Job 16
16
Job
1Tua ciangin Job in dawng a:
2 "Hih bang thute tampi ka za khin hi;
na vek un a lunggim huai hehnemte hi lel uh teh!#Job 6:15; Ph 69:20
3 A mawkna-in na mutmutna kamte uh bei ngei lo ding hiam?
Hong nasak bang kammal tawh kei hong busimsim lai ding na hi uh hiam?#Job 6:26
4 Note kei dinmunah om le uhcin
kei zong no pau bangin ka pau thei ding hi;
note ka lu hong peisanin note langah
kam hoih nono ka pau thei mah ding hi.
5 Ahi hangin ka kam in note hong hanthawn thei ding hi;
ka muk panin hong hehnemin kong nuamtuamsak ding hi.#Job 29:25
6 "Pau taleng lah ka natna nuamtuam tuan lo a;
ki-iip taleng zong a damsiang tuan kei hi.#Job 6:3
7 Hi takpi hi, Pasian aw, kei nong patkhiasak a;#Thk 8:5
ka innkuan bup nong gamsak hi.#Job 1:19
8 Kei nong hencip khin a - tua mah kei teci a suak hi;
ka gawn’na dingto-in kei langah teci a pang hi.
9 Pasian in kei hong doin, hehin kei hong balkham a,#Job 12:14
a ha hong gawisan hi;#Job 30:21; Ph 35:16
ka langpa in a mitin hong sal gemgam hi.#Job 13:24
10 Mite kamka-in kei hong zahnuihsan uh a;#Ph 22:13
hong zahpihna-un ka paang hong bengin,#Isa 50:6
kei langkhatah kipawl uh hi.#Job 11:3; Ph 27:3
11 Pasian in migilote tungah kei hong pia a,
a kheltatte kepcip dingin hong lawnkhia hi.
12 A nuamsa kimlai kei hong nuaizan a;
ka gawlah hong manin hong nencip hi.#Job 9:17
Muitum in hong nei a;
13 a thalkapte in kei hong umcih uh hi.
Hehpih peuhmah loin ka kalte sunlet uh a,#Job 20:24
leilakah ka sinkha luangkhia hi.
14 Amah in kei hong liamsuah kikkik a,#Job 9:17
galhangpa bangin kei hong ngongbawl hi.#Joel 2:7
15 "Ka vuntungah puanhampi ka khui-a,#Pc 37:34
ka taltang leivui lakah ka phum hi.#Job 2:8
16 Ka kahkahna-in ka mai san a,
ka mitkhu bawk in ka mit a liah hi;#Job 2:7; 17:7
17 tua hi napi, ka khutte ngongtat lo a,#Isa 55:7
ka thungetna a siangtho hi.#Job 6:28
18 "Leitang aw, ka sisan vukcip kei in;#Pc 4:10
ka kikona kikhawlsak kei tapeuh hen!#Job 19:24; Ph 5:2
19 Tu nangawn in vantungah ka teci a om hi;#Pc 31:50; Job 22:12
ka tangdingpa a sangna ah om hi.
20 Kei hong thumsakpa ka lawm a#16.20 Ahikeh ka lawmte in hong simmawh uh hi. hi-a,
tua kawmkawmin Pasian tungah ka khitui ka sungkhia hi;#Ta 2:19
21 Mi khat in a lawmpa ading a thumsak bangin
mi khat tangin amah in Pasian tungah a thumsak hi.#1Ku 8:45
22 "A kileh kik nawn lo dingin
khual ka zin ma-in kum tawmkhat sung bek lah hong bei ding hi.#Job 10:21
Currently Selected:
Job 16: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
