ᓂᐢᑕᑦ ᑭᐦᒋ ᐅᑭᒫᐊᐧᐠ 7
7
1ᓵᓬᐊᒪᐣ ᒫᑲ ᐃᐧᔭ ᑎᐱᔭᐤ ᐅ ᐋᐧᐢᑳᐦᐃᑲᐣ ᒥᑖᑕᐦᐟ ᓂᐢᑐᓵᑊ ᑕᐦᑐ ᐊᐢᑭ ᑭ ᐃᐢᐸᔨᐤ, ᐁᑯᓯ ᑭ ᑭᓯᑖᐤ ᒥᓯᐁᐧ ᐅ ᐋᐧᐢᑳᐦᐃᑲᐣ.
2ᒋᑫᒫ ᑭ ᐅᓯᐦᑖᐤ ᐋᐧᐢᑳᐦᐃᑲᐣ ᓬᐁᐱᓇᐣ ᓴᑳᐢᑳᐧᐤ ᐁ ᐅᐦᑎᓂᑳᑌᐠ; ᒥᑖᐦᑐᒥᑕᓇᐤ ᑯᐱᑕ ᑭ ᐃᐢᑳᐧᐤ, ᒥᓇ ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᐱᑕᔭᑲᐢᑳᐤ, ᒥᓇ ᓂᐢᑐᒥᑕᓇᐤ ᑯᐱᑕ ᐃᔨᑯᕽ ᑭ ᐃᐢᐹᐤ, ᓀᐋᐧᐤ ᐁ ᐱᒪᐢᑭᓱᒋᐠ ᒫᓯᑭᐢᐠ ᒋᒪᒋᑲᓇᐠ, ᐁ ᑌᑕᐢᑌᑭ ᒋᒪᒋᑲᓂᕽ ᒫᓯᑭᐢᐠ ᐱᒥᑕᑯᒋᑲᓇ. 3ᑭ ᐊᑲᐧᓇᐦᐃᑳᑌᐤ ᒫᑲ ᒫᓯᑭᐢᐠ ᐅᐦᒋ ᑕᐦᑯᐨ ᐊᓂᐦᐃ ᓀᒥᑕᓇᐤ ᓂᔮᓇᐣ ᐊᔨᐋᐧᐠ ᐱᒥᑕᑯᒋᑲᓇ, ᒋᒥᒋᑲᓂᕽ ᑳ ᑌᑕᐢᑌᑭ; ᒫᒥᑖᑕᐦᐟ ᓂᔮᓇᓄᓵᑊ ᐁ ᒥᓇᐱᒋᐠ. 4ᓂᐢᑖᐧᐤ ᒫᑲ ᑭ ᐱᒥ ᐊᔮᐊᐧ ᐸᐢᐹᐱᐃᐧᓇ, ᐁᑯᓯ ᑖᑎᐱᐢᑯᐨ ᑭ ᐅᐦᒋ ᐋᐧᓭᔮᐤ ᓂᐢᑖᐧᐤ ᐱᒥ. 5ᑲᐦᑭᔭᐤ ᒫᑲ ᐃᐢᑳᐧᑌᒪ ᒥᓇ ᒋᒪᒋᑲᓇ ᑭ ᑲᐦᑲᑫᔮᐊᐧ; ᐁᑯᓯ ᑖᑎᐱᐢᑯᐨ ᑭ ᐋᐧᓭᓇᒫᐃᐧᓂᐊᐧᐣ ᓂᐢᑖᐧᐤ ᐱᒥ.
6ᑭ ᐅᓯᐦᑖᐤ ᒫᑲ ᐊᓂᒪ ᐱᐢᑭᑖᔭᐃᐧᑲᒥᐠ ᒋᒪᒋᑲᓇ ᐅᐦᒋ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ, ᐁᑯᓯ ᓂᐢᑐᒥᑕᓇᐤ ᑭ ᐃᐢᐱᑕᔭᑲᐢᑳᐤ; ᐁᑯᓯ ᑎᐱᐢᑯᐨ ᒥᓇ ᐱᐢᑭᑖᔭᐃᐧᑲᒥᐠ; ᒥᓇ ᒋᒪᒋᑲᓇ ᒥᓇ ᐁ ᑭᐢᐸᑳᑭ ᐱᒥᑕᑯᒋᑲᓇ ᑎᐱᐢᑯᐨ.
7ᑭ ᐅᓯᐦᑖᐤ ᒫᑲ ᐱᐢᑭᑖᔭᐃᐧᑲᒥᐠ ᑭᐦᒋ ᐅᑭᒫᐊᐧᐱᐃᐧᐣ ᑭᑕ ᐊᔮᐠ ᐃᑕ ᑭᑕ ᑭ ᐅᔭᓱᐋᐧᓯᐁᐧᐟ, ᐊᓂᒪ ᐅᑎ ᐅᔭᓱᐊᐧᓯᐁᐧᐃᐧᓂ ᐱᐢᑭᑖᔭᐃᐧᑲᒥᐠ, ᑭ ᓇᐸᑭᑕᑯᑲᑌᐤ ᒫᑲ ᒫᓯᑭᐢᐠ ᐅᐦᒋ ᐁ ᐊᓈᐢᑲᑌᐠ ᐅᐦᒋ ᒥᓴᑳᒣ ᐃᐢᑯ ᒥᓇ ᐁ ᐊᓈᐢᑲᑌᐠ.
8 #
1 ᑭᐦᒋ ᐅᑭᒫᐊᐧᐠ 3:1
ᐅ ᐋᐧᐢᑳᐦᐃᑲᐣ ᒫᑲ ᐃᑕ ᑭᑕ ᐃᐧᑭᐟ, ᐊᓂᒪ ᑯᑕᐠ ᐁ ᐱᐢᑭᐦᒋ ᑕᐋᐧᐠ ᐱᐦᒋ ᐱᐢᑭᑖᔭᐃᐧᑲᒥᑯᕽ, ᐁᑯᓯ ᑫᔮᐱᐨ ᑭ ᐃᓯᒋᑳᑌᐤ. ᑭ ᐅᓯᐦᑕᒪᐁᐧᐤ ᒥᓇ ᐋᐧᐢᑳᐦᐃᑲᐣ ᐯᕒᐅᐊᐧ ᐅᑖᓂᓯᔨᐊᐧ, (ᓵᓬᐊᒪᐣ ᑳ ᑭ ᐅᑎᓂᒫᐟ ᑭᑕ ᐃᐧᐃᐧᐟ,) ᑖᐱᐢᑯᐨ ᐅᒪ ᐱᐢᑭᑖᔭᐃᐧᑲᒥᐠ. 9ᑲᐦᑭᔭᐤ ᐅᐦᐃ ᐁ ᐋᑲᐧᑭᓱᒋᐠ ᐊᓯᓂᔭᐠ, ᐁ ᐅᔨᑲᐦᐃᑳᓱᒋᐠ ᐅᑎ ᐊᓯᓂᔭᐠ, ᑎᐸᐋᐧᐣ ᐁ ᐃᑎᑭᑎᒋᐠ, ᐁ ᑭ ᑭᐢᑭᐳᔨᒋᐠ ᑭᐢᑭᐳᒋᑲᐣ ᐅᐦᒋ, ᐱᐦᒑᔨᕽ ᒥᓇ ᐊᐧᔭᐃᐧᑎᒫᔨᕽ, ᐁᓇᐢᑲᒥᑭᒋᑲᓂᕽ ᐅᐦᒋ ᐊᐸᑳᐧᓂᕽ ᐃᐢᑯ, ᐁᑯᓯ ᐃᓯ ᐊᐧᔭᐃᐧᑎᒫᔨᕽ ᐱᔨᐢ ᑳ ᑭᐦᒋ ᐱᐢᑭᐦᒋᑕᐋᐧᐠ. 10ᐊᓂᒪ ᒫᑲ ᐁᓇᐢᑲᒥᑭᒋᑲᐣ ᐁ ᐋᑲᐧᑭᓱᒋᐠ ᐊᓯᓂᔭᐠ, ᑭᐦᒋ ᐊᓯᓂᔭᐠ ᐅᑎ, ᒥᑖᑕᐟ ᑯᐱᑕ ᐁ ᐃᐢᑯᓯᒋᐠ ᐊᓯᓂᔭᐠ ᒥᓇ ᐊᔨᓈᓀᐤ ᑯᐱᑕ ᐁ ᐃᐢᑯᓯᒋᐠ ᐊᓯᓂᔭᐠ. 11ᐁᑯᓯ ᑕᐦᑯᐨ ᐁ ᐋᑲᐧᑭᓱᒋᐠ ᐊᓯᓂᔭᐠ, ᐁ ᐅᔨᑲᐅᐦᒋᐠ ᐅᑎ ᐊᓯᓂᔭᐠ, ᑎᐸᐋᐣ ᐁ ᐃᑎᑭᑎᒋᐠ, ᒥᓇ ᒫᓯᑭᐢᑳᑎᐠ. 12ᐊᓂᒪ ᒫᑲ ᐁ ᑭᐦᒋ ᐱᐢᑭᐦᒋᑕᐋᐧᐠ ᐋᐧᐢᑳ ᓂᐢᑖᐧᐤ ᑭ ᐱᒫᐱᐊᐧᐠ ᐁ ᐅᔨᑲᐦᐃᑳᓱᒋᐠ ᐊᓯᓂᔭᐠ, ᒥᓇ ᐯᔭᑳᐧᐤ ᐁ ᐱᒪᐱᒋᐠ ᒫᓯᑭᐢᐠ ᐋᐧᐢᑳᐦᐃᑲᓈᑎᑲᐧᐠ; ᑖᐱᐢᑯᐨ ᐊᓂᒪ ᐱᐦᒑᔨᕽ ᑳ ᐱᐢᑭᐦᒋᑕᐋᐧᐠ ᐅ ᐋᐧᐢᑳᐦᐃᑲᐣ ᑳ ᑎᐯᔨᐦᒋᑫᐟ, ᒥᓇ ᐱᐢᑭᑖᔭᐃᐧᑲᒥᐠ ᐋᐧᐢᑳᐦᐃᑲᓂᕽ.
13ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᐃᓯᑎᓴᐦᐅᐁᐧᐤ ᐁᑯᓯ ᑭ ᓈᑎᒫᐊᐧ ᐦᐊᐃᕒᐊᒼ ᑖᔭᕒ ᐅᐦᒋ. 14ᓯᑲᐃᐧᐢᑫᐧᐤ ᐅᑯᓯᓴ ᐁᐊᐧᑯ, ᓈᑊᑕᓬᐊᐩ ᐅ ᐱᐢᑭᑐᑌᐃᐧᓯᐃᐧᐣ ᐅᐦᒋ, ᐁᑯᓯ ᐅᑖᐃᐧᔭ ᑖᔭᕒ ᓈᐯᐤ, ᐅᓴᐋᐧᐱᐢᐠ ᑳ ᐊᑐᐢᑳᑕᕽ, ᑭ ᒧᐢᑭᓀᐢᑳᐠ ᒫᑲ ᐃᔨᓂᓯᐃᐧᐣ ᒥᓇ ᓂᓯᑐᐦᑕᒧᐃᐧᒼ ᒥᓇ ᐁ ᓇᐦᐃᐟ ᑭᑕ ᐊᑐᐢᑳᑕᕽ ᑲᐦᑭᔭᐤ ᐊᑐᐢᑫᐃᐧᐣ ᐅᓵᐋᐧᐱᐢᑯᕽ. ᑭ ᐯ ᓈᑌᐤ ᒫᑲ ᑭᐦᒋ ᐅᑭᒫᐊᐧ ᓵᓬᐊᒪᓇ ᒥᓇ ᑭ ᐊᑐᐢᑳᑕᒣᐧᐤ ᑲᐦᑭᔭᐤ ᐅᐟ ᐊᑐᐢᑫᐃᐧᓂᔨᐤ. 15ᒋᑫᒫ ᑭ ᐅᓯᐦᑖᐤ ᐊᓂᐦᐃ ᓂᓱ ᐅᓵᐋᐧᐱᐢᐠ ᒋᒪᒋᑲᓇ, ᒫᒥᑖᑕᐦᐟ ᐊᔨᓈᓀᐅᓵᑊ ᑯᐱᑕ ᐃᔨᑯᕽ ᐁ ᐃᐢᐹᑭ; ᐁᑯᓯ ᐱᒥᓇᑳᐧᐣ ᒥᑖᑕᐦᐟ ᓂᓱᓵᑊ ᑯᐱᑕ ᐁ ᐃᐢᑳᐧᐯᑲᕽ ᐅᑎᐦᑖᐱᑫᐸᔨᐤ ᑌᑎᑊ. 16ᑭ ᐅᓯᐦᑖᐤ ᒫᑲ ᓂᓱ ᐁ ᐅᐢᑎᑳᐧᓂᑳᒋᑳᑌᑭ ᐁ ᑎᐦᑭᓴᕽ ᐅᓵᐋᐧᐱᐢᑯᔨᐤ ᐅᐦᒋ, ᑭᑕ ᐊᐢᑖᐟ ᑕᐦᑯᐨ ᒋᒪᒋᑲᓂᕽ; ᓂᔮᓇᐣ ᑯᐱᑕ ᐃᔨᑯᕽ ᑭ ᐃᐢᐹᐤ ᐊᓂᒪ ᐯᔭᐠ ᐅᐢᑎᑳᐧᓂᑳᒋᑲᐣ ᐁᑯᓯ ᓂᔮᓇᐣ ᑯᐱᑕ ᐃᔨᑯᕽ ᑭ ᐃᐢᐹᐤ ᐊᓂᒪ ᑯᑕᐠ ᐅᐢᑎᑳᐧᓂᑳᒋᑲᐣ. 17ᑭ ᐊᔮᐊᐧ ᐊᔭᐹᐱᐢᑲᐧ ᐁ ᐋᔮᓯᑌᒋᑳᑌᑭ, ᒥᓇ ᐱᐋᐱᐢᑯᔮᐱᓴ ᐁ ᓂᒪᑯᑌᑭ, ᐊᓂᐦᐃ ᐅᐦᒋ ᐅᐢᑎᑳᐧᓂᑳᒋᑲᓇ ᑕᐦᑯᐨ ᒋᒪᒋᑲᓂᕽ ᑳ ᐊᔮᑭ; ᑌᐸᑯᑊ ᐊᓂᒪ ᐯᔭᐠ ᐅᐢᑎᑳᐧᓂᑳᒋᑲᐣ ᒥᓇ ᑌᐸᑯᑊ ᐊᓂᒪ ᑯᑕᐠ ᐅᐢᑎᑳᐧᓂᑳᒋᑲᐣ. 18ᐁᑯᓯ ᐃᓯ ᒫᑲ ᑭ ᐅᓯᐦᑖᐤ ᐊᓂᐦᐃ ᒋᒪᒋᑲᓇ; ᓂᓵᐧᐤ ᒫᑲ ᑭ ᐱᒪᑯᑌᐊᐧ ᐋᐧᐢᑳ ᐊᓂᒪ ᐯᔭᐠ ᑳ ᐊᔭᐹᐱᐢᑳᐠ, ᑭᑕ ᐊᑲᐧᓇᒧᑭ ᐅᐢᑎᑳᐧᓂᑳᒋᑲᓂᕽ ᑕᐦᑯᐨ ᒋᒪᒋᑲᓂᕽ ᑳ ᐊᔮᑭ; ᐁᑯᓯ ᒫᑲ ᑭ ᐃᑐᑕᒼ ᐊᓂᒪ ᑯᑕᐠ ᐅᐢᑎᑳᐧᓂᑳᒋᑲᐣ. 19ᐊᓂᐦᐃ ᒫᑲ ᐅᐢᑎᑳᐧᓂᑳᒋᑲᓇ ᑳ ᐊᔮᑭ ᑕᐦᑯᐨ ᒋᒪᒋᑲᓇᕽ ᐱᐢᑭᑖᔭᐃᐧᑲᒥᑯᕽ ᐋᐧᐱᑯᓂᑳᓇ ᑭ ᐅᐦᒋ ᐊᐧᐁᐧᓯᒋᑳᑌᐊᐧ ᓀᐤ ᑯᐱᑕ ᐃᔨᑯᕽ. 20ᐁᑯᓯ ᑭ ᐊᔭᐊᐧ ᒥᓇ ᐅᐢᑎᑳᐧᓂᑳᒋᑲᓇ ᐃᐢᐱᒥᕽ ᐃᓯ ᐊᓂᐦᐃ ᓂᓱ ᒋᒪᒋᑲᓇ, ᒋᑭ ᐃᑕ ᐁ ᒧᐦᑳᐠ ᑳ ᐊᑎ ᐅᐦᒋ ᐊᔭᐸᐱᐢᑳᐠ; ᐁᑯᓯ ᓄᑎᒥᒥᓂᑳᓇ ᓂᓵᐧᐤ ᒥᑖᐦᑐᒥᑕᓇᐤ ᑭ ᐃᑕᑎᓇᐧ, ᐁ ᓂᐱᑌᔮᑭ ᐋᐧᐢᑳ ᐊᓂᒪ ᑯᑕᐠ ᐅᐢᑎᑳᐧᓂᑳᒋᑲᐣ. 21ᑭ ᐅᔭᐢᑭᑖᐤ ᒫᑲ ᐊᓂᐦᐃ ᒋᒪᒋᑲᓇ ᐁ ᐱᐢᑭᑖᔭᐃᐧᑲᒥᑯᐊᐧᕽ ᐊᓂᒪ ᑭᐦᒋᐊᔭᒥᐦᐁᐃᐧᑲᒥᐠ; ᐁᑯᓯ ᑭ ᐅᔭᐢᑭᑖᐤ ᐊᓂᒪ ᑭᐦᒋᓂᐢᑭᕽ ᐃᑌᐦᑫ ᒋᒪᒋᑲᐣ, ᑭ ᐃᓯᔨᐦᑳᑕᒼ ᒫᑲ ᒉᑭᐣ; ᒥᓇ ᑭ ᐅᔭᐢᑭᑖᐤ ᐊᓂᒪ ᒋᒥᒋᑲᐣ ᓇᒪᑎᓂᕽ ᐃᑌᐦᑫ ᐳᐋᐢ ᒫᑲ ᑭ ᐃᓯᔨᐦᑳᑕᒼ. 22ᑕᐦᑯᐨ ᒫᑲ ᒋᒪᒋᑲᓂᕽ ᑭ ᐊᐧᐁᐧᓯᒋᑳᑌᐤ ᐋᐧᐱᑯᓂᑳᓇ ᐅᐦᒋ; ᐁᑯᓯ ᑭ ᐃᓯ ᑭᓯᒋᑳᑌᐊᐧ ᐊᓂᐦᐃ ᒋᒪᒋᑲᓇ.
23ᐁᑯᓯ ᑭ ᐅᓯᐦᑖᐤ ᐊᓂᒪ ᑎᐦᑭᓯᑲᓂ ᑭᐦᒋᑲᒥ ᒥᑖᑕᐦᐟ ᑯᐱᑕ ᐁ ᐃᐢᐱᒑᐠ ᑲᐢᑲᒼ ᐁ ᑎᐸᐃᑳᑌᐠ, ᐁ ᐊᐧᐃᐧᔦᔮᐠ, ᐁᑯᓯ ᓂᔮᓇᐣ ᑯᐱᑕ ᐃᔨᑯᕽ ᐁ ᐃᐢᐹᐠ, ᐱᒪᓇᑳᐧᓂᐢ ᒫᑲ ᓂᐢᑐᒥᑕᓇᐤ ᑯᐱᑕ ᐁ ᐃᐢᑳᐧᐯᑲᕽ ᐋᐧᐢᑳᑌᐱᐸᔨᐤ. 24ᓂᐦᒑᔨᕽ ᒫᑲ ᐊᓂᒪ ᐁ ᐋᐧᐢᑳᔮᐠ ᑭ ᐊᔮᐊᐧ ᐸᐯᐢᑯᒥᓂᑳᓇ ᒥᑖᑕᐦᐟ ᐯᔭᐠ ᑯᐱᐟ ᐃᔨᑯᕽ, ᐋᐧᐢᑳ ᒥᑐᓂ ᐊᓂᒪ ᑭᐦᒋᑲᒥ; ᓂᓵᐧᐤ ᐱᒥᐦᑎᓇᐧ, ᑎᐦᑭᓯᑲᓂᕽ ᑭ ᐅᓯᐦᒋᑳᑌᐊᐧ ᐃᐢᐱ ᒫᒪᐃᐧ ᑎᐦᑭᓯᑲᓂᕽ ᐁ ᐅᓯᐦᒋᑳᑌᐠ. 25ᑭ ᑌᑕᐢᑌᐤ ᒥᑖᑕᐦᐟ ᓂᓱᓵᑊ ᒧᐢᑐᓱᑳᓇᐠ, ᓂᐢᑐ ᑭᐁᐧᑎᓄᕽ ᐁ ᐃᑖᐱᒋᐠ, ᒥᓇ ᓂᐢᑐ ᓀᑳᐯᐊᓄᕽ ᐁ ᐃᑖᐱᒋᐠ, ᒥᓇ ᓂᐢᑐ ᓵᐊᐧᓄᑖᕽ ᐁ ᐃᑖᐱᒋᐠ, ᒥᓇ ᓂᐢᑐ ᐋᐧᐸᓄᑖᕽ ᐁ ᐃᑖᐱᒋᐠ; ᐁᑯᓯ ᐊᓂᒪ ᑭᐦᒋᑲᒥ ᑭ ᓇᔭᑕᒪᐧᐠ, ᐅᓱᑲᓂᐋᐧᕽ ᐃᑌᐦᑫ ᐱᐦᒑᔨᕽ ᑭ ᐊᔮᐊᐧᐠ. 26ᐁᐢᐱᑕᔭᑲᐢᑭᒋᐦᒉᕽ ᐃᔨᑯᕽ ᑭ ᑭᐢᐸᑳᐤ; ᐊᓂᒪ ᒫᑲ ᐁ ᐳᓯᐢᑳᐠ ᑭ ᐳᓯᐢᑳᐤ ᑖᐱᐢᑯᐨ ᒥᓂᑳᐧᑲᐣ, ᑖᐱᐢᑯᐨ ᑳ ᐳᓯᐢᑳᐠ ᐋᐧᐱᑯᓂ; ᑭ ᑌᐸᐢᑭᓀᐤ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᑕᐦᑐ ᒪᑲᕽ ᐃᔨᑯᕽ.
27ᑭ ᐅᓯᐦᑖᐤ ᒫᑲ ᐊᓂᐦᐃ ᒥᑖᑕᐦᐟ ᐊᐢᐸᐢᒋᑳᑲᓇ ᐅᓵᐋᐧᐱᐢᐠ ᐅᐦᒋ; ᓀᐤ ᑯᐱᑕ ᑭ ᐃᐢᑳᐧᐤ ᐯᔭᐠ ᐊᐢᐸᐢᒋᑳᐧᑲᐣ, ᒥᓇ ᓀᐤ ᑯᐱᑕ ᑭ ᐃᐢᐱᑕᔭᑲᐢᑳᐤ, ᒥᓇ ᓂᐢᑐ ᑯᐱᑕ ᐃᔨᑯᕽ ᑭ ᐃᐢᐹᐤ. 28ᐅᒥᓯ ᒫᑲ ᑭ ᐃᓯᒋᑳᑌᐊᐧ ᐊᓂᐦᐃ ᐊᐢᐸᐢᒋᑳᑲᓇ; ᑭ ᒪᓯᓂᐢᑳᑌᐊᐧ; ᐊᓂᐦᐃ ᒫᑲ ᐁ ᒪᓯᓂᒋᑳᑌᑭ ᑭ ᐊᔮᐊᐧ ᑕᐢᑕᐋᐧᔨᕽ ᐁ ᐅᓭᒋᑳᑌᑭ; 29ᐃᑕ ᒫᑲ ᑳ ᒪᓯᓂᒋᑳᑌᐠ ᑕᐢᑕᐋᐧᔨᕽ ᑳ ᐅᓭᒋᑳᑌᑭ ᑭ ᐊᔮᐊᐧᐠ ᒥᐢᑕᐦᑫᓯᐊᐧᐠ, ᒧᐢᑐᓴᐧᐠ ᒥᓇ ᒉᕒᐊᐱᒼ; ᐁᑯᓯ ᐃᑕ ᑳ ᐅᓭᒋᑳᑌᑭ ᐃᐢᐱᒥᕽ ᐃᓯ ᑭ ᑳᓯᐢᐳ ᐊᔮᐤ; ᒥᓇ ᑕᐸᓯᐢ ᐃᓯ ᐊᓂᑭ ᒥᐢᑕᐦᑫᓯᐊᐧᐠ ᒥᓇ ᒧᐢᑐᓴᐧᐠ ᑭ ᓂᒪᑯᑌᐊᐧ ᐁ ᐊᔭᐱᓯᒋᑳᑌᐠ. 30ᑲᐦᑭᔭᐤ ᐊᐢᐸᐢᒋᑳᑲᐣ ᑭ ᐊᔮᐤ ᓀᐤ ᐋᐧᐢᑳᐸᔨᓴ ᒥᓇ ᑖᐱᐦᒋᒋᑲᓇ ᐅᓵᐋᐧᐱᐢᐠ; ᐁᑯᓯ ᐁ ᓀᐅᑳᑌᔮᑭ ᑭ ᐊᔮᐊᐧ ᐁ ᓯᐹ ᓇᑲᐦᒋᑎᑭ; ᓯᐹ ᑳᓯᑫᐧᐃᐧᔮᑲᓂᕽ ᑭ ᐊᔭᐋᐧ ᑳ ᓯᐹ ᓇᑲᒋᑎᑭ ᐅᓵᐋᐱᐢᐠ, ᐁ ᓂᒪᑯᑌᑭ ᐋᔨᑕᐤ ᑲᐦᑭᔭᐤ. 31ᐁᑯᓯ ᐁ ᑕᐋᐧᐠ ᐱᐦᒋ ᐅᐢᑎᑳᐧᓂᑳᒋᑲᐣ ᒥᓇ ᐃᐢᐱᒥᕽ ᐃᓯ ᐯᔭᐠ ᑯᐱᐟ; ᐁᑯᓯ ᐊᓂᒪ ᐁ ᑕᐋᐧᐠ ᑭ ᐋᐧᐃᐧᔦᔮᐤ ᑳ ᐃᓯᒋᑳᑌᐠ ᑌᑕᐢᑖᒋᑲᐣ, ᐯᔭᐠ ᑯᐱᐟ ᒥᓇ ᐋᐱᑕᐤ; ᐁᑯᓯ ᒥᓇ ᐃᑕ ᐁ ᑕᐋᐧᐠ ᑭ ᒪᓯᓂᑯᑌᐊᐧ, ᐁᑯᓯ ᐃᑕ ᑳ ᒪᓯᓂᒋᑳᑌᐠ ᑭ ᑲᑲᑫᔮᐤ ᓇᒪᐃᐧᔭ ᐋᐧᐃᐧᔦᔮᐤ. 32ᐊᓂᐦᐃ ᒫᑲ ᓀᐤ ᐋᐧᐢᑳᐸᔨᓴ ᑭ ᐊᔮᐊᐧ ᓯᐹ ᑳ ᐋᐢᑳ ᒪᓯᓂᒋᑳᑌᑭ; ᒥᓇ ᑳ ᑖᐱᑎᑭ ᐋᐢᑳᐸᔨᓯᕽ ᑭ ᐊᔮᐊᐧ ᐊᐢᐸᐢᒋᑳᑲᓂᕽ; ᐯᔭᐠ ᒫᑲ ᐋᐧᐢᑳᐸᔨᐢ ᐯᔭᐠ ᑯᐱᐟ ᒥᓇ ᐋᐱᑕᐤ ᑯᐱᐟ ᐃᔨᑯᕽ ᑭ ᐃᐢᐹᐊᐧ. 33ᐊᓂᐦᐃ ᒫᑲ ᐋᐧᐢᑲᐸᔨᓴ ᑭ ᐃᓯᒋᑳᑌᐊᐧ ᑖᐱᐢᑯᐨ ᑳ ᐋᐧᐢᑳᐸᔨᑭ ᑎᑎᐱᑖᐹᓈᐢᑯᕽ; ᑳ ᑖᐱᑎᑭ, ᒥᓇ ᑳ ᐋᐧᐢᑳ ᐊᔮᑭ, ᒥᓇ ᑳ ᐋᓱᐋᐢᑯᒧᑭ, ᒥᓇ ᐅᑌᐦᐃᑳᒋᑲᓇ, ᑲᐦᑭᔭᐤ ᑎᐦᑭᓯᑲᓂᕽ ᑭ ᐅᓯᐦᒋᑳᑌᐊᐧ. 34ᑭ ᐊᔮᐊᐧ ᒫᑲ ᓀᐤ ᐁ ᓯᐹ ᓇᑲᒋᑎᑭ ᐁ ᓀᐅᑲᑲᑫᔮᑭ ᑲᐦᑭᔭᐤ ᐊᓂᐦᐃ ᐊᐢᐸᐢᒋᑳᑲᓇ; ᐊᓂᐦᐃ ᑳ ᓯᐹᓇᑲᒋᑎᑭ ᑭ ᒫᒪᐊᐧᓇᐧ ᐊᓯᒋ ᐊᓂᒪ ᐊᐢᐸᐢᒋᑳᑲᐣ. 35ᑕᐦᑯᐨ ᒫᑲ ᐊᓂᒪ ᐊᐢᐸᐢᒋᑳᑲᐣ ᑭ ᐋᐧᐢᑳᒋᑳᑌᐤ ᓈᐣᑕᐤ ᐋᐱᑕᐤ ᑯᐱᐟ ᐃᔨᑯᕽ; ᐁᑯᓯ ᑕᐦᑯᐨ ᐊᐢᐸᐢᒋᑳᑲᓂᕽ ᑳ ᓯᑐᓂᑫᒪᑲᐦᑭ ᒥᓇ ᑳ ᐋᐧᐢᑳ ᒪᓯᓂᒋᑲᑌᑭ ᑭ ᒫᒪᐊᐧᓇᐧ. 36ᐁᑯᓯ ᐃᑕ ᐁ ᓇᐸᑳᐱᐢᑯᐊᐧᑭ ᑳ ᓯᑐᓂᑫᒪᑲᐦᑭ, ᒥᓇ ᑳ ᐋᐧᐢᑳ ᐊᔮᑭ ᑭ ᒪᓯᓂᑯᑌᐤ ᒉᕒᐊᐱᒼ, ᒥᓇ ᒥᐢᑕᐦᑫᓯᐊᐧᐠ, ᒥᓇ ᐹᒫᑎᑲᐧ, ᐃᔨᑯᕽ ᐁ ᑕᐋᐧᑭ, ᒥᓇ ᐁ ᓂᒪᑯᑌᑭ ᐋᐧᐢᑳ. 37ᐁᑯᓯ ᐅᒪ ᑭ ᐃᓯᑖᐤ ᐊᓂᐦᐃ ᒥᑖᑕᐦᐟ ᐊᐢᐸᐢᒋᑳᑲᓇ; ᑲᐦᑭᔭᐤ ᑭ ᐯᔭᑲᐧᐣ ᑎᑭᓯᑲᓂᕽ ᐁ ᑭ ᐃᓯ ᐅᓯᐦᒋᑳᑌᑭ, ᒥᓇ ᐁ ᐃᐢᐱᒑᑭ ᒥᓇ ᐁ ᐃᓯᓈᑲᐧᑭ.
38 #
ᐁᐠᓴᑕᐢ 30:17-21
ᐁᑲᐧ ᒫᑲ ᑭ ᐅᓯᐦᑖᐤ ᒥᑖᑕᐦᐟ ᑳᓯᑫᐧᐃᐧᔮᑲᓇ ᐅᓵᐋᐧᐱᐢᐠ ᐅᐦᒋ; ᐯᔭᐠ ᑳᓯᑫᐧᐃᐧᔮᑲᐣ ᓀᒥᑕᓇᐤ ᒪᑲᕽ ᐃᔨᑯᕽ ᐁ ᑌᐸᐢᑭᓀᐠ; ᐁᑯᓯ ᑲᐦᑭᔭᐤ ᑳᓯᑫᐧᐃᐧᔮᑲᓇ ᓀᐤ ᑯᐱᑕ ᑭ ᐃᐢᐱᒑᐊᐧ; ᒥᓇ ᑲᐦᑭᔭᐤ ᐊᓂᐦᐃ ᒥᑖᑕᐦᐟ ᐊᐢᐸᐢᒋᑳᑲᓇ ᑭ ᐊᔮᐊᐧ ᐯᔮᐠ ᑳᓯᑫᐧᐃᐧᔮᑲᐣ. 39ᑭ ᐊᐢᑖᐤ ᒫᑲ ᐊᓂᐦᐃ ᐊᐢᐸᐢᒋᑳᑲᓇ, ᓂᔮᓇᐣ ᑭᐦᒋᓂᐢᑭᕽ ᐃᑌᐦᑫ ᐊᓂᒪ ᐋᐧᐢᑳᐦᐃᑲᐣ, ᒥᓇ ᓂᔮᓇᐣ ᓇᒪᑎᓂᕽ ᐃᑌᑫ ᐊᓂᒪ ᐋᐧᐢᑲᐦᐃᑲᐣ; ᑭ ᐊᐢᑖᐤ ᒫᑲ ᐊᓂᒪ ᑭᐦᒋᑲᒥ ᑭᐦᒋᓂᐢᑭᕽ ᐃᑌᐦᑫ ᐊᓂᒪ ᐋᐧᐢᑳᐦᐃᑲᐣ ᑭᓵᐢᑕᐤ ᐋᐧᐸᓄᑖᕽ ᐃᑌᐦᑫ, ᓵᐋᐧᓄᑖᕽ ᐃᑌᐦᑫ.
40ᐦᐊᐃᕒᐊᒼ ᒫᑲ ᑭ ᐅᓯᐦᑖᐤ ᐊᓂᐦᐃ ᑳᓯᑫᐧᐃᐧᔮᑲᓇ, ᒥᓇ ᑳᐧᐸᐋᐊᐧᑳᓇ, ᒥᓇ ᐊᓯᐋᒋᑲᓇ. ᐁᑯᓯ ᐦᐊᐃᕒᐊᒼ ᑭ ᑭᓯᑖᐤ ᑲᐦᑭᔭᐤ ᐊᑐᐢᑫᐃᐧᐣ ᑳ ᑭ ᐅᓯᐦᑕᒪᐊᐧᐟ ᑭᐦᒋᐅᑭᒪᐊᐧ ᓵᓬᐊᒪᐣ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ; 41ᐊᓂᐦᐃ ᓂᓱ ᒋᒪᒋᑲᓇ, ᒥᓇ ᑳ ᓂᓱ ᓄᑎᒫᑭ ᐅᐢᑎᑳᐧᓂᑳᓇ ᑕᐦᑯᐨ ᒋᒪᒋᑲᓂᕽ ᑳ ᐊᔮᑭ; ᒥᓇ ᑳ ᓂᓱ ᐊᔭᐹᐱᐢᑳᑭ ᐊᐧᐢᑭᐨ ᑳ ᐃᑕᒧᑭ ᐊᓂᐦᐃ ᓂᓱ ᑳ ᓄᑎᒫᑭ ᐅᐢᑎᑳᐧᓂᑳᓇ ᑕᐦᑯᐨ ᒋᒪᒋᑲᓂᕽ ᑳ ᐊᔮᑭ; 42ᒥᓇ ᐊᓂᐦᐃ ᓀᐋᐤ ᒥᑖᐦᑐᒥᑕᓇᐤ ᓄᑎᒥᒥᓂᑳᓇ ᑳ ᐊᔮᑭ ᐊᓂᐦᐃ ᓂᓱ ᐊᔭᐹᐱᐢᑲᐧ; ᓂᓵᐧᐤ ᐁ ᐱᒪᑯᑌᑭ ᓄᑎᒥᒥᓂᑳᓇ ᐯᔭᐠ ᐊᓂᒪ ᐊᔭᐹᐱᐢᐠ, ᐊᐧᐢᑭᐨ ᑳ ᐃᑕᒧᑖᕽ ᐊᓂᐦᐃ ᓂᓱ ᐁ ᓄᑎᒫᑭ ᐅᐢᑎᑳᐧᓂᑳᓇ ᒋᒪᒋᑲᓂᕽ ᑳ ᑭ ᐊᔮᑭ: 43ᒥᓇ ᐊᓂᐦᐃ ᒥᑖᑕᐦᐟ ᐊᐢᐸᐢᒋᑳᑲᓇ, ᒥᓇ ᐊᓂᐦᐃ ᒥᑖᑕᐦᐟ ᑳᓯᑫᐧᐃᐧᔮᑲᓇ ᐊᐢᐸᐢᒋᑳᑲᓂᕽ ᑳ ᐊᔮᑭ; 44ᒥᓇ ᐊᓂᒪ ᐯᔭᐠ ᑭᐦᒋᑲᒥ, ᒥᓇ ᐊᓂᑭ ᒥᑖᑕᐦᐟ ᒧᐢᑐᓴᐧᐠ ᓯᐹ ᑭᐦᒋᑲᒥᕽ; 45ᒥᓇ ᐊᓂᑭ ᐊᐢᑭᑲᐧᐠ, ᒥᓇ ᑳᐧᐸᐋᐊᐧᑳᐧᓇ, ᒥᓇ ᐊᓯᐊᐧᒋᑲᓇ; ᑲᐦᑭᔭᐤ ᐅᐦᐃ ᐊᓯᐊᐧᒋᑲᓇ ᐦᐊᐃᕒᐊᒼ ᑳ ᑭ ᐅᓯᐦᑕᒪᐋᐧᐟ ᑭᐦᒋ ᐅᑭᒫᐊᐧ ᓵᓬᐊᒪᓇ, ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ, ᐁ ᐋᐧᓯᑲᐧᐢᑌᐠ ᐅᓵᐋᐧᐱᐢᐠ ᑭ ᐋᐸᑕᐣ. 46ᐊᓂᑕ ᒑᕒᑕᐣ ᒪᐢᑯᑌᕽ ᑭᐦᒋ ᐅᑭᒫᐤ ᑭ ᐅᓯᐦᑖᐤ ᑎᐦᑭᓯᑲᓂᕽ, ᐋᐧᐸᑐᓂᐢᑭᐢᑳᕽ ᑕᐢᑕᐋᐧᔨᕽ ᓴᑲᐦᐟ ᒥᓇ ᓵᕒᐃᑖᐣ. 47ᓵᓬᐊᒪᐣ ᒫᑲ ᐁᑯᓯ ᐃᓯ ᓇᒪᐃᐧᔭ ᑎᐹᐯᐢᑯᑖᐤ ᐊᓂᐦᐃ ᐊᓯᐊᐧᒋᑲᓇ, ᒋᑫᒫ ᐁ ᐃᓯ ᐅᓵᒣᔭᑎᓂᔨᑭ; ᐁ ᐃᐢᐱᑎᓂᑲᐧᕽ ᐅᓵᐋᐧᐱᐢᐠ ᓇᒪᐃᐧᔭ ᑭ ᑭᐢᑫᔨᑖᑲᐧᐣ.
48 #
ᐁᐠᓴᑕᐢ 30:1-3;
ᐁᐠᓴᑕᐢ 25:23-30
ᓵᓬᐊᒪᐣ ᒫᑲ ᑭ ᐅᓯᐦᑖᐤ ᑲᐦᑭᔭᐤ ᐊᓯᐊᐧᒋᑲᓇ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᑳ ᑭ ᐊᔮᑭ; ᐊᓂᒪ ᐅᓵᐃᐧᓱᓂᔮᐤ ᐸᑭᑎᓈᓱᐃᐧᓈᐱᐢᐠ, ᒥᓇ ᒥᒋᓱᐃᐧᓈᑎᐠ ᐃᑕ ᐊᓇ ᐋᐧᐸᐦᑕᐦᐃᐁᐧᐃᐧ ᐸᐦᑫᐧᓯᑲᐣ ᑳ ᐊᐱᐟ, ᐅᓴᐃᐧᓱᓂᔮᐤ; 49#ᐁᐠᓴᑕᐢ 25:31-40ᒥᓇ ᐊᓂᐦᐃ ᒣᒧᐦᒋ ᐅᓵᐃᐧᓱᓂᔮᐤ ᐋᐧᓴᐢᑯᑌᓇᒫᑲᓈᑎᑲᐧ, ᓂᔮᓇᐣ ᑭᐦᒋᓂᐢᑭᕽ ᐃᑌᐦᑫ, ᒥᓇ ᓂᔮᓇᐣ ᓇᒪᑎᓂᕽ ᐃᑌᐦᑫ, ᐅᐦᑎᐢᑲᐤ ᐊᓂᒪ ᐃᐧᐦᑕᒫᑫᐃᐧᐣ; ᒥᓇ ᐋᐧᐱᑯᓂᑳᓇ, ᒥᓇ ᐋᐧᓴᐢᑯᑌᓂᑲᓇ, ᒥᓇ ᒥᒋᒥᓂᑲᓇ, ᐅᓵᐃᐧᓱᓂᔮᐋᐧᐱᐢᐠ; 50ᒥᓇ ᒥᓂᑳᐧᑲᓇ, ᒥᓇ ᑭᐢᑲᓴᐁᐧᓯᑲᓇ, ᒥᓇ ᐊᓯᐊᐧᒋᑲᓇ, ᒥᓇ ᐁᒥᑳᐧᓇ, ᒥᓇ ᐃᐢᑯᑌᐃᐧᔮᑲᓇ, ᒣᒧᐦᒋ ᐅᓵᐃᐧᓱᓂᔮᐤ; ᒥᓇ ᐃᐢᑳᐧᑌᒥ ᐱᐋᐧᐱᐢᑲᐧ, ᐁ ᐃᐢᑳᐧᑌᒥᐊᐧᕽ ᐱᐦᒋ ᐋᐧᐢᑳᐦᐃᑲᐣ, ᐊᔨᐋᐧᐠ ᑳ ᑲᓈᑕᕽ, ᒥᓇ ᐁ ᐃᐢᑳᐧᑌᒥᐋᐧᕽ ᐋᐧᐢᑳᐦᐃᑲᐣ, ᐊᓂᒪ ᐅᑎ ᑭᐦᒋᐊᔭᒥᐦᐁᐃᐧᑲᒥᐠ ᐅᓵᐃᐧᓱᓂᔮᐤ.
51 #
2 ᓵᒼᔪᐃᓬ 8:11; 1 ᐊᑭᓀ ᐋᒋᒧᐃᐧᓇ 18:11 ᐁᑯᓯ ᐃᓯ ᑲᐦᑭᔭᐤ ᐊᑐᐢᑫᐃᐧᐣ ᑭᐦᒋ ᐅᑭᒫᐤ ᓵᓬᐊᒪᐣ ᑳ ᑭ ᐊᑐᐢᑲᑕᕽ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᔨᐟ ᑭ ᑭᓯᒋᑳᑌᐤ. ᓵᓬᐊᒪᐣ ᒫᑲ ᑭ ᐱᑐᑲᑖᐤ ᐊᓂᐦᐃ ᑌᐱᑕ ᐅᑖᐃᐧᔭ ᑳ ᑭ ᐸᑭᑎᓇᒥᔨᐟ, ᐊᓂᐦᐃ ᐅᑎ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ, ᒥᓇ ᐊᓯᐊᐧᒋᑲᓇ, ᐁᑯᓯ ᑭ ᐊᐢᑖᐤ ᓱᓂᔮᐃᐧᑲᒥᑯᕽ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 7: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
