ᓃᓵᐧᐤ ᓵᒼᔪᐃᓬ 11
11
1 #
1 ᐊᑭᓀ ᐋᒋᒧᐃᐧᓇ 20:1
ᑭ ᐊᔨᑭᐣ ᒫᑲ ᐁ ᐊᑎ ᑫᐧᐢᑳᔭᐊᐧᕽ, ᐃᑕ ᒫᓇ ᑭᐦᒋ ᐅᑭᒫᐊᐧᐠ ᑳ ᓇᑐᐸᔨᒋᐠ, ᑌᐱᐟ ᑭ ᐃᓯᑎᓴᐁᐧᐤ ᒍᐋᐸ ᒥᓇ ᐅᐟ ᐊᑐᐢᑫᔮᑲᓇ, ᐊᓯᒋ, ᒥᓇ ᑲᐦᑭᔭᐤ ᐃᐢᕒᐁᐃᓬ; ᐁᑯᓯ ᑭ ᓂᓯᐊᐧᓈᒋᐁᐊᐧᐠ ᐋᒪᐣ ᐅᐟ ᐊᐋᐧᓯᒥᓴ ᒥᓇ ᑭ ᓄᑎᓇᒪᐧᐠ ᐊᓂᒪ ᕒᐋᐸ. ᑌᐱᐟ ᒫᑲ ᑭ ᐃᑕᓯ ᐊᔮᐤ ᒉᕒᐅᓴᓬᐊᒥᕽ.
2ᑭ ᐊᔨᑭᐣ ᒫᑲ ᐁ ᐅᑖᑯᓯᓂᔨᐠ. ᑌᐱᐟ ᑭ ᐊᐧᓂᐢᑳᐤ ᐅ ᓂᐯᐃᐧᓂᕽ ᐅᐦᒋ, ᐁᑯᓯ ᑭ ᐸᐹᒧᑌᐤ ᑕᐦᑯᐨ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᓂᕽ; ᐁᑯᓯ ᐁᑯᑕ ᑕᐦᑯᐨ ᐅᐦᒋ ᐋᐧᐸᒣᐤ ᐃᐢᑫᐧᐊᐧ ᐁ ᑭᓯᐯᑭᓂᓱᔨᐟ; ᐊᓇ ᒫᑲ ᐃᐢᑫᐧᐤ ᓈᐢᐱᐨ ᑭ ᑲᑕᐊᐧᓯᓯᐤ ᐁ ᑲᓇᐋᐧᐸᒥᐦᐟ. 3ᑌᐱᐟ ᒫᑲ ᑭ ᐃᓯᑎᓴᐦᐅᐁᐧᐤ ᐁ ᑲᑫᐧᒋᑫᒧᐟ ᐊᓂᐦᐃ ᐃᐢᑫᐧᐊᐧ ᐅᐦᒋ. ᐊᐃᐧᔭ ᒫᑲ ᑭ ᐃᑎᐠ, ᓇᒪ ᒋ ᐁᐊᐧᑯ ᐹᐦᐟᓯᐸ ᐅᑖᓂᓴ ᐃᓬᐃᔭᒼ, ᐃᐧᐊᐧ ᔪᕒᐋᔭ ᐊᓇ ᐦᐃᑕᐃᐟ? 4ᑌᐱᐟ ᒫᑲ ᑭ ᐃᓯᑎᓴᐁᐧᐤ ᐅᑖᒋᒧᐊᐧ, ᐁᑯᓯ ᑭ ᐅᑎᓀᐤ; ᑭ ᐯ ᐱᑐᑳᐠ ᒫᑲ, ᐁᑯᓯ ᑭ ᐃᐧᒉᐁᐧᐤ; (ᒋᑫᒫ ᑭ ᐯᑭᐅᔨᐊᐧ ᐊᓂᒪ ᐁᑳ ᑳ ᑭ ᐯᑭᓯᔨᐟ;) ᐁᑯᓯ ᑭ ᑭᐁᐧᔨᐊᐧ ᒥᓇ ᐃᐧᑭᔨᕽ. 5ᐁᑯᓯ ᐊᓇ ᐃᐢᑫᐧᐤ ᑭ ᐊᔮᐁᐧᐤ ᐊᐋᐧᓯᓴ; ᑭ ᐃᓯᑎᓴᐦᐅᐁᐧᐤ ᒫᑲ ᐁ ᐃᐧᐦᑕᒪᐋᐧᐟ ᑌᐱᑕ, ᐁ ᐃᑌᐧᐟ, ᐊᐋᐧᓯᐢ ᓂᐟ ᐊᔮᐋᐧᐤ.
6ᑌᐱᐟ ᒫᑲ ᑭ ᐃᓯᑎᓴᐦᐊᒪᐁᐧᐤ ᒍᐋᐸ, ᐁ ᐃᑖᐟ, ᐯ ᐃᓯᑎᓴᐦᐊᒪᐃᐧᐣ ᔪᕒᐋᔭ ᐊᓇ ᐦᐃᑕᐃᐟ. ᒍᐋᑊ ᒫᑲ ᑭ ᐃᓯᑎᓴᐁᐧᐤ ᔪᕒᐋᔭᐊᐧ ᑭᑕ ᓇᑕᐋᐸᒫᔨᐟ ᑌᐱᑕ. 7ᐃᐢᐱ ᒫᑲ ᔪᕒᐋᔭᐊᐧ ᐱᔦ ᐱᑐᑳᑯᐟ, ᑌᐱᐟ ᑭ ᑲᑫᐧᒋᒣᐤ ᑖᓂᓯ ᐁᓯ ᐊᔮᔨᐟ ᒍᐋᐸ, ᒥᓇ ᑖᓂᓯ ᐊᔨᓯᔨᓂᐊᐧ ᐁ ᐃᓯ ᐊᔮᔨᐟ, ᒥᓇ ᑖᓂᓯ ᐁᐢᐸᔨᐠ ᓄᑎᓂᑐᐃᐧᐣ. 8ᑌᐱᐟ ᒫᑲ ᑭ ᐃᑌᐤ ᔪᕒᐋᔭᐊᐧ, ᑭᑭᕽ ᐃᑐᐦᑌ ᓇᑕᐃᐧ ᑭᓯᐯᑭᓇ ᑭᓯᑕ. ᔪᕒᐋᔭ ᒫᑲ ᑭ ᓯᐯᐧᑌᐤ ᑭᐦᒋ ᐅᑭᒫᐊᐧ ᐅ ᐋᐧᐢᑳᐦᐃᑲᓂᔨᕽ ᐅᐦᒋ, ᑭ ᐱᒥᑎᓴᐦᐅᐠ ᒫᑲ ᐁ ᐊᓴᒥᑯᐟ ᑭᐦᒋ ᐅᑭᒫᐊᐧ. 9ᒫᑲ ᔪᕒᐋᔭ ᑭ ᓂᐹᐤ ᐃᐢᑳᐧᑌᒥᕽ ᑭᐦᒋ ᐅᑭᒫᐊᐧ ᐅ ᐋᐧᐢᑳᐦᐃᑲᓂᔨᕽ ᐊᓯᒋ ᐅᐟ ᐊᑐᐢᑫᔮᑲᓂᔨᐊᐧ ᐅᐟ ᐅᑭᒫᒪ, ᓇᒪᐃᐧᔭ ᒫᑲ ᐃᑐᐦᑌᐤ ᐃᐧᔭ ᐃᐧᑭᕽ. 10ᐃᐢᐱ ᒫᑲ ᑳ ᐃᐧᐦᑕᒪᐋᐧᒋᐠ ᑌᐱᑕ, ᐁ ᐃᑌᐧᒋᐠ, ᔪᕒᐋᔭ ᓇᒪᐃᐧᔭ ᐅᐦᒋ ᐃᑐᐦᑌᐤ ᐃᐧᑭᕽ, ᑌᐱᐟ ᑭ ᐃᑌᐤ ᔪᕒᐋᔭᐊᐧ, ᓇᒪ ᒋ ᑭ ᑭ ᑕᑯᓯᓂᐣ ᐁ ᑭ ᐱᒧᐦᑌᐅᔭᐣ? ᑖᓀᐦᑭ ᐁᑳ ᑳ ᑭ ᐃᑐᐦᑌᔭᐣ ᑭᑭᕽ? 11ᔪᕒᐋᔭ ᒫᑲ ᑭ ᐃᑌᐤ ᑌᐱᑕ, ᑭᐢᑭᓇᐋᐧᒋᐅᐃᐧᓂᐊᐧᐟ ᒥᓇ ᐃᐢᕒᐁᐃᓬ ᒥᓇ ᒍᑕ ᒫᓄᑫᐃᐧᓂᕽ ᐊᔮᐊᐧᐠ; ᒥᓇ ᓂᐟ ᐅᑭᒫᒼ ᒍᐋᑊ, ᒥᓇ ᐅᐟ ᐊᑐᐢᑫᔮᑲᓇ ᓂᐟ ᐅᑭᒫᒼ ᐋᐧᔭᐃᐧᑎᒥᕽ ᑲᐯᓯᐊᐧᐠ; ᓂ ᑲ ᐱᑐᑳᐣ ᒋ ᒫᑲ ᓂᔭ ᓂ ᐋᐧᐢᑳᐦᐃᑲᓂᕽ, ᑭᑕ ᒥᒋᓱᔮᐣ ᒥᓇ ᑭᑕ ᒥᓂᐦᑫᐧᔮᐣ, ᒥᓇ ᑭᑕ ᐃᐧᒉᐊᐧᐠ ᓂᐊᐧ? ᐁ ᐱᒫᑎᓯᔭᐣ ᒥᓇ ᑭᐟ ᐊᐦᒑᕽ ᐁ ᐱᒫᑎᓯᐟ, ᓇᒪᐃᐧᔭ ᓂ ᑲ ᐃᑐᑌᐣ ᐁᐊᐧᑯᒪ. 12ᑌᐱᐟ ᒫᑲ ᑭ ᐃᑌᐤ ᔪᕒᐋᔭᐊᐧ, ᑭᔮᒼ ᐅᑕ ᐊᔮ ᑫᔮᐱᐨ ᐊᓄᐦᐨ ᑳ ᑭᓯᑳᐠ, ᐁᑯᓯ ᐋᐧᐸᐦᑭ ᑭ ᑲ ᐸᑭᑎᓂᑎᐣ ᑭᑕ ᓯᐯᐧᑌᔭᐣ. ᐁᑯᓯ ᔪᕒᐋᔭ ᑭ ᐊᔮᐤ ᒉᕒᐅᓴᓬᐊᒥᕽ ᐁᐊᐧᑯ ᐁ ᑭᓯᑳᐠ ᒥᓇ ᐁ ᐊᑎ ᐋᐧᐸᓂᔨᐠ. 13ᐃᐢᐱ ᒫᑲ ᑌᐱᑕ ᑳ ᓇᑐᒥᑯᐟ ᑭ ᒥᒋᓱ ᒥᓇ ᑭ ᒥᓂᐦᑫᐧᐤ ᐁ ᐊᐧᐸᒥᑯᐟ; ᐁᑯᓯ ᑭ ᑭᐢᑫᐧᐸᐃᐠ; ᐃᐢᐱ ᒫᑲ ᐁᑎ ᐅᑖᑯᓯᓂᔨᐠ ᑭ ᓇᑕᐃᐧ ᐱᒥᓯᐣ ᐅ ᓂᐯᐃᐧᓂᕽ ᐊᓯᒋ ᐅᐟ ᐊᑐᐢᑫᔮᑲᓂᔨᐊᐧ ᐅᐟ ᐅᑭᒫᒪ, ᒫᑲ ᓇᒪᐃᐧᔭ ᐃᑐᐦᑌᐤ ᐅ ᐋᐧᐢᑳᐦᐃᑲᓂᕽ.
14ᑭ ᐊᔨᑭᐣ ᒫᑲ ᐁᑎ ᑫᑭᓭᐹᔮᐠ, ᑌᐱᐟ ᑭ ᒪᓯᓇᐦᐊᒪᐁᐧᐤ ᒍᐋᐸ ᑭ ᑕᐦᑯᓇᒧᐁᐤ ᒫᑲ ᔪᕒᐋᔭᐊᐧ. 15ᑭ ᐃᑕᓯᓇᐊᒪᐁᐧᐤ ᒫᑲ ᐅᒥᓯ ᐁ ᐃᑖᐟ, ᔪᕒᐋᔭ ᒥᑐᓂ ᓂᑳᐣ ᑭ ᑲ ᐃᑕᑖᐋᐧᐤ ᐃᑕ ᐁ ᐋᑲᐧᕽ ᓄᑎᓂᑐᐃᐧᐣ, ᐁᑲᐧ ᒫᑲ ᑭ ᑲ ᓇᑲᑖᐋᐧᐤ ᑭᑕ ᐸᑲᒪᐅᐦᐟ ᐁᑯᓯ ᑭᑕ ᓂᐱᐟ. 16ᑭ ᐊᔨᑭᐣ ᒫᑲ ᐃᐢᐱ ᒍᐋᑊ ᑳ ᓈᓈᑲᑕᐋᐧᐸᐦᑕᕽ ᐅᑌᓇᐤ, ᑭ ᐃᓯᑎᓴᐁᐧᐤ ᔪᕒᐋᔭᐊᐧ ᐃᑕ ᐁ ᑭᐢᑫᔨᑕᕽ ᑳ ᓂᑖᓄᑎᓂᑫᔨᐟ ᐁ ᐊᔮᔨᐟ. 17ᐊᔨᓯᔨᓂᐊᐧᐠ ᒫᑲ ᐅᑌᓈᕽ ᑭ ᐊᐧᔭᐃᐧᐊᐧᐠ ᐁᑯᓯ ᑭ ᓄᑎᓀᐊᐧᐠ ᒍᐋᐸ; ᐋᑎᐦᐟ ᒫᑲ ᐊᔨᓯᔨᓂᐊᐧᐠ ᑭ ᐸᐦᑭᓯᓇᐧᐠ, ᐅᐟ ᐊᑐᐢᑫᔮᑲᓇ ᐅᑎ ᑌᐱᐟ; ᐁᑯᓯ ᔪᕒᐋᔭ ᐊᓇ ᐦᐃᑕᐃᐟ ᐃᐧᐢᑕ ᑭ ᓂᐱᐤ.
18ᐁᑲᐧ ᒍᐋᑊ ᑭ ᐃᓯᑎᓴᐦᐅᐁᐧᐤ ᐁ ᐃᐧᐦᑕᒪᐋᐧᐟ ᑌᐱᑕ ᑲᐦᑭᔭᐤ ᑫᑲᐧᐩ ᐁ ᐃᐢᐸᔨᐠ ᓄᑎᓂᑎᑐᐃᐧᐣ; 19ᑭ ᐊᔮᑳᐧᒥᒣᐤ ᒫᑲ ᐊᓂᐦᐃ ᐅᑖᒋᒧᐊᐧ, ᐁ ᐃᑌᐧᐟ ᐃᐢᐱ ᑭ ᐳᓂ ᐃᐧᐦᑕᒪᐊᐧᒋ ᑭᐦᒋ ᐅᑭᒫᐤ ᑲᐦᑭᔭᐤ ᑫᑲᐧᐩ ᐁ ᐃᐢᐸᔨᐠ ᓄᑎᓂᑐᐃᐧᐣ, 20ᑭᑕ ᐊᔨᑭᐣ ᑭᐢᐱᐣ ᑭᐦᒋ ᐅᑭᒫᐤ ᐊᑎ ᑭᓯᐋᐧᓯᒋ, ᐁᑯᓯ ᐃᑎᐢᑭ, ᑖᓀᐦᑭ ᐊᔨᐋᐧᐠ ᑭᓯᐋᐧᐠ ᐅᑌᓈᕽ ᑳ ᑭ ᓇᑕᐃᐧ ᓄᑎᓂᑫᔦᐠ? ᓇᒪ ᒋ ᑭ ᑭᐢᑫᔨᑌᓈᐋᐧᐤ ᐋᐧᐢᑳ ᒣᓂᑫᐃᐧᓂᕽ ᑭᑕ ᐅᐦᒋ ᐱᒧᑕᑫᐧᒋᐠ? 21#ᐅᔭᓱᐁᐧᐊᐧᐠ 9:53ᐊᐁᐧᓇ ᑳ ᑭ ᓂᐸᐦᐋᐟ ᐊᐱᒥᓬᐃᑲ ᐅᑯᓯᓴ ᒋᕒᐊᐱᓭᐦᐟ? ᓇᒪ ᒋ ᐃᐢᑫᐧᐊᐧ ᑭ ᐱᒧᓯᓈᑎᐠ ᐱᓂᐳᒋᑲᓂᓯᓂᔭ ᐋᐧᐢᑳᒣᓂᑫᐃᐧᓂᕽ ᐅᐦᒋ, ᑳ ᑭ ᐅᐦᒋ ᓂᐱᐟ ᐊᓂᑕ ᑎᐱᓯᕽ? ᑖᓀᐦᑭ ᐊᔨᐋᐧᐠ ᑭᓯᐋᐧᐠ ᐋᐧᐢᑳᒣᓂᑫᐃᐧᓂᕽ ᑳ ᑭ ᐃᑐᐦᑌᔦᐠ? ᐁᑲᐧ ᑭ ᑲ ᐃᑖᐧᐣ, ᑭᐟ ᐊᑐᐢᑫᔮᑲᐣ ᔪᕒᐋᔭ ᐊᓇ ᐦᐃᑕᐃᐟ ᐃᐧᐢᑕ ᓂᐱᐤ.
22ᐁᑯᓯ ᐊᓇ ᐅᑖᒋᒧ ᑭ ᓯᐯᐧᑌᐤ ᒥᓇ ᑭ ᐯ ᓇᑕᐃᐧ ᐃᐧᐦᑕᒪᐁᐧᐤ ᑌᐱᑕ ᑲᐦᑭᔭᐤ ᐊᓂᒪ ᑳ ᑭ ᐅᐦᒋ ᐃᓯᑎᓴᐦᐅᑯᐟ ᒍᐋᐸ. 23ᐊᓇ ᒫᑲ ᐅᑖᒋᒧ ᑭ ᐃᑌᐤ ᑌᐱᑕ ᐊᓂᑭ ᐊᔨᓯᔨᓂᐊᐧᐠ ᓂ ᑭ ᓵᑯᒋᐦᐃᑯᓈᓇᐠ ᒥᓇ ᓂ ᑭ ᐯ ᐊᐧᔭᐃᐧᑐᑖᑯᓈᓇᐠ ᐊᐧᔭᐃᐧᑎᒫᔨᕽ, ᓂ ᑭ ᐊᑎ ᐊᓯᒋᐢᑲᐋᐧᓈᓇᐠ ᒫᑲ ᐁ ᐊᑎ ᐱᐦᑐᑫᕽ ᑭᐦᒋᐃᐢᑳᐧᑌᒼ. 24ᐁᑯᓯ ᐅᐱᒧᑕᑫᐧᐊᐧᐠ ᑭ ᐱᒣᐧᐊᐧᐠ ᑭᐟ ᐊᑐᐢᑫᔮᑲᓇ ᐋᐧᐢᑳᒣᓂᑫᐃᐧᓂᕽ ᐅᐦᒋ; ᐋᑎᐦᐟ ᒫᑲ ᑭᐦᒋ ᐅᑭᒫᐤ ᐅᐟ ᐊᑐᐢᑫᔮᑲᓇ ᓂᐱᐊᐧᐠ, ᒥᓇ ᑭᐟ ᐊᑐᐢᑫᔮᑲᐣ ᔪᕒᐋᔭ ᐊᓇ ᐦᐃᑕᐃᐟ ᓂᐱᐤ ᐊᓯᒋ. 25ᐁᑲᐧ ᑌᐱᐟ ᑭ ᐃᑌᐤ ᐊᓂᐦᐃ ᐅᑖᒋᒧᐊᐧ, ᐅᒥᓯ ᑭ ᑲ ᐃᑖᐤ ᒍᐋᑊ, ᐁᑳᐃᐧᔭ ᐅᒪ ᑭ ᑲ ᓇᔦᑖᐁᐧᔨᑕᒥᐃᑯᐣ, ᒋᑫᒫ ᐃᓴᐁᐧᐢᐠ ᓂᓯᐃᐧᓈᒋᐃᐠ ᐱᑳᐧᓇ ᐊᔨᓯᔨᓂᐤ; ᐊᔨᐋᐧᐠ ᒫᑲ ᓱᐦᑭ ᓄᑎᓇ ᐅᑌᓇᐤ ᒥᓇ ᓵᑯᒋᐦᑖ; ᐁᑯᓯ ᒫᑲ ᓯᐦᑭᐢᑲᐤ.
26ᐃᐢᐱ ᒫᑲ ᐃᐧᐊᐧ ᔪᕒᐋᔭ ᐱᔦᐦᑕᕽ ᐅᓈᐯᒪ ᐁ ᓂᐱᔨᐟ ᑭ ᒪᐃᐧᑳᑌᐤ ᐅᓈᐯᒪ. 27ᒫᑲ ᐃᐢᐱ ᒣᔮᐢᑲᒧᐸᔨᐠ ᑳ ᒪᐃᐧᑳᑖᐟ, ᑌᐱᐟ ᑭ ᐃᓯᑎᓴᐦᐅᐁᐧᐤ ᒥᓇ ᑭ ᐱᐦᑐᑲᐦᐁᐤ ᐃᐧᑭᕽ, ᐁᑯᓯ ᑭ ᐃᐧᑭᒣᐤ ᑭ ᓂᐦᑖᐃᐧᑭᑕᒫᐠ ᒫᑲ ᐁ ᐅᑯᓯᓯᐟ. ᒫᑲ ᐊᓂᒪ ᑌᐱᐟ ᑳ ᑭ ᐃᑐᑕᕽ ᑭ ᓇᔦᑖᐁᐧᔨᑕᒥᐃᐠ ᑳ ᑎᐯᔨᐦᒋᑫᐟ.
Currently Selected:
ᓃᓵᐧᐤ ᓵᒼᔪᐃᓬ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
