ᓂᐢᑕᑦ ᑭᐦᒋ ᐅᑭᒫᐊᐧᐠ 5
5
1ᐦᐊᐃᕒᐊᒼ ᒫᑲ ᑖᔭᕒ ᑭᐦᒋ ᐅᑭᒫᐤ ᑭ ᐃᓯᑎᓴᐦᐊᒪᐁᐧᐤ ᐅᐟ ᐊᑐᐢᑫᔮᑲᓇ ᓵᓬᐊᒪᓇ, ᒋᑫᒫ ᑭ ᐯᐦᑕᒼ ᐁ ᑭ ᑐᒥᓂᒥᐦᐟ ᑭᑕ ᑭᐦᒋ ᐅᑭᒫᐃᐧᔨᐟ ᐁ ᑖᐱᐢᑲᒪᐋᐧᔨᐟ ᐅᑖᐃᐧᔨᐊᐧ; ᒋᑫᒫ ᐦᐊᐃᕒᐊᒼ ᑳᑭᑫ ᑭ ᓵᑭᐦᐁᐤ ᑌᐱᑕ. 2ᓵᓬᐊᒪᐣ ᒫᑲ ᑭ ᐃᓯᑎᓴᐦᐊᒪᐁᐧᐤ ᐦᐊᐃᕒᐊᒪ ᐁ ᐃᑖᐟ, 3ᑭ ᑭᐢᑫᔨᑌᐣ ᑌᐱᐟ ᓄᑖᐃᐧ ᐁᑳ ᐁ ᑭ ᐋᐧᐢᑳᐦᐃᑲᓂᑫᐟ ᐃᑕ ᑭᑕ ᐃᐧᒋᑳᓱᔨᐟ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᐁ ᐃᓯ ᐋᐧᐢᑳᐢᑳᑯᐟ ᒥᓯᐁᐧ ᓇᑐᐸᔨᐃᐧᐣ, ᐱᔨᐢ ᐃᔨᑯᕽ ᑳ ᑎᐯᔨᐦᒋᑫᔨᐟ ᐁ ᒥᔨᑯᐟ ᑭᑕ ᑖᑕᑯᐢᑳᑖᐟ. 4ᒫᑲ ᐁᑲᐧ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ ᓂ ᑭ ᒥᔨᐠ ᐯᔭᑕᑭᐊᔮᐃᐧᐣ ᒥᓯᐁᐧ ᐋᐧᐢᑳ; ᓇᒪᐃᐧᔭ ᐃᐦᑖᐤ ᑭᑕ ᐊᐧᓈᐃᐁᐧᐟ ᐊᐦᐳ ᓇᒪᑕᑲᐧᐣ ᒫᔨ ᐃᓯᐦᒋᑫᐃᐧᐣ. 5#2 ᓵᒼᔪᐃᓬ 7:12,13; 1 ᐊᑭᓀ ᐋᒋᒧᐃᐧᓇ 17:11,12ᐁᑯᓯ ᒫᑎᑲ, ᓂᐟ ᐃᑌᔨᑌᐣ ᑭᑕ ᐋᐧᐢᑲᐦᐃᑲᓂᐦᑫᔮᐣ ᐃᑕ ᑭᑕ ᐃᐧᒋᑳᓱᐟ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ, ᑖᐱᐢᑯᐨ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᑌᐱᑕ ᓄᑖᐃᐧᔭ, ᐁ ᐃᑌᐧᐟ, ᑭᑯᓯᐢ ᐊᓇ ᑫ ᐊᐯᐊᐠ ᑭ ᑭᐦᒋ ᐅᑭᒫᐊᐧᐱᐃᐧᓂᕽ ᑫ ᑖᐱᐢᑲᒫᐢᐠ, ᐁᐊᐧᑯ ᑫ ᐅᓯᐦᑖᐟ ᐋᐧᐢᑳᐦᐃᑲᐣ ᓂ ᐃᐧᔪᐃᐧᐣ ᐅᐦᒋ. 6ᐁᑲᐧ ᒫᑲ ᐃᑕᓱᐁᐧ ᑭᑕ ᐅᔨᑲᐊᒪᐃᐧᒋᐠ ᒫᓯᑭᐢᑳᑎᑲᐧ ᓬᐁᐱᓇᓂᕽ ᐅᐦᒋ; ᐁᑯᓯ ᓂᐟ ᐊᑐᐢᑫᔮᑲᓇᐠ ᑭᑕ ᐃᐧᒉᐁᐧᐊᐧᐠ ᑭᐟ ᐊᑐᐢᑫᔮᑲᓇ; ᑭᔭ ᒫᑲ ᑭ ᑲ ᒥᔨᑎᐣ ᑫ ᐅᐦᒋ ᐊᐢᐸᑐᑎᐦᒋᐠ ᑭᐟ ᐊᑐᐢᑫᔮᑲᓇᐠ, ᐱᑭᐧᔨᑯᕽ ᑫ ᐃᑌᐧᐊᐧᓀ; ᒋᑫᒫ ᑭ ᑭᐢᑫᔨᑌᐣ ᐁᑳ ᓂᔭᓈᐣ ᐁ ᐃᐦᑖᐟ ᐊᐃᐧᔭᐠ ᐁ ᑲᐢᑭᑖᐟ ᑭᑕ ᐅᔨᑲᐋᐧᐟ ᒥᐢᑎᑲᐧ ᑖᐱᐢᑯᐨ ᓴᐃᑕᓂᐊᓇᐠ.
7ᑭ ᐃᐦᑭᐣ ᒫᑲ, ᐃᐢᐱ ᐦᐊᐃᕒᐊᒼ ᐱᔦᐦᑕᕽ ᐅᐟ ᐃᑌᐧᐃᐧᓂᔨᐊᐧ ᓵᓬᐊᒪᓇ, ᒥᐢᑕᐦᐃ ᑭ ᒪᒪᐦᑖᑯᓯᐤ, ᒥᓇ ᑭ ᐃᑌᐧᐤ, ᑭᑕ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᐊᓄᐦᐨ ᑳ ᑭᓯᑳᐠ, ᑳ ᑭ ᒥᔮᐟ ᑌᐱᑕ ᐁ ᐃᔨᓂᓯᔨᐟ ᐅᑯᓯᓴ ᑭᑕ ᑎᐯᔨᒫᐟ ᐅᐦᐃ ᑳ ᑭᐦᒑᔨᐃᐧᔨᐟ ᐊᔨᓯᔨᓂᐊᐧ. 8ᐦᐊᐃᕒᐊᒼ ᒫᑲ ᑭ ᐃᓯᑎᓴᐦᐊᒪᐁᐧᐤ ᓵᓬᐊᒪᓇ, ᐁ ᐃᑌᐧᐟ, ᓂ ᑭ ᐯᐦᑌᐣ ᐃᑌᐧᐃᐧᐣ ᑳ ᑭ ᐃᓯᑎᓴᐦᐊᒪᐃᐧᔭᐣ; ᓂ ᑲ ᐃᑐᑌᐣ ᑲᐦᑭᔭᐤ ᑳ ᑭ ᓇᑕᐁᐧᔨᑕᒪᐣ ᐋᐧᐢᑳᐦᐃᑲᓈᑎᑲᐧ ᒫᓯᑭᐢᑳᑎᐠ, ᒥᓇ ᐋᐧᐢᑳᐦᐃᑲᓈᑎᑲᐧ ᒥᓇᐦᐃᑳᐧᑎᐠ. 9ᓂᐟ ᐊᑐᐢᑫᔮᑲᓇᐠ ᑭᑕ ᐯ ᒪᑖᐃᐧᓱᑕᐁᐊᐧᐠ ᑭᐦᒋᑲᒥᕽ ᓬᐁᐱᓇᐣ ᐅᐦᒋ ᐁᑯᓯ ᓂ ᑲ ᒥᐦᑐᑎᑳᐣ ᑭᐦᒋᑲᒥᕽ ᑭᑕ ᐃᑕᐅᑖᕽ ᐃᑕ ᑫ ᐅᔭᑭᑕᒪᐃᐧᐊᐧᓀ, ᐁᑯᑕ ᒫᑲ ᑭᑕ ᐱᑯᓂᑳᑌᐊᐧ, ᐁᑯᓯ ᑭ ᑲ ᐅᑎᓀᐣ; ᑭ ᑲ ᑎᐱᑐᑌᐣ ᒫᑲ ᐁ ᐃᓯ ᓇᑕᐁᐧᔨᑕᒫᐣ, ᑭᐢᐱᐣ ᒣᑭᔭᓂ ᒥᒋᐃᐧᐣ ᑭᑕ ᐋᐸᑕᕽ ᓂ ᐋᐧᐢᑳᐦᐃᑲᓂᕽ. 10ᐁᑯᓯ ᒫᑲ ᐦᐊᐃᕒᐊᒼ ᑭ ᒥᔦᐤ ᓵᓬᐊᒪᓇ ᐋᐧᐢᑳᐦᐃᑲᓈᑎᑲᐧ ᒫᓯᑭᐢᑲᑎᐠ ᒥᓇ ᐋᐧᐢᑳᐦᐃᑲᓇᑎᑲᐧ ᒥᓇᐦᐃᐠ ᐱᑭᐧᔨᑯᕽ ᐁ ᓇᑕᐁᐧᔨᒫᔨᐟ. 11ᓵᓬᐊᒪᐣ ᒫᑲ ᑭ ᒥᔦᐤ ᐦᐊᐃᕒᐊᒪ ᓂᓯᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑭᐦᒋᒪᑲᕽ ᐸᐦᑫᐧᓯᑲᓂᑳᓇ ᑭᑕ ᐅ ᒥᒋᐃᐧᓂᔨᐟ ᐅ ᐋᐧᐢᑳᐦᐃᑲᓂᔨᕽ, ᒥᓇ ᓂᓯᑕᓇᐤ ᑭᐦᒋᒪᑲᕽ ᐁ ᐯᑲᕽ ᐱᒥ; ᐁᑯᓯ ᐅᒪ ᓵᓬᐊᒪᐣ ᑳ ᐃᓯ ᒥᔮᐟ ᐦᐊᐃᕒᐊᒪ ᑕᐦᑐ ᐊᐢᑭ. 12ᑳ ᑎᐯᔨᐦᒋᑫᐟ ᒫᑲ ᑭ ᒥᔦᐤ ᓵᓬᐊᒪᓇ ᐃᔨᓂᓯᐃᐧᐣ ᑳ ᑭ ᐃᓯ ᐊᓱᑕᒪᐋᐧᐟ; ᑭ ᐃᐧᑕᐢᑭᑐᐊᐧᐠ ᒫᑲ ᐦᐊᐃᕒᐊᒼ ᒥᓇ ᓵᓬᐊᒪᐣ; ᐁᑯᓯ ᐁ ᐃᓯ ᓂᓯᒋᐠ ᑭ ᐃᐧᒋᐦᐃᓯᒋᑫᒥᑐᐊᐧᐠ.
13ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᐅᔭᑭᐦᑕᒼ ᐊᑐᐢᑫᐃᐁᐧᐃᐧᐣ ᒥᓯᐁᐧ ᐃᐢᕒᐁᐃᓬᐃᕽ; ᐁᑯᓯ ᑭ ᐊᑐᐢᑲᐋᐊᐧᐠ ᓂᐢᑐᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᓈᐯᐊᐧᐠ. 14#1 ᑭᐦᒋ ᐅᑭᒫᐊᐧᐠ 12:18ᑭ ᐃᓯᑎᓴᐁᐧᐤ ᒫᑲ ᓬᐁᐱᓇᓂᕽ ᒫᒥᑖᑕᐦᐟ ᑭᐦᒋᒥᑖᐦᑐᒥᑕᓇᐤ ᐯᔭᐠ ᐱᓯᒼ ᒫᒥᐢᑯᐨ; ᐯᔭᐠ ᐱᓯᒼ ᑭ ᐊᔮᐊᐧᐠ ᓬᐁᐱᓇᓂᕽ, ᐁᑯᓯ ᓂᓱ ᐱᓯᒼ ᐃᐧᑭᐋᐧᕽ; ᐋᑕᓇᐃᕒᐊᒼ ᒫᑲ ᑭ ᑎᐯᔨᒣᐤ ᐊᓂᐦᐃ ᑳ ᐊᑐᐢᑲᐦᐃᒥᐦᐟ. 15ᓵᓬᐊᒪᐣ ᒫᑲ ᑭ ᐊᔮᐁᐧᐤ ᑌᐸᑯᐦᐳᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑳ ᓇᔭᒋᑫᔨᐟ, ᒥᓇ ᐊᔨᓈᓀᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑳ ᐅᔨᑲᐦᐃᑫᔨᐟ ᐊᐧᒋᕽ; 16ᐋᑕᐃᐧᔭ ᒥᓇ ᑳ ᓂᑳᓀᔨᑖᑯᓯᔨᐟ ᓵᓬᐊᒪᐣ ᐅᑭᒫᓯᓯᒪ ᑳ ᐸᒥᑖᔨᐟ ᐊᑐᐢᑫᐃᐧᐣ, ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓂᐢᑖᐧᐤ ᒥᑖᐦᑐᒥᑕᓇᐤ ᐊᔨᐋᐧᐠ, ᑳ ᑎᐯᔨᒫᔨᐟ ᐊᓂᐦᐃ ᐊᔨᓯᔨᓂᐊᐧ ᑳ ᐊᑐᐢᑳᑕᒥᔨᐟ ᐊᓂᒪ ᐊᑐᐢᑫᐃᐧᐣ. 17ᑭᐦᒋ ᐅᑭᒫᐤ ᒫᑲ ᑭ ᐃᑕᓱᐁᐧᐤ, ᐁᑯᓯ ᑭ ᐅᔨᑲᐁᐧᐊᐧᐠ ᑭᐦᒋᐊᓯᓂᔭ, ᐁ ᐋᑲᐧᑭᐦᒋᑳᓱᔨᐟ ᐊᓯᓂᔭ, ᑭᑕ ᐅᔭᐢᑖᐟ ᐃᑕ ᑭᑕ ᐊᐢᐸᐢᑌᐠ ᐋᐧᐢᑳᐦᐃᑲᐣ ᐁ ᐅᓯᐦᒋᑳᓱᔨᐟ ᐊᓯᓂᔭ ᐁ ᐋᐸᒋᐋᐟ. 18ᓵᓬᐊᒪᐣ ᒫᑲ ᐅᐋᐧᐢᑳᐦᐃᑲᓂᑫᒪ ᒥᓇ ᐦᐊᐃᕒᐊᒼ ᐅᐋᐧᐢᑳᐦᐃᑲᓂᑫᒪ ᒥᓇ ᐊᓂᑭ ᑭᐸᓬᐊᐃᑕᐠ ᑭ ᐋᐧᐁᐧᔨᐁᐊᐧᐠ ᒥᓇ ᑭ ᑲᐧᔮᒋᐁᐊᐧᐠ ᒥᐢᑎᑲᐧ ᒥᓇ ᐊᓯᓂᔭ ᑭᑕ ᐅᓯᐦᑖᒋᐠ ᐋᐧᐢᑳᐦᐃᑲᐣ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
