Job 15
15
Aliphaz
1Tua ciangin Teman mi Eliphaz in dawng a:#Job 4:1
2 "Mipil khat in a cihnopna kithei lopi in mi dawng ngei ahi hiam,
ahikeh nisuahna huih-sa in a gilpi vahsak ding hiam?#Pc 41:6
3 Kimanna nei lo kammalin mi sel a,
phattuamna om lopi kampau ahi hiam?#Ne 4:2-3
4 Ahi hangin nang, biakna-mi hih ding na sumai-a,
Pasian tunga ki-ap ding na dal hi.#Job 25:6
5 Na mawhna in na kam manlangsak a;#Job 11:6
khembawlna leii na zang hi.#Job 5:13
6 Na kam in kei hong mawhpaih loin nang hong mawhpaih hi;
na langkhatah na muk in teci pang hi.#Job 9:15
7 "Nang bek mihing a piang kisa na hi hiam?#Job 38:21
Mualte pianma-in hong kibawl khia khin ahi hiam?#1Sa 2:8
8 Pasian vaihawmna zasim na hi hiam?#Job 29:4; Isa 9:6
Nang bek pilna nei na hi hiam?#Job 12:2
9 Kote theih loh bang thei na hi hiam?
Kote neih zawh loh bang thugil nei na hi hiam?
10 Na pa sang nangawn-a upazaw#2Kh 10:6
khangham-a samkangte ko lamah pang uh hi.#Job 12:12
11 Pasian in nang hong hehnem a#Pc 37:35
kamkhuma hong hopihnasa kicing sa nai lo na hiam?#Tp 8:3
12 Bang hangin na lungtang in hong pimang a,#Job 11:13
mit sat khapkhap in
13 Pasian tungah tua bang hehluatna kam#Pn 29:11
na muk panin paukhia na hi hiam?#Ph 94:4
14 "Numei pana piangkhia peuhmah a siantho nading
ahikeh a thumaan nadingin mihing bang sa mawk na hiam?
15 Pasian in ama misiangthote muang loin#Job 5:1
ama mitah vantungte nangawn siangtho lo ahileh,#Job 4:18
16 gitlohna tui banga a dawn,#Job 20:12
a siahuai, bangmah a man lo mihing nak ginat kei zaw na’n cia!#Pk 5:2
17 "Ken zong hong gencian ning, na ngai dih in;
ka muhsate hong gensak dih in;#Job 4:8
18 Hih in mipilte thugen hi a,
a pate uh tung pana a ngahte uh a ip hetloh uh hi a#Tp 32:7
19 (tua in amaute tung bekah a gam uh kipia in,#Pc 12:1
amaute lakah pemtate a om ma-a kipia ahi hi):
20 Migilo in a nuntak sung thuaksiatna tuak a,#Isa 8:22
a nuntak kum tawntung ngongtatna a thuak ding hi.
21 Patauhna aw a bil ah gingden a,#1Sa 3:11
a nuamsa a bat laitakin buluhte in luh ding uh hi.
22 Khuamial pan suahtak nading lametna om lo a,#Job 5:14
namsau-a thah dingin ciamtehsa ahi hi.
23 Musanete a#15.23 Ahikeh an zon nadingin an dingin - a vak kawikawi hi a,#Ph 109:10
a tungah khuamial a tunpah ding lam a thei hi.
24 Lungdonna le lungtawlna in amah linthawn hi;#Isa 8:22
galsim dinga kithawisa kumpipa bangin tuate in a lungsim a zen hi.
25 Bang hang hiam cihleh amah in Pasian lamah a khuttum liika,#Ph 44:16
a Thahatpa langkhat ah kiphasak in,#Job 11:8
26 ama langah
a sah a khauh lum tawi-in khauhtakin a do hi.
27 "A maitang thau-in
a kawng sa dimin pek khilkhel zawzen zongin#Thk 3:17
28 kuama ten lohna
inn siasa tawh a kidim khuapi siasa ah
a teng ding hi.#Isa 5:9
29 Amah hau nawn lo dinga,#Job 3:15
a neihsate kip loin a neihsate zong leitungah a kizel nawn kei ding hi.
30 Amah khuamial pan a suakta kei ding hi;#Job 5:14
ama mengte meikuang in hultum dinga,#Job 8:19; 16:7
Pasian kam pana huu in amah pimang ding hi.#Pk 15:10; Isa 40:23
31 Man nei lo khat muangin amah le amah kikhem kei hen,#Job 31:5; Isa 30:12
ahang in, bangmah a lawhtak kei ding hi.#Job 20:7
32 Ama hun a tun ma-in a cingin kipia dinga,#Thn 7:17
ama hiangte a meng nawn kei ding hi.
33 A gah a min ma-a kizuutkhia lenggah bang dinga,#Hab 3:17
a pakte a pulh khin olive kung bang ding hi.#Job 4:20
34 Ahang in, Pasian neilote tawh a kipawlte tasel ding uh a,
golhsum lak nuam sate puanbuk mei in a hultum ding hi.#Pk 23:8; Heb 10:27
35 Amaute in buaina paii in gitlohna suakkhia uh hi;#Job 5:7
amaute’ sul in khemna a piangsak hi," a ci hi.
Currently Selected:
Job 15: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
