Micah 2
2
Mite Gelna le Pasian Gelna
1Lupna tungah gitloh ding a gelgelte aw,#Ph 36:4
gimna nak thuak na nucia!
Amau hih theih ding hun ngah uh ahi manin
zingsang khuavak phetin a semkhia pah uh hi.
2 Amaute in lo a deihgawh uh leh matsak uh a,#Isa 5:8
inn a deihgawh uh leh a laksak uh hi.
Amaute in khembawlin mi inn laksak uh a,#Jer 22:17
a lawmte gouluah a sut uh hi.#Eze 46:18
3 Tua ahi ciangin TOPA in:
"Hih mite tungah gimna tunsak ding ka geela,#Jer 18:11
tua panin na kihonkhia thei kei ding uh hi.
Tuahsiat hun ta ahi manin,
na kiphatsak pai nawn kei ding uh hi.#Isa 2:12
4 Tua ni ciangin mite in note thugentehna-in hong nei ding uh hi;
amaute in hih dahla hong phuah ding uh a:
‘Eite sia dipdep ta hang;#Jer 4:13
ka mite neihsa teng kihawmmang khin.
Amah in kei tung pan lakhia khin!
I lote mi lehhekte tungah a hawmthang zo uh hi,’ ci uh hi," hong ci ding uh hi.
5 Tua ahi ciangin TOPA mite kikhopna ah
ai san-a leitang hawm ding kuamah na nei kei ding uh hi.
Kamsang Zuaute
6 Amau kamsangte in, "Thu gen nawn kei un.
Hih bang thute gen huai lo hi;
tua bangte in ko hong minsiasak zo kei ding hi," a ci uh hi.#Am 2:12; Mic 6:16
7 Jacob innkuante aw, "TOPA Kha heh ahi hiam?
Hihte ama bawl mah ahi hiam?"
kici ding ahi hiam?
"A thutang mite adingin ka thugente
a hoih hi lo ahi hiam?#Ph 15:2; 84:11
8 A nunungna ah gal bangin
ka mite dingto uh hi.
Galdo khina ciahte bangin
note in bangmah khual loin
na kituahpih peuhpeuh uh puantualpite na sut uh hi.
9 Ka mite’ numeite
amau inn nuam panin na hawlkhia uh hi.
Amaute tate tunga ka thuphate
a tawntungin na tansak uh hi.
10 Ding unla paikhia un!
Ahang in, hih lai no khuamun ding hi lo hi;#Tp 12:9
bang hang hiam cih leh
a hoih kik thei nawn lo dingin kisia khin ahi manin munsia ahi hi.#Sp 18:25-29
11 Zuauphuak le mikhem khat hong pai-in,#Jer 5:31
‘No ading zu tampi le zucil a om nadingin kam kong sansak ding hi,’
hong cileh amah hih mite deih kamsang hi lian ve!#Isa 30:10
Hutkhiat ding Kamciam
12 "Jacob aw, note khempeuh kong kaikhawm taktak ding hi;
Israel a baanglaite pel loin kong kaikhawm taktak ding hi.
Lonona muna tuute tuu buk sunga khum bangin
amaute ka puak kik ding hi;
tua mun ah mihing a dim kik ding hi.
13 Amaute lampi a honsakpa amaute mai-ah a pai ding hi;
amaute in kongpi sukhamin pusuakkhia ding uh hi.
A kumpipa uh amaute mai-ah pai-in
TOPA amaute mai-ah a masa ding hi.
Currently Selected:
Micah 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
