ᓃᓵᐧᐤ ᑲᕒᐃᐣᑎᔭᓇ 10
10
1ᐁᑲᐧ ᒫᑲ ᓂᔭ ᐹᓬ ᑫᐦᒋᐋᐧᐠ ᑭ ᑳᑭᓯᒧᑐᑖᑎᓈᐋᐧᐤ ᐅ ᔪᐢᑳᑎᓯᐃᐧᐣ ᒥᓇ ᐅ ᐯᔭᑕᑳᑎᓯᐃᐧᐣ ᙭, ᓂᔭ ᐁ ᐋᐧᐸᒥᔦᐠ ᑳ ᑕᐸᑌᔨᑖᑯᓯᔮᐣ, ᒫᑲ ᐁᑳ ᐁ ᐋᐧᐸᒥᑕᑯᐠ ᑳ ᓱᑫᔨᒧᑐᑖᑕᑯᐠ: 2ᐁᐦᐁ, ᑭ ᑳᑭᓯᒧᑐᑖᑎᓈᐋᐧᐤ, ᐃᐢᐱ ᐋᐧᐸᒥᑕᑳᐧᐃᐧ ᐁᑳ ᑭᑕ ᐋᐧᐸᐦᑕᐦᐃᐁᐧᔮᐣ ᓱᑫᔨᒧᐃᐧᐣ ᑳ ᐃᓯ ᑭᓭᔨᑕᒫᐣ ᐁ ᐃᑕᑭᒋᑫᔮᐣ ᑭᑕ ᓱᑫᔨᒧᑐᑕᐊᐧᑭᐠ ᐋᑎᐦᐟ, ᑳ ᐃᑕᑭᒥᑯᔮᐦᑭᐠ ᑖᐱᐢᑯᐨ ᐁ ᐱᒧᐦᑌᔮᕽ ᐃᐧᔮᓯᐃᐧᓂᕽ ᐃᓯ. 3ᐋᑕ ᐃᓴ ᐃᐧᔭ ᐃᐧᔮᓯᕽ ᓂ ᐱᒧᑖᓈᐣ, ᒫᑲ ᓇᒪᐃᐧᔭ ᐃᐧᔮᓯᐃᐧᓂᕽ ᓂᐟ ᐃᓯ ᓄᑎᓂᑳᓈᐣ 4(ᒋᑫᒫ ᐊᓂᐦᐃ ᑳ ᓄᑎᓂᑳᑫᔮᕽ ᓂ ᓄᑎᓂᑫᐃᐧᓂᓈᕽ ᓇᒪᐃᐧᔭ ᐃᐧᔮᓯᕽ ᐅᐦᒋᒪᑲᓇᐧ: ᒫᑲ ᒪᐢᑲᐃᐧᓯᒪᑲᓇᐧ ᐁ ᐃᓯ ᐋᐧᐸᐦᑕᕽ ᑭᓭᒪᓂᑐ ᑭᑕ ᓂᒋᐁᐧ ᐸᐊᒥᕽ ᑳ ᓴᓱᑲᑭ); 5ᐁ ᓂᒋᐁᐧᐸᐊᒫᕽ ᑲᐦᑭᔭᐤ ᐱᑯᓇᑕ ᐃᑌᔨᑕᒧᐃᐧᓇ, ᒥᓇ ᑲᐦᑭᔭᐤ ᐁ ᐃᐢᐯᔨᑖᑲᐧᕽ ᑫᑲᐧᐩ ᑳ ᑌᐱ ᐃᐢᐱᑌᔨᒥᓯᒪᑲᕽ ᐅ ᑭᐢᑫᔨᑕᒧᐃᐧᐣ ᑭᓭᒪᓂᑐ, ᒥᓇ ᑲᐦᑭᔭᐤ ᒥᑐᓀᔨᒋᑲᐣ ᐁ ᐃᐧ ᑲᑫᐧ ᐃᑕᐢᑖᔮᕽ ᑭᑕ ᑎᐯᔨᑕᕽ ᒥᓇ ᑭᑕ ᓇᓇᐃᑖᑯᐟ ᙭; 6ᒥᓇ ᐁ ᐊᐧᐁᐧᔨᔮᕽ ᑭᑕ ᐅᔭᓱᐋᐧᑕᒫᕽ ᑲᐦᑭᔭᐤ ᓴᓯᐱᑕᒧᐃᐧᐣ, ᐃᐢᐱ ᑭ ᓇᓇᐃᑕᒧᐃᐧᓂᐋᐧᐤ ᑭ ᑎᐱᐸᔨᑖᔦᑯ. 7ᑭ ᑲᓇᐋᐧᐸᑌᓈᐋᐧᐤ ᐊᓂᐦᐃ ᑳ ᐅᑎᐢᑲᐃᐧᐢᑳᑯᔦᐠ. ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᓯ ᒪᒥᓯᑐᑖᓱᒋ ᐁ ᐊᔮᐃᐧᑯᐟ ᙭ᐊ, ᑭᔮᒼ ᐅᒪ ᒥᓇ ᑭᑕ ᒫᒥᑐᓀᔨᑕᒼ, ᐁᐊᐧᑯ, ᑖᐱᐢᑯᐨ ᐃᐧᔭ ᑳ ᐃᓯ ᐊᔮᐃᐧᑯᐟ ᙭ᐊ, ᐁᑯᓯ ᐃᓯ ᒥᓇ ᓂᔭᓈᐣ. 8ᒋᑫᒫ ᐋᑕ ᓇᐊᐧᐨ ᐊᔨᐋᐧᑭᐢ ᑲᑭᐦᒋᒧᔮᐣ ᐅᒪ ᓂ ᑭᐦᒉᔨᑖᑯᓯᐃᐧᐣ ᐅᐦᒋ (ᑳ ᑎᐯᔨᐦᒋᑫᐟ ᑳ ᑭ ᒥᔨᑯᔮᕽ ᑭᑕ ᐊᐧᓂᐢᑳᓂᑖᕽ, ᓇᒪᐃᐧᔭ ᐃᐧᔭ ᑭᑕ ᓂᐦᒋᐁᐧᐱᓂᑖᕽ), ᓇᒪᐃᐧᔭ ᓂ ᑲ ᓇᓀᐯᐃᐧᐃᑲᐃᐧᐣ: 9ᐁᑳ ᑭᑕ ᐃᓯᓈᑯᒋᑫᔮᐣ ᑖᐱᐢᑯᐨ ᐁ ᐃᐧ ᓭᑭᒥᑕᑯᐠ ᓂ ᒪᓯᓇᐦᐊᒫᑫᐃᐧᓇ ᐅᐦᒋ. 10ᒋᑫᒫ, ᐅ ᒪᓯᓇᐦᐊᒫᑫᐃᐧᓇ, ᐃᑌᐧᐊᐧᐠ, ᑯᓯᑫᐧᔨᑖᑲᐧᓂᔨᐊᐧ ᒥᓇ ᒪᐢᑲᐃᐧᓯᒪᑲᓂᔨᐊᐧ; ᒫᑲ ᐃᐧᔭ ᐁ ᐋᐧᐹᒥᐦᐟ ᓀᓱᐃᐧᓈᑯᓯᐤ, ᒥᓇ ᐅ ᐱᑭᐢᑫᐧᐃᐧᐣ ᓇᒪᐃᐧᔭ ᒋᐦᑭᑖᑲᐧᓂᔨᐤ. 11ᑭᔮᒼ ᐁᑯᑐᐊᐧ ᐅᒥᓯ ᑭᑕ ᐃᑕᑭᒋᑫᐤ, ᑳ ᐃᓯ ᐊᔮᔮᕽ ᐱᑭᐢᑫᐧᐃᐧᓂᕽ ᐁ ᒪᓯᓇᐦᐊᒫᑫᔮᕽ ᐁᑳ ᐁ ᐋᐧᐸᒥᑲᐃᐧᔮᕽ, ᐁᑯᓯ ᒥᓇ ᐁᓯ ᐊᔮᔮᕽ ᐃᓯᐦᒋᑫᐃᐧᓂᕽ ᐁ ᐋᐧᐸᒥᑲᐃᐧᔭᕽ. 12ᒋᑫᒫ ᓇᒪᐃᐧᔭ ᓂ ᓱᑫᔨᒧᓈᐣ ᑭᑕ ᐊᑭᒥᓱᔮᕽ ᐊᐦᐳ ᑭᑕ ᑎᐸᐋᑳᑎᓱᔮᕽ ᑖᐱᐢᑯᐨ ᐊᑎᐦᐟ ᑳ ᑲᑭᐦᒋᒧᒋᐠ: ᒫᑲ ᐃᐧᔭᐋᐧᐤ, ᐁ ᑎᐸᐋᑳᑎᓱᒋᐠ ᐃᐧᔭᐋᐧᐤ ᑫᐦᒋᐋᐧᐠ, ᒥᓇ ᐁ ᑖᑎᐸᑭᒥᓱᒋᐠ ᐃᐧᔭᐋᐧᐤ ᑫᐦᒋᐋᐧᐠ, ᓇᒪᐃᐧᔭ ᐊᔮᐊᐧ ᓂᓯᑐᐦᑕᒧᐃᐧᐣ. 13ᓇᒪᐃᐧᔭ ᒫᑲ ᓂ ᑲ ᑲᑭᐦᒋᒧᓈᐣ ᐊᓂᐦᐃ ᐅᐦᒋ ᐊᐧᔭᐃᐧᑎᒫᔨᕽ ᓂᐟ ᐊᑐᐢᑫᐃᐧᓂᓈᕽ ᑳ ᐊᔮᑭ, ᒫᑲ ᐃᔨᑯᕽ ᐃᐢᑯ ᑭᓭᒪᓂᑐ ᑳ ᑭ ᒥᔨᑯᔮᕽ ᑭᑕ ᑎᐸᐋᑫᔮᕽ, ᑭᑕ ᐅᑎᐦᑎᑯᔦᐠ ᑭᔭᐋᐧᐤ ᒥᓇ. 14ᒋᑫᒫ ᓇᒪᐃᐧᔭ ᓂᐟ ᐊᔨᐋᐧᑲᑭᒥᓱᓈᐣ, ᑖᐱᐢᑯᐨ ᐁᑳ ᑭᔭᐋᐧᐤ ᐁ ᐅᑎᑎᑖᕽ: ᐃᐧᔭ ᑭᔭᐋᐧᐤ ᒥᓇ ᐁ ᑭ ᐅᑎᑎᑖᕽ ᐅ ᒥᔮᐧᒋᒧᐃᐧᓂᕽ ᙭: 15ᓇᒪᐃᐧᔭ ᐁ ᑲᑭᐦᒋᒧᔮᕽ ᐊᔨᐋᐧᐠ ᐊᓂᒪ ᐁ ᐃᑕᑭᑕᒫᑲᐃᐧᔮᕽ, ᑯᑕᐠ ᐅᑎ ᐊᔨᓯᔨᓂᐤ ᐅᐟ ᐊᑐᐢᑫᐃᐧᓂᕽ; ᒫᑲ ᐁ ᐃᓯ ᐸᑯᓭᔨᒧᔮᕽ, ᐁ ᐊᑎ ᔭᑭᑭᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ, ᓂ ᑲ ᔭᑭ ᒥᔨᑲᐃᐧᓈᐣ ᑭᔭᐋᐧᐤ ᐅᐦᒋ ᐁ ᐃᑕᐢᑌᐠ ᓂᐟ ᐃᑕᑭᒥᑯᐃᐧᓂᓈᐣ ᐊᔨᐋᐧᐠ ᑭᑕ ᑭ ᐃᑐᑕᒫᕽ, 16ᐁᑯᓯ ᑭᑕ ᑭ ᑲᑫᐢᑭᒥᐁᐧᔮᕽ ᒥᔮᐧᒋᒧᐃᐧᐣ ᐊᐊᐧᓯᑌ ᐃᑌᑫ ᑭᔭᐋᐧᐤ ᑳ ᐊᔮᔦᐠ, ᐁᑳ ᒫᑲ ᑭᑕ ᑲᑭᒋᒧᔮᕽ ᑯᑕᐠ ᐊᔨᓯᔨᓂᐤ ᐃᑕ ᑳ ᐃᑕᑭᑕᒫᐦᐟ ᐊᓂᐦᐃ ᓂᒋᒋᓈᕽ ᐁ ᑲᐧᔮᒋᑕᒫᑯᔮᕽ. 17#ᒉᕒᐃᒫᔭ 9:24ᒫᑲ ᐊᓇ ᑳ ᑲᑭᐦᒋᒧᐟ, ᑭᔮᒼ ᑳ ᑎᐯᔨᐦᒋᑫᔨᐟ ᑭᑕ ᐃᓯ ᑲᑭᐦᒋᒧ. 18ᒋᑫᒫ ᓇᒪᐃᐧᔭ ᐊᓇ ᑳ ᒥᔮᐧᑭᒥᓱᐟ ᑳ ᑭᐢᑌᔨᒥᐦᐟ ᒫᑲ ᐊᓂᐦᐃ ᑳ ᑎᐯᔨᐦᒋᑫᐟ ᑳ ᒥᔮᐧᑭᒫᐟ.
Currently Selected:
ᓃᓵᐧᐤ ᑲᕒᐃᐣᑎᔭᓇ 10: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
