ᓂᐢᑕᒼ ᓵᒼᔪᐃᓬ 7
7
1 #
2 ᓵᒼᔪᐃᓬ 6:2-4; 1 ᐊᑭᓀ ᐋᒋᒧᐃᐧᓇ 13:5-7 ᐊᓂᑭ ᒫᑲ ᑲᕒᒐᐦᐟᒋᐊᕒᐃᒼ ᐊᔨᓯᔨᓂᐊᐧᐠ ᑭᐦ ᐯ ᓈᑕᒣᐧᐊᐧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ, ᑭ ᐱᑐᑲᑖᐊᐧᐠ ᒫᑲ ᐅ ᐋᐧᐢᑳᐦᐃᑲᓂᔨᕽ ᐊᐱᓇᑖᐸ ᐊᐧᒋᕽ, ᐁᑯᓯ ᐁ ᑭ ᑲᓈᒋᐃᒫᒋᐠ ᐅᑯᓯᓯᔨᐊᐧ ᐁᓬᐃᐁᓴᕒᐊ ᑭᑕ ᑲᓇᐁᐧᔨᑕᒥᔨᐟ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ.
2ᑭ ᐊᔨᐢᐸᔨᐤ ᒫᑲ, ᒣᑳᐧᐨ ᐊᓂᒪ ᑭᐢᑭᓇᐋᒋᐅᐃᐧᓂᐊᐧᐟ ᑳ ᐊᔮᐠ ᑲᕒᒐᐦᐟᒋᐊᕒᐃᒥᕽ, ᐱᔨᐢ ᑭᓀᐧᐢ; ᒋᑫᒫ ᓂᓯᑕᓇᐤ ᑕᐦᑐ ᐊᐢᑭ: ᑲᐦᑭᔭᐤ ᒫᑲ ᐃᐢᕒᐁᐃᓬ ᑭ ᒥᐦᑖᑌᐊᐧᐠ ᑳ ᑎᐯᔨᐦᒋᑫᔨᐟ.
3ᓵᒼᔪᐃᓬ ᒫᑲ ᑭ ᐱᑭᐢᑳᐧᑌᐤ ᑲᐦᑭᔭᐤ ᐃᐢᕒᐁᐃᓬ ᐃᐧᑭᕽ ᑳ ᐊᔮᔨᐟ, ᐁ ᐃᑌᐧᐟ, ᑭᐢᐱᐣ ᑖᐯᐧ ᑭ ᑭᐁᐧᑐᑕᐋᐧᐋᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᑭ ᑌᐦᐃᐋᐧᕽ, ᐁᐧᐱᓂᐦᑯᐠ ᐱᑐᓯ ᒪᓂᑐᐊᐧᐠ ᒥᓇ ᐋᐢᑕᕒᐋᐦᐟ ᐃᑕ ᑳ ᐊᔮᔦᐠ ᐅᐦᒋ, ᒥᓇ ᑲᐧᔮᒋᐦᑖᐧᕽ ᑳ ᑎᐯᔨᐦᒋᑫᐟ ᑭ ᑌᐦᐃᐋᐧᐊᐧ, ᐁᐊᐧᑯ ᐱᑯ ᐊᑐᐢᑳᕽ: ᐁᑯᓯ ᑭ ᑲ ᐸᐢᐱᐦᐃᑯᐋᐧᐤ ᐅᒋᐦᒋᔨᕽ ᐅᐦᒋ ᐱᓬᐃᐢᑎᓇ. 4ᐁᑯᐢᐱ ᒫᑲ ᑖᐯᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐁᐧᐱᓀᐊᐧᐠ ᐯᐊᓬᐃᒪ ᒥᓇ ᐋᐢᑕᕒᐋᐦᑕ, ᑳ ᑎᐯᔨᐦᒋᑫᔨᐟ ᐱᑯ ᑭ ᐊᑐᐢᑲᐁᐧᐊᐧᐠ.
5ᓵᒼᔪᐃᓬ ᒫᑲ ᑭ ᐃᑌᐧᐤ, ᒫᒪᐃᐧ ᓇᑐᒥᐦᑯᐠ ᑲᐦᑭᔭᐤ ᐃᐢᕒᐁᐃᓬ ᒥᐢᐸᐃᕽ, ᐁᑯᓯ ᑭ ᑲ ᐊᔭᒥᐦᐁᐢᑕᒫᑎᓈᐋᐧᐤ ᑳ ᑎᐯᔨᐦᒋᑫᐟ ᐁ ᐊᔭᒥᐦᐁᐢᑕᐊᐧᐠ. 6ᐁᑯᓯ ᑭ ᒫᐊᐧᒋᐦᐃᑐᐊᐧᐠ ᐁᑯᑕ ᒥᐢᐸᐃᕽ, ᑭ ᑳᐧᐸᐊᒪᐧᐠ ᒫᑲ ᓂᐱ ᒥᓇ ᑭ ᓯᑭᓇᒪᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᑭ ᐃᔨᐊᐧᓂᓯᐃᓱᐊᐧᐠ ᒫᑲ ᐁᐊᐧᑯ ᐁ ᑭᓯᑳᐠ, ᒥᓇ ᐁᑯᑕ ᑭ ᐃᑌᐧᐊᐧᐠ, ᓂ ᑭ ᐊᐧᓂᑐᑕᐋᐧᓈᐣ ᑳ ᑎᐯᔨᐦᒋᑫᐟ. ᓵᒼᔪᐃᓬ ᒫᑲ ᑭ ᐅᔭᓱᐋᐧᑌᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑯᑕ ᒥᐢᐸᐃᕽ. 7ᐃᐢᐱ ᒫᑲ ᐱᓬᐃᐢᑎᓇᐠ ᐱᔦᐦᑕᐦᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᒫᐊᐧᒋᐦᐃᑐᔨᐟ ᒥᐢᐸᐃᕽ, ᐅᑭᒫᒥᐋᐊ ᐱᓬᐃᐢᑎᓇᐠ, ᑭ ᒪᐃᐧᓀᐢᑲᐁᐧᐊᐧᐠ ᐃᐢᕒᐁᐃᓬᐊ. ᐃᐢᐱ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐱᔦᐦᑕᐦᑭᐠ, ᑭ ᑯᐢᑌᐊᐧᐠ ᐱᓬᐃᐢᑎᓇ. 8ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᐃᑌᐊᐧᐠ ᓵᒼᔪᐃᓬᐊ, ᐁᑳᐃᐧᔭ ᐳᓂ ᒪᐃᐧᒧᐢᑕᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᐁ ᐊᔭᒥᐦᐁᐢᑕᒪᐃᐧᔭᕽ, ᑭᑕ ᐸᐢᐱᐦᐃᑯᔮᕽ ᐅ ᒋᐦᒋᐋᐧᕽ ᐅᐦᒋ ᐱᓬᐃᐢᑎᓇᐠ.
9ᓵᒼᔪᐃᓬ ᒫᑲ ᑭ ᐅᑎᓀᐤ ᒫᔭᑎᐦᑯᓯᓴ ᑫᔮᐱᐨ ᐁ ᓄᓂᔨᐟ, ᐁᑯᓯ ᑭ ᐸᑭᑎᓇᒪᐁᐧᐤ ᐁ ᒥᓯᐁᐧ ᒪᒍᐢᑌᐊᒪᐋᐧᐟ ᑳ ᑎᐯᔨᐦᒋᑫᔨᐟ ᑭ ᒪᐃᐧᒧᐢᑕᐁᐧᐤ ᒫᑲ ᓵᒼᔪᐃᓬ ᑳ ᑎᐯᔨᐦᒋᑫᔨᐟ ᐁ ᒪᐃᐧᒧᐢᑕᒪᐋᐧᐟ ᐃᐢᕒᐁᐃᓬᐊ; ᐁᑯᓯ ᑳ ᑎᐯᔨᐦᒋᑫᔨᐟ ᑭ ᓇᑐᐦᑖᐠ. 10ᒣᑳᐧᐨ ᒫᑲ ᓵᒼᔪᐃᓬ ᐁ ᐸᑭᑎᓇᕽ ᐊᓂᒪ ᒪᒍᐢᑌᐦᐊᒪᑫᐃᐧᐣ, ᐱᓬᐃᐢᑎᓇᐠ ᑭᐦ ᐯ ᐯᓱᓈᑯᓯᐊᐧᐠ ᐁᑲᐧ ᑭᑕ ᓄᑎᓈᒋᐠ ᐃᐢᕒᐁᐃᓬᐊ: ᒫᑲ ᑳ ᑎᐯᔨᐦᒋᑫᐟ ᑭ ᑭᑐᐦᐁᐤ ᐅ ᓂᒥᐦᑭᐊᐧ ᐁᑯᓯ ᑭ ᑭᐦᒋ ᑭᑐᐊᐧᐠ ᐁᐊᐧᑯ ᐁ ᑭᓯᑳᐠ, ᑭ ᓭᑭᒣᐊᐧᐠ ᒫᑲ ᐱᓬᐃᐢᑎᓇ; ᐁᑯᓯ ᐃᐢᕒᐁᐃᓬ ᑭ ᓵᑯᒋᐦᐁᐊᐧᐠ. 11ᐃᐢᕒᐁᐃᓬ ᐊᔨᓯᔨᓂᐊᐧᐠ ᒫᑲ ᑭ ᓯᐯᐧᑌᐊᐧᐠ ᒥᐢᐸ ᐅᑌᓈᕽ ᐅᐦᒋ, ᐁ ᑭᐦ ᓇᐊᐧᓵᐧᑖᒋᐠ ᐱᓬᐃᐢᑎᓇ, ᐁᑯᓯ ᐁ ᓈᓂᐸᐦᐋᒋᐠ, ᐱᔨᐢ ᒋᑭ ᐯᐦᐟᑳᕒ. 12ᐁᑲᐧ ᓵᒼᔪᐃᓬ ᑭ ᐅᑎᓀᐤ ᐊᓯᓂᔭ, ᒥᓇ ᑭ ᐅᔭᔦᐤ ᑕᐢᑕᐋᐧᔨᕽ ᒥᐢᐸ ᒥᓇ ᓭᐣ, ᑭ ᐃᓯᔨᐦᑳᑌᐤ ᒫᑲ ᐁᐱᓂᓴᕒ, ᐁ ᐃᑌᐧᐟ, ᐊᓄᐦᐨ ᐃᐢᑯ ᑳ ᑎᐯᔨᐦᒋᑫᐟ ᑭ ᑭ ᐃᐧᒋᐦᐃᑯᓇᐤ.
13ᐁᑯᓯ ᒫᑲ ᐱᓬᐃᐢᑎᓇᐠ ᑭ ᓵᑯᒋᐦᐋᐊᐧᐠ, ᐁᑲᐧ ᓇᒪᐃᐧᔭ ᐯ ᐃᑐᐦᑌᐊᐧᐠ ᐅᐟ ᐊᐢᑭᔨᕽ ᐃᐢᕒᐁᐃᓬᐊ; ᐅᒋᐦᒋ ᒫᑲ ᑳ ᑎᐯᔨᐦᒋᑫᔨᐟ ᑭ ᓇᑳᐢᑳᑲᐧᐠ ᐃᐢᑯ ᐁ ᐱᒫᑎᓯᔨᐟ ᓵᒼᔪᐃᓬᐊ. 14ᐁᑯᓯ ᐅᑌᓇᐊᐧ ᐱᓬᐃᐢᑎᓇᐠ ᑳ ᑭ ᒪᐢᑲᒫᒋᐠ ᐃᐢᕒᐁᐃᓬᐊ ᑳᐃᐧ ᑭ ᒥᔮᐊᐧᐠ ᐃᐢᕒᐁᐃᓬ, ᐁᑲᕒᐊᐣ ᐅᐦᒋ ᑳᐦᐟ ᐃᐢᑯ; ᐁᑯᓯ ᒥᓇ ᐊᓂᒪ ᐊᐢᑭ ᐋᐧᓴᑳᒼ ᐃᐢᕒᐁᐃᓬ ᑭ ᑫᒋᒋᐦᒉᓀᐊᐧᐠ ᐱᓬᐃᐢᑎᓇ. ᑭ ᐃᐧᑕᐢᑭᐦᑐᐊᐧᐠ ᒫᑲ ᐃᐢᕒᐁᐃᓬ ᒥᓇ ᐋᒪᕒᐊᐃᑕᐠ.
15ᓵᒼᔪᐃᓬ ᒫᑲ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ ᐃᐢᑯ ᐁ ᐱᒫᑎᓯᐟ. 16ᑕᐦᑐ ᐊᐢᑭ ᒫᑲ ᑭ ᐊᑭᓀᐢᑲᒼ ᐯᐦᑎᓬ, ᒥᓇ ᑭᓬᑳᓬ, ᒥᓇ ᒥᐢᐸ, ᐁᑯᓯ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ ᐁᑯᑕ ᑲᐦᑭᔭᐤ ᐊᓂᐦᐃ ᑳ ᐃᐧᐦᒋᑳᑌᑭ. 17ᕒᐁᒪᐃᕽ ᒫᑲ ᒫᓇ ᑭ ᐃᓯ ᑭᐁᐧᐤ; ᒋᑫᒫ ᐁᑯᑕ ᑭ ᐊᔮᔨᐤ ᐃᐧᑭ; ᐁᑯᑕ ᒫᑲ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ; ᐁᑯᑕ ᒥᓇ ᑭ ᐅᓯᐦᑖᐤ ᐃᑕ ᑭᑕ ᒪᒍᐢᑌᐦᐊᒫᒥᐦᐟ ᑳ ᑎᐯᔨᐦᒋᑫᔨᐟ.
Currently Selected:
ᓂᐢᑕᒼ ᓵᒼᔪᐃᓬ 7: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
