ᓂᐢᑕᑦ ᑭᐦᒋ ᐅᑭᒫᐊᐧᐠ 6
6
1ᑭ ᐊᔨᑭᐣ ᒫᑲ ᓀᐋᐧᐤ ᒥᑖᐦᑐᒥᑕᓇᐤ ᐊᔨᓈᓀᐅᐧᒥᑕᓇᐤ ᐊᔨᐋᐧᐠ ᐁ ᐃᑕᐦᑐ ᐊᐢᑭᐊᐧᕽ ᐊᐢᐱᐣ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᑭ ᐯ ᐊᐧᔭᐃᐧᒋᐠ ᐃᒋᑊᐟ ᐊᐢᑭᕽ ᐅᐦᒋ, ᐁ ᓀᐅᐊᐢᑭᐊᐧᕽ ᓵᓬᐊᒪᐣ ᐁ ᑎᐯᔨᒫᐟ ᐃᐢᕒᐁᐃᓬᐊ, ᐁ ᐊᑭᒥᐦᐟ ᓯᑊ ᐱᓯᒼ, ᐁᐊᐧᑯ ᓂᓱ ᐁ ᐃᑕᑭᒥᐦᐟ ᐱᓯᒼ, ᑭ ᒫᒋ ᐅᓯᐦᑖᐤ ᐅ ᐋᐧᐢᑳᐦᐃᑲᓂᔨᐤ ᑳ ᑎᐯᔨᐦᒋᑫᔨᐟ. 2ᐊᓂᒪ ᒫᑲ ᐋᐧᐢᑳᐦᐃᑲᐣ ᓵᓬᐊᒪᐣ ᑳ ᑭ ᐅᓯᐦᑕᒪᐋᐧᐟ ᑳ ᑎᐯᔨᐦᒋᑫᔨᐟ ᓂᑯᑖᐧᓱᒥᑕᓇᐤ ᑯᐱᑕ ᑭ ᐃᐢᑳᐧᐤ ᒥᓇ ᓂᓯᑕᓇᐤ ᑯᐱᑕ ᑭ ᐃᐢᐱᑕᔭᑲᐢᑳᐤ, ᒥᓇ ᓂᐢᑐᒥᑕᓇᐤ ᑯᐱᑕ ᑭ ᐃᐢᐱᐦᒋ ᐃᐢᐹᐤ. 3ᐊᐧᔭᐃᐧᑎᒥᐋᐧᐢᑳᐦᐃᑲᐣ ᒫᑲ ᐅᐦᑎᐢᑲᐤ ᐃᑌᐦᑫ ᐁ ᑭᐦᒋᐊᔭᒥᐦᐁᐃᐧᑲᒥᑯᐊᐧᕽ ᐊᓂᒪ ᐋᐧᐢᑳᐦᐃᑲᐣ, ᓂᓯᑕᓇᐤ ᑯᐱᑕ ᑭ ᐃᐢᑳᐧᐤ, ᐁ ᐃᐢᐱᑕᔭᑲᐢᑳᐠ ᐊᓂᒪ ᐋᐧᐢᑳᐦᐃᑲᐣ; ᒥᓇ ᒥᑖᑕᐦᐟ ᑯᐱᑕ ᑭ ᐃᐢᐱᑕᔭᑲᐢᑳᐤ ᐅᐦᑎᐢᑲᐤ ᐋᐧᐢᑳᐦᐃᑲᓂᕽ. 4ᐁᑯᓯ ᐋᐧᐢᑳᐦᐃᑲᐣ ᑭ ᐋᐧᓭᓇᒫᐃᐧᓂᑲᑕᒼ ᐁ ᓴᓵᑲᐋᐧᔨᑭ.
5ᓇᑲᐦᒑᔨᕽ ᒫᑲ ᐁ ᐋᐧᐢᑳᐦᐃᑳᑌᐠ ᐊᓂᒪ ᐋᐧᐢᑲᐦᐃᑲᐣ ᑭ ᐅᓯᐦᑖᐤ ᐋᔮᑭᐧᑕᐃᐧᑲᒥᑲᐧ, ᓇᑲᐦᒑᔨᕽ ᐊᓂᒪ ᐋᐧᐢᑳᐦᐃᑲᐣ ᒥᓯᐁᐧ ᐋᐧᐢᑳ, ᑭᐦᒋᐊᔭᒥᐦᐁᐃᐧᑲᒥᐠ ᒥᓇ ᐊᓂᒪ ᐃᐧᐦᑕᒫᑫᐃᐧᐣ; ᑭ ᐅᓯᐦᑖᐤ ᒫᑲ ᐱᐢᑭᒋᑲᒥᑲᐧ ᒥᓯᐁᐧ ᐋᐧᐢᑳ; 6ᒫᐊᐧᐨ ᓂᐦᒋ ᐱᐢᑭᐦᒋᑲᒥᐠ ᓂᔮᓇᐣ ᑯᐱᑕ ᑭ ᐃᐢᐱᑕᔭᑲᐢᑳᐤ, ᐁᑯᓯ ᐊᓂᒪ ᑕᐢᑕᐋᐧᔨᕽ ᓂᑯᑖᐧᓯᐠ ᑯᐱᑕ ᑭ ᐃᐢᐱᑕᔭᑲᐢᑳᐤ, ᐊᓂᒪ ᒫᑲ ᓂᐢᑖᐧᐤ ᐁ ᐋᑭᐧᑕᐃᐧ ᐊᔮᐠ ᑌᐸᑯᑊ ᑯᐱᑕ ᑭ ᐃᐢᐱᑕᔭᑲᐢᑲᐤ; ᒋᑫᒫ ᐊᐧᔭᐃᐧᑎᒥᕽ ᑭ ᐅᓯᐦᑖᐤ ᑭᑕ ᑲᑳᐦᒋᒋᐊᔮᐠ ᐋᐧᐢᑳᐦᐃᑲᓂᕽ ᐋᐧᐢᑳ, ᐁᑳ ᐱᒥᑕᑯᒋᑲᓇᐠ ᑭᑕ ᓵᐳᑕᐁᐧᒧᒋᐠ ᐋᐧᐢᑳᐦᐃᑲᓂᕽ. 7ᐊᓂᒪ ᒫᑲ ᐋᐧᐢᑲᐦᐃᑲᐣ ᐁ ᒣᑳᐧ ᐅᓯᐦᒋᑳᑌᐠ, ᑭ ᐋᐸᒋᐋᐊᐧᐠ ᐊᓯᓂᔭᐠ ᐁ ᑲᐧᔮᒋᒋᑳᓱᒋᐠ ᐃᑕ ᑳ ᐅᐦᑎᓂᐦᒋᐠ; ᐁᑯᓯ ᓇᒪᐃᐧᔭ ᑫᑲᐧᐩ ᐯᐦᑖᑲᐧᐣ ᐸᑲᒫᑲᐣ ᐊᐦᐳ ᒋᑲᐦᐃᑲᐣ ᐊᐦᐳ ᓈᐣᑕᐤ ᐱᐋᐧᐱᐢᐠ ᐋᐸᒋᐦᒋᑲᐣ ᐁᑯᑕ ᐋᐧᐢᑳᐦᐃᑲᓂᕽ ᒣᑳᐧᐨ ᐁ ᐅᓯᐦᒋᑳᑌᐠ. 8ᐃᐢᑳᐧᑌᒼ ᐃᑕ ᑭᑕ ᐅᐦᒋ ᐱᐦᑐᑫᕽ ᐊᓂᐦᐃ ᑖᐋᐧᔨᕽ ᑳ ᐊᔮᑭ ᐱᐢᑭᒋᑲᒥᑯᓴ ᑭ ᐊᔮᐤ ᑭᐦᒋᓂᐢᑭᕽ ᐃᑌᐦᑫ ᐋᐧᐢᑳᐦᐃᑲᓂᕽ; ᐁᑯᓯ ᑭ ᑯᐢᐹᑕᐃᐧᓈᓂᐊᐧᐣ ᐁ ᐱᒫᑕᐁᐧᔮᐠ ᐃᐢᑳᐧᑕᐋᐧᑲᐣ ᑖᐋᐧᔨᕽ ᐱᐢᑭᒋᑲᒥᑯᓴ, ᐁᑯᓯ ᑖᐋᐧᔨᕽ ᐅᐦᒋ ᑕᐦᑯᒑᔨᕽ ᐃᓯ. 9ᐁᑯᓯ ᒫᑲ ᑭ ᐃᓯ ᐅᓯᐦᑖᐤ ᐋᐧᐢᑳᐦᐃᑲᐣ ᒥᓇ ᑭ ᑭᓯᑖᐤ; ᐁᑯᓯ ᑭ ᐱᐦᑕᐃᐧ ᐱᒥᑕᑯᒋᑲᓂᑲᑕᒼ ᒥᓇ ᑭ ᓇᐸᑭᑕᑯᑲᑕᒼ ᒫᓯᑭᐢᐠ ᐅᐦᒋ. 10ᑭ ᐅᓯᐦᑖᐤ ᒫᑲ ᐊᓂᐦᐃ ᐋᔮᑭᐧᑕᐃᐧᑲᒥᑲᐧ, ᓇᑲᐦᒑᔨᕽ ᒥᓯᐁᐧ ᐋᐧᐢᑳᐦᐃᑲᐣ, ᓈᓂᔮᓇᐣ ᑯᐱᑕ ᐁ ᐃᐢᐱᒋ ᐃᐢᐹᑭ; ᒫᓯᑭᐢᑳᑎᑯ ᐋᐧᐢᑳᐦᐃᑲᓈᑎᑲᐧ ᒫᑲ ᑭ ᐅᐦᒋ ᐁᓇᐢᑌᐊᐧ ᐋᐧᐢᑲᐦᐃᑲᓂᕽ.
11ᐅᐟ ᐃᑌᐧᐃᐧᓂᔨᐤ ᒫᑲ ᑳ ᑎᐯᔨᐦᒋᑫᔨᐟ ᑭ ᐅᑎᐦᑎᐠ ᓵᓬᐊᒪᐣ, ᐁ ᐃᑎᑯᐟ, 12ᐅᒪ ᐋᐧᐢᑳᐦᐃᑲᐣ ᐅᐦᒋ ᑳ ᐅᓯᐦᑖᔭᐣ, ᑭᐢᐱᐣ ᐱᒧᑖᑐᑕᒪᓂ ᓂ ᑲᑫᐢᑫᐧᐃᐧᓇ ᒥᓇ ᑎᐱᑐᑕᒪᓂ ᓄᔭᓱᐁᐧᐃᐧᓇ, ᒥᓇ ᑲᓀᐧᔨᑕᒪᓂ ᑲᐦᑭᔭᐤ ᓄᔭᓱᐁᐧᐃᐧᓇ ᑭᑕ ᐱᒧᑖᑐᑕᒪᐣ; ᐁᑲᐧ ᑭ ᑲ ᐋᔮᑕᐢᑖᐧᑎᐣ ᓂᐟ ᐃᑌᐧᐃᐧᐣ, ᑳ ᑭ ᐃᑕᐠ ᑌᐱᐟ ᑯᑖᐃᐧ. 13ᒥᓇ ᓂ ᑲ ᐃᐧᒋᐊᔮᒫᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᓇᒪᐃᐧᔭ ᒫᑲ ᓂ ᑲ ᓇᑲᑖᐊᐧᐠ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ.
14ᐁᑯᓯ ᒫᑲ ᓵᓬᐊᒪᐣ ᑭ ᐅᓯᐦᑖᐤ ᐊᓂᒪ ᐋᐧᐢᑳᐦᐃᑲᐣ ᒥᓇ ᑭ ᑭᓯᑖᐤ. 15ᐁ ᐋᐧᐢᑳᐦᐃᑳᑌᐠ ᒫᑲ ᐊᓂᒪ ᐋᐧᐢᑳᐦᐃᑲᐣ ᐱᐦᒑᔨᕽ ᑭ ᓇᐸᑭᑕᑯᑲᑕᒼ ᒫᓯᑭᐢᐠ ᐅᐦᒋ; ᐊᓈᐢᑲᓂᑕᑯᕽ ᐅᐦᒋ ᐱᔨᐢ ᐊᐸᑳᐧᓈᑎᑯᕽ, ᑭ ᓇᐸᑭᑕᑯᑲᑕᒼ ᐱᐦᒋ; ᐁᑯᓯ ᑭ ᐊᓈᐢᑳᓂᑲᑕᒼ ᐋᐧᐢᑲᐦᐃᑲᐣ ᒥᓇᐦᐃᑯ ᓇᐸᑭᑕᑲᐧ. 16#ᐁᐠᓴᑕᐢ 26:33,34ᑭ ᐱᐢᑭᒋᑭᐸᐊᒼ ᒫᑲ ᓂᓯᑕᓇᐤ ᑯᐱᑕ ᐃᐢᑯ ᑭᓯᐸᓄᕽ ᐊᐧᐢᑲᐦᐃᑲᓂᕽ ᒫᓯᑭᐢᐠ ᓇᐸᑭᑕᑲᐧ ᐁ ᐋᐸᒋᐦᑖᐟ ᐊᓈᐢᑳᓂᕽ ᐅᐦᒋ ᐱᒥᑕᑯᒋᑲᓂᕽ ᐃᐢᑯ; ᑭ ᐅᓯᐦᑖᐤ ᐱᐦᒑᔨᕽ ᐃᐧᐦᑕᒫᑫᐃᐧᐣ ᑭᑕ ᐊᔮᐠ, ᐊᓂᒪ ᐅᑎ ᒫᒪᐁᐧᔭᐢ ᑳ ᑲᓈᑕᕽ. 17ᐊᓂᒪ ᒫᑲ ᐋᐧᐢᑳᐦᐃᑲᐣ, ᐊᓂᒪ ᐅᑎ ᑭᐦᒋᐊᔭᒥᐦᐁᐃᐧᑲᒥᐠ ᐃᐢᑯ ᐃᐧᐦᑕᒫᑫᐃᐧᐣ ᑳ ᐊᔮᐠ, ᓀᒥᑕᓇᐤ ᑕᐦᑐ ᑯᐱᑕ ᑭ ᐃᐢᑳᐧᐤ. 18ᑭ ᒫᓯᑭᐢᑭᐊᐧᐣ ᒫᑲ ᐋᐧᐢᑳᐦᐃᑲᐣ ᐱᐦᒑᔨᕽ, ᐁ ᒪᓯᓂᑯᑌᐠ ᐸᐯᐢᑯᒥᓂᑳᓇ ᒥᓇ ᐋᐧᐱᑯᓂᑳᓇ; ᑲᐦᑭᔭᐤ ᑭ ᒫᓯᑭᐢᑭᐊᐧᐣ; ᓇᒪᐋᐧᐨ ᐊᓯᓂ ᓄᑯᓯᐤ. 19ᑭ ᑲᐧᔮᒋᐦᑖᐤ ᒫᑲ ᐃᐧᐦᑕᒫᑫᐃᐧᐣ ᒣᑳᐧ ᐋᐧᐢᑳᐦᐃᑲᓂᕽ ᐱᐦᒑᔨᕽ, ᐁᑯᑕ ᑭᑕ ᐊᐢᑖᐟ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ. 20ᐁᑯᓯ ᐱᐦᒑᔨᕽ ᐊᓂᒪ ᐃᐧᐦᑕᒫᑫᐃᐧᐣ ᑭ ᑕᐋᐧᐤ ᓂᓯᑕᓇᐤ ᑯᐱᑕ ᐁ ᐃᐢᑳᐧᐠ ᒥᓇ ᓂᓯᑕᓇᐤ ᑯᐱᑕ ᐁ ᐃᐢᐱᑕᔭᑲᐢᑳᐠ ᒥᓇ ᓂᓯᑕᓇᐤ ᑯᐱᑕ ᐃᔨᑯᕽ ᐁ ᐃᐢᐹᐠ; ᒥᓯᐁᐧ ᒫᑲ ᐊᐧᐢᑭᐨ ᑭ ᐃᑕᒧᐁᐤ ᒣᒧᐦᒋ ᐅᓵᐃᐧᓱᓂᔮᐊᐧ; ᒥᓇ ᐸᑭᑎᓈᓱᐃᐧᓈᐱᐢᐠ ᒫᓯᑭᐢᐠ ᑭ ᐃᑕᒧᑖᐤ. 21ᐁᑯᓯ ᓵᓬᐊᒪᐣ ᒥᓯᐁᐧ ᐱᒑᔨᕽ ᐋᐧᐢᑳᐦᐃᑲᓂᕽ ᑭ ᐃᑕᒧᐁᐤ ᒣᒧᐦᒋ ᐅᓵᐃᐧᓱᓂᔮᐊᐧ; ᒥᓇ ᐅᓵᐃᐧᓱᓂᔮᐤ ᐱᐋᐧᐱᐢᑯᔮᐱᔭ ᑭ ᐱᒫᐯᑲᒧᑖᐤ ᐅᐦᑎᐢᑲᐤ ᐃᐧᑕᑫᒫᐃᐧᓂᕽ; ᐅᓵᐃᐧ ᓱᓂᔮᐋᐧᐱᐢᐠ ᒫᑲ ᑭ ᐊᐧᐢᑭᑕᒧᑖᐤ. 22#ᐁᐠᓴᑕᐢ 30:1-3ᒥᓯᐁᐧ ᒫᑲ ᐊᓂᒪ ᐋᐧᐢᑳᐦᐃᑲᐣ ᑭ ᐃᑕᒧᐁᐤ ᐅᓵᐃᐧᓱᓂᔮᐊᐧ, ᐱᔨᐢ ᒥᓯᐁᐧ ᐋᐧᐢᑳᐦᐃᑲᐣ ᐁ ᑭᓯᒋᑳᑌᐠ; ᒥᓇ ᒥᓯᐁᐧ ᐸᑭᑎᓈᓱᐃᐧᓈᐱᐢᐠ ᑳ ᐊᔮᐠ ᐃᐧᐦᑕᒫᑫᐃᐧᓂᕽ ᑭ ᐊᐧᐢᑭᑕᒧᑖᐤ ᐅᓵᐃᐧᓱᓂᔮᐋᐧᐱᐢᐠ.
23 #
ᐁᐠᓴᑕᐢ 25:18-20
ᐁᑯᑕ ᒫᑲ ᐃᐧᐦᑕᒫᑫᐃᐧᓂᕽ ᑭ ᐅᓯᐦᐁᐤ ᓂᓱ ᒉᕒᐊᐱᒼ ᐋᓬᐃᑊ ᑐᐋᐧᑎᐠ ᐁ ᐋᐸᒋᐦᑖᐟ ᒫᒥᑖᑕᐦᐟ ᑯᐱᑕ ᐁ ᐋᐃᐢᑯᓯᔨᐟ. 24ᓂᔮᓇᐣ ᑯᐱᑕ ᑭ ᐃᐢᑳᐧᔨᐤ ᐯᔭᐠ ᐅᑕᑕᑲᐧᐣ ᐊᓇ ᒉᕒᐊᑊ, ᐁᑯᓯ ᓂᔮᓇᐣ ᑯᐱᑕ ᑯᑕᐠ ᐅᑕᑕᑲᐧᐣ ᐊᓇ ᒉᕒᐊᑊ; ᑭᓯᐸᓄᕽ ᐅᐦᒋ ᐯᔭᐠ ᐅᑕᑕᑲᐧᐣ ᐃᐢᑯ ᑭᓯᐸᓄᕽ ᐊᓂᒪ ᑯᑕᐠ ᐅᑕᑕᑲᐧᐣ ᒥᑖᑕᐦᐟ ᑯᐱᑕ ᐃᔨᑯᕽ. 25ᐊᓇ ᒫᑲ ᑯᑕᐠ ᒉᕒᐊᑊ ᒥᑖᑕᐦᐟ ᑯᐯᑕ; ᐁ ᐃᓯ ᓂᓯᒋᐠ ᐊᓂᑭ ᒉᕒᐊᐱᒼ ᑭ ᐯᔭᑲᐧᐣ ᐁ ᐃᓯ ᐃᑎᑭᑎᒋᐠ ᒥᓇ ᐁ ᐃᓯᓈᑯᓯᒋᐠ. 26ᐊᓇ ᐯᔭᐠ ᒉᕒᐊᑊ ᒥᑖᑕᐦᐟ ᑯᐱᑕ ᑭ ᐃᐢᑯᓯᐤ ᐁᑯᓯ ᒥᓇ ᐊᓇ ᑯᑕᐠ ᒉᕒᐊᑊ. 27ᑭ ᐊᔦᐤ ᒫᑲ ᐊᓂᐦᐃ ᒉᕒᐊᐱᒼ ᐱᐦᒋ ᐊᓂᒪ ᑳ ᐱᐦᒋᐋᐧᐢᑳᐦᐃᑲᓂᐊᐧᕽ; ᐁᑯᓯ ᑭ ᓱᐃᐧᑕᑕᑲᐧᓀᔨᐊᐧᐠ ᐊᓂᑭ ᒉᕒᐊᐱᒼ ᐁᑯᓯ ᐯᔭᐠ ᑭ ᓵᒥᑕᑕᑲᐧᓀᓯᐣ ᓇᐸᑌ ᐊᓯᒋᑕᐠ, ᒥᓇ ᑯᑕᐠ ᒉᕒᐊᑊ ᑭ ᓵᒥᑕᑕᑲᐧᓀᓯᐣ ᑫᐧᐢᑭᑌ ᐊᓯᒋᑕᐠ; ᑭ ᓵᒥᑕᑕᑲᐧᓀᐢᑳᑐᐊᐧᐠ ᒫᑲ ᑖᐋᐧᔨᕽ ᐋᐧᐢᑳᐦᐃᑲᓂᕽ. 28ᑭ ᐁᐧᐁᐧᑲᒧᐁᐤ ᒫᑲ ᐊᓂᐦᐃ ᒉᕒᐊᐱᒼ ᐅᓵᐃᐧᓱᓂᔮᐊᐧ. 29ᑭ ᒪᓯᓂᑯᑕᒼ ᒫᑲ ᒥᓯᐁᐧ ᐋᐧᐢᑳᐦᐃᑲᐣ ᐱᐦᒑᔨᕽ ᐁ ᒪᓯᓂᑯᑖᐟ ᒉᕒᐊᐱᒼ ᒥᓇ ᐹᒫᑎᑲᐧ ᒥᓇ ᐋᐧᐱᑯᓂᔭ, ᐱᐦᒑᔨᕽ ᒥᓇ ᐊᐧᔭᐃᐧᑎᒫᔨᕽ. 30ᐁ ᐊᓈᐢᑲᑌᐠ ᒫᑲ ᐋᐧᐢᑳᐦᐃᑲᐣ ᒥᓯᐁᐧ ᑭ ᐃᑕᒧᐁᐤ ᐅᓵᐃᐧᓱᓂᔮᐊᐧ, ᐱᐦᒑᔨᕽ ᒥᓇ ᐊᐧᐢᑭᐨ.
31ᐁ ᐊᑎ ᐱᐦᑐᑫᕽ ᒫᑲ ᐊᓂᒪ ᐃᐧᐦᑕᒫᑫᐃᐧᐣ ᑭ ᐅᓯᐦᑖᐤ ᑭᐢᑐᑲᓇ ᐋᓬᐃᐹᑎᐠ; ᑳ ᐱᒥᑖᐢᑯᒧᐠ ᒥᓇ ᐃᐢᑳᐧᑌᒥ ᒋᒪᒋᑲᓇ ᑭ ᐃᐢᐸᔨᐤ ᐯᔭᐠ ᐁ ᑭ ᓂᔮᓇᓄᑖᕽ ᐁ ᐱᒥᒋᑭᐸᐃᑲᑌᐠ. 32ᐁᑯᓯ ᒫᑲ ᑭ ᐅᓯᐦᑖᐤ ᓂᓱ ᑭᐢᑐᑲᓇ ᐋᓬᐃᐹᑎᐠ; ᑭ ᒪᓯᓂᑯᑕᒼ ᒫᑲ ᐁ ᒪᓯᓂᑯᓱᒋᐠ ᒉᕒᐊᐱᒼ ᒥᓇ ᐹᒫᑎᑲᐧᐠ ᒥᓇ ᐋᐧᐱᑯᓂᑳᓇ, ᐁᑯᓯ ᒥᓯᐁᐧ ᑭ ᐃᑕᒧᐁᐤ ᐅᓵᐃᐧᓱᓂᔮᐊᐧ; ᒥᓇ ᐊᓂᐦᐃ ᒥᓯᐁᐧ ᑭ ᐃᑕᒧᐁᐤ ᐅᓵᐃᐧᓱᓂᔮᐊᐧ ᒋᕒᐊᐱᒼ ᒥᓇ ᐊᓂᐦᐃ ᐹᒫᑎᑲᐧ. 33ᐁᑯᓯ ᒫᑲ ᑭ ᐃᓯᑖᐤ ᒥᓇ ᐁ ᐊᑎ ᐱᐦᑐᑫᕽ ᑭᐦᒋᐊᔭᒥᐦᐁᐃᐧᑲᒥᑯᕽ ᐃᐢᑳᐧᑌᒥ ᒋᒪᒋᑲᓇ ᐋᓬᐃᐹᑎᐠ, ᐁ ᐃᐢᐸᔨᐠ ᐯᔭᐠ ᐁ ᑭ ᓀᐅᑖᕽ ᐁ ᐱᒥᒋᑭᐸᐃᑳᑌᐠ; 34ᒥᓇ ᓂᓱ ᑭᐢᑐᑲᓇ ᒥᓇᐦᐃᑳᐧᑎᐠ; ᓂᓴᐧᔭᐠ ᐁ ᔪᑌᓂᑳᑌᐠ ᐊᓂᒪ ᐯᔭᐠ ᐃᐢᑳᐧᑌᒼ ᑭ ᓇᐳᐊᔮᐊᐧ, ᐁᑯᓯ ᓂᓴᐧᔭᐠ ᐁ ᔪᑌᓂᑳᑌᐠ ᐊᓂᒪ ᑯᑕᐠ ᐃᐢᑳᐧᑌᒼ ᑭ ᓇᐳᐊᔮᐊᐧ. 35ᐁᑯᑕ ᒫᑲ ᑭ ᒪᓯᓂᑯᑌᐤ ᒉᕒᐊᐱᒼ ᒥᓇ ᐹᒫᑎᑲᐧ ᒥᓇ ᐋᐧᐱᑯᓂᑳᓇ; ᐁᑯᓯ ᑭ ᐃᑕᒧᐁᐤ ᐅᓵᐃᐧᓱᓂᔮᐊᐧ ᒥᓯᐁᐧ ᐊᓂᒪ ᒪᓯᓂᑯᒋᑲᓂᕽ.
36ᑭ ᐅᓯᐦᑖᐤ ᒫᑲ ᐊᓂᒪ ᓂᐢᑕᒼ ᐊᐧᔭᐃᐧᑎᒫᔨᕽ ᐁ ᐱᐢᑭᑖᔭᐊᐧᕽ ᓂᐢᑖᐧᐤ ᐁ ᐱᒪᐱᒋᐠ ᐁ ᐅᔨᑲᐅᐦᒋᐠ ᐊᓯᓂᔭᐠ, ᒥᓇ ᐯᔭᑳᐧᐤ ᐁ ᐱᒪᐱᒋᐠ ᒫᓯᑭᐢᑳᑎᑲᐧᐠ.
37ᐁ ᐊᑎ ᓀᐅᐊᐢᑭᐊᐧᕽ ᑭ ᐅᔭᐢᑖᓂᐊᐧᐣ ᐅᔭᐢᑲᒥᑭᒋᑲᐣ ᐅ ᐋᐧᐢᑳᐦᐃᑲᐣ ᑳ ᑎᐯᔨᐦᒋᑫᐟ, ᐁ ᒣᑳᐧ ᐊᑭᒥᐦᐟ ᓯᑊ ᐱᓯᒼ. 38ᒥᑖᑕᐦᐟ ᐯᔭᑯᓵᑊ ᒫᑲ ᐁ ᐃᑕᐦᑐ ᐊᐢᑭᐊᐧᕽ, ᐁ ᒣᑳᐧ ᐊᑭᒥᐦᐟ ᐸᓬ ᐱᓯᒼ, ᐁᐊᐧᑯ ᐊᔨᓈᓀᐤ ᐱᓯᒼ ᐁ ᐱᒪᑭᒥᐦᐟ, ᑭ ᑭᓯᒋᑳᑌᐤ ᐊᓂᒪ ᐋᐧᐢᑳᐦᐃᑲᐣ ᒥᓯᐁᐧ ᐁ ᐃᐢᐱᒑᐠ, ᒥᓇ ᒥᓯᐁᐧ ᐁ ᐊᐃᓯᒋᑳᑌᐠ. ᐁᑯᓯ ᒫᑲ ᑌᐸᑯᑊ ᑕᐦᑐ ᐊᐢᑭ ᑭ ᐃᐢᐸᔨᐤ ᐁ ᐅᓯᐦᑖᐟ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 6: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
