ᓂᐢᑕᑦ ᑭᐦᒋ ᐅᑭᒫᐊᐧᐠ 14
14
1ᐁᑯᐢᐱ ᐊᐸᐃᒐ ᐅᑯᓯᓴ ᒉᕒᐊᐳᐊᒼ ᑭ ᐋᑯᓯᐤ. 2ᐁᑯᓯ ᒉᕒᐊᐳᐊᒼ ᑭ ᐃᑌᐤ ᐃᐧᐊᐧ, ᐸᓯᑯ ᑭ ᐸᑯᓭᔨᒥᑎᐣ, ᒥᓇ ᐋᐦᒋᐃᓯᐦᐅ ᐁᑳ ᑭᑕ ᑭᐢᑫᔨᒥᑲᐃᐧᔭᐣ ᒉᕒᐊᐳᐊᒼ ᐃᐧᐊᐧ; ᐁᑯᓯ ᐃᑐᐦᑌ ᓴᐃᓬᐆᐃᕽ; ᒫᑎᑲ ᐁᑯᑕ ᐊᔮᐤ ᐊᐦᐊᐃᒐ ᐅᑭᐢᑭᐁᐧᐦᐃᑫᐤ, ᐊᓇ ᑳ ᑭ ᐃᐧᐦᑕᒪᐃᐧᐟ ᑭᑕ ᑭ ᑭᐦᒋ ᐅᑭᒫᑲᑖᒫᐠ ᐅᐦᐃ ᐊᔨᓯᔨᓂᐊᐧ. 3ᑕᐦᑯᓂᐠ ᒥᑖᑕᐦᐟ ᐱᓭᐧᐸᑫᐧᓯᑲᓇᐠ, ᒥᓇ ᐋᐧᐃᐧᔦᑲᓯᑲᓇᐠ, ᒥᓇ ᐯᔭᐠ ᐊᓯᐊᐧᒋᑲᐣ ᐋᒧᓯᓯᐹᐢᑲᐧᐟ, ᓇᑕᐋᐧᐸᒼ ᒫᑲ; ᑭ ᑲ ᐃᐧᐦᑕᒪᐠ ᑫ ᐃᓯ ᐊᔮᔨᐟ ᐅᐦᐃ ᐊᐋᐧᓯᓴ. 4ᒉᕒᐊᐳᐊᒼ ᒫᑲ ᐃᐧᐊᐧ ᐁᑯᓯ ᑭ ᐃᑐᑕᒼ, ᑭ ᐸᓯᑯ ᒥᓇ ᑭ ᐃᑐᐦᑌᐤ ᐁᑯᑕ ᓴᐃᓬᐆ, ᐁᑯᓯ ᑭ ᐅᑎᑕᒼ ᐅ ᐋᐧᐢᑲᐦᐃᑲᓂᔨᐤ ᐊᐦᐊᐃᒐᐊᐧ. ᐊᐦᐊᐃᒐ ᒫᑲ ᓇᒪᐃᐧᔭ ᑭ ᐋᐧᐱᐤ; ᒋᑫᒫ ᑭ ᑭᐹᐧᐸᑕᒫᐤ ᐁ ᐃᓯ ᑭᓭᔨᓂᐃᐧᐟ.
5ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᐊᐦᐊᐃᒐᐊᐧ, ᒫᑎᑲ, ᐃᐧᐊᐧ ᒉᕒᐊᐳᐊᒼ ᑭ ᐯ ᓇᑕᐃᐧ ᑲᑫᐧᒋᒥᐠ ᑫᑲᐧᐩ ᐅᑯᓯᓴ ᐅᐦᒋ; ᒋᑫᒫ ᐊᑯᓯᔨᐊᐧ; ᐅᒥᓯ ᒫᑲ ᑭ ᑲ ᐃᑖᐤ, ᒋᑫᒫ ᑭᑕ ᐃᐦᑭᐣ ᐃᐢᐱ ᐯ ᐱᐦᑐᑫᒋ ᑯᑕᐠ ᐃᐢᑫᐧᐤ ᑭᑕ ᐃᐧ ᐃᑌᔨᑖᑯᐃᓱ. 6ᐁᑯᓯ ᒫᑲ ᑭ ᐃᐢᐸᔨᐤ, ᐃᐢᐱ ᐊᐦᐊᐃᒐ ᐱᔦᐦᑕᕽ ᐁ ᐯᑌᐧᐁᐧᓇᒥᔨᐟ, ᐁ ᐯ ᐱᐦᑐᑫᔨᐟ ᐃᐢᑲᐧᑌᒥᕽ, ᑭ ᐃᑌᐧᐤ, ᐯ ᐱᐦᑐᑫ ᑭᔭ ᐃᐧᐊᐧ ᒉᕒᐊᐳᐊᒼ; ᑖᓀᐦᑭ ᑯᑕᐠ ᐃᐢᑫᐧᐤ ᑳ ᐃᐧ ᐃᑌᔨᑖᑯᐃᓱᔭᐣ, ᒋᑫᒫ ᓂᐟ ᐃᓯᑎᓴᐦᐅᑲᐃᐧᐣ ᑭᑕ ᒥᔨᑖᐣ ᐁ ᑯᓯᑲᐧᑭ ᐋᒋᒧᐃᐧᓇ. 7ᓇᑕᐃᐧ ᐃᐧᐦᑕᒪᐤ ᒉᕒᐊᐳᐊᒼ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᐋᑕ ᐁ ᑭ ᐃᐢᐯᔨᑖᑯᐃᑖᐣ ᐊᔨᓯᔨᓂᓈᕽ ᐅᐦᒋ, ᒥᓇ ᐁ ᑭ ᑎᐯᔨᐦᑕᒧᐃᑕᐣ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ, 8ᒥᓇ ᐁ ᑭ ᒪᓂᐱᑕᒫᐣ ᑭᐦᒋ ᐅᑭᒫᐃᐧᐃᐧᐣ ᐅ ᐋᐧᐢᑳᐦᐃᑲᓂᕽ ᑌᐱᐟ ᐅᐦᒋ, ᐁᑯᓯ ᑭᔭ ᐁ ᑭ ᒥᔨᑖᐣ; ᐁᔨᐁᐧᕽ ᓇᒪᐃᐧᔭ ᑭᐟ ᐃᓯ ᐊᔮᐣ ᑖᐱᐢᑯᐨ ᓂ ᐊᑐᐢᑫᔮᑲᐣ ᑌᐱᐟ, ᑳ ᑭ ᑲᓀᔨᑕᕽ ᓂᐟ ᐃᑕᓱᐁᐧᐃᐧᓇ ᒥᓇ ᑳ ᑭ ᐱᒥᑎᓴᐅᐟ ᒥᓯᐁᐧ ᐅᑌᐦᐃᕽ, ᑭᑕ ᐃᑐᑕᒪᐣ ᐊᓂᒪ ᑳ ᑲᐧᔭᐢᑲᐧᕽ ᓂᔭ ᐁ ᐃᓯ ᐋᐧᐸᐦᑕᒫᐣ; 9ᒫᑲ ᐊᔨᐋᐧᐠ ᑭ ᑭ ᒪᒋᑐᑌᐣ ᐃᔨᑯᕽ ᐊᓂᑭ ᓂᑳᐣ ᑳ ᑭ ᐊᔮᒋᐠ, ᐁᑯᓯ ᐁ ᑭ ᓇᑕᐃᐧ ᐅᓯᐦᑕᒫᓱᔭᐣ ᑯᑕᑲᐠ ᒪᓂᑐᐊᐧᐠ, ᒥᓇ ᑎᐦᑭᓯᑲᓂ ᓇᐢᐱᓯᒋᑲᓇᐠ, ᑭᑕ ᑭᓯᐋᐧᐃᔭᐣ, ᒥᓇ ᑭᐢᐱᐢᑲᐧᓂᕽ ᐁ ᑭ ᐃᓯᐁᐧᐱᓂᔭᐣ; 10#1 ᑭᐦᒋ ᐅᑭᒫᐊᐧᐠ 15:29ᐁᑲᐧ ᒫᑎᑲ, ᓂ ᑲ ᐸᑭᑎᓀᐣ ᒫᔨᐊᔮᐃᐧᐣ ᐃᐧᑭᕽ ᒉᕒᐊᐳᐊᒼ, ᒥᓇ ᓂ ᑲ ᑭᐢᑭᐁᐧᐸᐅᒫᐊᐧ ᒉᕒᐊᐳᐊᒼ ᑲᐦᑭᔭᐤ ᓈᐯᐊᐧᐋᐧᓯᓴ, ᒥᓇ ᐊᓇ ᑳ ᑭᐸᐅᐦᐟ ᒥᓇ ᐊᓇ ᑳ ᐃᐢᑯᐃᐦᐟ ᐃᐢᕒᐁᐃᓬᐃᕽ, ᓂ ᑲ ᐁᐧᐸᐊᒫᐧᐣ ᒫᑲ ᑳ ᐃᐢᑯᐸᔨᔨᐠ ᐃᐧᑭ ᒉᕒᐊᐳᐊᒼ, ᑖᐱᐢᑯᐨ ᐊᔨᓯᔨᓂᐤ ᑳ ᐃᓯ ᐁᐧᐱᓇᕽ ᐊᐊᐧᑳᓂ ᐊᐧᔭᐃᐧᐃᐧᓇ ᐱᔨᐢ ᐃᔨᑯᕽ ᐁ ᒣᐦᒋᐁᐧᐸᐊᕽ. 11ᐊᓂᐦᐃ ᑳ ᓂᐱᔨᐟ ᒉᕒᐊᐳᐊᒼ ᐅᐦᒋ ᐅᑌᓈᕽ ᐊᑎᒪᐧᐠ ᑭᑕ ᒧᐁᐧᐊᐧᐠ; ᐁᑯᓯ ᐊᓂᐦᐃ ᑳ ᓂᐱᔨᐟ ᐊᐧᔭᐃᐧᑎᒫᔨᕽ ᐱᔦᓯᓴᐠ ᑳ ᐸᐸᒥᔮᒋᐠ ᑭᑕ ᒧᐁᐧᐊᐧᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᐃᑌᐧᐤ. 12ᐸᓯᑯ ᒫᑲ, ᐃᑐᐦᑌ ᑭᑭᕽ; ᐃᐢᐱ ᒫᑲ ᐱᐦᑐᑫᑕᑯᐢᑫᔭᓂ ᐅᑌᓈᕽ, ᐊᓇ ᐊᐋᐧᓯᐢ ᑭᑕ ᓂᐱᐤ. 13ᑲᐦᑭᔭᐤ ᒫᑲ ᐃᐢᕒᐁᐃᓬ ᑭᑕ ᒪᐃᐧᑳᑌᐊᐧᐠ ᒥᓇ ᑭᑕ ᓇᐦᐃᓀᐊᐧᐠ; ᐊᔨᐢ ᐁᐊᐧᑯ ᐱᑯ ᒉᕒᐊᐳᐊᒼ ᐁ ᐅᐦᒋᐟ ᑭᑕ ᐃᑐᐦᑌᐤ ᔨᑲᐧᐦᐊᐢᑳᓂᕽ, ᒋᑫᒫ ᐃᐧᔭ ᒥᐢᑲᒫᐧᐣ ᐁ ᑭᑭᐢᑳᑯᐟ ᐁ ᒥᔮᐧᑎᓯᐢᑕᐊᐧᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᐃᐢᕒᐁᐃᓬ ᐅ ᐋᐧᐢᑳᐦᐃᑲᓂᕽ ᒉᕒᐊᐳᐊᒼ. 14ᐁᑯᓯ ᒥᓇ ᑳ ᑎᐯᔨᐦᒋᑫᐟ ᑭᑕ ᐸᓯᑯᓇᒫᓱ ᑫ ᑭᐦᒋᐅᑭᒪᑲᑕᐋᐧᔨᐟ ᐃᐢᕒᐁᐃᓬᐊ, ᐁᐊᐧᑯ ᑭᑕ ᑭᐢᑭᐁᐧᐸᐊᒣᐧᐤ ᐅ ᐋᐧᐢᑳᐦᐃᑲᓂᔨᐤ ᒉᕒᐊᐳᐊᒪ ᐁᐊᐧᑳᐧᓂᒪ ᑭᓯᑳᑭ; ᒫᑲ ᑫᑲᐧᐩ? ᐊᐦᐳ ᐊᓄᐦᐨ. 15ᒋᑫᒫ ᑳ ᑎᐯᔨᐦᒋᑫᐟ ᑭᑕ ᐸᑲᒪᐁᐧᐤ ᐃᐢᕒᐁᐃᓬᐊ ᑖᐱᐢᑯᐨ ᐋᓂᐢᑲᐊᐧᐢᐠ ᑳ ᐃᓯ ᓇᓇᒥᐸᔨᐠ ᓂᐱᕽ, ᒥᓇ ᑭᑕ ᒧᓂᒉᐱᑭᑲᐁᐧᐤ ᐃᐢᕒᐁᐃᓬᐊ ᐅᑕ ᒥᔪ ᐊᐢᑭᕽ ᐅᐦᒋ, ᑳ ᑭ ᒥᔨᒫᐟ ᐅᑖᐃᐧᔨᐊᐧ, ᐁᑯᓯ ᑭᑕ ᓯᓭᐧᑎᓴᐁᐧᐤ ᐊᐊᐧᓯᑌᑫᑳᒼ ᓯᐱᕽ, ᒋᑫᒫ ᑭ ᐅᓯᐦᐁᐊᐧᐠ ᐅ ᒪᓂᑐᑳᓂᐋᐧᐊᐧ, ᐁ ᑲᑫᐧ ᑭᓯᐋᐋᒋᐠ ᑳ ᑎᐯᔨᐦᒋᑫᔨᐟ. 16ᑭᑕ ᐸᑭᑎᓀᐤ ᒫᑲ ᐃᐢᕒᐁᐃᓬᐊ ᐅ ᒪᒋᐃᑎᐃᐧᓂᔨᐊᐧ ᐅᐦᒋ ᒉᕒᐊᐳᐊᒪ. ᑳ ᑭ ᒪᒋᑐᑕᕽ ᒥᓇ ᑳ ᑭ ᒪᒋᑐᑕᒧᐋᐟ ᐃᐢᕒᐁᐃᓬᐊ.
17ᐊᓇ ᒫᑲ ᒉᕒᐊᐳᐊᒼ ᐃᐧᐊᐧ ᑭ ᐸᓯᑯ, ᐁᑯᓯ ᑭ ᓯᐯᐧᑌᐤ ᒥᓇ ᑭ ᑕᑯᓯᐣ ᑎᕒᓴᐃᕽ; ᐁ ᐊᑎ ᐅᑎᑕᕽ ᒫᑲ ᐃᐢᑳᐧᑌᒼ ᐋᐧᐢᑲᐦᐃᑲᓂᕽ ᐊᓂᐦᐃ ᐊᐋᐧᓯᓴ ᑭ ᓂᐱᔨᐊᐧ. 18ᑭ ᓇᐦᐃᓀᐊᐧᐠ ᒫᑲ, ᐁᑯᓯ ᑲᐦᑭᔭᐤ ᐃᐢᕒᐁᐃᓬ ᑭ ᒪᐃᐧᑳᑌᐊᐧᐠ, ᑳ ᑭ ᐃᑕᐢᑌᔨᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐋᐟ ᐅᐟ ᐊᑐᐢᑫᔮᑲᓇ ᐊᐦᐊᐃᒐᐊᐧ ᐅᑭᐢᑭᐁᐧᐦᐃᑫᐊᐧ. 19ᑲᐦᑭᔭᐤ ᒫᑲ ᐅᐟ ᐃᓯᐦᒋᑫᐃᐧᓇ ᒉᕒᐊᐳᐊᒼ, ᑳ ᑭ ᐃᓯ ᓄᑎᓂᑫᐟ, ᒥᓇ ᑳ ᑭ ᐃᓯ ᑭᐦᒋ ᐅᑭᒫᑲᑕᕽ, ᒫᑎᑲ ᒪᓯᓇᐃᑳᑌᐊᐧ ᒪᓯᓇᐦᐃᑲᓂᕽ ᑳ ᐊᑭᓀᔮᒋᒥᐦᒋᐠ ᐃᐢᕒᐁᐃᓬ ᑭᐦᒋ ᐅᑭᒫᐊᐧᐠ. 20ᑭᓯᑳᐊᐧ ᒫᑲ ᒉᕒᐊᐳᐊᒼ ᑳ ᑭ ᑭᐦᒋ ᐅᑭᒫᐃᐧᐟ, ᓂᓯᑕᓇᐤ ᓂᓱᓵᑊ ᑕᐦᑐ ᐊᐢᑭ; ᐁᑯᓯ ᑭ ᐃᐧᒋᓂᐹᒣᐤ ᐅᑖᐃᐧᔭ, ᐅᑯᓯᓴ ᓀᑖᑊ ᒫᑲ ᑭ ᐋᓂᐢᑫᐢᑲᒫᐠ ᐁ ᑭᐦᒋ ᐅᑭᒫᐃᐧᔨᐟ.
21ᕒᐃᐦᐋᐳᐊᒼ ᒫᑲ ᐅᑯᓯᓴ ᓵᓬᐊᒪᐣ ᑭ ᑭᐦᒋ ᐅᑭᒫᑲᑕᐁᐧᐤ ᒍᑕ. ᕒᐃᐦᐋᐳᐊᒼ ᓀᒥᑕᓇᐤ ᐯᔭᑯᓵᑊ ᑭ ᐃᑕᐦᑐᐱᐳᓀᐧᐤ ᐃᐢᐱ ᑳ ᒫᒋ ᑭᐦᒋ ᐅᑭᒫᐃᐧᐟ, ᒥᑕᑕᐦᐟ ᑌᐸᑯᐳᓵᑊ ᒫᑲ ᑕᐦᑐ ᐊᐢᑭ ᑭ ᑭᐦᒋ ᐅᑭᒫᐃᐧᐤ ᒉᕒᐅᓴᓬᐊᒥᕽ, ᐊᓂᒪ ᐅᑌᓇᐤ ᑳ ᑎᐯᔨᐦᒋᑫᐟ ᑳ ᑭ ᓇᐊᐧᓱᓇᕽ ᑲᐦᑭᔭᐤ ᐁ ᐃᑕᐦᑐᑌᐃᐧᓯᔨᐟ ᐃᐢᕒᐁᐃᓬᐊ ᐅᐦᒋ ᑭᑕ ᐊᐢᑖᐟ ᐅ ᐃᐧᔪᐃᐧᐣ ᐁᑯᑕ; ᐅᑳᐃᐧᔭ ᒫᑲ ᓀᐊᒪ ᑭ ᐃᓯᔨᐦᑳᓱᔨᐊᐧ ᐋᒪᐣ ᐃᐢᑫᐧᐊᐧ. 22ᒍᑕ ᒫᑲ ᑭ ᐃᑐᑕᒪᐧᐠ ᑳ ᒫᔮᑕᓂᔨᐠ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ ᑭ ᐅᐦᑌᔨᑕᒥᐁᐊᐧᐠ ᒫᑲ ᐅ ᒪᒋᑐᑕᒧᐃᐧᓂᐋᐧᐊᐧ ᐅᐦᒋ ᑳ ᑭ ᐃᑐᑕᐦᑭᐠ, ᐊᔨᐋᐧᐠ ᑲᐦᑭᔭᐤ ᐅᑖᐃᐧᐋᐧᐊᐧ ᑳ ᑭ ᐃᑐᑕᒥᔨᐟ. 23#2 ᑭᐦᒋ ᐅᑭᒫᐊᐧᐠ 17:9,10ᒋᑫᒫ ᐃᐧᔭᐋᐤ ᒥᓇ ᑭ ᐅᓯᐦᑕᒫᓱᐊᐧᐠ ᐃᐢᐹᔭᐊᐧ, ᒥᓇ ᑭᐢᑭᓇᐋᐧᑕᐢᒋᑲᓇ, ᒥᓇ ᒪᓂᑐᑳᓇ, ᑕᐦᑐ ᑳ ᐃᐢᐸᑎᓈᔨᐠ, ᒥᓇ ᓯᐹ ᑳ ᑕᐦᑐ ᐊᐢᑳᑎᑯᐃᐧᔨᐟ ᒥᐢᑎᑲᐧ. 24#ᑎᔪᑕᕒᐊᓇᒥ 23:17ᒥᓇ ᒫᑲ ᓵᑕᒪᐃᑕᐠ ᑭ ᐃᐦᑖᐊᐧᐠ ᐁᑯᑕ ᐊᐢᑭᕽ; ᑭ ᑐᑕᒪᐧᐠ ᒫᑲ ᑲᐦᑭᔭᐤ ᒪᒋᐃᑎᐃᐧᓇ ᑳ ᑭ ᐃᑐᑕᒥᔨᐟ ᐊᔨᓯᔨᓂᐊᐧ ᑳ ᑎᐯᔨᐦᒋᑫᐟ ᑳ ᑭ ᐊᐧᔭᐃᐧᑎᓴᐋᐧᐟ ᐅ ᓂᑳᓂᒥᔨᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
25 #
2 ᐊᑭᓀ ᐋᒋᒧᐃᐧᓇ 12:2-8
ᑭ ᐃᐢᐸᔨᐤ ᒫᑲ ᓂᔮᓇᐣ ᐊᐢᑭ ᐁ ᑭ ᑎᐯᔨᐦᑕᕽ ᑭᐦᒋ ᐅᑭᒫᐤ ᕒᐃᐦᐋᐳᐊᒼ, ᐊᓇ ᓯᓵᐠ ᐃᒋᑊᐟ ᑭᐦᒋ ᐅᑭᒫᐤ ᑭ ᐯ ᒪᐃᐧᓀᐢᑳᒼ ᒉᕒᐅᓴᓬᐊᒼ; 26#1 ᑭᐦᒋ ᐅᑭᒫᐊᐧᐠ 10:16,17; 2 ᐊᑭᓀ ᐋᒋᒧᐃᐧᓇ 9:15,16ᑭ ᓯᐯᐧᑕᑖᐤ ᒫᑲ ᒫᐊᐧᒋᓱᓂᔮᐁᐧᐃᐧᐣ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ, ᒥᓇ ᒫᐊᐧᒋᓱᓂᔮᐁᐧᐃᐧᐣ ᑭᐦᒋ ᐅᑭᒫᐊᐧ ᐅ ᐋᐧᐢᑳᐦᐃᑲᓂᔨᕽ; ᑲᐦᑭᔭᐤ ᑭ ᓯᐯᐧᑕᑖᐤ; ᒥᓇ ᑭ ᓯᐯᐧᑕᑖᐤ ᑲᐦᑭᔭᐤ ᐅᓵᐃᐧᓱᓂᔮᐤ ᐸᐸᐊᑳᐧᓇ ᓵᓬᐊᒪᐣ ᑳ ᑭ ᐅᓯᐦᑖᔨᐟ. 27ᑭᐦᒋ ᐅᑭᒫᐤ ᕒᐃᐦᐋᐳᐊᒼ ᒫᑲ ᒥᐢᑯᐨ ᐅᓵᐋᐧᐱᐢᑯ ᐸᐸᐊᑳᐧᓇ ᑭ ᐅᓯᐦᑖᐤ, ᐁᑯᓯ ᐅᒋᐦᒋᔨᕽ ᑭ ᐸᑭᑎᓇᒪᐁᐧᐤ ᐅ ᓯᒫᑲᓂᓯᐃᐧᑭᒫᒥᔨᐊᐧ ᐅᑲᓇᐁᐧᔨᒥᐁᐧᐊ, ᑳ ᑲᓂᐃᐧᐢᑳᐧᑕᐁᐧᔨᐟ ᑭᐦᒋ ᐅᑭᒫᐊᐧ ᐅ ᐋᐧᐢᑳᐦᐃᑲᓂᔨᕽ. 28ᑭ ᐃᐢᐸᔨᐤ ᒫᑲ, ᑕᐦᑖᐧᐤ ᑭᐦᒋ ᐅᑭᒫᐤ ᐁ ᐃᑐᐦᑌᐟ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ, ᐅᑲᓇᐁᐧᔨᒥᐁᐧᐊᐧ ᑭ ᑕᐦᑯᓇᒥᔨᐊᐧ, ᐁᑯᓯ ᑳᐃᐧ ᒥᓇ ᑭ ᐯ ᑭᐁᐧᑕᑖᔨᐊᐧ ᐊᓱᐃᐧᑲᒥᑯᕽ.
29ᑲᐦᑭᔭᐤ ᒫᑲ ᑯᑕᑲ ᐅᐟ ᐃᓯᐦᒋᑫᐃᐧᓇ ᕒᐃᐦᐋᐳᐊᒼ, ᒥᓇ ᑲᐦᑭᔭᐤ ᑳ ᑭ ᐃᑐᑕᕽ ᓇᒪ ᒋ ᒪᓯᓇᐃᑳᑌᐊᐧ ᒪᓯᓇᐦᐃᑲᓂᕽ ᑳ ᐊᑭᓀᔮᒋᒥᐦᒋᐠ ᒍᑕ ᑭᐦᒋ ᐅᑭᒫᐊᐧᐠ? 30ᑭ ᓇᑐᐸᔨᐢᑖᑐᐊᐧᐠ ᒫᑲ ᕒᐃᐦᐋᐳᐊᒼ ᒥᓇ ᒉᕒᐊᐳᐊᒼ ᑕᐦᑭᓀ. 31ᕒᐃᐦᐋᐳᐊᒼ ᒫᑲ ᑭ ᐃᐧᒋᓂᐹᒣᐤ ᐅᑖᐃᐧᔭ, ᐁᑯᓯ ᑭ ᓇᐃᓈᐤ ᐊᓯᒋ ᐅᑖᐃᐧᐸᓇ ᑌᐱᐟ ᐅᐟ ᐅᑌᓈᕽ; ᐅᑳᐃᐧᔭ ᒫᑲ ᓀᐊᒪ ᑭ ᐃᓯᔨᐦᑳᓱᔨᐊᐧ ᐋᒪᐣ ᐃᐢᑫᐧᐤ. ᐅᑯᓯᓴ ᒫᑲ ᐊᐸᐃᒐᒼ ᑭ ᑭᐦᒋ ᐅᑭᒫᐃᐧᔨᐊᐧ ᐁ ᑖᐱᐢᑲᒫᑯᐟ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
