ᓃᓵᐧᐤ ᑲᕒᐃᐣᑎᔭᓇ 9

1ᐅᒪ ᒫᑲ ᑳ ᐸᒥᐃᐦᒋᐠ ᐅᑲᓈᑎᓯᐊᐧᐠ, ᓇᒪᐃᐧᔭ ᓇᑕᐁᐧᔨᑖᑲᐧᐣ ᑭᑕ ᒪᓯᓇᐦᐊᒫᑕᑯᐠ: 2ᒋᑫᒫ ᓂ ᑭᐢᑫᔨᑌᐣ ᐁ ᐅᒉᑲᒣᔨᑕᒣᐠ, ᐁᐊᐧᑯ ᑳ ᑭ ᐅᐦᒋ ᒪᒥᒋᒥᑕᑯᐠ ᐁ ᐋᒋᒧᐢᑕᐊᐧᑭᐠ ᐊᓂᑭ ᒫᓯᑖᓂᔭᐃᕽ, ᐋᑫᔭ ᐁ ᑭ ᐊᐧᐁᐧᔨᒋᐠ ᓵᓴᐩ ᐯᔭᐠ ᐊᐢᑭ; ᐁᑯᓯ ᑭᐟ ᐋᑲᒣᔨᒧᐃᐧᓂᐋᐧᐤ ᑭ ᓯᑭᐢᑳᑲᐧᐠ ᒥᐦᒉᐟ ᐁᐊᐧᑯᓂᐠ. 3ᒫᑲ ᓂ ᑭ ᐃᓯᑎᓴᐋᐧᐊᐧᐠ ᐊᓂᑭ ᐅᒋᐋᐧᒥᒫᐊᐧᐠ, ᑳ ᑭ ᐃᓯ ᒪᒥᒋᒧᔮᕽ ᑭᔭᐋᐧᐤ ᐅᐦᒋ ᐁᑳ ᑭᑕ ᓄᑌᐸᔨᐠ ᐁᑯᓯ ᐃᓯ; ᑖᐱᐢᑯᐨ ᑳ ᐃᑌᐧᔮᐣ ᑭᑕ ᐊᐧᐁᐧᔨᔦᐠ: 4ᑫᑲ ᓈᐣᑕᐤ ᐃᓯ, ᑭᐢᐱᐣ ᐊᐃᐧᔭ ᐯ ᐃᐧᒉᐃᐧᒋ ᒫᓯᑖᓂᔭᐃᕽ ᐅᐦᒋ, ᐳᑎ ᒫᑲ ᐁᑳ ᑭᓯᒋᑫᔦᑯ, ᓂᔭᓈᐣ (ᓇᒪᐃᐧᔭ ᓂᐟ ᐃᑖᐧᐣ, ᑭᔭᐋᐧᐤ) ᓂ ᑳ ᓇᓂᐯᐃᐧᓯᓈᐣ ᐅᒪ ᐁ ᑭ ᐃᓯ ᑫᒋᓇᐅᐃᐧ ᒪᒥᒋᒧᔮᕽ. 5ᓇᑕᐁᐧᔨᑖᑲᐧᐣ ᒫᑲ ᓂ ᑭ ᐃᑌᔨᑌᐣ ᑭᑕ ᓯᑭᒪᑭᐠ ᐊᓂᑭ ᐅᒋᐋᐧᒥᒫᐊᐧᐠ, ᓂᑳᐣ ᑭᑕ ᓇᑕᐋᐧᐸᒥᑯᔦᑯᐠ, ᐁᑯᓯ ᓂᔮᐠ ᑭᑕ ᑲᐧᔮᒋᑖᒋᐠ ᑲᔭᑌ ᑳ ᑭ ᐊᓱᑕᒫᑫᔦᐠ ᑭ ᑭᓭᐋᐧᑎᓯᐃᐧᓂᐋᐧᐤ, ᐁᐊᐧᑯ ᑭᑕ ᑲᐧᔮᑕᕽ, ᐁ ᑭᓭᐋᐧᑎᓯᐃᐧ ᐃᓯᐦᒋᑫᕽ, ᓇᒪᐃᐧᔭ ᑖᐱᐢᑯᐨ ᐊᔨᓵᐨ.

6ᒫᑲ ᐅᒪ ᓂᐟ ᐃᑖᐧᐣ, ᐊᓇ ᐊᑳᐋᐧᐨ ᑳ ᑭᐢᑎᑫᐟ ᐊᑳᐋᐧᐨ ᒥᓇ ᑭᑕ ᒪᓂᓯᑫᐤ; ᐁᑯᓯ ᐊᓇ ᑳ ᐁᐧᔪᒋ ᑭᐢᑎᑫᐟ ᑭᑕ ᐁᐧᔪᒋ ᒪᓂᓯᑫᐤ. 7ᑭᔮᒼ ᑲᐦᑭᔭᐤ ᐊᐃᐧᔭᐠ ᑭᑕ ᐃᑐᑕᒼ ᐁ ᑭ ᐃᓯ ᐅᔦᔨᑕᕽ ᐅᑌᐃᕽ; ᓇᒪᐃᐧᔭ ᐋᒋᐢᑕᐁᐧᔨᑕᒧᐃᐧᓂᕽ, ᐊᐦᐳ ᐊᔨᓵᐨ: ᒋᑫᒫ ᑭᓭᒪᓂᑐ ᓵᑭᐦᐁᐤ ᐊᓂᐦᐃ ᑳ ᒋᑫᔨᑕᒧᐃᐧ ᒣᑭᔨᐟ. 8ᒥᓇ ᑭᓭᒪᓂᑐ ᑲᐢᑭᑖᐤ ᑭᑕ ᐁᐧᔪᒋ ᐊᔮᔦᐠ ᑲᐦᑭᔭᐤ ᑭᓭᐋᐧᑎᓯᐃᐧᐣ; ᑭᔭᐋᐧᐤ ᒫᑲ, ᑲᐦᑭᔭᐤ ᑫᑲᐧᐩ ᐁ ᑌᐱᐸᔨᐃᑯᔦᐠ, ᑭᑕ ᐁᐧᔪᒋ ᐃᑐᑕᒣᐠ ᑲᐦᑭᔭᐤ ᒥᔪ ᐊᑐᐢᑫᐃᐧᓇ: 9#ᓂᑲᒧᓇ 112:9ᑳ ᐃᑕᓯᓇᐦᐃᑳᑌᐠ, ᑭ ᐊᐧᓴᓭᐧᐁᐧᐱᓂᑫᐤ, ᑭ ᒥᔦᐤ ᐅᑭᑎᒫᑭᓯᐊᐧ; ᐅ ᑲᐧᔭᐢᑭᑖᑎᓯᐃᐧᐣ ᑳᑭᑫ ᐊᔮᔨᐤ. 10#ᐊᐩᓵᔭ 55:10ᐊᓇ ᒫᑲ ᑳ ᐅᐦᒋᐢᑕᒪᐋᐧᐟ ᑭᐢᑎᑳᓇ ᐅᑭᐢᑎᑫᐊᐧ ᒥᓇ ᐸᑫᐧᓯᑲᓇ ᑭᑕ ᐅᒥᒋᐃᐧᓂᐟ ᐊᔨᓯᔨᓂᐤ, ᑭ ᑲ ᐅᐦᒋᐢᑕᒫᑯᐋᐧᐤ ᒥᓇ ᑭ ᑲ ᔭᑭᑕᒫᑯᐋᐧᐤ ᑭ ᑭᐢᑎᑳᓂᐋᐧᐊᐧ ᑭᑕ ᑭᐢᑎᑫᔦᐠ, ᒥᓇ ᑭᑕ ᔭᑭᑖᐤ ᐁ ᐃᓯ ᒥᓂᓯᐊᐧᕽ ᑭ ᑲᐧᔭᐢᑭᑖᑎᓯᐃᐧᓂᐋᐧᐤ: 11ᑭᔭᐋᐧᐤ ᐁ ᐁᐧᔪᒋ ᐊᔮᔦᐠ ᑲᐦᑭᔭᐤ ᑫᑲᐧᐩ ᒥᓯᐁᐧ ᐃᓯ ᐁ ᑭᓭᐋᐧᑎᓯᔦᐠ, ᐁᑯᓯ ᐁᐊᐧᑯ ᑭᑕ ᑭ ᐅᐦᒋ ᓇᓈᐢᑯᒫᔮᕽ ᑭᓭᒪᓂᑐ. 12ᒋᑫᒫ ᐁ ᐸᒥᑖᕽ ᐅᒪ ᐃᓯᐦᒋᑫᐃᐧᐣ ᓇᒪᐃᐧᔭ ᐱᑯ ᑎᐱᐸᔨᑐᐋᐧᐊᐧᐠ ᐅ ᑭᐧᑕᒫᐃᐧᓂᐋᐧᕽ ᐅᑲᓈᑎᓯᐊᐧᐠ, ᒫᑲ ᐁᑯᑕ ᒥᓇ ᐅᐦᒋ ᒥᐦᒉᑖᐧᐤ ᓇᓈᐢᑯᒫᐤ ᑭᓭᒪᓂᑐ; 13ᐃᐧᔭ ᐁ ᐋᐧᐸᐦᑕᐦᐃᐁᐧᔦᐠ ᐅᒪ ᐸᒥᐦᐃᐁᐧᐃᐧᐣ ᐅᐦᒋ ᒪᒥᒋᒣᐊᐧ ᑭᓭᒪᓂᑐᐊᐧ ᐁ ᐃᓯ ᓇᓇᐃᑕᒣᐠ ᑳ ᐃᓯ ᐃᐧᑕᒣᐠ ᐅ ᒥᔮᐧᒋᒧᐃᐧᐣ ᙭, ᒥᓇ ᐁ ᐃᓯ ᐁᐧᔪᒋ ᐅᐦᒋᐢᑕᒪᐋᐧᔦᑯᐠ ᐃᐧᔭᐋᐧᐤ ᒥᓇ ᑲᐦᑭᔭᐤ; 14ᐁᑯᓯ ᐃᐧᔭᐋᐧᐤ ᒥᓇ, ᐁ ᐊᔭᒥᐦᐁᐢᑕᒫᑯᔦᑯᐠ, ᒥᐢᑕᐦᐃ ᑭ ᒥᑐᓀᔨᒥᑯᐋᐧᐊᐧᐠ ᐁ ᐃᓯ ᑭᐦᒋ ᓴᐁᐧᔨᒥᑯᔦᐠ ᑭᓭᒪᓂᑐ. 15ᑭᑕ ᑭ ᓇᓈᐢᑯᒥᐦᐟ ᑭᓭᒪᓂᑐ ᐅ ᒣᑭᐃᐧᐣ ᐅᐦᒋ ᐁᑳ ᑫ ᑭ ᑌᐱ ᐃᐧᒋᑳᑌᔨᐠ.

Currently Selected:

ᓃᓵᐧᐤ ᑲᕒᐃᐣᑎᔭᓇ 9: KKMs

Highlight

Copy

Compare