Job 18
18
Bildad
1Tua ciangin Shuh mi Bildad in dawng a:#Job 8:1
2 "Na paupau khawl hun nei lo ding na hiam?#Job 8:2
Khawl hun thei lecin ko kong pau thei pan ding uh hi.
3 Bang hangin bawnghon bangin hong ngaihsun a,#Job 12:7
mihai banga hong seh na hi hiam?#Ph 73:22
4 Na hehna hangin nang le nang a kibalnen na suak hi;
nang tangin leitung kinusia ding ahi hiam?
Ahikeh suangtumte a omna pan kilikkhia ding ahi hiam?
5 "A gilopa’ meivak kisukmitsak hi;#Job 21:17
ama mei kuanglai mit hi.#Job 12:25
6 A puanbuk khuavak mial a;#Job 5:14
a kianga meivak a mit hi.#Job 11:17
7 A kalsuan ziauziauna kithakiasak a,#Ph 18:36
ama tupnate in amah sawnpuk hi.#Job 15:6
8 A khe in len sungah sawnpai a,
a kekna vang zongin a vak kawikawi hi.
9 Thang in a khetul ah mana,
thangkhau in gakcip hi.#Pn 5:22
10 Amah siahna khaukual leitungah kisin khinkhian a,#Pn 7:22
a lampi ah thang kisiah hi.#Ph 140:5
11 A kim a pam ah lauhuaina in amah panga,#Job 15:21
a kalsuanna citengah a sulzuih hi.
12 Tuahsiatna in amah ngaklah a;
a puk cianga a siat nading lauhuaina in amah ngak gige hi.#Job 15:23
13 Tua in a vun khenkhat ne mang a,
sihna tacil in a khut a khete a nawmvalh hi.#Zec 14:12
14 A puanbuk muanhuaina pan amah kibalzan a,#Job 8:22
lauhuaina’ kumpipa lam zuanin kipaikhiatpih hi.#Job 15:24
15 Mei in a puanbuk tenden c#18.15 Ahikeh amah in bangmah nei nawn lo ding a a;#Job 20:26
a tenna tung tengah kaatkuang kitheh hi.#Pc 19:24
16 A nuai-ah a thaguite keucip a,
a tunga hiangte a keugaw hi.#Isa 5:24
17 Amah kiphawkna leitung panin mangthang a;#Tp 32:26
leitungah min a nei kei hi.
18 Khuavak panin khuamial ah amah kihawlkhia a,#Job 5:14
leitung panin kidelhkhia hi.#Job 11:20
19 Ama mite lakah suan le khak ahikeh gui nei lo a,#Ph 21:10; 37:28
a tenna ah a khuasuak kuamah a om nawn kei hi.#2Ku 10:11
20 Nitumna-lam mite ama hangin lauthawng uh a,#Ph 37:13
nisuahna-lam mite linglawng uh hi.
21 Migilote tenna tua bang hitakpi a;#Isa 57:20
Pasian a theilote mun tua bang ahi hi," a ci hi.
Currently Selected:
Job 18: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
