Micah 4
4
TOPA’ Mual
1Ni nunung ni ciangin
mualliante lakah TOPA biakinnpi mual
a lianpenin kikoih ding hi;#Zec 8:3
mualneute tungah kilaamto dinga,
mite in a zuan ding uh hi.
2 Minam tampite pai-in,
"Hong pai un, Jacob innkuante’
Pasian’ inn omna TOPA mualtungah kahto ni,#Zec 2:11; 14:16
ama lampi i tot theih nadingin
a lampi hong hilh ding hi," ci ding uh hi.
Zion panin thukham hong paikhia dinga,
Jerusalem panin TOPA kammal hong paikhia ding hi.
3 Mi tampite kikal thu khensak dinga,
gamlapi-a minam thahatte kitotna a vengsak ding hi.#Isa 11:4
Amaute in a namsaute uh lei kalhna tu in sek ding uh a,
a teipite uh heuhna temin a sek ding uh hi.#Joel 3:10
Minam khat le minam khat namsau kiliiksan nawn lo ding uh a,
galsim dingin zong a kisin nawn kei ding uh hi.#Isa 2:1-4
4 Mi peuhmah ama lenggui nuai le
ama theikung nuai-ah tu dinga,
Thahatpen TOPA gensa ahi manin#Isa 1:20; Zec 3:10
kuamah in amaute a lausak kei ding hi.#Sp 26:6
5 Minam khempeuh amau pasian min tekin
a kalsuan ciat ding uh hi;
ei i hileh a tawntungin TOPA eite
Pasian minin i kalsuan den ding hi.
TOPA Geelna
6 TOPA in,
"Tua ni ciangin khebaite ka kaikhawm dinga,
saltaangte le ka dahsak mite
ka gawm ding hi.#Eze 34:13,16; 37:21
7 Khebaite a baanglai-in ka bawl dinga,#Mic 2:12
gamlapi-a minam khauhin ka bawl ding hi.
Tua ni-a kipan Zion mual tungah
TOPA in a uk tawntung ding hi.
8 Tuuhon cinna tausang aw,
Zion tanu’ mun muanhuai a#4.8 Ahikeh mualneu aw,
na kumpi-gam uh no hong kipia kik ding hi;#Isa 1:26
Jerusalem tanu kumpi hi ding hi.
9 Bang hangin nakpi-a kap na hi hiam -
kumpi nei lo na hi hiam?#Jer 8:19
Na thulakte mangthangin,
numeite thuak ngei natna in hong mat tawh kibang hi lo ahi hiam?
10 Zion Tanu aw, numei thuak ngei thuak bangin
na sa-in, kinuai in;
ahang in, khuapi nusia-in gam sungah
giahphual na sat ding hi.
Babylon ah na pai ding hi;#2Ku 20:18
tua lai-ah hong kihukhia ding hi.
Tua lai-ah na galte khut panin
TOPA in nang hong tankhia ding hi.#Isa 48:20
11 Ahi zongin tu-in nang langkhat ah
minam tampite kikhawm uh hi.
Amaute in, "Amah buahsak ni,
i mitin Zion kaikhit ni!" ci uh hi.
12 Ahi hangin amaute in
TOPA ngaihsutna a thei kei uh hi;#Isa 55:8; Ro 11:33-34
ancilna phuala buhphalte khop bangin
kaihkhop dinga a geel ahilam a theitel kei uh hi.
13 Zion Tanu aw, tho inla cil in,
ahang in, sik ki nang kong pia ding hi;
sumngo khepek kong pia dinga,
minam tampite na sikkham zan ding hi," cikhia hi.#Da 2:44
Amaute in a thulam lo-a a ngah khempeuh uh TOPA apin,
leitung khempeuh’ Topa tungah a hauhna uh a ap ding uh hi.
Currently Selected:
Micah 4: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
