ᓃᓵᐧᐤ ᑲᕒᐃᐣᑎᔭᓇ 7

1ᐁ ᐊᔮᔮᕽ ᒫᑲ ᐅᐦᐃ ᐊᓱᑕᒫᑯᐃᐧᓇ ᓯᔮᑭᐦᐃᑕᑯᐠ, ᑭᔮᒼ ᐯᑭᐃᓱᑖᐠ ᑲᐦᑭᔭᐤ ᑫᑲᐧᐩ ᐅᐦᒋ ᑳ ᐃᐧᔨᐱᐃᐁᐧᐠ ᐃᐧᔮᓯᕽ ᒥᓇ ᐊᐦᒑᐦᑯᕽ, ᐁ ᒪᒥᑐᓂᑖᔭᕽ ᑲᓈᑎᓯᐃᐧᐣ ᐅ ᑯᓯᑫᐧᔨᒥᑯᐃᐧᓂᕽ ᑭᓭᒪᓂᑐ. 2ᔪᑌᓇᒪᐃᐧᓈᐣ ᑭᑌᐦᐃᐋᐧᐊᐧ: ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᓄᐦᒋ ᐊᐧᓂᑐᑕᐋᐧᓈᐣ, ᓇᒪᐃᐧᔭ ᐊᐃᐧᔭᐠ ᓄᐦᒋ ᓂᓯᐊᐧᓈᒋᐋᐧᓈᐣ, ᓇᒪᐃᐧᔭ ᐊᐃᐧᔭᐠ ᓄᐦᒋ ᑲᔦᓯᐋᓈᐣ. 3ᓇᒪᐃᐧᔭ ᐅᒪ ᓂᐟ ᐃᑖᐧᐣ ᑭᑕ ᓈᓂᐳᒥᑕᑯᐠ: ᒋᑫᒫ ᓵᓴᐩ ᓂ ᑭ ᐃᑖᐧᐣ, ᐁ ᐊᔮᔦᐠ ᓂᑌᐃᓈᕽ ᑭᑕ ᒫᒪᐃᐧ ᓂᐱᔭᕽ ᒥᓇ ᑭᑕ ᒫᒪᐃᐧ ᐱᒫᑎᓯᔭᕽ. 4ᒥᐢᑕᐦᐃ ᑭ ᓵᓱᑭᒧᑐᑖᑎᓈᐋᐧᐤ, ᒥᐢᑕᐦᐃ ᓂ ᒪᒪᐦᑖᑯᓯᐣ ᑭᔭᐋᐧᐤ ᐅᐦᒋ: ᓂ ᒧᐢᑭᓀᐢᑳᑯᐣ ᒥᔪᑌᐁᐃᐧᐣ, ᓄᓴᓵᒥ ᒥᔭᐋᐧᑌᐣ ᑲᐦᑭᔭᐤ ᓂᐟ ᐋᔨᒥᓯᐃᐧᓂᓈᕽ.

5 # 2 ᑲᕒᐃᐣᑎᔭᓇ 2:13 ᒋᑫᒫ ᐊᐦᐳ ᐃᐢᐱ ᑳ ᑕᑯᓯᓂᔮᕽ ᒫᓯᑖᓂᔭᐃᕽ, ᓇᒪᐃᐧᔭ ᓂ ᑭ ᐋᐢᑌ ᐊᔮᓈᐣ ᓂᔭᐃᐧᓈᕽ, ᒫᑲ ᒥᓯᐁᐧ ᐃᑌ ᓂ ᑭ ᐅᐦᒋ ᐋᔨᒥᓯᓈᐣ; ᐊᐧᔭᐃᐧᑎᒫᔨᕽ ᐅᐦᒋ ᓄᑎᓂᑫᐃᐧᓇ, ᐱᐦᒑᔨᕽ ᐊᐢᑖᓯᐃᐧᓇ. 6ᐁᔨᐁᐧᕽ ᒫᑲ ᐊᓇ ᑳ ᒥᔪᑌᐁᐋᐟ ᐅᑕᐸᑌᔨᑖᑯᓯᐊᐧ, ᑭᓭᒪᓂᑐ ᐅᑎ, ᓂ ᑭ ᒥᔪᑌᐁᐃᑯᓈᐣ ᐁ ᑕᑯᓯᕽ ᑖᐃᑕᐢ; 7ᓇᒪᐃᐧᔭ ᒫᑲ ᐱᑯ ᐁ ᑕᑯᓯᕽ ᐅᐦᒋ, ᒫᑲ ᒥᓇ ᐊᓂᒪ ᒥᔪᑌᐁᐃᐧᐣ ᑳ ᑭ ᐅᐦᒋ ᒥᔪᑌᐁᐋᔦᐠ, ᐃᐢᐱ ᐁ ᐃᐧᐦᑕᒫᑯᔮᕽ ᑳ ᐃᓯ ᓄᑌ ᐋᐧᐸᒥᔦᐠ, ᒥᓇ ᑭ ᐱᑭᐢᑳᑎᓯᐃᐧᓂᐋᐧᐤ, ᒥᓇ ᑭᐟ ᐋᑲᒣᔨᒧᐃᐧᓂᐋᐧᐤ ᓂᔭ ᐅᐦᒋ; ᐁᑯᓯ ᒫᑲ ᐊᔨᐋᐧᐠ ᒥᓇ ᓂ ᑭ ᒪᒪᐦᑖᑯᓯᐣ. 8ᒋᑫᒫ ᐋᑕ ᐁ ᑭ ᐱᑫᐧᔨᑕᒥᐃᑕᑯᐠ ᓂ ᒪᓯᓇᐦᐊᒫᑫᐃᐧᐣ ᐅᐦᒋ, ᓇᒪᐃᐧᔭ ᓂ ᒥᑖᑌᐣ, ᐋᑕᐃᐧᔭ ᓂ ᑭ ᒥᑖᑌᐣ, ᒋᑫᒫ ᓂ ᐋᐧᐸᑌᐣ ᐊᓂᒪ ᒪᓯᓇᐦᐊᒫᑫᐃᐧᐣ ᐁ ᑭ ᐱᑫᐧᔨᑕᒥᐃᑯᔦᐠ, ᐋᑕᐃᐧᔭ ᐱᑯ ᐊᒋᔭᐤ. 9ᐁᑲᐧ ᒫᑲ ᓂ ᒪᒪᐦᑖᑯᓯᐣ, ᓇᒪᐃᐧᔭ ᐁ ᑭ ᐱᑫᐧᔨᑕᒥᐃᑲᐃᐧᔦᐠ ᐃᐧᔭ, ᒫᑲ ᐁ ᑭ ᐱᑫᐧᔨᑕᒥᐃᑲᐃᐧᔦᐠ ᑫᐧᐢᑳᑎᓯᐃᐧᓂᕽ: ᒋᑫᒫ ᑭ ᑭ ᐱᑫᐧᔨᑕᒥᐃᑲᐃᐧᓈᐋᐧᐤ ᐊᔭᒥᐊᐋᐧᑎᓯᐃᐧᓂᕽ ᐃᓯ, ᐁᑳ ᓈᐣᑕᐤ ᓂᔭᓈᐣ ᐃᐧᔭ ᑭᑕ ᐃᓯ ᐊᐧᓂᒋᑫᐃᑖᕽ. 10ᒋᑫᒫ ᐱᑫᐧᔨᑕᒧᐃᐧᐣ ᐊᔭᒥᐊᐋᐧᑎᓯᐃᐧᓂᕽ ᐃᓯ ᐊᑐᐢᑳᑕᒧᒪᑲᐣ ᒥᑯᐢᑳᑌᔨᑕᒧᐃᐧᐣ ᐱᒫᒋᐦᐅᐃᐧᓂᕽ ᐃᓯ, ᐁᐊᐧᑯ ᒥᑯᐢᑳᑌᔨᑕᒧᐃᐧᐣ ᐁᑳ ᑳ ᒥᑖᑕᒥᕽ: ᒫᑲ ᐊᐢᑭᐃᐧ ᐱᑫᐧᔨᑕᒧᐃᐧᐣ ᐊᑐᐢᑳᑕᒧᒪᑲᐣ ᓂᐳᐃᐧᐣ. 11ᒋᑫᒫ ᒫᑎᑲ ᐁᐊᐧᑯᒪ ᑳ ᑭ ᐱᑫᐧᔨᑕᒥᐃᑲᐃᐧᔦᐠ ᐊᔭᒥᐦᐋᐋᐧᑎᓯᐃᐧᓂᕽ ᐃᓯ, ᑕᓂᔨᑯᕽ ᑳ ᑭ ᐊᔮᑳᐧᒥᓯᐃᑯᔦᐠ, ᐁᐦᐁ, ᑖᓂᔨᑯᕽ ᑳ ᑲᑫᐧᒥᓄᐢᑖᐧᓱᔦᐠ, ᐁᐦᐁ, ᑖᓂᔨᑯᕽ ᑳ ᑭᓯᐁᐧᔨᑕᒣᐠ, ᐁᐦᐁ, ᑖᓂᔨᑯᕽ ᑳ ᓭᑭᓯᔦᐠ, ᐁᐦᐁ, ᑖᓂᔨᑯᕽ ᑳ ᓄᑌ ᐋᐧᐸᒥᔦᐠ, ᐁᐦᐁ, ᑖᓂᔨᑯᕽ ᑳ ᐋᑲᒣᔨᒧᔦᐠ, ᐁᐦᐁ, ᑖᓂᔨᑯᕽ ᑳ ᐋᐦᑲᐧᓱᐁᐧᔦᐠ! ᒥᓯᐁᐧ ᐃᓯ ᑭᑭ ᓄᑯᐃᓱᓈᐋᐧᐤ ᐁᑳ ᑭᔭᐋᐧᐤ ᐁ ᐊᑖᒣᔨᑖᑯᓯᔦᐠ ᐅᒪ ᐃᓯᐦᒋᑫᐃᐧᐣ. 12ᐁᑯᓯ ᐋᑕ ᑳ ᑭ ᒪᓯᓇᐦᐊᒫᑕᑯᐠ, ᓇᒪᐃᐧᔭ ᐊᓇ ᑳ ᑭ ᐊᐧᓂᑐᑕᕽ ᑳ ᑭ ᐅᐦᒋ ᒪᓯᓇᐦᐃᑫᔮᐣ, ᓇᒪᐃᐧᔭ ᒥᓇ ᐊᓇ ᐅᐦᒋ ᑳ ᑭ ᐊᐧᓂᑐᑖᐦᐟ, ᒫᑲ ᑭᔭᐋᐧᐤ ᐁ ᐃᓯ ᐋᑲᒥ ᒥᑐᓀᔨᒥᔮᕽ ᑭᑕ ᓄᑯᑖᐧᓱᔦᐠ ᐁ ᐃᓯ ᐋᐧᐸᐦᑕᕽ ᑭᓭᒪᓂᑐ.

13ᐁᑯᓯ ᒫᑲ ᓂ ᑭ ᒥᔪᑌᐁᐃᑲᐃᐧᓈᐣ: ᐁᑯᓯ ᓂ ᒥᔪᑌᐁᐃᑯᐃᐧᓂᓈᕽ ᐊᔨᐋᐧᐠ ᓂ ᑭ ᒪᒪᐦᑖᑯᓯᓈᐣ ᐅ ᒪᒪᐦᑖᑯᓯᐃᐧᐣ ᑖᐃᑕᐢ ᐅᐦᒋ, ᒋᑫᒫ ᑲᐦᑭᔭᐤ ᒥᐢᑕᐦᐃ ᑭ ᑭ ᒥᔦᐧᔨᑕᒥᐋᐋᐧᐤ ᐅᐟ ᐊᐦᒑᐦᑯᕽ. 14ᒋᑫᒫ ᑭᐢᐱᐣ ᓈᐣᑕᐤ ᐃᓯ ᑳ ᑲᑭᒋᒧᑐᑕᐋᐧᐊᐧᑫ ᑭᔭᐋᐧᐤ ᐅᐦᒋ, ᓇᒪᐃᐧᔭ ᓄᐦᒋ ᓇᓀᐯᐃᐧᐃᑲᐃᐧᐣ; ᒫᑲ ᑳ ᑭ ᐃᓯ ᐃᐧᐦᑕᒫᑖᕽ ᑲᐦᑭᔭᐤ ᑫᑲᐧᐩ ᑖᐯᐧᐃᐧᓂᕽ, ᐁᑯᓯ ᓂ ᑲᑭᒋᒧᐃᐧᓂᓈᐣ ᒥᓇ ᑳ ᑭ ᐃᓯ ᑲᑭᒋᒧᐢᑕᐊᐧᐠ ᑖᐃᑕᐢ, ᑭ ᒥᐢᑲᒼ ᐁ ᑖᐯᐧᐊᐧᐠ. 15ᐁᑯᓯ ᐱᒑᔨᕽ ᐅ ᓵᑭᐦᐃᐁᐧᐃᐧᐣ ᐊᐊᐧᓯᒣ ᐊᔨᐋᐧᐠ ᑭ ᒧᓯᑌᐢᑖᑯᐋᐧᐤ, ᐁ ᑲᓄᑭᐢᑭᓯᐟ ᑭ ᓇᓇᐃᑕᒧᐃᐧᓂᐋᐧᐤ ᑲᐦᑭᔭᐤ, ᑳ ᑭ ᐃᓯ ᓇᑭᐢᑲᐋᐧᔦᐠ ᒥᐢᑕᐦᐃ ᐁ ᓭᑭᓯᔦᐠ. 16ᓂ ᒪᒪᐦᑖᑯᓯᐣ ᒫᑲ ᒥᓯᐁᐧ ᐃᓯ ᐁ ᓱᑫᔨᒧᐢᑕᒫᑕᑯᐠ.

Currently Selected:

ᓃᓵᐧᐤ ᑲᕒᐃᐣᑎᔭᓇ 7: KKMs

Highlight

Copy

Compare