ᓃᓵᐧᐤ ᓵᒼᔪᐃᓬ 12
12
1 #
ᓂᑲᒧᓇ 51
ᑳ ᑎᐯᔨᐦᒋᑫᐟ ᒫᑲ ᑭ ᐃᓯᑎᓴᐁᐧᐤ ᓀᐦᑖᓇ ᑭᑕ ᓇᑕᐋᐧᐸᒫᔨᐟ ᑌᐱᑕ. ᑭ ᓇᑕᐋᐧᐸᒣᐤ ᒫᑲ ᐁᑯᓯ ᑭ ᐃᑌᐤ, ᑭ ᓂᓯᐊᐧᐠ ᓈᐯᐊᐧᐠ ᐅᑌᓈᕽ ᐁ ᐊᔮᒋᐠ; ᐯᔭᐠ ᐁ ᐁᐧᔪᑎᓯᐟ ᐁᑯᓯ ᑯᑕᐠ ᐁ ᑭᑎᒫᑭᓯᐟ. 2ᐊᓇ ᑳ ᐁᐧᔪᑎᓯᐟ ᓈᐯᐤ ᓈᐢᐱᐨ ᒥᐦᒉᐟ ᑭ ᐊᔮᐁᐧᐤ ᒫᔭᑎᐦᑲᐧ ᒥᓇ ᒧᐢᑐᓴᐧ; 3ᒫᑲ ᐊᓇ ᑳ ᑭᑎᒫᑭᓯᐟ ᓈᐯᐤ ᓇᒪ ᑫᑲᐧᐩ ᑭ ᐊᔮᐤ ᐱᑯ ᐯᔭᐠ ᓄᓭᒫᔭᑎᑯᓯᓴ, ᑳ ᑭ ᐊᑖᐁᐧᐟ ᒥᓇ ᑳ ᑭ ᑲᓇᐁᐧᔨᒫᐟ; ᐁᑯᓯ ᑭ ᑭᑭ ᐅᐦᐱᑭᔨᐊᐧ ᐃᐧᔭ ᒥᓇ ᐅᐟ ᐊᐋᐧᓯᒥᓴ; ᑭ ᒥᒋᔨᐊᐧ ᐃᐧᔭ ᐅ ᒥᒋᐃᐧᐣ, ᑭ ᒥᓂᑳᐧᑫᔨᐊᐧ ᐃᐧᔭ ᐅ ᒥᓂᑳᐧᑲᐣ, ᑭ ᐱᒥᓯᓂᔨᐊᐧ ᐃᐧᔭ ᐅ ᐱᔪᒪᐃᐧᓂᕽ, ᑖᐱᐢᑯᐨ ᒫᑲ ᐁ ᐅᑖᓂᓯᐟ ᑭ ᐃᓯ ᑲᓇᐋᐧᐸᒣᐤ. 4ᐅᐱᒧᑌᐅᐊᐧ ᒫᑲ ᑭ ᐅᑎᐦᑎᐠ ᐊᓇ ᑳ ᐁᐧᔪᑎᓯᐟ ᓈᐯᐤ, ᐁᑯᓯ ᑭ ᒪᓈ ᐅᑎᓀᐤ ᐃᐧᔭ ᐅ ᒫᔭᑎᐦᑯᒪ ᐊᐦᐳ ᐃᐧᔭ ᐅ ᒧᐢᑐᓱᒪ, ᑭᑕ ᐱᒥᓇᐊᐧᑖᐟ ᐊᓂᐦᐃ ᐅᐱᒧᑌᐅᐊᐧ ᑳ ᐅᑎᐦᑎᑯᐟ, ᒫᑲ ᑭ ᐅᑎᓀᐤ ᐊᓂᐦᐃ ᐅᑭᑎᒫᑭᓯᐊᐧ ᐅ ᒫᔭᑎᐦᑯᓯᓯᒥᔨᐊᐧ, ᐁᑯᓯ ᑭ ᐱᒥᓇᐊᐧᑌᐤ ᐊᓂᐦᐃ ᓈᐯᐊᐧ ᑳ ᐅᑎᐦᑎᑯᐟ. 5ᑌᐱᐟ ᒫᑲ ᒥᐢᑕᐦᐃ ᑭ ᑭᓯᐢᑕᐁᐧᐤ ᐊᓂᐦᐃ ᓈᐯᐊᐧ; ᐁᑯᓯ ᑭ ᐃᑌᐤ ᓀᐦᑖᓇ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᐊᓇ ᓈᐯᐤ ᐁᑯᓯ ᑳ ᑭ ᐃᑐᑕᕽ ᑲᐢᑭᑕᒫᓱ ᑭᑕ ᓂᐱᐟ; 6ᓀᐋᐧᐤ ᒫᑲ ᐃᔨᑯᕽ ᑳᐃᐧ ᑭᑕ ᐸᑭᑎᓀᐤ ᐊᓂᐦᐃ ᒫᔭᑎᐦᑯᓯᓴ, ᒋᑫᒫ ᐅᒪ ᐁ ᑭ ᐃᑐᑕᕽ ᐁᑳ ᒫᑲ ᐁ ᑭᑎᒫᑭᓈᑫᐟ.
7ᓀᐦᑖᐣ ᒫᑲ ᑭ ᐃᑌᐤ ᑌᐱᑕ, ᑭᔭ ᐁᐊᐧᑳᐧᓇ ᓈᐯᐤ. ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᑭ ᑭ ᐅᔭᑭᒥᑎᐣ ᑭᑕ ᑭᐦᒋ ᐅᑭᒫᑲᑕᐊᐧᐟ ᐃᐢᕒᐁᐃᓬ, ᒥᓇ ᑭ ᑭ ᐸᐢᐱᐦᐃᑎᐣ ᐅᒋᐦᒋᕽ ᐅᐦᒋ ᓵᓬ; 8ᑭ ᑭ ᒥᔨᑎᐣ ᑭᐟ ᐅᑭᒫᒼ ᐅ ᐋᐧᐢᑳᐦᐃᑲᐣ, ᒥᓇ ᑭᐟ ᐅᑭᒫᒼ ᐃᐧᐊᐧ ᑭᑕ ᐅᑎᓂᒪᐟ, ᒥᓇ ᑭ ᑭ ᒥᔨᑎᐣ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᒥᓇ ᒍᑕ; ᑭᐢᐱᐣ ᒫᑲ ᐁᐊᐧᑯ ᐅᓵᒼ ᐊᐱᓯᐢ; ᑫᔮᐱᐨ ᐊᔨᐋᐧᐠ ᑭ ᑲ ᑭ ᑕᑯ ᒥᔨᑎᐦ ᓇᓈᑐᕽ ᑫᑲᐧᐩ. 9ᑖᓀᐦᑭ ᑳ ᑭ ᐋᑕᐁᐧᔨᑕᒪᐧᐟ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑭᑕ ᐃᑐᑕᒪᐣ ᐊᓂᒪ ᑳ ᒫᔮᑕᕽ ᐃᐧᔭ ᐁ ᐃᑖᐱᓯᒥᑯᐟ? ᑭ ᑭ ᓂᐸᐦᐋᐤ ᔪᕒᐋᔭ ᐊᓇ ᐦᐃᑕᐃᐟ ᐃᓴᐁᐧᐢᐠ ᐅᐦᒋ, ᒥᓇ ᑭ ᑭ ᐅᑎᓂᒫᐊᐧ ᐃᐧᐊᐧ ᑭᑕ ᐃᐧᐃᐧᔭᐣ, ᐁᑯᓯ ᑭ ᑭ ᓂᐸᐦᐋᐤ ᐅᐟ ᐃᓴᐁᐧᑯᒫᓂᐋᐧᐤ ᐋᒪᐣ ᐅᐟ ᐊᐋᐧᓯᒥᓴ ᐅᐦᒋ. 10ᐁᑲᐧ ᒫᑲ ᐃᓴᐁᐧᐢᐠ ᓇᒪᐃᐧᑳᐨ ᑭᑕ ᓱᐯᐧᑌᒪᑲᐣ ᑭᑭᕽ ᐅᐦᒋ; ᒋᑫᒫ ᑭ ᑭ ᐋᑕᐁᐧᔨᒥᐣ ᓂᔭ, ᒥᓇ ᐁ ᑭ ᐅᑎᓂᒪᐟ ᐃᐧᐊᐧ ᔪᕒᐋᔭ ᐊᓇ ᐦᐃᑕᐃᐟ ᑭᔭ ᑭᑕ ᐃᐧᐃᐧᔭᐣ. 11#2 ᓵᒼᔪᐃᓬ 16:22ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᒫᑎᑲ, ᑭ ᑲ ᐸᓯᑯᓇᒫᑎᐣ ᒪᒋ ᑫᑲᐧᐩ ᑎᐱᔭᐤ ᑭᔭ ᑭᑭᕽ, ᐁᑯᓯ ᓂ ᑲ ᐅᑎᓈᐊᐧᐠ ᑭᐊᐧᐠ ᐁ ᐋᐧᐸᒪᒋᐠ, ᐁᑯᓯ ᓂ ᑲ ᒥᔮᐤ ᑭᒋᐊᔨᓯᔨᓂᐤ, ᑭᑕ ᐃᐧᒉᐁᐧᐤ ᒫᑲ ᑭᐊᐧ ᒧᓯᐢ ᐁ ᐱᓯᒧᐊᐧᕽ. 12ᒋᑫᒫ ᑭᔭ ᐃᐧᔭ ᑭᒧᐨ ᑭ ᑭ ᐃᑐᑌᐣ; ᒫᑲ ᓂᔭ ᐅᒪ ᓂ ᑲ ᐃᑐᑌᐣ ᐁ ᑲᓇᐋᐧᐸᐦᑕᕽ ᑲᐦᑭᔭᐤ ᐃᐢᕒᐁᐃᓬ ᒥᓇ ᒧᓯᐢ ᐁ ᐱᓯᒧᐊᐧᕽ. 13ᑌᐱᐟ ᒫᑲ ᑭ ᐃᑌᐤ ᓀᐦᑖᓇ, ᓂ ᑭ ᒫᔨᑐᑕᐋᐧᐤ ᑳ ᑎᐯᔨᐦᒋᑫᐟ. ᓀᐦᑖᐣ ᒫᑲ ᑭ ᐃᑌᐤ ᑌᐱᑕ, ᑳ ᑎᐯᔨᐦᒋᑫᐟ ᒥᓇ ᑭ ᑭ ᐃᑲᑌᓇᒫᐠ ᑭ ᒪᒋᑐᑕᒧᐃᐧᐣ; ᓇᒪᐃᐧᔭ ᑭ ᑲ ᓂᐱᐣ. 14ᐁᔨᐁᐧᕽ ᒫᑲ, ᒋᑫᒫ ᐅᒪ ᑳ ᑭ ᐃᑐᑕᒪᐣ ᑭ ᑭ ᒥᔮᐊᐧᐠ ᒥᐢᑕᐦᐃ ᑭᑕ ᐅᐦᒋ ᒫᔨᐱᑭᐢᑫᐧᒋᐠ ᐊᓂᑭ ᑳ ᐸᑳᑖᒋᐠ ᑳ ᑎᐯᔨᐦᒋᑫᔨᐟ, ᐊᓇ ᐊᐋᐧᓯᐢ ᑳ ᓂᐦᑖᐃᐧᑭᑕᒫᑲᐃᐧᔭᐣ ᑫᐦᒋᓈ ᑭᑕ ᓂᐱᐤ. 15ᓀᐦᑖᐣ ᒫᑲ ᑭ ᑭᐁᐧᐤ ᐃᐧᑭᕽ.
ᑳ ᑎᐯᔨᐦᒋᑫᐟ ᒫᑲ ᑭ ᐸᑲᒪᐁᐧᐤ ᐊᓂᐦᐃ ᐊᐋᐧᓯᓴ ᔪᕒᐋᔭ ᐃᐧᐊᐧ ᑳ ᑭ ᓂᐦᑖᐃᐧᑭᑕᒫᑯᐟ ᑌᐱᐟ ᐁᑯᓯ ᒥᐢᑕᐦᐃ ᑭ ᐋᑯᓯᔨᐊᐧ. 16ᑌᐱᐟ ᒫᑲ ᑭ ᑳᑭᓯᒧᑐᑕᐁᐧᐤ ᑭᓭᒪᓂᑐᐊᐧ ᐊᓂᐦᐃ ᐊᐋᐧᓯᓴ ᐅᐦᒋ; ᐁᑯᓯ ᑌᐱᐟ ᑭ ᐃᔨᐊᐧᓂᓯᐃᓱ, ᒥᓇ ᑭ ᐱᐦᑐᑫᐤ, ᒥᓇ ᑲᐯᑎᐱᐢᐠ ᑭ ᐱᒥᓯᐣ ᒧᐢᑕᐢᑲᒥᐠ. 17ᑳ ᓂᑳᓀᔨᑖᑯᓯᔨᐟ ᒫᑲ ᐃᐧᑭᕽ ᑭ ᐊᐧᓂᐢᑳᔨᐊᐧ, ᐁᑯᓯ ᑭ ᐃᐧᒋᑲᐸᐃᐧᐢᑖᐠ, ᑭᑕ ᐅᐦᐱᓂᑯᐟ ᒧᐦᒋᕽ ᐅᐦᒋ; ᒫᑲ ᓇᒪᐃᐧᔭ ᑖᐯᐧᑕᒼ, ᐊᐦᐳ ᓇᒪᐃᐧᔭ ᐃᐧᒋᒥᒋᓱᒣᐤ ᐸᐦᑫᐧᓯᑲᓇ. 18ᑭ ᐊᔨᑭᐣ ᒫᑲ ᑌᐸᑯᑊ ᐁ ᐃᑕᐦᑐᑭᓯᑳᐠ ᐊᓇ ᐊᐋᐧᓯᐢ ᑭ ᓂᐱᐤ. ᐁᑯᓯ ᐅᐟ ᐊᑐᐢᑫᔮᑲᓇ ᑌᐱᐟ ᑭ ᐊᐢᑖᓯᔨᐊᐧ ᑭᑕ ᐃᐧᐦᑕᒫᑯᐟ ᐊᓂᐦᐃ ᐊᐋᐧᓯᓴ ᐁ ᓂᐱᔨᐟ; ᒋᑫᒫ ᑭ ᐃᑌᐧᐊᐧᐠ, ᒫᑎᑲ, ᒣᑳᐧᐨ ᐊᓇ ᐊᐋᐧᓯᐢ ᑫᔮᐱᐨ ᐁ ᐱᒫᑎᓯᐟ, ᑭ ᑭ ᐱᑭᐢᑳᐧᑖᓇᐤ ᓇᒪᐃᐧᔭ ᒫᑲ ᑭ ᑭ ᐃᐧ ᓇᑐᐦᑖᑯᓇᐤ; ᐋᐧᐃᐧᐢ ᒫᑲ ᑭᑕ ᑯᑕᑫᔨᑕᒼ, ᑭᐢᐱᐣ ᐃᐧᐦᑕᒪᐋᐧᔭᑭ ᐊᓂᐦᐃ ᐊᐋᐧᓯᓴ ᐁ ᓂᐱᔨᐟ? 19ᒫᑲ ᐃᐢᐱ ᑌᐱᐟ ᐃᐧᔮᐸᐦᑕᕽ ᐊᓂᐦᐃ ᐅᐟ ᐊᑐᐢᑫᔮᑲᓇ ᐁ ᑳᑭᒧᐨ ᐊᔭᒥᐃᑐᔨᐟ, ᑭ ᓂᓯᑕᐃᐧᓇᒼ ᑌᐱᐟ ᐁ ᓂᐱᔨᐟ ᐊᓂᐦᐃ ᐊᐋᐧᓯᓴ; ᐁᑯᓯ ᑌᐱᐟ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᓂᐱᐤ ᒋ ᐊᐋᐧᓯᐢ? ᐁᑯᓯ ᑭ ᐃᑌᐊᐧᐠ, ᓂᐱᐤ ᒫᑲ. 20ᐁᑲᐧ ᑌᐱᐟ ᑭ ᐊᐧᓂᐢᑳᐤ ᒧᐦᒋᕽ ᐅᐦᒋ, ᐁᑯᓯ ᑭ ᑳᓯᑫᐧᐤ, ᒥᓇ ᑭ ᑕᒪᐢᑯ, ᒥᓇ ᑭ ᒥᐢᑯᑕᔭᐃᐧᓂᓭᐤ; ᐁᑯᓯ ᑭ ᐱᐦᑐᑫᐤ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ, ᒥᓇ ᑭ ᐊᔭᒥᐦᐋᐤ; ᐁᑲᐧ ᑭ ᐯ ᐃᑐᐦᑌᐤ ᐃᐧᔭ ᐃᐧᑭᕽ; ᐃᐢᐱ ᒫᑲ ᓀᑕᐁᐧᔨᑕᕽ ᑭ ᐅᔭᐢᑐᐁᐧᐊᐧᐠ ᐸᐦᑫᐧᓯᑲᓇ ᐁᑯᓯ ᑭ ᒥᒋᓱ. 21ᐁᑲᐧ ᒫᑲ ᑭ ᐃᑎᐠ ᐅᐟ ᐋᑐᐢᑫᔮᑲᓇ, ᑫᑲᐧᐩ ᐅᒪ ᑳ ᑭ ᐃᑐᑕᒪᐣ? ᑭ ᑭ ᐃᔨᐊᐧᓂᓯᐃᓱᐣ ᒥᓇ ᑭ ᑭ ᒪᐃᐧᑳᑖᐤ ᐊᓇ ᐊᐋᐧᓯᐢ ᒣᑳᐧᐨ ᑫᔮᐱᐨ ᐁ ᐱᒫᑎᓯᐟ; ᒫᑲ ᐃᐢᐱ ᐊᓇ ᐊᐋᐧᓯᐢ ᐁ ᓂᐱᐟ, ᑭ ᑭ ᐊᐧᓂᐢᑳᐣ ᒥᓇ ᑭ ᑭ ᒧᐋᐧᐤ ᐸᐦᑫᐧᓯᑲᐣ. 22ᐅᒥᓯ ᒫᑲ ᑭ ᐃᑌᐧᐤ, ᒣᑳᐧᐨ ᐊᓇ ᐊᐋᐧᓯᐢ ᑫᔮᐱᐨ ᐁ ᐱᒫᑎᓯᐟ, ᓂ ᑭ ᐃᔨᐊᐧᓂᓯᐃᓱᐣ ᒥᓇ ᓂ ᑭ ᒫᑐᐣ; ᒋᑫᒫ ᓂ ᑭ ᐃᑖᐧᐣ, ᐊᐁᐧᓇ ᑫ ᑭ ᐃᐧᐦᑕᕽ ᑭᐢᐱᐣ ᑳ ᑎᐯᔨᐦᒋᑫᐟ ᑫ ᑭᑎᒫᑭᓇᐃᐧᑫᐧ, ᐊᓇ ᐊᐋᐧᓯᐢ ᑭᑕ ᐱᒫᑎᓯᐟ? 23ᒫᑲ ᐁᑲᐧ ᐳᓂ ᐱᒫᑎᓯᐤ, ᑫᑲᐧᐩ ᐅᐦᒋ ᑫ ᐃᔨᐊᐧᓂᓯᐃᓱᔮᐣ? ᑳᐃᐧ ᒋ ᓂ ᑲ ᑭ ᐯᓯᐋᐧᐤ? ᓂᔭ ᓂ ᑲ ᓈᑖᐤ, ᒫᑲ ᐃᐧᔭ ᓇᒪᐃᐧᔭ ᓂ ᑲ ᐯ ᓈᑎᐠ.
24ᑌᐱᐟ ᒫᑲ ᑭ ᑳᑭᒋᐁᐤ ᐹᐦᐟᓯᐸᐊᐧ ᐃᐧᐊᐧ, ᐁᑯᓯ ᑭ ᐱᑐᑲᐁᐧᐤ, ᒥᓇ ᑭ ᐃᐧᒉᐁᐧᐤ; ᑭ ᓂᐦᑖᐃᐧᑭᑕᒫᐠ ᒫᑲ ᐅᑯᓯᓴ, ᐁᑯᓯ ᓵᓬᐊᒪᐣ ᑭ ᐃᓯᔨᐦᑳᑌᐤ. ᑳ ᑎᐯᔨᐦᒋᑫᔨᐟ ᒫᑲ ᑭ ᓵᑭᐦᐃᐠ; 25ᑭ ᐃᓯᑎᓴᐦᐅᐁᐧᐤ ᒫᑲ ᓀᐦᑖᓇ ᐅᑭᐢᑭᐁᐧᐦᐃᑫᐊᐧ ᐅᐦᒋ, ᒥᓇ ᒉᑎᑖᔭ ᑭ ᐃᓯᔨᐦᑳᑌᐤ, ᒋᑫᒫ ᑳ ᑎᐯᔨᐦᒋᑫᔨᐟ ᐁ ᐅᐦᒋᔨᐟ.
26ᒍᐋᑊ ᒫᑲ ᑭ ᓄᑎᓇᒼ ᕒᐋᐸ ᐋᓂᐃ ᐋᒪᐣ ᐅᐟ ᐊᐋᐧᓯᒥᓴ ᑳ ᐊᔮᒋᐠ, ᒥᓇ ᑭ ᐅᑎᓇᒼ ᑭᐦᒋᐅᑭᒪᐃᐧ ᐅᑌᓇᐤ. 27ᒍᐋᑊ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᑌᐱᑕ, ᐁᑯᓯ ᑭ ᐃᑌᐧᐤ, ᓂ ᑭ ᓄᑎᓀᐣ ᕒᐋᐸ, ᒥᓇ ᓂ ᑭ ᐅᑎᓀᐣ ᓂᐱᐃᐧ ᐅᑌᓇᐤ. 28ᐁᑲᐧ ᒫᑲ ᒫᒪᐃᐧ ᒫᐊᐧᒋᐦᐃᐠ ᑳ ᐃᐢᑯᒋᐠ ᓈᐯᐊᐧᐠ, ᐁᑯᓯ ᑲᐯᓯᒧᑐᑕ ᐊᓂᒪ ᐅᑌᓇᐤ, ᒥᓇ ᐅᑎᓇ; ᐁᑳ ᓂᔭ ᑭᑕ ᐅᑎᓇᒫᐣ ᐊᓂᒪ ᐅᑌᓇᐤ, ᐁᑯᓯ ᓂᔭ ᓂ ᐃᐧᔪᐃᐧᐣ ᑭᑕ ᐃᓯ ᐃᐧᒋᑳᑌᐠ. 29ᑌᐱᐟ ᒫᑲ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐊᔨᓯᔨᓂᐊᐧ, ᒥᓇ ᑭ ᐃᑐᐦᑌᐤ ᐊᓂᑕ ᕒᐋᐸ, ᐁᑯᓯ ᑭ ᓄᑎᓇᒼ ᒥᓇ ᑭ ᐅᑎᓇᒼ. 30ᑭ ᐅᑎᓇᒣᐧᐤ ᒫᑲ ᐅ ᑭᐦᒋ ᐅᑭᒫᐊᐧᐢᑐᑎᓂᔨᐤ ᐅ ᑭᐦᒋ ᐅᑭᒫᒥᐋᐧᐊᐧ ᐅᐢᑎᑳᐧᓂᔨᕽ ᐅᐦᒋ; ᐯᔭᐠ ᒫᑲ ᑖᓬᐊᐣᐟ ᐅᓵᐃᐧᓱᓂᔮᐤ ᑭ ᐃᐢᐱᑎᓂᑲᐧᓂᔨᐤ, ᐁᑯᓯ ᐁᑯᑕ ᑭ ᐊᔮᐊᐧᐠ ᓱᓂᔮᐊᐧᓯᓂᔭᐠ; ᑌᐱᐟ ᒫᑲ ᐅᐢᑎᑳᐧᓂᕽ ᑭ ᐊᐢᑖᐋᐧᐣ. ᑭ ᐯᑖᐤ ᒫᑲ ᐁ ᑭ ᒪᓂᐊᐧᑖᑕᕽ ᐅᑌᓇᐤ ᒥᑐᓂ ᒥᐢᑕᐦᐃ. 31ᑭ ᐯ ᐊᐧᔭᐃᐧᑕᐁᐤ ᒫᑲ ᐊᔨᓯᔨᓂᐊᐧ ᐁᑯᑕ ᑳ ᐊᔮᔨᐟ, ᐁᑯᓯ ᑭ ᐸᑭᑎᓀᐤ ᓯᐹ ᑭᐢᑭᐳᒋᑲᓂᕽ, ᒥᓇ ᓯᐹ ᓯᑲᐧᐢᑲᒥᑭᐱᒋᑲᓂᕽ, ᒥᓇ ᓯᐹ ᐱᐋᐧᐱᐢᑯ ᒋᑲᐦᐃᑲᓂᕽ, ᒥᓇ ᑭ ᓵᐳᑕᐁᐤ ᑲᐢᑳᐸᑐᓂᐢᑲᓯᑲᓂᕽ; ᐁᑯᓯ ᒫᑲ ᑭ ᐃᑐᑕᒼ ᑲᐦᑭᔭᐤ ᐅᑌᓈᔨᐊᐧ ᐊᓂᐦᐃ ᐋᒪᐣ ᐅᐟ ᐊᐋᐧᓯᒥᓴ. ᐁᑯᓯ ᑌᐱᐟ ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᑭᐁᐧᐊᐧᐠ ᒉᕒᐅᓴᓬᐊᒥᕽ.
Currently Selected:
ᓃᓵᐧᐤ ᓵᒼᔪᐃᓬ 12: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
