ᓃᓵᐧᐤ ᑲᕒᐃᐣᑎᔭᓇ 8

1 # ᕒᐅᒪᓇ 15:26 ᐁᑲᐧ ᒥᓇ, ᓂᒋᐋᐧᒥᑎᐠ, ᑭ ᑭᐢᑫᔨᑕᒧᐃᑎᓈᐣ ᐅ ᑭᓭᐋᐧᑎᓯᐃᐧᐣ ᑭᓭᒪᓂᑐ ᑳ ᑭ ᒥᔨᐦᒋᐠ ᐅᑕᔭᒥᐦᐋᐊᐧᐠ ᒫᓯᑖᓂᔭᐃᕽ; 2ᑖᓂᓯ ᒣᑳᐧᐨ ᒥᐢᑕᐦᐃ ᐁ ᑭᐢᑫᔨᑖᑲᐧᓂᔨᐠ ᐅᐟ ᐋᔨᒥᓯᐃᐧᓂᐋᐧᐤ ᐁ ᐃᓯ ᐁᐧᔪᑕᓂᔨᐠ ᐅ ᒪᒪᐦᑖᑯᓯᐃᐧᓂᐋᐧᐤ ᒥᓇ ᒥᐢᑕᐦᐃ ᐁ ᑭᑎᒫᑭᓯᒋᐠ ᑳ ᐃᓯ ᐊᔨᐋᐧᑭ ᐁᐧᔪᑕᓂᔨᐠ ᐅ ᐸᑭᑎᓂᑫᐃᐧᓂᐋᐧᐤ. 3ᒋᑫᒫ ᐁ ᐃᓯ ᑲᐢᑭᑖᒋᐠ, ᓂᐟ ᐋᒋᒫᐊᐧᐠ, ᒥᓇ ᐊᔨᐋᐧᐠ ᐊᐦᐳ ᐁ ᐃᓯ ᑲᐢᑭᑖᒋᐠ, ᑭ ᒣᑭᐊᐧᐠ ᐃᐧᔭᐋᐧᐤ ᓭᐦᑫ, 4ᓱᐦᑭ ᐁ ᑳᑭᓯᒧᑐᑖᑯᔮᐦᑭᐠ ᐅᒪ ᐅᐦᒋ ᒥᔪᑐᑕᒧᐃᐧᐣ ᒥᓇ ᐃᐧᒉᑐᐃᐧᐣ ᐁ ᐸᒥᐃᐦᒋᐠ ᐅᑲᓈᑎᓯᐊᐧᐠ: 5ᐁᑯᓯ ᐅᒪ, ᓇᒪᐃᐧᔭ ᑳ ᑭ ᐃᑕᑌᔨᑕᒫᕽ, ᒫᑲ ᓂᑳᐣ ᐃᐧᔭᐋᐧᐤ ᑭ ᐸᑭᑎᓂᓱᐊᐧᐠ ᑭᑕ ᐊᑐᐢᑲᐋᐧᒋᐠ ᑳ ᑎᐯᔨᐦᒋᑫᔨᐟ, ᒥᓇ ᓂᔭᓈᐣ ᐅᐟ ᐃᑌᔨᑕᒧᐃᐧᓂᕽ ᑭᓭᒪᓂᑐ. 6ᐁᑯᓯ ᒫᑲ ᓂ ᑭ ᓯᑭᒫᓈᐣ ᑖᐃᑕᐢ, ᐃᐧᔭ ᐁ ᑭ ᒫᒋ ᐃᑐᑕᕽ ᑲᔭᑌ ᐁᑯᓯ ᑭᑕ ᑭᓯᑕᒫᑯᔦᐠ ᒥᓇ ᐅᒪ ᒥᔪ ᑐᑕᒧᐃᐧᐣ. 7ᒫᑲ ᐁ ᐃᓯ ᐁᐧᔪᒋ ᐊᔮᔦᐠ ᑲᐦᑭᔭᐤ ᑫᑲᐧᐩ, ᑖᐯᐧᔦᔨᑕᒧᐃᐧᐣ, ᒥᓇ ᐱᑭᐢᑫᐧᐃᐧᐣ, ᒥᓇ ᑭᐢᑫᔨᑕᒧᐃᐧᐣ, ᒥᓇ ᐋᑲᒣᔨᒧᐃᐧᐣ, ᒥᓇ ᐁ ᓵᑭᐦᐃᔮᕽ, ᑭᑕ ᐁᐧᔪᒋ ᐊᔮᔦᐠ ᐅᒪ ᒥᔪ ᑐᑕᒧᐃᐧᐣ ᒥᓇ.

8ᓇᒪᐃᐧᔭ ᐁ ᐅᔭᓱᐋᐧᑎᑕᑯᐠ ᑳ ᐃᓯ ᐱᑭᐢᑫᐧᔮᐣ, ᒫᑲ ᐁ ᓄᑯᑖᔮᐣ ᑯᑕᑲᐠ ᐅ ᒋᑫᔨᑕᒧᐃᐧᓂᐋᐧᐤ ᐅᐦᒋ ᐁ ᐃᓯ ᑖᐯᐧᒪᑲᕽ ᑭ ᓵᑭᐦᐃᐁᐧᐃᐧᓂᐋᐧᐤ. 9ᒋᑫᒫ ᑭ ᑭᐢᑫᔨᑕᒫᐧᓈᐋᐧᐤ ᐅ ᑭᓭᐋᐧᑎᓯᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭, ᐊᓂᒪ ᐋᑕ ᐁ ᐁᐧᔪᑎᓯᐟ, ᐁᔨᐁᐧᕽ ᑭᔭᐋᐧᐤ ᐅᐦᒋ ᑳ ᑭ ᑭᑎᒫᑭᓯᐟ, ᑭᔭᐋᐧᐤ ᐅ ᑭᑎᒫᑭᓯᐃᐧᓂᕽ ᐅᐦᒋ ᑭᑕ ᐁᐧᔪᑎᓯᔦᐠ. 10ᐁᑯᑕ ᒫᑲ ᐅᒪ ᑭ ᒥᔨᑎᓈᐋᐧᐤ ᐁ ᐃᑌᔨᑕᒫᐣ: ᒋᑫᒫ ᐅᒪ ᑭᐟ ᐃᓯ ᓇᑕᐁᐧᔨᑖᑯᓯᓈᐋᐧᐤ; ᑭᔭᐋᐧᐤ ᓂᑳᐣ ᑳ ᑭ ᒫᒋ ᐃᑐᑕᒣᐠ ᐯᔭᐠ ᐊᐢᑭ ᐁᑲᐧ ᐃᔨᑯᕽ, ᐁᑳ ᐱᑯ ᑭᑕ ᐃᑐᑕᒣᐠ, ᒫᑲ ᒥᓇ ᑭᑕ ᒋᑫᔨᑕᒣᐠ. 11ᐁᑲᐧ ᒫᑲ ᑭᓯᑖᐠ ᐁ ᐃᑐᑕᒣᐠ ᒥᓇ; ᑳ ᑭ ᐃᓯ ᐅᒉᑲᒥ ᐃᑌᔨᑕᒣᐠ, ᐁᑯᓯ ᒥᓇ ᑭᑕ ᑭᓯᑖᔦᐠ ᐁ ᐃᓯ ᑲᐢᑭᑖᔦᐠ. 12ᒋᑫᒫ ᑭᐢᐱᐣ ᐅᒉᑲᒣᔨᑕᒧᐃᐧᐣ ᐁᑯᑕ ᐊᔮᑭ, ᒥᔪ ᐅᑎᓂᑳᑌᐤ, ᐃᔨᑯᕽ, ᐊᔨᓯᔨᓂᐤ ᐁ ᑭᑭᐃᐧᓯᐟ, ᓇᒪᐃᐧᔭ ᐃᔨᑯᕽ ᐁᑳ ᐁ ᑭᑭᐃᐧᓯᐟ. 13ᒋᑫᒫ ᓇᒪᐃᐧᔭ ᐅᒪ ᓂᐟ ᐃᑖᐧᐣ ᑯᑕᑲᐠ ᑭᑕ ᔮᑲᓇᒫᐦᒋᐠ ᐁᑯᓯ ᑭᔭᐋᐧᐤ ᑭᑕ ᐋᔨᒥᐃᑲᐃᐧᔦᐠ; 14ᒫᑲ ᑭᑕ ᐃᓯ ᑖᐱᐢᑯᒋᐸᔨᐠ; ᑭᔭᐋᐧᐤ ᑭ ᐁᐧᔪᑎᓯᐃᐧᓂᐋᐧᐤ ᑭᑕ ᐅᐦᒋ ᐅᐦᑎᓇᒫᐦᒋᐠ ᐊᓄᐦᐨ ᒣᑳᐧᐨ ᑳ ᐃᓯ ᓄᑌᐸᔨᒋᐠ, ᐁᑯᓯ ᐃᐧᔭᐋᐧᐤ ᒥᓇ ᐅ ᐁᐧᔪᑎᓯᐃᐧᓂᐋᐧᐤ ᑭᑕ ᐅᐦᒋ ᐅᐦᑎᓇᒫᑲᐃᐧᔦᐠ ᓄᑌᐸᔨᔦᑯ; ᐁᑯᓯ ᑭᑕ ᐃᓯ ᑖᐱᐢᑯᒋᐸᔨᐠ: 15#ᐁᐠᓴᑕᐢ 16:18ᑳ ᐃᑕᓯᓇᐦᐃᑳᑌᐠ, ᐊᓇ ᒥᐢᑕᐦᐃ ᑳ ᑭ ᒫᐊᐧᒋᐦᒋᑫᐟ ᓇᒪᐃᐧᔭ ᐊᔨᐋᐧᑭᐸᔨᐤ; ᒥᓇ ᐊᓇ ᐊᐱᓯᐢ ᑳ ᒫᐊᐧᒋᐦᒋᑫᐟ ᓇᒪᐃᐧᔭ ᓄᑌᐸᔨᐤ.

16ᒫᑲ ᑭᑕ ᓇᓈᐢᑯᒥᐦᐟ ᑭᓭᒪᓂᑐ, ᑳ ᑭ ᐊᐢᑖᐋᐧᐟ ᐅᑌᐃᔨᕽ ᑖᐃᑕᓴ ᑭᑕ ᐃᓯ ᐋᑲᒥ ᒥᑐᓀᔨᒥᑯᔦᐠ. 17ᒋᑫᒫ ᑖᐯᐧ ᑭ ᐅᑎᓇᒼ ᓂ ᓯᑭᑫᒧᐃᐧᓂᓈᐣ; ᒫᑲ ᐃᐧᔭ ᒥᐢᑕᐦᐃ ᐁ ᐋᑲᒣᔨᒧᐟ, ᓭᐦᑫ ᐃᐧᔭ ᑭ ᑭ ᓇᑕᐋᐧᐸᒥᑯᐋᐧᐤ. 18ᓂ ᑭ ᐃᓯᑎᓴᐦᐅᒫᓈᓇ ᒫᑲ ᑭᑕ ᐃᐧᒉᐃᐧᑯᐟ ᐊᓂᐦᐃ ᐅᒋᐋᐧᒥᒫᐊᐧ ᐅ ᒪᒥᒋᒥᑯᐃᐧᐣ ᒥᔮᐧᒋᒧᐃᐧᓂᕽ ᑳ ᐯᑖᑲᐧᓂᔨᐠ ᒥᓯᐁᐧ ᐃᑌ ᐊᔭᒥᐦᐋᐃᐧᓂᓈᕽ; 19ᓇᒪᐃᐧᔭ ᒫᑲ ᐁᐊᐧᑯ ᐱᑯ, ᒫᑲ ᑳ ᑭ ᐅᔭᑭᒥᑯᐟ ᒥᓇ ᐅᑕᔭᒥᐦᐋᐊᐧ ᑭᑕ ᐸᐹ ᐃᐧᒉᐃᐧᑯᔮᕽ ᐅᒪ ᐅᐦᒋ ᒥᔪ ᑐᑕᒧᐃᐧᐣ, ᑳ ᐸᒥᑖᔮᕽ ᐅ ᑭᐢᑕᑭᒥᑯᐃᐧᓂᕽ ᐃᓯ ᑳ ᑎᐯᔨᐦᒋᑫᐟ, ᒥᓇ ᑭᑕ ᐋᐧᐸᐦᑕᐦᐃᐁᐧᔮᕽ ᐁ ᐃᓯ ᐅᒉᑲᒣᔨᑕᒫᕽ: 20ᐅᒪ ᐁ ᐊᓭᐧᔨᑕᒫᕽ, ᐁᑳ ᐊᐃᐧᔭᐠ ᐊᔨᓯᔨᓂᐤ ᑫᑲᐧᐩ ᑭᑕ ᐊᑖᒥᒥᑯᔮᕽ ᐅᒪ ᑭᓭᐋᐧᑎᓯᐃᐧᐣ ᑳ ᐸᒥᑖᔮᕽ: 21#ᑲᑫᐦᑖᐁᐧᐃᐧᓇ 3:4ᒋᑫᒫ ᓂ ᒫᒥᑐᓀᔨᑌᓈᐣ ᐊᓂᐦᐃ ᑲᐧᔭᐢᐠ ᑳ ᐃᓯᓈᑲᐧᑭ, ᓇᒪᐃᐧᔭ ᐱᑯ ᐁ ᐃᑖᐱᓯᒥᑯᐟ ᑳ ᑎᐯᔨᐦᒋᑫᐟ, ᒫᑲ ᒥᓇ ᐁ ᐃᑖᐱᓯᒥᑯᒋᐠ ᐊᔨᓯᔨᓂᐊᐧᐠ. 22ᐁᑯᓯ ᑭᑕ ᐃᐧᒉᐋᐧᐟ ᓂ ᑭ ᐃᓯᑎᓴᐋᐧᓈᐣ ᓂᒋᐋᐧᒥᓈᐣ, ᐊᓇ ᒥᐦᒉᑖᐧᐤ ᑳ ᑭ ᑭᐢᑫᔨᒫᔮᕽ ᐁ ᐋᑲᒣᔨᒧᑐᑕᕽ ᒥᐦᒉᐟ ᑫᑲᐧᔭ, ᒫᑲ ᐁᑲᐧ ᐊᔨᐋᐧᐠ ᐁ ᐋᑲᒣᔨᒧᐟ, ᒋᑫᒫ ᒥᐢᑕᐦᐃ ᐁ ᒪᒥᓯᑐᑖᑯᔦᐠ. 23ᑭᐢᐱᐣ ᐊᐃᐧᔭᐠ ᑲᑫᐧᒋᑫᒧᒋ ᑖᐃᑕᓴ ᐅᐦᒋ, ᐁᐊᐧᑯ ᓂ ᐃᐧᒉᐋᐧᑲᐣ ᒥᓇ ᓂ ᐃᐧᒋ ᐊᑐᐢᑫᒫᑲᐣ ᑭᔭᐋᐧᐤ ᐃᓯ; ᐊᐦᐳ ᓂᒋᐋᐧᒥᓈᓇᐠ, ᐁᐊᐧᑯᓂᐠ ᐅᐟ ᐃᓯᑎᓴᐋᐧᑲᓂᐋᐧᐊᐧ ᐅᑕᔭᒥᐦᐋᐊᐧᐠ, ᒥᓇ ᑳ ᑭᐢᑌᔨᑖᑯᐋᒋᐠ ᙭ᐊ. 24ᐋᐧᐸᐦᑎᐦᐃᑯᐠ ᒫᑲ ᑭᑕ ᐋᐧᐸᐦᑕᐦᑭᐠ ᐅᑕᔭᒥᐦᐋᐊᐧᐠ ᐁ ᐃᓯ ᓄᑲᐧᕽ ᑭ ᓵᑭᐦᐃᐁᐧᐃᐧᓂᐋᐧᐤ, ᒥᓇ ᐁ ᐃᓯ ᒪᒥᒋᒧᔮᕽ ᑭᔭᐋᐧᐤ ᐅᐦᒋ.

Currently Selected:

ᓃᓵᐧᐤ ᑲᕒᐃᐣᑎᔭᓇ 8: KKMs

Highlight

Copy

Compare