Koula 21
21
1Tokou djèdjè djïyadè, tokou to ao do man té, djèdjè djao deo té ke ao Cos gaté gaté, gè té ndò kada ntéh Rhodes té, djï loou té ke nou djao Patara té.
2Tokou djèdjè djinga to ke ata kao Phénicie té, djèdjè djao mè to té, ndja do man té.
3Tokou djèdjè djao Chypre djèdjè ndai er ke gèl, djao Syrie té, djèdjè ntéh daka Tyr té, mbata loou té ke noun a da kòrou né koto toï ke mè to té.
4Tokou djèdjè djinga ndjè kao go Jésus té, djèdjè djisi nou ndò shiri. Deo té lo Ndil dèdè mpa dare Paul ta kao Jérusalem té ang.
5Tokou ndò lodjè nou asenga, djèdjè djïyadè djao ngädjè. Dèdè toï ke dènèdjé lodè ke ngandè ndandjè deo bo nderèng djèdjè ndai ta béh, djongou mekedjé gòldjè ta kongo té, djèdjè ndoudjou Allah, ke nda na laphia kada kada.
6Bana djèdjè djao mè to té a dèdè ntél ke kei lodè.
7Tokou djèdjè ndai man té ke Tyr mba, djèdjè ntéh Ptolemaïs té, djèdjè nda laphia ndjè ke to ngaködjèdjè, ke djisi kedè ndò kada.
8Ke sindò djèdjè djï djao ntéh Césarée té. Djèdjè djao mè kei té lo Philippe ndjè pa tar lo Allah, nè nto kada lodè to shiri, djèdjè djisi sa.
9Ngan mandédjé la éh sò ke to ndjè pa tar ke Allah oula né.
10Tokou djèdjè nai mbata mare ndò kada kada, prophète kada ria na Agabus ï Judée dé.
11Tokou nè ndé ròdjè té nè noun ndar lo Paul ke nè nto né gòlè ke dja, nè mpana, Ndil ke madji toï pa ban, Tokou ban Juifdjé ke Jérusalem a tò doou ke ndjè ndar nèn ta kilè dji Gentildjé té.
12Tokou djèdjè djo tar nèn, djèdjè ke dooudjé ke loou té ke nou ndoudjou Paul nya ta kao Jérusalem té ang.
13Bana Paul tél pa tar, Di a edaidjé wa, enòidjé ta kare wouroum ti wa? Mbata mam nda baa ta kao kei koula té kadaba ang, a ta kwoei Jérusalem té mbata ri lo Mbaibé Jésus tò.
14Tokou djèdjè djase ta tourou mèa pi, djèdjè djïya tar mpana, Are Mbaibé Seigneur da né ke nè ndiki.
15Gè té ndò té ke nou, djèdjè nda né koto lodjè, djao Jérusalem té.
16Mare ndjè kao go Jésus té ke Césarée ao kedjè to. Dèdè daredjè djao kei lo Mnason ndjè béh ke Chypre té, ndjè kao go Jésus té ke leo, nè ke djèdjè djata kisi kei la.
17Tokou djèdjè ndé Jérusalem té, ndjè ke to ngaködjèdjè taadjè ke koukou.
18Gè té ndò kada, djèdjè ke Paul djao kei lo Jacques, tòkou dooudjé toï éh noun.
19Gè té ke nè ndadè laphia, nè mpa naredè né kada kada ke Allah da horo Gentildjé té deo koula té la.
20Tokou dèdè do tar nèn dèdè dòsou gadji Allah. Dèdè mpa dare Paul, Ngoködjè wo, mare dooudjé dourou baya to horo Juifdjé té ke wo mèdè té, dèdè toï ndiki gè ke tar ndedji nya.
21Dèdè do tar loi ke i tòdjou Juifdjé toï ke isi horo Gentildjé té ta mbeté Moïse, ke i pa aredè ta koudja ta mote ngandè ang, aséh ta ngem tar béh ke leo ang.
22Tokou ban dja da di wa? Dèdè da ko tokoro tokou i dé mbä.
23Tokou ban eda né ke djèdjè mpa djari. Dooudjé sò éh kedjè ke oubou yo kèté.
24Ao kedè, etoko ròi deo kadaba kedè, ouka né mbata lodè, tokou ban dèdè dase ngisa bi dodè. Tokou ban dooudjé toï a geré tar ke dèdè do mbata loi to ban ang, dèdè da ko i ndja isi ta ngem tar ndedji.
25Mbata tar lo Gentildjé ke wo mèdè té mbä, djèdjè djoula maketourou leo ke deo tar té ke djèdjè nda mbä, to tar lodè ta mbeté né polo ke dooudjé ouka né kòrdjé, ke ta mbeté mese, ke né ke woei ke kem mè té, ke ta to loou to madjang ang.
26Tokou ban Paul waa dooudjé nèn, ke gè té ndò kada nè ntoko rè deo kadaba kedè, nao mè tokou kei Allah té ta pa tar tokou ndò toko ase, ke nare né kouka ase mbata lodè kada kada toï.
27Tokou ndò shiri nai ngosiba ta kase, Juifdjé ke Asie ke wo Paul mè tòkou kei Allah té, ntourou mè dooudjé ke baya baya ke mbòna, ke dèdè dwaa Paul.
28Dèdè mpa ke tarr, Dooudjé ke Israël oumaidjédjè, yèn to doou ke tòdjou dooudjé toï loou té toï ta mbeté Juifdjé ke tar ndedji ke loou té ke nèn tò. Wota tar nèn nè ndé ke Grecdjé mè tòkou kei Allah té, nè nda loou ke madji toï nèn ta kare ndé madjang.
29Mbata dèdè do Trophime, doou ke Ephèse té ke Paul mè béh té, dèdè dedjina to Paul dé sa mè tòkou kei Allah té.
30Bana béh toï yè, dooudjé aïn mbòna naaté, dèdè dwaa Paul dòrè ke daka tokou kei Allah té, doutou tadeo kei loshénè loshénè.
31Tokou dèdè nsange deo ta tòlè, tar dé rò tokou doou ke ndjè ngem ndjè pouroudjé té, na boula bar tokou nya mè béh Jérusalem té.
32Nè mmar ndjè pouroudjé ke ndjè ngem ndjè pouroudjé loshénè loshénè, dèdè daïn dao rò dooudjé té, tokou dèdè do tokou doou ke ndjè ngem ndjè pouroudjé ke ndjè pouroudjé, dèdè dïya ta tounda Paul.
33Ban tòkou doou ke ndjè ngem ndjè pouroudjé waa Paul, nè mpa naredè ta tòè ke koulaa narè djo. Nè ndoudjou doou nèn to na wa ke di a nda wa?
34Mare dooudjé ke horo dooudjé té ke baya baya pa tar kada, maredjé pa tar dang, tokou ban mbata nè nase geré gel tar ang mbata boula nya, nè mpa ta kare dao ke Paul kei té lo ndjè pouroudjé.
35Tokou nè ndé tadeo kei té ke ndeo, ndjè pouroudjé ase ta kounè mbata dooudjé baya baya nèn da ke singa nya.
36Mare dooudjé ke baya baya dao godè té ke mpa ke tarr, Arèdjé noei ke no.
37Tokou dèdè dao ke Paul ta kao nè mè kei té, nè mpa nare tokou doou ke ndjè ngem ndjè pouroudjé, Ma mase ta pa sei mare tar wa? Nè mpana, I geré tar Grec wa?
38I to to mare Egyptien ang, doou ke dongor kèté ke tourou mè dooudjé ta mbeté tar ke mè béh té, nè ke nao ke dooudjé dourou sò mè kòr té, dèdè ke nto ndjè tòl dooudjé lé ang wa?
39Paul tél tar pana, Mam nto Juif ke Tarse té, nange té ke Cilicie, doou ke béh té ke to ngon béh ang, mam ndoudji nya, arem pa tar mare dooudjé nèn.
40Tokou nè ndiki gè sa, Paul ï arr tadeo kei té ke ndeo, nè nyè dja nare dooudjé lé, tokou dèdè disi dèkèkè toï nè mpa naredè ke tar Hébreu, mpana,
Currently Selected:
Koula 21: KL1960
Highlight
Copy
Compare
Share
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
