Job 17
17
1‘Ka lungsim kitamkham a,
ka nite kitomsakin hankhuk in
kei hong ngak ta hi.#Ph 88:3-4
2 Mi zahkohte in hong umcih taktak uh hi;
amaute hong langneihna mitkhah loin ka en pelmawh ding hi.#Job 6:14; 11:3
3 Pasian aw, nong kalh kiciamna hong pia in.#Ph 35:2
Kua dangin kei adingin bitna hong piaksak ding hiam?#Pn 6:1
4 Amaute theihtelna lungsim na khaksak hi;#Job 12:12
tua ahi ciangin amaute na gualzosak kei ding hi.
5 Mi khat in pahtakman a deih manin#Pk 22:15
a lawmte a lehbawl leh ama tate mit in khua a mu kei ding hi.#Job 11:20
6 "Pasian in mi khempeuh tungah thusia gentehna hong suaksak khin a;#1Ku 9:7
tua mite mai-ah kei hong kicilphih hi.#Ms 12:14
7 Ka dahna hangin ka mit maang a;#Job 16:8
ka guhteng khempeuh niliap bang hi.#Job 2:12
8 Mi thutangte in lamdang sa uh a;
a pasian-milote langah mawhpengte a ding uh hi.
9 Tua hi taleh a thumaante in amau lampite lenkip ding uh a,
amau khut siangthote a thahat toto ding hi.#Ph 84:7
10 "Ahi zongin na vekun hong pai dih un, hanciam lailai un,
no lakah mipil ka mu kei ding hi.#Job 12:2
11 Ka nite bei ta in, ka ngimnate maimang ta a,
ka lungsima ka lunggulhnate om nawn lo hi.#Job 7:6
12 Hih mite in zanhun sun suaksak uh a;#Isa 50:11
amaute in khuamial lakah, ‘Khua vak dek ta hi’ ci uh hi.#Job 5:17
13 Ka inn dinga ka lamet hankhuk a#17.13 Hebrew in Sheol hi-a,#2Sa 14:14
khuamial lakah ka lupna phahin#Ph 139:8
14 siatna kiangah, ‘Ka pa na hi hi,’ ka cih a,#Job 13:28
thante kiangah, ‘Nu aw, ahikeh sanggamnu aw,’ ka cihleh#Job 4:19
15 ka lametna koi-ah om lai hiam?
Kua in kei ading lametna mu thei lai ding hiam?#Ph 31:22
16 Sihna b#17.16 Hebrew in Sheol kongpite ah a paisuk diam?#Job 7:9
Leivui lakah i tuaksuk khawm diam?" a ci hi.#Pc 2:7
Currently Selected:
Job 17: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
