ᓂᐢᑕᑦ ᑭᐦᒋ ᐅᑭᒫᐊᐧᐠ 13
13
1ᐳᑎ ᒫᑲ ᐁᑯᑕ ᑭ ᐯ ᑕᑯᓯᐣ ᑭᓭᒪᓂᑐ ᐅᐟ ᐊᔨᓯᔨᓂᒪ ᒍᑕ ᐅᐦᒋ ᐁ ᐯᑖᐟ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᐯᐦᑎᓬᐃᕽ; ᒉᕒᐊᐳᐊᒼ ᒫᑲ ᑭ ᓂᐸᐃᐧᐤ ᐸᑭᑎᓈᓱᐃᐧᓈᐱᐢᑯᕽ ᐁ ᐃᐧ ᒪᒍᐢᑌᐊᕽ ᐃᐧᑭᒫᓯᑲᐣ. 2#2 ᑭᐦᒋ ᐅᑭᒫᐊᐧᐠ 23:15,16ᑭ ᑌᐹᐧᑕᒼ ᒫᑲ ᐸᑭᑎᓈᓱᐃᐧᓈᐱᐢᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᐅᒥᓯ ᐁ ᑭ ᐃᑌᐧᐟ, ᐋ ᐸᑭᑎᓇᓱᐃᐧᓈᐱᐢᐠ, ᐸᑭᑎᓈᓱᐃᐧᓈᐱᐢᐠ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᒫᑎᑲ ᐊᐋᐧᓯᐢ ᑭᑕ ᓂᐦᑖᐃᐧᑭᐤ ᐃᐧᑭᕽ ᑌᐱᐟ, ᒍᓵᔭ ᑭᑕ ᐃᓯᔨᐦᑳᓱ; ᐁᑯᓯ ᑕᐦᑯᐨ ᑭᔭ ᑭᑕ ᒪᒍᐢᑌᐁᐧᐤ ᑳ ᐊᔭᒥᐦᐁᐃᐧᔨᓂᐃᐧᒋᐠ ᐃᐢᐹᔭᓄᕽ ᑳ ᒪᒍᐢᑌᐊᑭᐠ ᐃᐧᑭᒫᓯᑲᐣ ᑕᐦᑯᐨ ᑭᔭ, ᐁᑯᓯ ᐊᔨᓯᔨᓂᐃᐧᑲᓇ ᑭᑕ ᒪᒍᐢᑌᐊᒪᐧᐠ ᑕᐦᑯᐨ ᑭᔭ. 3ᑭ ᑭᐢᑭᓇᐋᐧᒋ ᐃᑌᐧᐤ ᒫᑲ ᐁᐊᐧᑳᐧᓂᒪ ᐁ ᑭᓯᑳᔨᐠ, ᐁ ᐃᑌᐧᐟ, ᐁᐊᐧᑯᒪ ᑭᑕ ᑭᐢᑭᓇᐋᐧᑌᔨᑖᑲᐧᕽ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ; ᒫᑎᑲ, ᐸᑭᑎᓈᓱᐃᐧᓈᐱᐢᐠ ᑭᑕ ᑕᐢᑭᐸᔨᐤ, ᒥᓇ ᐱᐦᑯᑌᐤ ᐁᑯᑕ ᑳ ᐊᔮᐠ ᑭᑕ ᑲᐧᔭᑯᐸᔨᐤ. 4ᑭ ᐊᔨᑭᐣ ᒫᑲ ᐃᐢᐱ ᑭᐦᒋ ᐅᑭᒫᐤ ᐱᔦᐦᑕᕽ ᑳ ᐃᑌᐧᔨᐟ ᐊᓂᐦᐃ ᑭᓭᒪᓂᑐ ᐅᐟ ᐊᔨᓯᔨᓂᒪ, ᑳ ᐃᓯ ᑌᐹᐧᑕᒥᔨᐟ ᐊᓂᒪ ᐸᑭᑎᓈᓱᐃᐧᓈᐱᐢᐠ ᐯᐦᑎᓬᐃᕽ, ᒉᕒᐊᐳᐊᒼ ᑭ ᐃᓯᓂᐢᑫᔨᐤ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ, ᐁ ᐃᑌᐧᐟ, ᐅᑎᐦᑎᓂᕽ. ᐁᑯᓯ ᐅᒋᐦᒋ ᑳ ᑭ ᓱᐃᐧᓂᐢᑫᔨᐢᑕᐋᐧᐟ, ᑭ ᐹᐢᑌᔨᐤ, ᐁᑯᓯ ᓇᒪᐃᐧᔭ ᑭ ᐅᒋᓂᐢᑫᔨᐤ. 5ᐊᓂᒪ ᒫᑲ ᐸᑭᑎᓈᓱᐃᐧᓈᐱᐢᐠ ᑭ ᑖᐢᑭᐸᔨᐤ ᒥᓇ ᐱᐦᑯᑌᐤ ᑭ ᑲᐧᔭᑯᐸᔨᐤ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ ᒣᐧᐦᒋ ᐊᓂᒪ ᑳ ᑭ ᐃᓯ ᑭᐢᑭᓇᐋᐧᒋ ᐃᑌᐧᐟ ᐊᓇ ᑭᓭᒪᓂᑐ ᐅᐟ ᐊᔨᓯᔨᓂᒪ ᐅᐟ ᐃᑌᐧᐃᐧᓂᔨᐤ ᐅᐦᒋ ᑳ ᑎᐯᔨᐦᒋᑫᔨᐟ. 6ᑭᐦᒋ ᐅᑭᒫᐤ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᐊᓂᐦᐃ ᑭᓭᒪᓂᑐ ᐅᐟ ᐊᔨᓯᔨᓂᒪ, ᑳᑭᓯᒧᑐᑕᐤ ᐁᑲᐧ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᐊᔭᒥᐦᐁᐢᑕᒪᐃᐧᐣ ᑳᐃᐧ ᒥᓇ ᑭᑕ ᒥᔪᐊᔮᔮᐣ ᐅᒪ ᓂᒋᐦᒋ. ᐊᓇ ᒫᑲ ᑭᓭᒪᓂᑐ ᐅᐟ ᐊᔨᓯᔨᓂᒪ ᑭ ᑳᑭᓯᒧᑐᑕᐁᐧᐤ ᑳ ᑎᐯᔨᐦᒋᑫᔨᐟ, ᐁᑯᓯ ᑭᐦᒋ ᐅᑭᒫᐤ ᐅᒋᐦᒋ ᑭ ᒥᓇᐧᒋᑖᐋᐧᐣ ᐁᑯᓯ ᑭ ᐃᓯ ᐊᔮᔨᐤ ᑖᐱᐢᑯᐨ ᑲᔭᐦᑌ. 7ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐊᓂᐦᐃ ᑭᓭᒪᓂᑐᐊᐧ ᐅᐟ ᐊᔨᓯᔨᓂᒥᔨᐊᐧ, ᐯ ᑭᐁᐧᐃᐧᒉᐃᐧᐣ, ᒥᓇ ᐊᔦᐧᐱᐃᓱ, ᑭ ᑲ ᑎᐸᐦᐊᒫᑎᐣ ᒫᑲ. 8ᐊᓇ ᒫᑲ ᑭᓭᒪᓂᑐ ᐅᐟ ᐊᔨᓯᔨᓂᒪ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᐢᐱᐣ ᐋᑕ ᐋᐱᑕᐤ ᐃᐧ ᒥᔨᔭᐣ ᑭ ᐋᐧᐢᑳᐦᐃᑲᐣ, ᓇᒪᐃᐧᔭ ᑭ ᑲ ᐃᐧᒉᑎᐣ. ᒥᓇ ᓇᒪᐃᐧᔭ ᓂ ᑲ ᒧᐋᐧᐤ ᐸᐦᑫᐧᓯᑲᐣ ᐊᐦᐳ ᓇᒪᐃᐧᔭ ᓂ ᑲ ᒥᓂᑳᐧᐣ ᓂᐱ ᐅᑕ; 9ᒋᑫᒫ ᐁᑯᓯ ᓂ ᑭ ᐃᓯ ᐊᔮᑳᐧᒥᒥᑯᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᐁ ᐃᓯᐟ, ᓇᒪᐃᐧᔭ ᑭ ᑲ ᒧᐋᐧᐤ ᐸᐦᑫᐧᓯᑲᐣ ᐊᐦᐳ ᓇᒪᐃᐧᔭ ᑭ ᑲ ᒥᓂᑳᐧᐣ ᓂᐱ, ᒥᓇ ᐁᑳᐃᐧᔭ ᐃᓯ ᑭᐁᐧ ᐊᓂᒪ ᒣᐢᑲᓇᐤ ᑳ ᑭ ᐯ ᐃᑐᐦᑌᔭᐣ. 10ᐁᑯᓯ ᑯᑕᐠ ᒣᐢᑲᓇᐤ ᑭ ᐊᑎ ᐃᓯ ᑭᐁᐧᐤ, ᓇᒪᐃᐧᔭ ᒫᑲ ᐃᓯ ᑭᐁᐧᐤ ᐊᓂᒪ ᒣᐢᑲᓇᐤ ᑳ ᑭ ᐯ ᐃᑐᐦᑌᐟ ᐯᐦᑎᓬᐃᕽ.
11ᐁᑯᑕ ᒫᑲ ᑭ ᐅᐟ ᐃᐦᑖᐃᐧᓂᐤ ᐯᐦᑎᓬᐃᕽ ᑭᓭᔨᓂᐤ ᐅᑭᐢᑭᐁᐧᐦᐃᑫᐤ; ᐅᑯᓯᓴ ᒫᑲ ᑭ ᐯ ᓇᑕᐃᐧ ᐃᐧᐦᑕᒫᐠ ᑲᐦᑭᔭᐤ ᐊᓂᐦᐃ ᐊᑐᐢᑫᐃᐧᓇ ᑭᓭᒪᓂᑐᐊᐧ ᐅᐟ ᐊᔨᓯᔨᓂᒥᔨᐊᐧ ᑳ ᑭ ᑐᑕᒥᔨᐟ ᐁᑯᐢᐱ ᐁ ᑭᓯᑳᔨᐠ ᐯᐦᑎᓬᐃᕽ; ᐁᑯᓯ ᐃᑌᐧᐃᐧᓇ ᒥᓇ ᑳ ᑭ ᐃᑖᔨᐟ ᑭᐦᒋ ᐅᑭᒫᐊᐧ ᐁᐊᐧᑯᓂ ᒥᓇ ᑭ ᐃᐧᐦᑕᒪᐁᐧᐊᐧᐠ ᐅᑖᐃᐧᐋᐧᐊᐧ. 12ᐅᑖᐃᐧᐋᐧᐊᐧ ᒫᑲ ᑭ ᐃᑎᑲᐧᐠ, ᑖᓂᑌ ᐊᐢᐱᐣ ᑳ ᐊᑎ ᐃᑐᑌᐟ? ᒋᑫᒫ ᐅᑯᓯᓴ ᑭ ᐋᐧᐸᒣᔨᐊᐧ ᐃᑌ ᐁ ᐊᑎ ᐃᑐᐦᑌᔨᐟ ᐊᓂᐦᐃ ᑭᓭᒪᓂᑐᐊᐧ ᐅᐟ ᐊᔨᓯᔨᓂᒥᔨᐊᐧ, ᒍᑕᐃᕽ ᑳ ᑭ ᐯ ᐅᐦᑐᑌᔨᐟ. 13ᐅᒥᓯ ᒫᑲ ᑭ ᐃᑌᐤ ᐅᑯᓯᓴ, ᐊᐢᐸᐱᐃᐧᓂᑲᑕᒪᐃᐧᐠ ᓱᓱᒥᐢᑕᑎᒼ. ᐁᑯᓯ ᑭ ᐊᐢᐸᐱᐃᐧᓂᑲᑕᒫᐠ ᓱᓱᒥᐢᑕᑎᒪᐧ; ᑭ ᑌᐦᑕᐱᐤ ᒫᑲ ᐁᐊᐧᑯᓂ. 14ᑭ ᓄᓴᐃᐧ ᐱᒥᑎᓴᐁᐧᐤ ᒫᑲ ᐊᓂᐦᐃ ᑭᓭᒪᓂᑐ ᐅᐟ ᐊᔨᓯᔨᓂᒪ, ᐁᑯᓯ ᒥᐢᑲᐁᐧᐤ ᐁ ᐊᐱᔨᐟ ᓯᐹᔮᑎᐠ ᒪᐢᑲᐊᐧᑎᑲᐧ; ᑭ ᐃᑌᐤ ᒫᑲ, ᑭᔭ ᒋ ᑭᓭᒪᓂᑐ ᐅᐟ ᐊᔨᓯᔨᓂᒪ ᑳ ᑭ ᐯ ᐅᐦᑐᑌᐟ ᒍᑕᐃᕽ? ᑭ ᐃᑎᐠ ᒫᑲ, ᓂᔭ ᐁᐊᐧᑯ. 15ᐁᑲᐧ ᑭ ᐃᑌᐤ, ᐯ ᑭᐁᐧ ᐃᐧᒉᐃᐧᐣ, ᑭᑕ ᒧᐋᐧᐟ ᐸᐦᑫᐧᓯᑲᐣ. 16ᒫᑲ ᑭ ᐃᑎᐠ, ᓇᒪᐃᐧᔭ ᑭ ᑲ ᑭ ᐃᐧᒉᑎᐣ ᐊᐦᐳ ᓇᒪᐃᐧᔭ ᑭ ᑲ ᑭ ᐱᑐᑳᑎᐣ; ᓇᒪᐃᐧᔭ ᒥᓇ ᑭ ᑲ ᑭ ᐃᐧᒋᒥᒋᓱᒥᑎᐣ ᐸᐦᑫᐧᓯᑲᐣ ᐊᐦᐳ ᓇᒪᐃᐧᔭ ᑭ ᑲ ᑭ ᐃᐧᒋᒥᓂᑫᐧᒥᑎᐣ ᓂᐱ ᐅᑕ; 17ᒋᑫᒫ ᐁᑯᓯ ᓂ ᑭ ᐃᑎᑯᐋᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᓇᒪᐃᐧᔭ ᑭ ᑲ ᒧᐋᐧᐤ ᐸᐦᑫᐧᓯᑲᐣ ᐊᐦᐳ ᓇᒪᐃᐧᔭ ᑭ ᑲ ᒥᓂᑳᐧᐣ ᓂᐱ ᐁᑯᑕ, ᐊᐦᐳ ᓇᒪᐃᐧᔭ ᑭ ᑲ ᐃᓯ ᑭᐋᐧᐣ ᐊᓂᒪ ᒣᐢᑲᓇᐤ ᑳ ᑭ ᐯ ᐃᑐᐦᑌᔭᐣ. 18ᑭ ᐃᑌᐤ ᒫᑲ, ᓂᔭ ᒥᓇ ᓂ ᑭᐢᑭᐁᐧᐦᐃᑫᐃᐧᔨᓂᐃᐧᐣ ᑖᐱᐢᑯᐨ ᑭᔭ; ᐁᑯᓯ ᐅᑭᓯᑯ ᓂ ᑭ ᐃᐧᐦᑕᒫᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᐁ ᐃᑌᐧᐟ, ᐯ ᑭᐁᐧᑕᐋᑲᐣ ᑭ ᐋᐧᐢᑳᐦᐃᑲᓂᕽ ᑭᑕ ᒧᐋᐧᐟ ᐸᐦᑫᐧᓯᑲᓇ ᒥᓇ ᑭᑕ ᒥᓂᐦᑫᐧᐟ ᓂᐱ. ᒫᑲ ᑭ ᑭᔮᐢᑭᑲᐁᐧᐤ. 19ᐁᑯᓯ ᑭ ᑭᐁᐧ ᐃᐧᒉᐃᐧᐠ, ᒥᓇ ᑭ ᒧᐁᐧᔨᐊᐧ ᐸᐦᑫᐧᓯᑲᓇ ᐃᐧᑭᕽ ᒥᓇ ᑭ ᒥᓂᐦᑫᐧᔨᐊᐧ ᓂᐱ.
20ᑭ ᐊᔨᑭᐣ ᒫᑲ ᐁ ᐊᐱᒋᐠ ᒥᒋᓱᐃᐧᓈᑎᑯᕽ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᐅᑎᐦᑎᐠ ᐊᓇ ᐅᑭᐢᑭᐁᐧᐦᐃᑫᐤ ᑳ ᑭ ᐯ ᑭᐁᐧᑕᐋᐟ; 21ᑭ ᑌᐹᐧᑌᐤ ᒫᑲ ᐊᓂᐦᐃ ᑭᓭᒪᓂᑐ ᐅᐟ ᐊᔨᓯᔨᓂᒥᔨᐊᐧ ᒍᑕ ᑳ ᑭ ᐯ ᐅᐦᑐᑌᔨᐟ ᐁ ᐃᑖᐟ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᒋᑫᒫ ᐁ ᑭ ᐋᓀᐧᑕᒪᐧᐟ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᒥᓇ ᐁᑳ ᐁ ᑭ ᐅᐦᒋ ᑲᓀᐧᔨᑕᒪᐧᐟ ᐅ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᐃᑕᓱᐋᑎᐢᐠ, 22ᒫᑲ ᐁ ᑭ ᐯ ᑭᐁᐧᔭᐣ ᐁᑯᓯ ᐁ ᑭ ᒧᐊᐧᐟ ᐸᐦᑫᐧᓯᑲᐣ ᒥᓇ ᐁ ᑭ ᒥᓂᐦᑫᐧᔭᐣ ᓂᐱ ᐃᑕ ᐊᓂᒪ ᑳ ᑭ ᐃᑎᐢᐠ, ᓇᒪᐃᐧᔭ ᑭ ᑲ ᒧᐋᐧᐤ ᐸᐦᑫᐧᓯᑲᐣ ᒥᓇ ᓇᒪᐃᐧᔭ ᑭ ᑲ ᒥᓂᑳᐧᐣ ᓂᐱ; ᑭᔭᐤ ᓇᒪᐃᐧᔭ ᑭᑕ ᐅᑎᐦᑕᒧᒪᑲᐣ ᐅ ᓇᐦᐃᓂᑐᐃᐧᑲᒥᑯᐋᐧᐤ ᑯᑖᐃᐧᔭᐠ. 23ᑭ ᐊᔨᑭᐣ ᒫᑲ ᐃᐢᐱ ᑳ ᒧᐋᐧᔨᐟ ᐸᐦᑫᐧᓯᑲᓇ ᒥᓇ ᑳ ᒥᓂᐦᑫᐧᔨᐟ, ᑭ ᐊᐢᐸᐱᐃᐧᓂᑳᑕᒪᐁᐧᐤ ᓱᓱᒥᐢᑕᑎᒪᐧ, ᐊᓂᐦᐃ ᐅᑎ ᐅᑭᐢᑭᐁᐧᐦᐃᑫᐊᐧ ᑳ ᑭ ᐯ ᑭᐁᐧᑕᐋᐟ. 24ᐃᐢᐱ ᒫᑲ ᑳ ᓯᐯᐧᑌᐟ ᒥᐢᑕᐦᑫᓯᐊᐧ ᑭ ᓇᑭᐢᑳᐠ ᒣᐢᑲᓈᕽ, ᐁᑯᓯ ᐁ ᑭ ᓂᐸᐦᐃᑯᐟ; ᐃᐧᔭᐤ ᒫᑲ ᑭ ᐱᒥᑎᓂᔨᐤ ᒣᐢᑲᓈᕽ ᐊᓇ ᒫᑲ ᓱᓱᒥᐢᑕᑎᒼ ᑭ ᓂᐸᐃᐧᐢᑕᒼ; ᐊᓇ ᒥᓇ ᒥᐢᑕᐦᑫᓯᐤ ᑭ ᓂᐸᐃᐧᐢᑕᒼ ᐊᓂᒪ ᒥᔭᐤ. 25ᐳᑎ ᒫᑲ ᐊᔨᓯᔨᓂᐊᐧᐠ ᑭ ᐱᒧᐦᑌᐊᐧᐠ ᐁᑯᑕ ᐁᑯᓯ ᑭ ᐋᐧᐸᐦᑕᒪᐧᐠ ᐊᓂᒪ ᒥᔭᐤ ᐁ ᐱᒥᑎᓂᔨᐠ ᒣᐢᑲᓈᕽ, ᐁᑯᓯ ᐊᓂᐦᐃ ᒥᐢᑕᐦᑫᓯᐊᐧ ᐁ ᓂᐸᐃᐧᐢᑕᒥᔨᐟ ᐊᓂᒪ ᒥᔭᐤ; ᑭ ᐯ ᐋᑐᑕᒪᐧᐠ ᒫᑲ ᐅᑌᓈᕽ ᐃᑕ ᐊᓂᐦᐃ ᑭᓭᔨᓂᐤ ᐅᑭᐢᑭᐁᐧᐦᐃᑫᐊᐧ ᐁ ᐅᐟ ᐃᐦᑖᐃᐧᓂᔨᐟ.
26ᐃᐢᐱ ᒫᑲ ᐊᓇ ᐅᑭᐢᑭᐁᐧᐦᐃᑫᐤ ᑳ ᑭ ᐯ ᑭᐁᐧᑕᐋᐟ ᒣᐢᑲᓈᕽ ᐅᐦᒋ ᐱᔦᐦᑕᕽ ᐁᐊᐧᑫᐧᔨᐤ, ᑭ ᐃᑌᐧᐤ, ᐁᐊᐧᑳᐧᓇ ᑭᓭᒪᓂᑐ ᐅᐟ ᐊᔨᓯᔨᓂᒪ ᑳ ᑭ ᐋᓀᐧᑕᒫᐧᐟ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ; ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᔨᐟ ᑭ ᐸᑭᑎᓂᐠ ᐊᓂᐦᐃ ᒥᐢᑕᐦᑫᓯᐊᐧ ᑳ ᑭ ᐱᑯᐱᑎᑯᐟ ᒥᓇ ᑳ ᑭ ᓂᐸᐦᐃᑯᐟ, ᐁ ᐃᑕᐢᑌᔨᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑳ ᑭ ᐃᑎᑯᐟ. 27ᑭ ᑭᑐᑌᐤ ᒫᑲ ᐅᑯᓯᓴ ᐁ ᐃᑖᐟ, ᐊᐢᐸᐱᐃᐧᓂᑲᑕᒪᐃᐧᐠ ᓱᓱᒥᐢᑕᑎᒼ. ᑭ ᐊᐢᐸᐱᐃᐧᓂᑲᑕᒫᐠ ᒫᑲ. 28ᑭ ᐃᑐᐦᑌᐤ ᒫᑲ ᐁᑯᓯ ᑭ ᒥᐢᑲᒣᐧᐤ ᐃᐧᔭᐃᐧᔨᐤ ᐁ ᐱᒥᑎᓂᔨᐠ ᒣᐢᑲᓈᕽ, ᐊᓇ ᒫᑲ ᓱᓱᒥᐢᑕᑎᒼ ᒥᓇ ᐊᓇ ᒥᐢᑕᐦᑫᓯᐤ ᐁ ᓂᐸᐃᐧᐢᑕᑭᐠ ᒥᔭᐃᐧᔨᐤ; ᒥᐢᑕᐦᑫᓯᐤ ᐁᑳ ᐁ ᑭ ᐅᐦᒋ ᒥᒋᐟ ᒥᔭᐃᐧᔨᐤ, ᐊᐦᐳ ᐁᑳ ᐁ ᑭ ᐅᐦᒋ ᐱᑯᐱᑖᐟ ᓱᓱᒥᐢᑕᑎᒪᐧ. 29ᐊᓇ ᒫᑲ ᐅᑭᐢᑭᐁᐧᐦᐃᑫᐤ ᑭ ᐅᑎᓇᒼ ᐃᐧᔭᐃᐧᔨᐤ ᐊᓂᐦᐃ ᑭᓭᒪᓂᑐ ᐅᐟ ᐊᔨᓯᔨᓂᒪ, ᒥᓇ ᑭ ᓇᔭᑕᐁᐤ ᓱᓱᒥᐢᑕᑎᒪᐧ ᐁᑯᓯ ᑭ ᐯ ᑭᐁᐧᑕᑖᐤ; ᐊᓇ ᒫᑲ ᑭᓭᔨᓂᐤ ᐅᑭᐢᑭᐁᐧᐦᐃᑫᐤ ᑭ ᐯ ᐃᑐᐦᑌᐤ ᐅᑌᓈᕽ, ᑭᑕ ᒪᐃᐧᑳᑖᐟ ᒥᓇ ᑭᑕ ᓇᐃᓈᐟ. 30ᑭ ᓇᐃᓇᒣᐧᐤ ᒫᑲ ᐃᐧᔭᐃᐧᔨᐤ ᐃᐧᔭ ᑎᐱᔭᐤ ᐅ ᓇᐦᐃᓂᑐᐃᐧᑲᒥᑯᕽ; ᐁᑯᓯ ᑭ ᒪᐃᐧᑳᑌᐊᐧᐠ ᐁ ᐃᑌᐧᒋᐠ, ᐦᐋᐩ, ᐦᐋᐩ, ᓂᒋᐋᐧᒼ! 31ᑭ ᐊᔨᑭᐣ ᒫᑲ ᐃᐢᐱ ᑳ ᓇᐃᓈᐟ, ᑭ ᑭᑐᑌᐤ ᐅᑯᓯᓴ, ᐁ ᐃᑌᐧᐟ, ᐃᐢᐱ ᓂᐱᔮᓂ, ᓇᐦᐃᓂᑫᐠ ᓇᐦᐃᓂᑐᐃᐧᑲᒥᑯᕽ ᐃᑕ ᐊᓇ ᑭᓭᒪᓂᑐ ᐅᐟ ᐊᔨᓯᔨᓂᒪ ᑳ ᓇᐃᓂᐦᐟ; ᐊᐢᑖᑫᐠ ᓂᐢᑲᓇ ᒋᑭ ᐃᐧᔭ ᐅᐢᑲᓇ. 32ᒋᑫᒫ ᐊᓂᒪ ᐃᑌᐧᐃᐧᐣ ᑳ ᑭ ᐃᓯ ᑌᐹᐧᑕᕽ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᐊᓂᒪ ᐸᑭᑎᓈᓱᐃᐧᓈᐱᐢᐠ ᐯᐦᑎᓬᐃᕽ, ᒥᓇ ᑲᐦᑭᔭᐤ ᐋᐧᐢᑳᐦᐃᑲᓇ ᐃᐢᐹᔭᓄᕽ ᓴᒣᕒᐃᔭ ᐅᑌᓈᕽ ᑳ ᐊᔮᑭ ᑫᐦᒋᓈ ᑭᑕ ᑎᐱᐸᔨᐊᐧ.
33ᑳ ᐳᓂᐸᔨᐠ ᐅᒪ ᒉᕒᐊᐳᐊᒼ ᓇᒪᐃᐧᔭ ᑭ ᐳᓂᐦᑖᐤ ᐅ ᒪᒋᐃᓯᒋᑫᐃᐧᐣ, ᒫᑲ ᒥᓇ ᑭ ᐊᔭᒥᐦᐁᐃᐧᔨᓂᑫᐤ ᐃᐢᐹᔭᓄᕽ ᑭᑕ ᐸᒥᑖᓱᔨᐟ; ᐱᑯ ᐊᐃᐧᔭ ᐁ ᓇᑕᐁᐧᔨᑕᒥᔨᐟ ᑭ ᐅᔭᑭᒣᐤ ᐊᔭᒥᐦᐁᐃᐧᔨᓂᐊᐧ ᑭᑕ ᐊᔮᔨᐟ ᐃᐢᐹᔭᓄᕽ. 34ᐅᒪ ᒫᑲ ᑭ ᐊᑎ ᒪᒑᔨᐊᐧᐣ ᐅ ᐋᐧᐢᑳᐦᐃᑲᓂᕽ ᒉᕒᐊᐳᐊᒼ, ᐊᐳᒋᑲ ᑭᑕ ᑭᐢᑲᑕᐃᑲᑌᐠ ᒥᓇ ᑭᑕ ᓂᓯᐊᐧᓈᒋᒋᑳᑌᐠ ᐊᐧᐢᑭᑕᐢᑲᒥᐠ ᐅᐦᒋ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 13: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
