ᓂᐢᑕᒼ ᓵᒼᔪᐃᓬ 8
8
1ᑭᐦ ᐊᔨᐦᑭᐣ ᒫᑲ, ᐃᐢᐱ ᓵᒼᔪᐃᓬ ᐁ ᑭᓭᔨᓂᐃᐧᐟ, ᑭ ᐃᑕᔦᐤ ᐅᑯᓯᓴ ᑭᑕ ᐅᔭᓱᐋᐧᑖᔨᐟ ᐃᐢᕒᐁᐃᓬᐊ. 2ᐅ ᓂᐢᑕᒧᓵᓇ ᒫᑲ ᒍᐃᓬ ᑭ ᐃᓯᔨᐦᑳᓱᔨᐊᐧ; ᐁᑯᓯ ᐁ ᐊᐢᑯᐃᐧᐢᑲᐋᐧᔨᐟ ᐊᐹᔭ ᑭ ᐃᓯᔨᐦᑳᓱᔨᐊᐧ; ᑭ ᐅᔭᓱᐁᐧᐃᐧᔨᓂᐃᐧᐊᐧᐠ ᐱᕒᓯᐸᐃᕽ. 3ᐅᑯᓯᓴ ᒫᑲ ᓇᒪᐃᐧᔭ ᑭ ᐱᒧᑖᑐᑕᒥᔨᐊᐧ ᐅᐟ ᐃᑖᑎᓯᐃᐧᓇ, ᒫᑲ ᐅᐦᐱᒣ ᑭ ᐃᑐᐦᑌᔨᐊᐧ ᒪᒋ ᐅᐦᑎᓯᐃᐧᐣ ᐁ ᐱᒥᑎᓴᐦᐊᒥᔨᐟ, ᐁᑯᓯ ᑎᐸᐦᐊᒫᑐᐃᐧᐣ ᑭ ᐅᑎᓇᒥᔨᐊᐧ, ᒥᓇ ᑭ ᐊᐧᓈᐦᑖᔨᐊᐧ ᐅᔭᓱᐁᐧᐃᐧᐣ.
4ᐁᑲᐧ ᑲᐦᑭᔭᐤ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ, ᒥᓇ ᑭ ᐯ ᓈᑌᐊᐧᐠ ᓵᒼᔪᐃᓬᐊ ᕒᐁᒪᐃᕽ. 5#ᑎᔪᑕᕒᐊᓇᒥ 17:14ᑭᐦ ᐃᑌᐊᐧᐠ ᒫᑲ, ᒋᐢᐟ, ᑭ ᑭᓭᔨᓂᐃᐧᐣ, ᐁᑯᓯ ᑭᑯᓯᓴᐠ ᓇᒪᐃᐧᔭ ᐱᒧᑖᑐᑕᒪᐧᐠ ᑭᐟ ᐃᑖᑎᓯᐃᐧᓇ: ᑭᔮᒼ ᒥᔨᓈᐣ ᑭᐦᒋ ᐅᑭᒫᐤ ᑭᑕ ᐅᔭᓱᐋᐧᑎᑯᔮᕽ ᑖᐱᐢᑯᐨ ᑲᐦᑭᔭᐤ ᐊᔨᓯᔨᓂᐊᐧᐠ.
6ᒫᑲ ᓇᒪᐃᐧᔭ ᑭ ᓇᐦᐃᐢᑲᐠ ᓵᒼᔪᐃᓬ, ᐃᐢᐱ ᐁ ᐃᑌᐧᔨᐟ, ᒥᔨᓈᐣ ᑭᐦᒋ ᐅᑭᒫᐤ ᑭᑕ ᐅᔭᓱᐋᐧᑎᑯᔮᕽ. ᐁᑯᓯ ᓵᒼᔪᐃᓬ ᑭ ᐊᔭᒥᐦᐁᐢᑕᐁᐧᐤ ᑳ ᑎᐯᔨᐦᒋᑫᔨᐟ. 7ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᓵᒼᔪᐃᓬᐊ, ᓇᑐᐦᑕᒼ ᐅᐟ ᐃᑌᐧᐃᐧᓂᐋᐧᐤ ᐊᔨᓯᔨᓂᐊᐧᐠ ᑲᐦᑭᔭᐤ ᑳ ᐊᔨᑎᐢᑭᐠ; ᒋᑫᒫ ᓇᒪᐃᐧᔭ ᑭᔭ ᑳ ᑭ ᐋᑕᐁᐧᔨᒥᐢᑭᐠ, ᒫᑲ ᓂᔭ ᑳ ᑭ ᐋᑕᐁᐧᔨᒥᒋᐠ, ᐁᑳ ᓂᔭ ᑭᑕ ᑎᐯᔨᒪᑭᐠ. 8ᑖᐱᐢᑯᐨ ᑳ ᑭ ᐯ ᐊᔨᓯᒋᑫᒋᐠ ᐊᐢᐱᐣ ᐊᓂᒪ ᐁ ᑭᓯᑳᐠ ᑳ ᑭ ᐯ ᐊᐧᔭᐃᐧᑕᐊᑭᐠ ᐃᒋᑊᐟ ᐊᐢᑭᕽ ᐅᐦᒋ ᐱᔨᐢ ᐊᓄᐦᐨ ᑳ ᑭᓯᑳᐠ, ᐃᑕ ᑳ ᑭ ᐅᐦᒋ ᐁᐧᐱᓂᒋᐠ, ᒥᓇ ᑳ ᑭ ᐊᑐᐢᑲᐋᐧᒋᐠ ᑯᑕᑲ ᒪᓂᑐᐊᐧ, ᐁᑯᓯ ᑭᐢᑕ ᐁᐦᑐᑖᐢᑭᐠ. 9ᐁᑲᐧ ᒫᑲ ᑭᔮᒼ ᓇᑐᐦᑕᒼ ᐅᐟ ᐃᑌᐧᐃᐧᓂᐋᐧᐤ: ᐁᔨᐁᐧᕽ ᒫᑲ ᑲᐧᔭᐢᑯᒥᐠ ᒥᑐᓂ ᐯᔭᐦᑕᐠ, ᒥᓇ ᐋᐧᐸᐦᑕᐦᐃᐠ ᑫ ᐊᔨᓯᒋᑳᑎᑯᒋᐠ ᑭᐦᒋ ᐅᑭᒫᐊᐧ ᑫ ᑎᐯᔨᒥᑯᒋᐠ.
10ᓵᒼᔪᐃᓬ ᒫᑲ ᑭ ᐃᐧᐦᑕᒪᐁᐧᐤ ᑲᐦᑭᔭᐤ ᐅᐟ ᐃᑌᐧᐃᐧᓂᔨᐊᐧ ᑳ ᑎᐯᔨᐦᒋᑫᔨᐟ ᐊᓂᐦᐃ ᐊᔨᓯᔨᓂᐊᐧ ᑳ ᓇᑐᑕᒫᑯᐟ ᑭᐦᒋ ᐅᑭᒫᐊᐧ. 11ᑭᐦ ᐃᑌᐤ ᒫᑲ, ᐁᑯᓯ ᐅᒪ ᑫ ᐃᓯᒋᑳᑎᑯᔦᐠ ᑭᐦᒋ ᐅᑭᒫᐤ ᑫ ᑎᐯᔨᒥᑯᔦᐠ: ᑭᑕ ᐅᑎᓀᐤ ᑭᑯᓯᓯᐋᐧᐊᐧ ᐃᐧᔭ ᐁ ᐃᑌᔨᑕᕽ ᑭᑕ ᐃᑕᑐᐢᑲᐋᐟ, ᐅ ᑎᑎᐱᒋᒋᑲᓂᕽ, ᒥᓇ ᐅᑌᑕᐱᐊᐧ; ᐁᑯᓯ ᐊᑎᐦᐟ ᑭᑕ ᓂᑳᓂᐸᑖᔨᐟ ᐁ ᐱᒥᑖᐹᓱᐟ. 12ᑭᑕ ᐅᔭᑭᑕᒫᓱ ᒫᑲ ᑭᑕ ᓂᑳᓂᐢᑕᒪᐋᐧᔨᐟ ᐁ ᑭᐦᒋᒥᑖᐦᑐᒥᑕᓇᐁᐧᔨᐟ, ᒥᓇ ᑭᑕ ᓂᑳᓂᐢᑕᒪᐋᐧᔨᐟ ᐁ ᓂᔮᓇᓄᒥᑕᓇᐁᐧᔨᐟ; ᐁᑯᓯ ᑲᑕ ᐊᑐᐢᑲᐁᐤ ᑭᑕ ᑭᐢᑎᑳᑕᒥᔨᐟ ᐅᐟ ᐊᐢᑭ, ᒥᓇ ᑭᑕ ᒪᓂᓯᑫᐢᑕᒫᑯᐟ ᐅ ᑭᐢᑎᑳᓇ, ᒥᓇ ᑭᑕ ᐅᓯᐦᑖᔨᐟ ᐅ ᓇᑐᐸᔨᐋᑲᓇ, ᒥᓇ ᐋᐸᒋᐦᒋᑲᓇ ᐅ ᑎᑎᐱᑖᐹᓈᐢᑯᕽ. 13ᑭᑖᓂᓯᐋᐊᐧ ᒥᓇ ᑭᑕ ᐅᑎᓀᐤ, ᑭᑕ ᓯᐃᐧᒥᒋᒥᐦᑫᔨᐟ, ᒥᓇ ᑭᑕ ᐅᐱᒥᓇᐊᐧᓱᐃᐧᔨᐟ, ᒥᓇ ᑭᑕ ᐅᐸᑫᐧᓯᑲᓂᑫᐃᐧᔨᐟ. 14ᑭ ᑭᐢᑎᑲᓂᐋᐧᐊᐧ ᒥᓇ ᑭᑕ ᐅᑎᓇᒼ, ᒥᓇ ᑭ ᓱᒥᓂᑭᐢᑎᑳᓂᐋᐧᐊᐧ, ᒥᓇ ᑭ ᐱᒥᐋᐧᑎᑯᑭᐢᑎᑳᓂᐋᐧᐊᐧ, ᐋᐧᐋᐧᐨ ᐊᓂᐦᐃ ᐁ ᓇᐊᐧᓱ ᐊᔮᔨᑭ, ᐁᑯᓯ ᑭᑕ ᒥᔦᐤ ᐅᐟ ᐊᑐᐢᑫᔮᑲᓇ. 15ᑭᑕ ᐅᑎᓇᒼ ᐯᔭᐠ ᐁ ᑭ ᒥᑖᑕᐦᑐᑖᕽ ᑳ ᑭ ᐅᐦᐱᑭᕽ ᑭ ᑭᐢᑎᑳᓂᐋᐧᕽ ᒥᓇ ᑭ ᓱᒥᓂᑭᐢᑎᑳᓂᐋᐧᕽ ᐁᑯᓯ ᑭᑕ ᒥᔦᐤ ᑳ ᑭ ᐅᑭᒫᐦᑫᐟ ᒥᓇ ᑳ ᐊᑐᐢᑳᑯᐟ. 16ᒥᓇ ᑭᑕ ᐅᑎᓀᐤ ᑭᐟ ᐊᑐᐢᑫᔮᑲᓂᐋᐧᐊᐧ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒥᐋᐧᐊᐧ, ᒥᓇ ᓇᐊᐧᓱ ᐁ ᒥᔪᓯᔨᐟ ᑯᐢᑭᓂᑭᒥᐋᐧᐊᐧ ᒥᓇ ᑭ ᑌᒥᐋᐧᐊᐧ, ᐁᑯᓯ ᑭᑕ ᐊᐦᔦᐤ ᐅᐟ ᐊᑐᐢᑫᐃᐧᓂᕽ. 17ᐁ ᒥᑖᑕᓯᔨᐟ ᑭ ᒫᔭᑎᐦᑯᒥᐋᐧᐊᐧ ᐯᔭᐠ ᑭᑕ ᐅᑎᓂᐤ; ᑭᔮᐋᐧᐤ ᑭᑕ ᐅᐟ ᐊᑐᐢᑫᔮᑲᓂᐤ. 18ᑭ ᑲ ᒪᐃᐧᒧᑳᓈᐋᐧᐤ ᒫᑲ ᐁᐊᐧᑯ ᑭᓯᑳᑭ ᑭ ᑭᐦᒋ ᐅᑭᒫᒥᐋᐧᐤ ᐅᐦᒋ ᑳ ᑭ ᓇᐊᐧᓱᓈᒫᓱᔦᐠ; ᓇᒪᐃᐧᔭ ᒫᑲ ᑭ ᑲ ᓇᑐᐦᑖᑯᐋᐧᐤ ᑳ ᑎᐯᔨᐦᒋᑫᐟ ᐁᐊᐧᑯ ᑭᓯᑳᑭ.
19ᓵᑯᐨ ᒫᑲ ᐊᔨᓯᔨᓂᐊᐧᐠ ᓇᒪᐃᐧᔭ ᐃᐧ ᓇᑐᐦᑕᐁᐧᐊᐧᐠ ᑳ ᐃᑌᐧᔨᐟ ᓵᒼᔪᐃᓬᐊ; ᐁᑯᓯ ᑭ ᐃᑌᐧᐊᐧᐠ, ᓇᒪᐃᐧᔭ; ᒫᑲ ᓂ ᑲ ᐊᔮᐋᐧᓈᐣ ᑭᐦᒋ ᐅᑭᒫᐤ ᑫ ᑎᐯᔨᒥᑯᔮᕽ; 20ᑭᑕ ᐃᓯ ᐊᔮᔮᕽ ᑖᐱᐢᑯᐨ ᑲᐦᑭᔭᐤ ᑯᑕᑲᐠ ᐊᔨᓯᔨᓂᐊᐧᐠ; ᐁᑯᓯ ᓂ ᑭᐦᒋ ᐅᑭᒫᒥᓈᐣ ᑭᑕ ᐅᔭᓱᐋᐧᑎᑯᔮᕽ, ᒥᓇ ᑭᑕ ᓂᑳᓄᑖᑯᔮᕽ, ᒥᓇ ᑭᑕ ᓄᑎᓂᑫᐟ ᓂᔪᑎᓂᑫᔮᐦᑭ. 21ᓵᒼᔪᐃᓬ ᒫᑲ ᑭ ᓇᑐᐦᑕᒣᐧᐤ ᑲᐦᑭᔭᐤ ᐅᐟ ᐃᑌᐧᐃᐧᓂᔨᐊᐧ ᐊᔨᓯᔨᓂᐊᐧ, ᑭ ᑖᐳᐁᐧᐤ ᒫᑲ ᐁ ᓇᑐᐦᑖᑯᐟ ᑳ ᑎᐯᔨᐦᒋᑫᔨᐟ. 22ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐤ ᓵᒼᔪᐃᓬᐊ, ᓇᑐᐦᑕᐃᐧᐠ ᑳ ᐃᑌᐧᒋᐠ, ᑭᔮᒼ ᐅᓯᐦᑕᒪᐃᐧᐠ ᑭᐦᒋ ᐅᑭᒫᐊᐧ. ᓵᒼᔪᐃᓬ ᒫᑲ ᑭ ᐃᑌᐤ ᐃᐢᕒᐁᐃᓬ ᐊᔨᓯᔨᓂᐊᐧ, ᓂᔮᐠ ᑭᐁᐧᐠ ᑲᐦᑭᔭᐤ ᐊᔨᓯᔨᓂᐤ ᐅᐟ ᐅᑌᓈᕽ.
Currently Selected:
ᓂᐢᑕᒼ ᓵᒼᔪᐃᓬ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
