐃᑎᐃᐧᐣ ᐅᐦᒋ, ᐊᐦᐳ ᒪᒋᑐᑕᒧᐃᐧᐣ ᐅᐦᒋ, ᓈᐣᑕᐤ ᐊᓂᒪ ᒪᒋᑐᑕᒧᐃᐧᐣ ᑳ ᑭ ᒪᒋᑐᒥᔨᐟ, ᐁ ᐃᑌᐧᒋᐠ ᓂᓱ ᐅᑕᒋᒧᐊᐧᐠ, ᐊᐦᐳ ᐁ ᐃᑌᐧᒋᐠ ᓂᐢᑐ ᐅᑖᒋᒧᐊᐧᐠ, ᑭᑕ ᐅᐦᒋ ᐋᔮᑕᐢᑌᐤ ᐋᒋᒧᐃᐧᐣ.
16ᑭᐢᐱᐣ ᐁᑳ ᑲᐧᔭᐢᐠ ᐁ ᐃᑖᑎᓯᐟ ᐅᑖᒋᒧ ᐸᓯᑯᐢᑕᐋᐧᒋ ᓇᐣᑕᐤ ᐊᔨᓯᔨᓂᐊᐧ ᑭᑕ ᐊᑖᒥᒫᐟ ᐊᐧᓂᑐᑕᒧᐃᐧᐣ; 17ᐁᑲᐧ ᐁ ᐃᓯ ᓂᓯᒋᐠ ᐅᑭ ᐊᔨᓯᔨᓂᐊᐧᐠ, ᑳ ᐋᔮᓀᐧᑖᑐᒋᐠ ᑭᑕ ᐅᐦᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ, ᐅᐦᑎᐢᑲᐤ ᐊᓂᐦᐃ ᐊᔭᒥᐦᐁᐃᐧᔨᓂᐊᐧ ᒥᓇ ᐅᔭᓱᐁᐧᐃᐧᔨᓂᐊᐧ ᑫ ᐊᔮᔨᐟ ᐁᑯᐢᐱ ᑲᑭᓯᑳᑭ; 18ᐊᓂᑭ ᒫᑲ ᐅᔭᓱᐁᐧᐃᐧᔨᓂᐊᐧᐠ ᑭᑕ ᐋᐦᑲᒥ ᑲᑭᐧᒋᑫᒧᐊᐧᐠ; ᐳᑎ ᒫᑲ ᑭᐢᐱᐣ ᐊᓇ ᐅᑖᒋᒧ ᑭᔮᐢᑭᐋᐧᒋᒧᒋ, ᐁᑯᓯ ᑳ ᑭᔮᐢᑭᐋᐧᒋᒫᑫᐧ ᐊᓂᐦᐃ ᐅᒋᐋᒪ; 19ᐁᑲᐧ ᑭ ᑲ ᐃᑐᑕᐋᐧᐋᐧᐤ ᑳ ᑭ ᐃᑌᔨᑕᕽ ᑭᑕ ᐃᑐᑕᐋᐧᐟ ᐊᓂᐦᐃ ᐅᒋᐋᐧᒪ; ᐁᑯᓯ ᒫᑲ ᑭ ᑲ ᐃᑲᑌᓀᐣ ᒪᒑᔨᐃᐧᐣ ᐃᑕ ᑳ ᐊᔮᔭᐣ ᐅᐦᒋ. 20ᐊᓂᑭ ᒫᑲ ᑳ ᐃᐢᑯᒋᐠ ᑭᑕ ᐯᐦᑕᒪᐧᐠ, ᒥᓇ ᑭᑕ ᐊᐢᑖᓯᐊᐧᐠ, ᐁᑯᑕ ᒫᑲ ᐅᐦᒋ ᓇᒪᐃᐧᑳᐨ ᒥᓇ ᐁᑯᓯ ᑭᑕ ᐃᓯ ᒪᒋᑐᑕᒪᐧᐠ ᐃᑕ ᐁ ᐊᔮᔭᐣ. 21#ᐁᐠᓴᑕᐢ 21:23-25; ᓬᐃᐱᑎᑲᐢ 24:19,20; ᒫᐟᔪ 5:38ᓇᒪᐃᐧᔭ ᒫᑲ ᑭ ᑲ ᑭᑎᒫᑭᓇᐋᐧᐤ; ᐱᒫᑎᓯᐃᐧᐣ ᑭᑕ ᐅᐦᒋ ᑎᐸᐃᑳᑌᐤ ᐱᒫᑎᓯᐃᐧᐣ, ᒥᐢᑭᓯᐠ ᒥᐢᑭᓯᐠ ᐅᐦᒋ, ᒥᐱᐟ ᒥᐱᐟ ᐅᐦᒋ, ᒥᒋᐦᒋ ᒥᒋᐦᒋ ᐅᐦᒋ, ᒥᓯᐟ ᒥᓯᐟ ᐅᐦᒋ.
Currently Selected:
ᑎᔪᑕᕒᐊᓇᒥ 19: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
