Koula 23
23
1Paul aa ndjè gange sariadjé nya pana, Ngakömdjé, ma misi kem Allah té ke kedji ke madji nderèng bokonè.
2Ananias mbai lo ndjè kòrdjé pa are dèdè ke darr mbòre te ta kounda ta Paul.
3Bana Paul pa arè, Allah a koundai, i kei ba berre ke dòrou ke pòr. I isi ta gange saria dòm té deo té lo tar ndedji, ke i ndja tò ngem tar ndedji ang, mbata i aredè tai ta toundam wa?
4Dèdè ke darr mbòrè té mpana, I tadji mbai lo ndjè kòrdjé lo Allah wa?
5Paul pana, Mam ngeré ang, ngakömdjé, ke nè nto mbai lo ndjè kòrdjé, mbata nda mè maketourou té ke pana, Ase kare epa tar ke madjang dò mbai té lo dooudjé loi ang.
6A tokou Paul wo mare dooudjé er kada to Sadducéendjé ke maredjé to Pharisiendjé, nè mpa ke tarr horodè té, Ngakömdjé, mam nto Pharisien, ngon lo Pharisiendjé, mbata to tar mè ngebe ke tar kï mè bwa yo té ke dèdè nsange ta gange saria dòm té.
7Tokou nè mpa tar nèn mbä, tar maina ï horo Pharisiendjé té ke Sadducéendjé, bana dooudjé ke mbòna horodè té kaina nga.
8Mbata Sadducéendjé pana kï mè bwa yo té goto, ange ke ndii goto tò, a Pharisiendjé pana dèdè nto ndja.
9Bana boula ï nya, mare ndjè da maketourou ndedjidjé ke horo Pharisiendjé té dï tarr, dèdè mmaitar ngeng, Djèdjè djo né ke madjang kada dò doou té nèn ang, djèdjè ngeré ang tokou ndii aséh ange pa sa tar wa?
10Tokou maitar ï ke kèté ngeng nya, bel da tokou doou ke ndjè ngem ndjè pouroudjé, nè nedji dèdè da ti Paul mbiti mbiti. Nè noula ta kare ndjè pouroudjé disi ta korè ke singa horodè té, ta dé sa mè kei té lo ndjè pouroudjé.
11Tilti ke gè té Mbaibé Seigneur arr no Paul té pana, Are mei isi dèkèkè, deo kadaba tokou i pa tar nadji lom Jérusalem té, tokou ban i ase pa tar nadji Rome té tò.
12Tokou loou arè ke sindò, Juifdjé mbona kadaba, doubou yo dodè té ta kon mourou aséh ta kaih man ang sar tokou ntòl Paul.
13Dèdè ke doubou yo nèn douta dooudjé dòsò.
14Dèdè dao rò tokou ndjè kòrdjé ke tokou dooudjé té, dèdè mpana, Djèdjè djoubou yo dòdjè té mbä ta naa mourou kada ang sar tokou ntòl Paul.
15Tokou ban sésè ke ndjè gange sariadjé oulaidjé bokonè rò tokou doou té ke ndjè ngem ndjè pouroudjé, ta kare ndé sa ròsè té, tokou bo sésè ata sangidjé tar la gaté gaté wota. Djèdjè nda mbä ta tòlè dongor tokou nè ndé ngosi.
16Ngon lo könan Paul ke dingao wo tar lodè ke dao mpa hoi, tokou ban nè nao mè kei té lo ndjè pouroudjé, nè mpa nare Paul.
17Paul bar ndjè ngem ndjè pouroudjé kada pana, Are basä nèn ao rò tòkou doou ke ndjè ngem ndjè pouroudjé té, mbata nè néh ke mare tar ta pa karè.
18Tokou ban nè nwèè nao sa rò tòkou doou tén mpana, Paul ndjè kei koula barem, ndoudjoum ta dé ke basä nèn ròi té, mbata nè néh ke mare tar ta pa kari.
19Tòkou doou waa dja, nao sa ke dang ndoudjè hoi, Di a i ndiki ta pa karem wa?
20Nè mpana, Juifdjé ndiki gè kena ta doudji ta kare edé ke Paul rò ndjè gange sariadjé té bara, tokou bo dèdè ndiki ta sange tar la gaté gaté wota.
21Ndiki gè kedè ang, mbata mare dooudjé lodè wota doso iyaa ròdè ta ngebè, dèdè doubou yo dodè té ta kon mourou aséh ta kaih man ang sar tokou ntòlè. Bashénè dèdè nda mbä, dèdè ngebe tar ke tai té.
22Tokou ban tòkou doou ke ndjè ngem ndjè pouroudjé are basä téh daka, nè ndedjè mpana, Epa are doou kada ang tar ke etòdjoum nèn.
23Bana nè mmar ndjè ngem ndjè pouroudjé djo, nè mpana, Ke dan loou babe ke tilti, edaidjé ta kare ndjè pouroudjé kòr djo ke ndjè soundadjé dòshiri, ke ndjè ningadjé kòr djo ta kao nderèng Césarée té.
24Edaidjé soundadjé ta kare Paul isi dè té, ke abidjé sa madji rò mbai Félix té.
25Nè nda maketourou ke tar tokou ban,
26Claude Lysias da laphia Félix mbai ke madji nya.
27Juifdjé waa doou nèn, dèdè nda ta tòlè tokou mam ndé ròdè té ke ndjè pouroudjé, ma mòrè djidè té mbata ma mo nè nto Romain.
28Mbata mam ndiki ta geré tar ke dèdè ntoula né dè, ma mao sa rò ndjè gange sariadjé té lodè.
29Ma mo dèdè ntoula dè mbata maina tar do tar ndedji té lodè, a dèdè ntoula dè ke tar kada ang ke ase yo aséh kei koula.
30Tokou ma mo tar ke dèdè mbona hoi ta tòl doou nèn, ma moulè ròl té loshénè, ma mpa mare dooudjé ke toula dè ta pa kari tar ke dèdè ntoula né dè.
31Tokou ban ndjè pouroudjé da tokou ntòdjoudè mbä, dï ke Paul tilti dao sa Antipatris té.
32Ke sindò ndjè pouroudjé tél kei té lodè, dèdè dare ndjè soundadjé ta kao ke Paul.
33Tokou dèdè ndé Césarée té, dèdè dare maketourou lé mbai, dèdè ntòdjou Paul mbai lé tò.
34Tokou nè ntoura maketourou lé ase, nè ndoudjou nè nto doou ke nange té ke da wa. Tokou nè no nè nto doou ke Cilicie té,
35Nè mpana, Ma ma ko tar loi tokou ndjè toula dòidjé dé baa. Nè nare tè ta kare ngem Paul mè kei gange saria té lo Hérode.
Currently Selected:
Koula 23: KL1960
Highlight
Copy
Compare
Share
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
