ᓃᓵᐧᐤ ᑲᕒᐃᐣᑎᔭᓇ 6

1ᐁ ᐃᐧᒋ ᐊᑐᐢᑫᒫᔮᕽ ᒫᑲ ᑭ ᓇᑐᑕᒫᑎᓈᐣ ᒥᓇ ᐁᑳ ᐱᑯᓇᑕ ᑭᑕ ᒥᔨᑲᐃᐧᔦᐠ ᐅ ᑭᓭᐋᐧᑎᓯᐃᐧᐣ ᑭᓭᒪᓂᑐ 2#ᐊᐩᓵᔭ 49:8(ᒋᑫᒫ ᐃᑌᐧᐤ, ᐃᑕ ᐁ ᓇᐃᐸᔨᐠ ᑭ ᑭ ᓇᑐᑕᑎᐣ, ᒥᓇ ᐁ ᐱᒫᒋᐦᐃᐁᐧᐃᐧ ᑭᓯᑳᐠ ᑭ ᑭ ᐃᐧᒋᐃᑎᐣ; ᒫᑎᑲ, ᐊᓄᐦᐨ ᐁᑯᑕ ᑳ ᓇᐃᐸᔨᐠ; ᒫᑎᑲ, ᐊᓄᐦᐨ ᐱᒫᒋᐦᐃᐁᐧᐃᐧᑭᓯᑳᐤ); 3ᐁᑳ ᓈᐣᑕᐤ ᑭᑕ ᐃᓯᐦᒋᑫᔮᕽ ᑭᑕ ᐅᐦᒋ ᐸᐦᑭᓯᕽ ᐊᐃᐧᔭᐠ, ᓂᐟ ᐊᑐᐢᑫᐃᐧᓂᓈᐣ ᐁᑳ ᑭᑕ ᐊᑖᒣᔨᑖᑲᐧᕽ; 4ᒫᑲ ᒥᓯᐁᐧ ᐃᓯ ᐁ ᒥᔪ ᐋᐧᐸᐦᑕᐦᐃᐁᐧᐃᓱᔮᕽ, ᐁ ᐃᓯ ᐅᐟ ᐊᑐᐢᑫᔮᑲᓂᒥᑯᔮᕽ ᑭᓭᒪᓂᑐ, ᒥᐢᑕᐦᐃ ᓯᐯᔨᑕᒧᐃᐧᓂᕽ, ᐋᔨᒥᓯᐃᐧᓂᕽ, ᑭᐧᑕᒫᐃᐧᓂᕽ, ᑲᑳᐧᑕᑫᔨᑕᒧᐃᐧᓂᕽ, 5#ᐃᓯᐦᒋᑫᐃᐧᓂᐋᐧᐊᐧ 16:23ᐸᐸᓴᐢᑌᐅᑯᐃᐧᓂᕽ, ᑭᐸᐦᐅᑐᐃᐧᓂᕽ, ᐅᐯᐧᑲᒥᑭᓯᐃᐧᓂᕽ, ᐊᑐᐢᑫᐃᐧᓂᕽ, ᓂᐯᐱᐃᐧᓂᕽ, ᐃᔨᐊᐧᓂᓯᐃᐧᓂᕽ, 6ᐯᑳᑎᓯᐃᐧᓂᕽ, ᑭᐢᑫᔨᑕᒧᐃᐧᓂᕽ, ᓯᐱᔭᐁᐧᓯᐃᐧᓂᕽ, ᒥᔮᐧᑎᓯᐃᐧᓂᕽ, ᑳ ᑲᓈᑎᓯᐟ ᐊᐦᒑᕽ ᐅᐦᒋ, ᐁᑳ ᐁ ᑲᔦᓴᕽ ᓵᑭᐦᐃᐁᐧᐃᐧᐣ ᐅᐦᒋ, 7ᑖᐯᐧᐃᐧᓂ ᐊᔭᒥᐃᐧᐣ ᐅᐦᒋ, ᐅ ᒪᐢᑲᐃᐧᓯᐃᐧᐣ ᑭᓭᒪᓂᑐ ᐅᐦᒋ; ᐁ ᐃᓯ ᐊᓱᐃᐧᓂᐊᐧᕽ ᑲᐧᔭᐢᑭᑖᑎᓯᐃᐧᐣ ᑭᐦᒋᓂᐢᑭᕽ ᐃᑌᑫ ᒥᓇ ᓇᒪᑎᓂᕽ ᐃᑌᑫ, 8ᑭᐢᑕᑭᒥᑯᐃᐧᓂᕽ ᒥᓇ ᒪᒐᑭᒥᑯᐃᐧᓂᕽ, ᒫᔮᒋᒥᑯᐃᐧᓂᕽ ᒥᓇ ᒥᔮᐧᒋᒥᑯᐃᐧᓂᕽ; ᐅᑲᔦᓯᐃᐁᐧᐢᑲᐠ, ᐁᑯᓯ ᐁᔨᐁᐧᕽ ᐁ ᑖᐯᐧᔮᕽ; 9ᐁᑳ ᐁ ᑭᐢᑫᔨᒥᑲᐃᐧᔭᕽ, ᒫᑲ ᐁᔨᐁᐧᕽ ᒥᑐᓂ ᐁ ᑭᐢᑫᔨᒥᑲᐃᐧᔮᕽ; ᐁ ᓂᐱᔮᕽ, ᒫᑲ ᒋᐢᐟ, ᓂ ᐱᒫᑎᓯᓈᐣ; ᐁ ᑲᑫᐢᑭᒧᐃᑲᐃᐧᔮᕽ, ᐁᑳ ᒫᑲ ᐁ ᓂᐸᐃᑲᐃᐧᔮᕽ; 10ᒥᑯᐢᑳᑌᔨᑕᒧᐃᐧᐣ ᐁ ᐊᔮᔮᕽ, ᐁᔨᐁᐧᕽ ᒫᑲ ᒧᓴᐠ ᐁ ᒪᒪᐦᑖᑯᓯᔮᕽ; ᐁ ᑭᑎᒫᑭᓯᔮᕽ, ᐁᔨᐁᐧᕽ ᒫᑲ ᒥᐦᒉᐟ ᐊᐃᐧᔭᐠ ᐁ ᐁᐧᔪᑎᓯᐋᔮᕽ; ᐁᑳ ᑫᑲᐧᐩ ᐁ ᐊᔮᔭᕽ, ᐁᔨᐁᐧᕽ ᒫᑲ ᑲᐦᑭᔭᐤ ᑫᑲᐧᐩ ᐁ ᐊᔮᔮᕽ.

11ᑭ ᑌᓂᓴᐃᐧ ᐱᑭᐢᑳᐧᑎᑎᓈᐣ, ᑭᔭᐋᐧᐤ ᑲᕒᐃᐣᑎᔭᓂᑎᐠ, ᓂᑌᐃᓈᐣ ᒥᓵᐤ. 12ᓇᒪᐃᐧᔭ ᓂᔭᓈᐣ ᐃᑕ ᐁᑳ ᑳ ᑕᐃᐧᓇᒫᑲᐃᐧᔦᐠ, ᒫᑲ ᑭᔭᐋᐧᐤ ᑭ ᓵᑭᐦᐃᐁᐧᐃᐧᓂᐋᐧᕽ ᐁᑳ ᑳ ᑕᐋᐧᐠ. 13ᐁᑲᐧ ᒫᑲ ᑭᐢᑕᐋᐧᐤ ᐁᑯᓯ ᐃᓯ ᑭᑕ ᑭ ᐊᔮᔦᐠ (ᑖᐱᐢᑯᐨ ᓂᐟ ᐊᐋᐧᓯᒥᓴᐠ ᑭᐟ ᐃᓯ ᑭᑐᑎᑎᓈᐋᐧᐤ) ᑭᐢᑕᐋᐧᐤ ᑭᑕ ᐃᐧ ᒥᓵᐤ ᑭᑌᐦᐃᐋᐧᐤ.

14ᐁᑳᐃᐧᔭ ᓇᐢᐹᐨ ᐃᓯ ᐃᐧᒉᐃᐧᑯᐠ ᐁᑳ ᑳ ᑖᐯᐧᑕᐦᑭᐠ: ᒋᑫᒫ ᑖᓂᓯ ᑫ ᑭ ᐃᓯ ᐃᐧᒉᑐᒪᑲᕽ ᑲᐧᔭᐢᑭᑖᑎᓯᐃᐧᐣ ᒥᓇ ᒪᒋᐃᑎᐃᐧᐣ? ᐊᐦᐳ ᑖᓂᓯ ᑫ ᑭ ᐃᓯ ᐃᐧᒉᑐᒪᑲᕽ ᐋᐧᐢᑌᐤ ᒥᓇ ᐊᐧᓂᑎᐱᐢᑳᐤ? 15ᒥᓇ ᑖᓂᓯ ᑫ ᑭ ᐃᓯ ᐃᐧᒉᑐᐟ ᙭ ᒥᓇ ᐱᓬᐃᔭᓬ? ᐊᐦᐳ ᑫᑲᐧᐩ ᑖᐱᐢᑯᐨ ᑫ ᑭ ᐊᔮᒋᐠ ᐅᑖᐯᐧᑕᒧ ᒥᓇ ᐅᑖᓀᐧᑕᒧ? 16#1 ᑲᕒᐃᐣᑎᔭᓇ 3:16; 6:19; ᓬᐃᐱᑎᑲᐢ 26:12; ᐃᓯᑭᐁᓬ 37:27ᒥᓇ ᑖᓂᓯ ᑫ ᑭ ᐃᓯ ᓇᐃᐢᑳᑯᒋᐠ ᐅᐟ ᐊᔭᒥᐦᐁᐃᐧᑲᒥᐠ ᑭᓭᒪᓂᑐ ᒥᓇ ᒪᓂᑐᑳᓇᐠ? ᒋᑫᒫ ᑭᔮᓇᐤ ᐅᐟ ᐊᔭᒥᐦᐁᐃᐧᑲᒥᐠ ᑭᓭᒪᓂᑐ ᑳ ᐱᒫᑎᓯᐟ; ᑖᐱᐢᑯᐨ ᑭᓭᒪᓂᑐ ᑳ ᐃᑌᐧᐟ, ᓂ ᑲ ᐃᐧᒋᐊᔮᒫᐊᐧᐠ, ᒥᓇ ᓂ ᑲ ᐃᐧᒋᐱᒧᑌᒫᐊᐧᐠ: ᓂᔭ ᓂ ᑲ ᐅ ᑭᓭᒪᓂᑐᒥᒥᑲᐧᐠ, ᐁᑯᓯ ᐃᐧᔭᐋᐧᐤ ᓂ ᑲ ᐅᐟ ᐃᔨᓂᒥᐣ. 17#ᐊᐩᓵᔭ 52:11ᐁᐊᐧᑯ ᐅᐦᒋ ᐯ ᐊᐧᔭᐃᐧᐠ ᐃᑕ ᐁ ᐊᔮᒋᐠ ᐅᐦᒋ, ᒥᓇ ᐸᐦᑳᓂ ᐊᔮᐠ, ᐃᑌᐧᐤ ᑳ ᑎᐯᔨᐦᒋᑫᐟ, ᒥᓇ ᐁᑳᐃᐧᔭ ᓵᒥᓇᒧᐠ ᑫᑲᐧᐩ ᐁᑳ ᐁ ᐯᑲᕽ; ᐁᑯᓯ ᑭ ᑲ ᐅᑎᓂᑎᓈᐋᐧᐤ, 18#2 ᓵᒼᔪᐃᓬ 7:14; 1 ᐊᑭᓀ ᐋᒋᒧᐃᐧᓇ 17:13; ᐊᐩᓵᔭ 43:6; ᒉᕒᐃᒫᔭ 31:9ᐁᑯᓯ ᓂᔭ ᑭ ᑲ ᐅᔪᑖᐃᐧᓈᐋᐧᐤ, ᒥᓇ ᑭᔭᐋᐧᐤ ᓂᑯᓯᓴᐠ ᒥᓇ ᓂᑖᓂᓴᐠ ᑭ ᑲ ᐃᓯ ᐅᑎᓂᑎᓈᐋᐧᐤ, ᐃᑌᐧᐤ ᑳ ᑎᐯᔨᐦᒋᑫᐟ ᒫᒪᐁᐧᔭᐢ ᑳ ᓱᑳᑎᓯᐟ.

Currently Selected:

ᓃᓵᐧᐤ ᑲᕒᐃᐣᑎᔭᓇ 6: KKMs

Highlight

Copy

Compare