Micah 3
3
Makaite le Kamsangte Kitai
1Tua ciangin keimah in,
"No Jacob makaite,#Jer 5:5
Israel innkuan gam-ukte aw, ngai un.
Thutang a thei ding note hi lo maw,
2 no a hoih mudah a, a hoih lo a itte aw,
ka mite vunhawka,
a guh tunga satak kheuhkhiate aw;#Ph 53:4; Eze 22:27
3 ka mite’ sa a nete,
a vun uh hawka a guh uh a suzante,#Zep 3:3
sikbeel a kan ding sa satnen bangin satnen a,#Job 24:14
beel sunga suan ding banga a hihte.#Eze 11:7
Thutang thei lo ding na hi uh hiam?" ka ci hi.
4 Tua ciangin amaute TOPA tungah kiko ding uh a,
ahi hangin a dawng kei ding hi.
Amaute gamtatsia uh ahi manin#Eze 8:18
tua hun ciangin amaute panin a maitang a sel ding hi.#Tp 31:17
5 TOPA gen hih ahi hi:
"No kamsangte in
ka mite lam a khialsak,
amaute in an hong vak uh leh
amaute lungnopna tangkosakin#Jer 4:10
hong vak kei uh leh
gal tuah ding na gelkholhsak uh hi.
6 Tua ahi ciangin note tungah mangmuh kholh lohin zan hong tung dinga,
aisanna loin khuamial hong tung ding hi.#Isa 8:19-22
Kamsangte adingin ni tum dinga,#Isa 29:10
amaute adingin sun a mial ding hi.#Eze 7:26
7 Thumute maizum ding uh a,
thugenkholte a lungkim kei ding uh hi.
Pasian in dawng lo ahi manin#Eze 20:3
a vekun a maitang uh a hum ding uh hi," a ci hi.
8 Ahi hangin kei ka hileh
Jacob khialhna le Israel mawhna pulak dingin#Isa 58:1
vangliatna, TOPA Kha le
thutang le hatna tawh
ka kidim ding hi.
9 No Jacob innkuan makaite,
Israel innkuan gam-ukte,
thutang deih lo-a
thumaan a khialin a heite aw za un;
10 Sisan luangsakin Zion na lam uh a,#Jer 22:13; Hab 2:12
kheltatna tawh Jerusalem na lam uh hi.#Eze 22:27
11 Tuanu makaite in golhguk sum tawh thu khen uh a,
ama siampite in thaman ngah nadingin thu hilh uh a,
ama kamsangte in sum ngah nading bekin kam a sang uh hi.
Tua hi napi TOPA tungah kinga-in,
"Eite lakah TOPA om hi lo hiam?
Eite tungah siatna hong tung kei ding hi," ci uh hi.#Jer 7:4
12 Tua ahi ciangin nangma hangin
Zion khua sung lo bangin kikho dinga,
Jerusalem ninkholnapi suakin,#Jer 26:18
biakinnpi omna mual gammang lak a suak ding hi.
Currently Selected:
Micah 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
