ᓂᐢᑕᒼ ᓵᒼᔪᐃᓬ 12
12
1ᓵᒼᔪᐃᓬ ᒫᑲ ᐅᒥᓯ ᑭ ᐃᑌᐤ ᑲᐦᑭᔭᐤ ᐃᐢᕒᐁᐃᓬᐊ, ᒫᑎᑲ, ᓂ ᑭ ᓇᑐᐦᑌᐣ ᑭᐟ ᐃᑌᐧᐃᐧᓂᐋᐧᐤ ᑲᐦᑭᔭᐤ ᐊᓂᒪ ᑳ ᑭ ᐃᓯᔦᐠ, ᐁᑯᓯ ᓂ ᑭ ᐅᔭᑭᒫᐤ ᑭᐦᒋ ᐅᑭᒫᐤ ᑭᑕ ᑎᐯᔨᒥᑯᔦᐠ. 2ᐁᑲᐧ ᒫᑲ, ᒫᑎᑲ, ᑭᐦᒋ ᐅᑭᒫᐤ ᑭ ᐋᐧᐸᒫᐋᐧᐤ: ᓂᔭ ᒫᑲ ᓂ ᑭᓭᔨᓂᐃᐧᐣ ᒥᓇ ᓂ ᐋᐧᐱᐢᑎᑳᐧᓈᐣ; ᐁᑯᓯ, ᒫᑎᑲ ᓂᑯᓯᓴᐠ ᑭ ᐃᐧᒋᐊᔮᒥᑯᐋᐧᐊᐧᐠ; ᑭ ᑭ ᐋᐧᐸᒥᓈᐋᐧᐤ ᒫᑲ ᐁ ᑭ ᐯ ᐃᓯᐦᒋᑫᔮᐣ ᐁ ᐊᐋᐧᓯᓯᐃᐧᔮᐣ ᐅᐦᒋ ᐱᔨᐢ ᐊᓄᐦᐨ ᑳ ᑭᓯᑳᐠ. 3ᒋᐢᐟ ᐅᑕ ᓂᐟ ᐊᔮᐣ; ᐋᒋᒥᐠ ᐁ ᑭᑖᐸᒥᑯᔭᕽ ᑳ ᑎᐯᔨᐦᒋᑫᐟ, ᒥᓇ ᐁ ᑭᑖᐸᒥᑯᔭᕽ ᐊᓂᐦᐃ ᑳ ᑭ ᐅᔭᑭᒫᐟ, ᐊᐁᐧᓇ ᐅ ᒧᐢᑐᓱᒪ ᑳᐦ ᐅᑎᓂᒪᐠ? ᐊᐦᐳ ᐊᐁᐧᓇ ᐅ ᓱᓱᒥᐢᑕᑎᒧᒪ ᑳᐦ ᐅᑎᓂᒪᐠ? ᐊᐦᐳ ᐊᐁᐧᓇ ᑳᐦ ᑲᔦᓯᐦᐊᐠ? ᐊᐦᐳ ᐊᐁᐧᓇ ᑳᐦ ᑭᑎᒪᐦᐊᐠ? ᐊᐦᐳ ᐊᐁᐧᓇ ᐅᒋᐦᒋᕽ ᑲᐦ ᐅᐦᒋ ᐅᑎᓇᒪᐧᐠ ᒪᒋ ᐅᐦᑎᓯᐃᐧᐣ ᑭᑕ ᐅᐦᒋ ᑭᐹᐧᐱᓂᑯᔮᐣ? ᐁᑯᓯ ᑳᐃᐧ ᑭ ᑲ ᒥᔨᑎᓈᐋᐧᐤ. 4ᑭᐦ ᐃᑌᐧᐊᐧᐠ ᒫᑲ, ᓇᒪᐃᐧᔭ ᑯᐦ ᑲᔦᓯᐃᓈᐣ, ᒥᓇ ᓇᒪᐃᐧᔭ ᑯᐦ ᑭᑎᒪᐦᐃᓈᐣ, ᒥᓇ ᓇᒪᐃᐧᔭ ᑯᐦ ᐅᑎᓇᒪᐋᐧᐤ ᑫᑲᐧᐩ ᓇᐣᑕᐤ ᐊᔨᓯᔨᓂᐤ ᐅ ᒋᐦᒋᕽ ᐅᐦᒋ. 5ᐅᒥᓯ ᒫᑲ ᑭ ᐃᑌᐤ, ᑳ ᑎᐯᔨᐦᒋᑫᐟ ᑭ ᑲᓇᐋᐧᐸᐦᑕᒫᑯᐋᐧᐤ, ᒥᓇ ᐊᓂᐦᐃ ᑳ ᑭ ᐅᔭᑭᒫᐟ ᐋᐧᐸᐦᑕᒥᔨᐊᐧ ᐊᓄᐦᐨ ᑳ ᑭᓯᑳᐠ ᐁᑳ ᑫᑲᐧᐩ ᐁ ᒥᐢᑲᒣᐠ ᓂ ᒋᐦᒋᕽ. ᐁᑯᓯ ᑭ ᓇᐢᑫᐧᐊᐧᓯᒣᐊᐧᐠ, ᑖᐯᐧ ᐋᐧᐸᐦᑕᒼ.
6 #
ᐁᐠᓴᑕᐢ 6:26
ᓵᒼᔪᐃᓬ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᑳ ᑎᐯᔨᐦᒋᑫᐟ ᒫᓇ ᒫᑲ ᑳ ᑭ ᐃᑕᐦᔮᐟ ᒧᓯᓴ ᒥᓇ ᐁᕒᐊᓇ, ᒥᓇ ᑳ ᑭ ᐯ ᐊᐧᔭᐃᐧᑕᐦᐋᐟ ᑯᑖᐃᐧᐋᐧᐊᐧ ᐃᒋᑊᐟ ᐊᐢᑭᕽ ᐅᐦᒋ. 7ᐁᑲᐧ ᒫᑲ ᐯᔭᐦᑕᐠ ᓂᐸᐃᐧᐠ, ᑭᑕ ᐊᐧᐃᐧᑕᒫᑕᑯᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑲᐦᑭᔭᐤ ᑲᐧᔭᐢᐠ ᐅᐟ ᐃᓯᐦᒋᑫᐃᐧᓇ ᑳ ᑎᐯᔨᐦᒋᑫᐟ ᐊᓂᒪ ᑳ ᑭ ᐊᔨᑐᑖᑯᔦᐠ ᒥᓇ ᑳ ᑭ ᐊᔨᑐᑕᐋᐧᐟ ᑯᑖᐃᐧᐋᐧᐊᐧ. 8#ᐁᐠᓴᑕᐢ 2:23ᒉᑲᑊ ᐃᐢᐱ ᑳ ᑕᑯᓯᕽ ᐃᒋᑊᐟ ᐊᐢᑭᕽ, ᐁᑯᓯ ᑯᑖᐃᐧᐋᐧᐊᐧ ᐁ ᒪᐃᐧᒧᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ, ᐁᑲᐧ ᑳ ᑎᐯᔨᐦᒋᑫᐟ ᑭ ᐃᓯᑎᓴᐁᐧᐤ ᒧᓯᓴ ᒥᓇ ᐁᕒᐊᓇ, ᐁᐊᐧᑯᓂᐠ ᑳ ᑭ ᐯ ᐊᐧᔭᐃᐧᑕᐦᐋᒋᐠ ᑯᑖᐃᐧᐋᐧᐊᐧ ᐃᒋᑊᐟ ᐊᐢᑭᕽ ᐅᐦᒋ, ᐅᑕ ᒫᑲ ᐁ ᑭ ᑭᐢᑕᐱᐋᒋᐠ. 9#ᐅᔭᓱᐁᐧᐊᐧᐠ 4:2; ᐅᔭᓱᐁᐧᐊᐧᐠ 13:1; ᐅᔭᓱᐁᐧᐊᐧᐠ 3:12ᐃᐢᐱ ᒫᑲ ᐁᐧᓂᑭᐢᑭᓯᑐᑕᐋᐧᒋᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ, ᑭ ᐊᑖᐋᐧᑳᑎᑲᐧᐠ ᐅᒋᐦᒋᔨᕽ ᓯᓴᕒᐊᐊᐧ, ᑳ ᑎᐯᔨᒫᔨᐟ ᐦᐁᓵᕒᐊ ᐅ ᓄᑎᓂᑫᒥᔨᐊᐧ, ᒥᓇ ᐱᓬᐃᐢᑎᓇ ᐅᒋᐦᒋᔨᕽ, ᒥᓇ ᒧᐋᑊ ᑭᐦᒋ ᐅᑭᒫᐊᐧ ᐅ ᒋᐦᒋᔨᕽ; ᑭ ᓇᓄᑎᓀᐊᐧᐠ ᒫᑲ ᐁᐊᐧᑯᓂ. 10#ᐅᔭᓱᐁᐧᐊᐧᐠ 10:10-15ᑭ ᒪᐃᐧᒧᐢᑕᐁᐧᐊᐧᐠ ᒫᑲ ᑳ ᑎᐯᔨᐦᒋᑫᔨᐟ, ᐁ ᐃᑌᐧᒋᐠ, ᓂ ᑭ ᒪᒋᑐᑌᓈᐣ, ᒋᑫᒫ ᓂ ᑭ ᐁᐧᐱᓈᓈᐣ ᑳ ᑎᐯᔨᐦᒋᑫᐟ, ᒥᓇ ᓂ ᑭ ᐊᑐᐢᑲᐋᐧᓈᓇᐠ ᐯᐊᓬᐃᒼ ᒥᓇ ᐋᐢᑕᕒᐋᐦᐟ: ᒫᑲ ᐁᑲᐧ ᐸᐢᐱᐦᐃᓈᐣ ᐅᒋᐦᒋᐋᐧᕽ ᐅᐦᒋ ᓂ ᓄᑎᓈᑲᓂᓈᓇᐠ, ᐁᑯᓯ ᑭ ᑲ ᐊᑐᐢᑫᐢᑖᑎᓈᐣ. 11#ᐅᔭᓱᐁᐧᐊᐧᐠ 7:1; ᐅᔭᓱᐁᐧᐊᐧᐠ 4:6; ᐅᔭᓱᐁᐧᐊᐧᐠ 11:29; 1 ᓵᒼᔪᐃᓬ 3:20ᑳ ᑎᐯᔨᐦᒋᑫᐟ ᒫᑲ ᑭ ᐃᑎᓴᐁᐧᐤ ᒉᕒᐊᐯᐊᓬᐊ, ᒥᓇ ᐱᑖᓇ ᒥᓇ ᒉᑊᑕᐊᐧ, ᒥᓇ ᓵᒼᔪᐃᓬᐊ, ᐁᑯᓯ ᑭ ᑭ ᐸᐢᐱᐦᐃᑯᐋᐧᐤ ᐅᒋᐦᒋᔨᕽ ᐅᐦᒋ ᑭ ᓄᑎᓈᑲᓂᐋᐧᐊᐧ ᒥᓯᐁᐧ ᐃᑌ, ᐁᑯᓯ ᓇᒪ ᑫᑲᐧᐩ ᑭ ᑭ ᐊᐢᑖᐃᑯᓈᐋᐧᐤ. 12#1 ᓵᒼᔪᐃᓬ 8:19ᐃᐢᐱ ᒫᑲ ᐃᐧᔮᐸᐦᑕᒣᐠ ᓀᐦᐋᐢ ᐅ ᑭᐦᒋ ᐅᑭᒫᒥᐋᐧᐊᐧ ᐊᓂᑭ ᐋᒪᐣ ᐅᐟ ᐊᐋᐧᓯᒥᓴ ᐁ ᐯ ᓇᑐᐸᔨᐢᑖᑯᔦᐠ, ᐅᒥᓯ ᑭ ᑭ ᐃᓯᓈᐋᐧᐤ, ᓇᒪᐃᐧᔭ; ᒫᑲ ᑭᐦᒋ ᐅᑭᒫᐤ ᓂ ᑲ ᑎᐯᔨᒥᑯᓈᐣ: ᒣᑳᐧᐨ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐁ ᐅ ᑭᐦᒋ ᐅᑭᒫᒥᔦᐠ. 13ᐋᐧᐸᒥᕽ ᒫᑲ ᐁᑲᐧ ᑭᐦᒋ ᐅᑭᒫᐤ ᑳ ᑭ ᓇᐊᐧᓱᓈᔦᐠ; ᒥᓇ ᑳ ᑭ ᓇᑕᐁᐧᔨᒫᔦᐠ! ᒫᑎᑲ ᒫᑲ, ᑳ ᑎᐯᔨᐦᒋᑫᐟ ᑭ ᐅᔭᑭᒣᐤ ᑭᐦᒋ ᐅᑭᒫᐊᐧ ᑭᑕ ᑎᐯᔨᒥᑯᔦᐠ. 14ᑭᐢᐱᐣ ᒫᑲ ᑯᓯᑫᐧᔨᒫᔦᑯ ᑳ ᑎᐯᔨᐦᒋᑫᐟ, ᒥᓇ ᐊᑐᐢᑲᐋᐧᔦᑯ, ᒥᓇ ᓇᓇᐃᐦᑕᒫᐧᔦᑯ ᐅᐟ ᐃᑌᐧᐃᐧᐣ, ᐁᑳ ᒫᑲ ᒫᔦᔨᑕᒫᐧᔦᑯ ᐅᔭᓱᐁᐧᐃᐧᐣ ᑳ ᑎᐯᔨᐦᒋᑫᐟ ᐁᑲᐧ ᑭᔭᐋᐧᐤ ᒥᓇ ᑭᐦᒋ ᐅᑭᒫᐤ ᑳ ᑎᐯᔨᒥᑯᔦᐠ ᑫ ᑖᐱᑕᐃᐧ ᐱᒥᑎᓴᐦᐋᐧᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ: 15ᒫᑲ ᑭᐢᐱᐣ ᐁᑳ ᓇᓇᐃᑕᒫᐧᔦᑯ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᒫᔦᔨᑕᒫᐧᔦᑯ ᒫᑲ ᐅᔭᓱᐁᐧᐃᐧᐣ ᑳ ᑎᐯᔨᐦᒋᑫᐟ, ᐁᑲᐧ ᐅᒋᐦᒋ ᑳ ᑎᐯᔨᐦᒋᑫᐟ ᑫ ᐸᑲᒥᐢᑳᑯᐁᐧᐠ ᑳ ᑭ ᐃᓯ ᐸᑲᒥᐢᑳᑯᒋᐠ ᑯᑖᐃᐧᐋᐧᐊᐧᐠ.
16ᐁᑲᐧ ᒫᑲ ᓂᐸᐃᐧᐠ ᒥᓇ ᐋᐧᐸᐦᑕᒧᐠ ᐅᒪ ᑭᐦᒋ ᑫᑲᐧᐩ ᑳ ᑎᐯᔨᐦᒋᑫᐟ ᑫ ᐃᑐᑕᐠ ᐁ ᑲᓇᐋᐧᐸᐦᑕᒣᐠ. 17ᓇᒪ ᒋ ᐸᐦᑫᐧᓯᑲᓂᑳᐣ ᒣᑳᐧᐨ ᒪᓂᓵᐧᐤ ᐊᓄᐦᐨ ᑳ ᑭᓯᑳᐠ? ᓂ ᑲ ᒪᐃᐧᒧᐢᑕᐋᐧᐤ ᑳ ᑎᐯᔨᐦᒋᑫᐟ, ᐁᑯᓯ ᑲᑕ ᐃᓯᑎᓴᐁᐧᐤ ᐅᓂᒥᐦᑭᐊᐧ ᒥᓇ ᑭᒥᐊᐧᐣ; ᑭᑕ ᓂᓯᑕᐃᐧᓇᒣᐠ ᒥᓇ ᑭᑕ ᐋᐧᐸᐦᑕᒣᐠ ᐁ ᒥᓵᐠ ᑭ ᒪᒑᔨᐃᐧᓂᐋᐤ ᑳ ᑭ ᐃᑐᑕᒣᐠ ᐁ ᐃᓯ ᑭᑕᐸᑕᕽ ᑳ ᑎᐯᔨᐦᒋᑫᐟ, ᐁ ᑭ ᓇᑐᑕᒫᔦᐠ ᑭᐦᒋ ᐅᑭᒫᐤ. 18ᐁᑯᓯ ᓵᒼᔪᐃᓬ ᑭ ᒪᐃᐧᒧᐢᑕᐁᐧᐤ ᑳ ᑎᐯᔨᐦᒋᑫᔨᐟ ᑳ ᑎᐯᔨᐦᒋᑫᐟ ᒫᑲ ᑭᐦ ᐃᓯᑎᓴᐁᐧᐤ ᐅᓂᒥᐦᑭᐊᐧ ᒥᓇ ᑭᒥᐊᐧᐣ ᐁᐊᐧᑳᐧᓂᒪ ᐁ ᑭᓯᑳᐠ: ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᒥᐢᑕᐦᐃ ᑭ ᑯᓯᑫᐧᔨᒣᐊᐧᐠ ᑳ ᑎᐯᔨᐦᒋᑫᔨᐟ ᒥᓇ ᓵᒼᔪᐃᓬᐊ. 19ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐃᑌᐊᐧᐠ ᓵᒼᔪᐃᓬᐊ, ᐊᔭᒥᐦᐁᐢᑕᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᐟ ᐊᑐᐢᑫᔮᑲᓇᐠ ᐅᐦᒋ, ᐁᑳ ᑭᑕ ᓂᐱᔮᕽ: ᒋᑫᒫ ᓂ ᑭ ᔭᐦᑭᑖᓈᐣ ᑲᐦᑭᔭᐤ ᓂ ᒪᒋᑐᑕᒧᐃᐧᓂᓈᓇ ᐅᒪ ᑳ ᑭ ᒪᒋᑐᑕᒫᕽ, ᐁ ᓇᑐᑕᒫᔮᕽ ᑭᐦᒋ ᐅᑭᒫᐤ.
20ᓵᒼᔪᐃᓬ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᐁᑳᐃᐧᔭ ᓭᑭᓯᐠ: ᑭ ᑭ ᐃᑐᑌᓈᐋᐧᐤ ᑲᐦᑭᔭᐤ ᐅᒪ ᒪᒋᐦᑎᐃᐧᐣ: ᐁᔨᐁᐧᕽ ᒫᑲ ᐁᑳᐃᐧᔭ ᐸᐢᑫᐠ ᐁ ᐱᒥᑎᓴᐋᐧᔦᐠ ᑳ ᑎᐯᔨᐦᒋᑫᐟ, ᒫᑲ ᐊᑐᐢᑳᕽ ᑳ ᑎᐯᔨᐦᒋᑫᐟ ᒥᓯᐁᐧ ᑭ ᑌᐦᐃᐋᐧᕽ; 21ᒥᓇ ᐁᑳᐃᐧᔭ ᐸᐢᑫᐠ: ᒋᑫᒫ ᑭ ᑲ ᐱᒥᑎᓴᐁᓈᐋᐧᐤ ᐱᑯᓇᑕ ᑫᑲᐧᔭ, ᐁᑳ ᑫᑲᐧᐩ ᑭᑕ ᐅᐦᑎᓯᔦᐠ ᒥᓇ ᐁᑳ ᑭᑕ ᑭ ᐸᐢᐱᐦᐃᑯᔦᐠ; ᒋᑫᒫ ᑖᐯᐧ ᐱᑯᓇᑕ ᑫᑲᐧᔭ; 22ᐃᐧᔭ ᑳ ᑎᐯᔨᐦᒋᑫᐟ ᓇᒪᐃᐧᔭ ᑭᑕ ᐁᐧᐱᓀᐤ ᐅᐟ ᐊᔨᓯᔨᓂᒪ ᐅ ᑭᐦᒋ ᐃᐧᐦᔪᐃᐧᐣ ᐅᐦᒋ; ᒋᑫᒫ ᑭ ᐃᓯ ᒥᔦᐧᔨᑕᒼ ᑳ ᑎᐯᔨᐦᒋᑫᐟ ᑭᔭᐋᐧᐤ ᑭᑕ ᐅᐟ ᐊᔨᓯᔨᓂᒥᐟ. 23ᓂᔭ ᒫᑲ ᐃᐧᔭ, ᓇᒪᐃᐧᔭ ᑭᑕ ᑭ ᐃᐦᑭᐣ, ᑭᑕ ᐃᓯ ᒪᒋᑐᑕᐊᐧᐠ ᑳ ᑎᐯᔨᐦᒋᑫᐟ ᑭᑕ ᐳᓂ ᐊᔭᒥᐦᐁᐢᑕᒫᑕᑯᐠ; ᒫᑲ ᑭ ᑲ ᑭᐢᑭᓄᐦᐊᒫᑎᓈᐋᐧᐤ ᑳ ᒥᔮᐧᓯᐠ ᒥᓇ ᑳ ᑲᐧᔭᐢᑲᐧᕽ ᒣᐢᑲᓇᐤ. 24ᐱᑯ ᑯᓯᑫᐧᔨᒥᕽ ᑳ ᑎᐯᔨᐦᒋᑫᐟ ᒥᓇ ᐊᑐᐢᑫᐢᑖᕽ ᑖᐯᐧᐃᐧᓂᕽ ᒥᓯᐁᐧ ᑭ ᑌᐦᐃᐋᐧᕽ; ᒋᑫᒫ ᒫᒥᑐᓀᔨᑕᒧᐠ ᐃᔨᑯᕽ ᑭᐦᒋ ᑫᑲᐧᔭ ᑳ ᑭ ᐃᐦᑐᑕᒫᑯᔦᐠ. 25ᒫᑲ ᑭᐢᐱᐣ ᑫᔮᐱᐨ ᒪᒋᑐᑕᒣᑯ, ᑭ ᑲ ᓂᓯᐊᐧᓈᑎᓯᓈᐋᐧᐤ, ᑭᔭᐋᐧᐤ ᒥᓇ ᑭ ᑭᐦᒋ ᐅᑭᒫᒥᐋᐧᐤ.
Currently Selected:
ᓂᐢᑕᒼ ᓵᒼᔪᐃᓬ 12: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
