ᓂᐢᑕᒼ ᓵᒼᔪᐃᓬ 13
13
1ᓵᓬ ᑭ ᑭᐦᒋ ᐅᑭᒫᐃᐧᐤ ᐯᔭᐠ ᐊᐢᑭ; ᐃᐢᐱ ᒫᑲ ᓂᓱ ᐊᐢᑭ ᑳᐦ ᑎᐯᔨᒫᐟ ᐃᐢᕒᐁᐃᓬᐊ, 2ᓵᓬ ᑭ ᓇᐊᐧᓱᓀᐤ ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ ᐃᐢᕒᐁᐃᓬ ᓈᐯᐊᐧ; ᓂᓵᐧᐤ ᑭᐦᒋ ᒥᑖᐦᑐᒥᑕᓇᐤ ᒫᑲ ᑭ ᐃᐧᒉᐃᐧᐠ ᓵᓬ ᒥᐠᒫᓯᕽ ᒥᓇ ᐯᐦᑎᓬ ᐊᐧᒋᕽ, ᐁᑯᓯ ᑭᐦᒋ ᒥᑖᐦᑐᒥᑕᓇᐤ ᑭ ᐃᐧᒉᐃᐧᐠ ᒑᓇᐦᑕᐣ ᑭᐱᔭᐃᕽ ᐯᐣᒋᒪᐣ ᐊᐢᑭᕽ: ᑯᑕᑲ ᒫᑲ ᐊᔨᓯᔨᓂᐊᐧ ᑭ ᓯᐯᐧᑎᓴᐁᐧᐤ ᑲᐦᑭᔭᐤ ᑭᑕ ᑭᐁᐧᔨᐟ ᐃᐧᑭᔨᕽ. 3ᒑᓇᐦᑕᐣ ᒫᑲ ᑭ ᓂᐸᐁᐤ ᐱᓬᐃᐢᑎᓇ ᐅᐟ ᐊᓱᐅᐁᐧᒥᔨᐊᐧ ᑭᐸᐃᕽ; ᐁᑯᓯ ᐱᓬᐃᐢᑎᓇᐠ ᑭ ᐯᐦᑕᒪᐧᐠ. ᓵᓬ ᒫᑲ ᑭ ᑭᑐᐦᑖᐤ ᐱᐱᑲᐧᐣ ᒥᓯᐁᐧ ᐁᑯᑕ ᐊᐢᑭᕽ, ᐁ ᐃᑌᐧᐟ, ᑭᔮᒼ ᐦᐃᐸᕒᐅᐊᐠ ᑲᑕ ᐯᐦᑕᒪᐧᐠ. 4ᑲᐦᑭᔭᐤ ᒫᑲ ᐃᐢᕒᐁᐃᓬ ᑭ ᐯᐦᑕᒪᐧᐠ ᐁ ᐃᑌᐧᐃᐧᐦᐟ ᓵᓬ ᐁ ᑭ ᓂᐸᐦᐋᐟ ᐱᓬᐃᐢᑎᓇ ᐅᐟ ᐊᓱᐅᐁᐧᒥᔨᐊᐧ, ᒥᓇ ᐃᐢᕒᐁᐃᓬ ᐁ ᐸᑳᐧᑎᑯᒋᐠ ᐱᓬᐃᐢᑎᓇ. ᑭᐦ ᒫᒪᐃᐧ ᓇᑐᒫᐊᐧᐠ ᒫᑲ ᐊᔨᓯᔨᓂᐊᐧᐠ ᑭᑕ ᐱᒥᑎᓴᐋᐧᒋᐠ ᓵᓬᐊ ᑭᓬᑳᓬᐃᕽ.
5ᐁᑯᓯ ᑭ ᒫᐊᐧᒋᐦᐃᑐᐊᐧᐠ ᐱᓬᐃᐢᑎᓇᐠ ᑭᑕ ᓄᑎᓈᒋᐠ ᐃᐢᕒᐁᐃᓬᐊ, ᓂᐢᑐᒥᑕᓇᐤ ᑕᐦᑐ ᑭᐦᒋ ᒥᑖᐦᑐᒥᑕᓇᐤ ᑎᐦᑎᐱᑖᐹᓈᐢᑲᐧᐠ, ᒪᓇ ᓂᑯᑖᐧᓵᐤ ᑭᐦᒋ ᒥᑖᐦᑐᒥᑕᓇᐤ ᐅᑌᑕᐱᐊᐧᐠ, ᒥᓇ ᐊᔨᓯᔨᓂᐊᐧᐠ ᑖᐱᐢᑯᐨ ᔦᑲᐤ ᓯᓱᒋ ᑭᐦᒋᑲᒥᕽ ᐁ ᐃᓯ ᐅᓵᒣᔭᑎᒋᐠ: ᑭ ᐯ ᐃᑐᐦᑌᐊᐧᐠ ᒫᑲ, ᐁ ᑭ ᑲᐯᓯᒋᐠ ᒥᐠᒫᓯᕽ, ᐋᐧᐸᓄᑖᕽ ᐃᑌᐦᑫ ᐯᐦᑌᐱᓂᕽ. 6ᐃᐢᐱ ᒫᑲ ᐃᐢᕒᐁᐃᓬ ᐊᔨᓯᔨᓂᐊᐧᐠ ᐃᐧᔮᐸᐦᑕᑭᐠ ᐁ ᒫᑯᐃᐦᒋᐠ, (ᒋᑫᒫ ᐊᔨᓯᔨᓂᐊᐧᐠ ᑭ ᒫᑫᐧᔨᒧᐊᐧᐠ,) ᐁᑲᐧ ᐊᔨᓯᔨᓂᐊᐧᐠ ᑭ ᑳᓱᐊᐠ ᐋᐧᑎᕽ, ᒥᓇ ᓴᑲᕽ, ᒥᓇ ᑭᐢᑖᐱᐢᑳᕽ, ᒥᓇ ᐃᑕ ᐁ ᐊᔨᐢᐹᐠ, ᒥᓇ ᐋᐧᑎᑳᓂᕽ. 7ᐋᑎᐦᐟ ᒫᑲ ᐦᐃᐸᕒᐅᐊᐠ ᑭ ᐊᓱᐊᐦᐊᒪᐧᐠ ᒑᕒᑕᐣ ᐊᓂᒪ ᐊᐢᑭᕽ ᑳᐟ ᒥᓇ ᑭᓬᐃᔭᐟ, ᐃᐧᔭ ᒫᑲ ᓵᓬ, ᑫᔮᐱᐨ ᑭᐦ ᐊᔮᐤ ᑭᓬᑳᓬᐃᕽ, ᑲᐦᑭᔭᐤ ᒫᑲ ᐊᔨᓯᔨᓂᐊᐧ ᑭ ᐱᒥᑎᓴᐦᐅᐠ ᐁ ᓭᑭᓯᔨᐟ.
8 #
1 ᓵᒼᔪᐃᓬ 10:8
ᑭ ᐯᐦᐅ ᒫᑲ ᑌᐸᑯᑊ ᑭᓯᑳᐊᐧ, ᐃᔨᑯᕽ ᐃᓴ ᐱᑯ ᓵᒼᔪᐃᓬᐊ ᐁ ᑭ ᑭᐢᑭᒧᔨᐟ: ᒫᑲ ᓵᒼᔪᐃᓬᐊ ᓇᒪᐃᐧᔭ ᑕᑯᓯᓂᔨᐊᐧ ᑭᓬᑳᓬᐃᕽ; ᐁᑯᓯ ᐊᔨᓯᔨᓂᐊ ᐊᑎ ᒣᐦᒋ ᓇᑲᑎᐠ. 9ᓵᓬ ᒫᑲ ᑭ ᐃᑌᐧᐤ, ᐯᑖᐠ ᒪᒍᐢᑌᐦᐊᒫᑫᐃᐧᐣ, ᒥᓇ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐁᑯᓯ ᑭ ᐸᑭᑎᓈᓱ ᒪᒍᐢᑌᐊᒪᑫᐃᐧᐣ. 10ᑭ ᐊᔨᐦᑭᐣ ᒫᑲ, ᐊᓂᒪ ᐁ ᑭᓯ ᐸᑭᑎᓈᓱᐟ ᒪᒍᐢᑌᐦᐊᒫᑫᐃᐧᐣ, ᐳᑎ, ᓵᒼᔪᐃᓬ ᑭ ᐯ ᐃᑐᐦᑌᐤ; ᐁᑯᓯ ᓵᓬ ᑭ ᓇᑕᐃᐧ ᓇᑭᐢᑲᐁᐧᐤ, ᑭᑕ ᐊᑕᒥᐢᑲᐋᐧᐟ. 11ᓵᒼᔪᐃᓬ ᒫᑲ ᑭ ᐃᑌᐧᐤ, ᑖᓂᓯ ᐅᒪ ᑳ ᐃᐦᑐᑕᒪᐣ? ᐁᑯᓯ ᓵᓬ ᑭᐦ ᐃᑌᐧᐤ, ᒋᑫᒫ ᐁ ᐋᐧᐸᐦᑕᒫᐣ ᐊᔨᓯᔨᓂᐊᐧᐠ ᐁ ᒣᐦᒋ ᓇᑲᓯᒋᐠ, ᐁᑳ ᒫᑲ ᐁ ᑕᑯᓯᓇᐣ ᐊᓂᐦᐃ ᑭᓯᑳᐊᐧ ᐁ ᑎᐱᐸᔨᑭ ᑳ ᑭ ᑭᐢᑭᒧᔭᐣ, ᐁᑯᓯ ᐁ ᒫᐊᐧᒋᐦᐃᑐᒋᐠ ᐱᓬᐃᐢᑎᓇᐠ ᒥᐠᒫᓯᕽ; 12ᐁᑲᐧ ᐱᔨᐢ ᑳ ᐃᑌᐧᔮᐣ, ᐱᓬᐃᐢᑎᓇᐠ ᓂ ᑲ ᒧᐢᑭᐢᑖᑲᐧᐠ ᐅᑕ ᑭᓬᑳᓬᐃᕽ, ᐁᑯᓯ ᐁᑳ ᐁ ᐅᐦᒋ ᒪᐃᐧᒧᐢᑕᐊᐧᐠ ᑳ ᑎᐯᔨᐦᒋᑫᐟ: ᐊᔨᓵᐨ ᒫᑲ ᓂ ᑭ ᐃᐦᑐᑌᐣ, ᓂ ᑭ ᐸᑭᑎᓈᓱᐣ ᒪᒍᐢᑌᐦᐊᒫᑫᐃᐧᐣ. 13ᓵᒼᔪᐃᓬ ᒫᑲ ᑭ ᐃᑌᐤ ᓵᓬᐊ, ᑭ ᑭ ᑲᑫᐹᒋᐊᔨᐦᑎᐣ: ᓇᒪᐃᐧᔭ ᑯᐦ ᓈᑲᑕᐁᐧᔨᑕᒫᐧᐣ ᐅᔭᓱᐁᐧᐃᐧᐣ ᑳ ᑎᐯᔨᒋᑭᐟ ᑭ ᑭᓭᒪᓂᑐᒼ ᑳ ᑭ ᐃᑕᓱᐋᐧᑎᐢᐠ: ᒋᑫᒫ ᐁᑲᐧ ᑳ ᑎᐯᔨᐦᒋᑫᐟ ᐅ ᑲ ᑭ ᐋᔮᑕᐢᑖᐦ ᑭ ᑭᐦᒋ ᐅᑭᒫᐃᐧᐃᐧᐣ ᐃᐢᕒᐁᐃᓬᐃᕽ ᑳᑭᑫ. 14#ᐃᓯᐦᒋᑫᐃᐧᓂᐋᐧᐊᐧ 13:22ᒫᑲ ᐁᑲᐧ ᑭ ᑭᐦᒋ ᐅᑭᒫᐃᐧᐃᐧᐣ ᓇᒪᐃᐧᔭ ᑕᐦᑭ ᑭᑕ ᐱᒥᐸᔨᐤ: ᑳ ᑎᐯᔨᐦᒋᑫᐟ ᑭ ᓇᑐᓇᐁᐧᐤ ᓈᐯᐊᐧ ᐁ ᐃᐧᒋᑌᐦᐁᒥᑯᐟ, ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑕᓱᐋᐧᑌᐤ ᐁᐊᐧᑯᓂᐦ ᑭᑕ ᑎᐯᔨᒫᔨᐟ ᐅᐟ ᐊᔨᓯᔨᓂᒪ, ᒋᑫᒫ ᑭᔭ ᓇᒪᐃᐧᔭ ᑯᐦ ᓈᑲᑕᐁᐧᔨᑕᒫᐧᐣ ᐊᓂᒪ ᑳ ᐃᑕᓱᐋᐧᑎᐢᐠ ᑳ ᑎᐯᔨᐦᒋᑫᐟ.
15ᓵᒼᔪᐃᓬ ᒫᑲ ᑭ ᐸᓯᑯ, ᒥᓇ ᑭ ᓯᐯᐧᑌᐤ ᑭᓬᑳᓬᐃᕽ ᐅᐦᒋ ᑭᐱᔭᐃᕽ ᐁ ᐃᑐᐦᑌᐟ ᐯᐣᒋᒪᐣ ᐊᐢᑭᕽ: ᐁᑯᓯ ᓵᓬ ᑭ ᐊᑭᒣᐤ ᐊᔨᓯᔨᓂᐊᐧ ᐁᑯᑕ ᒣᑳᐧᐨ ᑳ ᐃᐧᒋ ᐊᔮᒥᑯᐟ, ᓈᐣᑕᐤ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ. 16ᓵᓬ ᒫᑲ, ᒥᓇ ᒑᓇᐦᑕᐣ ᐅᑯᓯᓴ, ᒥᓇ ᐊᓂᐦᐃ ᐊᔨᓯᔨᓂᐊᐧ ᑳ ᐃᐧᒋ ᐊᔮᒥᑯᒋᐠ, ᑭ ᐃᐦᑕᓯ ᐊᔮᐊᐧᐠ ᑭᐸᐃᕽ ᐯᐣᒋᒪᐣ ᐊᐢᑭᕽ: ᒫᑲ ᐱᓬᐃᐢᑎᓇᐠ ᑲᐯᓯᐊᐧᐠ ᒥᐠᒫᓯᕽ.
17ᐁᑯᓯ ᐅᒪᓂᐊᐧᑌᐊᐧᐠ ᑭ ᐯ ᓵᓯᐯᐧᑌᐊᐧᐠ ᐅ ᑲᐯᓯᐃᐧᓂᔨᕽ ᐱᓬᐃᐢᑎᓇ ᐅᐦᒋ ᓂᐢᑕᐧᔭᐠ ᐁ ᒥᓀᔭᑎᒋᐠ: ᐯᔭᐠ ᐁ ᒥᓀᔭᑎᒋᐠ ᑭ ᐊᑎ ᒥᑎᒣᐊᐧᐠ ᐊᓂᒪ ᒣᐢᑲᓇᐤ ᐋᐦᐸᕒᐊ ᑳ ᐃᑕᒧᐠ, ᓱᐊᓬ ᐊᐢᑭᕽ ᐱᔨᐢ. 18ᑯᑕᑲᐠ ᒫᑲ ᐁ ᒥᓀᔭᑎᒋᐠ ᑭ ᐊᑎ ᒥᑎᒣᐊᐧᐠ ᒣᐢᑲᓇᐤ ᐯᐟᐦᐋᕒᐊᓂᕽ: ᐁᑯᓯ ᑯᑕᑲᐠ ᐁ ᒥᓀᔭᑎᒋᐠ ᑭ ᐊᑎ ᒥᑎᒣᐊᐧᐠ ᒣᐢᑲᓇᐤ ᒋᑳᐢᐠ ᓯᐹᔨᒼ ᐋᐧᔮᒪᑎᓇᕽ ᐃᓯ, ᐱᑲᐧᑕᐢᑭᕽ ᐃᑌᐦᑫ.
19ᓇᒪᐃᐧᔭ ᒫᑲ ᑭ ᐃᐦᑖᐤ ᐅᔭᐃᓱ ᒥᓯᐁᐧ ᐁ ᐃᐢᐱᒑᐠ ᐃᐢᕒᐁᐃᓬ ᐊᐢᑭ; ᒋᑫᒫ ᐱᓬᐃᐢᑎᓇᐠ ᐁ ᑭ ᐃᑌᐧᒋᐠ, ᐁᑳ ᐦᐃᐸᕒᐅᐊᐠ ᑭᑕ ᐅᓯᑕᒫᓱᒋᐠ ᐃᓴᐁᐧᐢᑲ ᐊᐦᐳ ᑕᐦᑲᒋᑲᓇ: 20ᒫᑲ ᑲᐦᑭᔭᐤ ᐃᐢᕒᐁᐃᓬᐊᐃᑕᐠ ᑭ ᓈᑌᐊᐧᐠ ᐱᓬᐃᐢᑎᓇ ᑭᑕ ᑭᓂᐳᑖᒋᐠ ᑲᐦᑭᔭᐤ ᓈᐯᐤ ᐅ ᐱᑯᐱᒋᑲᓂ ᐱᐋᐧᐱᐢᑯᒪ ᒥᓇ ᐅ ᒋᑲᐦᐃᑲᐣ, ᒥᓇ ᐅ ᓇᐸᑭ ᒋᑲᐦᐃᑲᐣ. 21ᐁᔨᐁᐧᕽ ᒫᑲ ᐊᑕᐃᐧᔭ ᑭ ᐊᔮᐊᐧᐠ ᑭᐢᑭᒪᐣ ᑭᑕ ᑭᓂᐳᑖᒋᐠ ᓇᐸᑭ ᒋᑲᐦᐃᑲᓇ, ᒥᓇ ᐱᑯᐱᒋᑲᓂ ᐱᐋᐧᐱᐢᑲᐧ, ᒥᓇ ᒋᐢᑕᐊᐢᑯᓯᐋᐧᑲᓇ, ᒥᓇ ᒋᑲᐦᐃᑲᓇ, ᒥᓇ ᑭᑕ ᑭᓂᐳᑖᒋᐠ ᔭᑭᑎᓴᐋᐧᑲᓇ. 22ᐁᑯᓯ ᒫᑲ ᑭ ᐃᐦᑭᐣ ᐃᐢᐱ ᐁᐧᑎᐦᒋᐸᔨᐠ ᑭᓯᑳᐤ ᑭᑕ ᓄᑎᓂᑐᕽ, ᓇᒪᐋᐧᐨ ᐃᓴᐁᐧᐢᐠ ᐊᐦᐳ ᑕᐦᑲᒋᑲᐣ ᑕᐦᑯᓇᒥᔨᐊᐧ ᓂᑯᑖᐧᐤ ᐊᓂᐦᐃ ᐊᔨᓯᔨᓂᐊᐧ ᑳ ᐃᐧᒉᐃᐧᑯᒋᐠ ᓵᓬ ᒥᓇ ᒑᓇᐦᑕᐣ: ᐱᑯ ᓵᓬ ᒥᓇ ᒑᓇᐦᑕᐣ ᐅᑯᓯᓴ ᑭᐦ ᑕᐦᑯᓇᒪᐧᐠ. 23ᐅᐟ ᐊᓱᐦᐅᐁᐧᒥᐋᐧᐊᐧ ᒫᑲ ᐱᓬᐃᐢᑎᓇᐠ ᑭ ᐃᑐᐦᑌᔨᐊᐧ ᐊᓂᑕ ᐁ ᓵᐳᑕᐁᐧᔮᐠ ᒥᐠᒫᐢ.
Currently Selected:
ᓂᐢᑕᒼ ᓵᒼᔪᐃᓬ 13: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
