Koula 18
18
1Gè té nèn Paul ïya Athènes, nè nao Corinthe té.
2Nè no doou kada ke to Juif, ria na Aquilas, doou ke béh Pont, nè ndé loshénè bai Italie té, nè ke dènè la Priscille, mbata Claude are tè pana Juifdjé toï ase kïya Rome. Ke Paul ao ta ko Aquilas ke Priscille.
3Mbata koula la to kadaba ke koula lodè, nè nisi kedè. Dèdè nda koula, dèdè nto ndjè da kei koubou.
4Ke ndò sabbat té toï, nè mpa tar mè kei Allah té, nè ndedji Juifdjé ke Grecdjé.
5Tokou Silas ke Timothée dï Macédoine ndé mbä, mal ta pa tar da Paul nya, nè mpa tar nadji nare Juifdjé ke Jésus to to Christ ndja.
6Tokou dèdè mbetè ke ntadjè, nè nyè koubou la, nè mpa naredè, Mese losè to dòsè té ndja. Tar lom goto. Nderèng ndò nèn ma ma kao rò Gentildjé té.
7Nè nï nou, nè nao kei lo doou kada ria na Tite Justus, doou ke wal Allah. Kei la éh mbòr kei Allah té.
8Crispus, mbai ke kei Allah té, wo mèa té ke Mbaibé Seigneur, deo kadaba ke kei la toï. Mare Corinthiendjé baya ke wo tar lo Paul, do mèdè té ke dèdè dinga baptême.
9Mbaibé Seigneur pa are Paul ke ni mare tilti, Eda bel ang, epa tar, eo ròi ang.
10Mbata ma méh sei, doou kada a kwaai ta da sei madjang ang, mbata dooudjé lom baya éh mè béh té nèn.
11Nè nisi béh tén bal kada ke nnè misä, mpa tar lo Allah horodè té.
12Tokou Gallion to to mbai ke Achaïe té, Juifdjé mbona kadaba ta mbeté Paul, dèdè dao sa loou gange saria té.
13Dèdè mpana, Doou nèn ndedji dooudjé ta wal Allah deo té ke dang ke tar ndedji.
14Tokou Paul ndiki ta teï tè, Gallion pa are Juifdjé, Tokou to tar né ke madjang aséh tar ke madjang nya, baa ma mase ko tar losè, sè Juifdjé.
15A mbata né nto tar maina mbata tar ke mare ri ke tar ndedji losè ndja, yèn to tar losè ndja, ma mbeté ta kisi ndjè gange saria do tar té nèn.
16Nè ntoubadè ke daka loou gange saria té.
17Dèdè toï dwaa Sosthène, mbai ke kei Allah té, dèdè ntoundè no loou té ke ngange saria kendé. A Gallion ndiki go tar nèn ngadji ang.
18Gè té nèn Paul isi marè bai ndò baya, goukoudang nè nda laphia ndjè ke to ngaködjèdjè, nè nao ke to do man té ta kao Syrie té, Priscille ke Aquilas dao sa. Nè ngisa bi dè béh té ke Cenchrées mbata tar ke nè noubou né dè té.
19Dèdè ndé Ephèse té ke Paul ïyadè nou. A nè nao mè kei Allah té ke nè ndedji Juifdjé.
20Tokou dèdè ndoudjè ta kare nisi bai, nè mbeté.
21A tokou nè ndadè laphia ta kao, nè mpana, Tokou Allah ndiki ma ma tél ròsè té. Nè nïya Ephèse, nao mè to té.
22Tokou nè ntéh daka nange té ke Césarée, nè nao Jérusalem té, nè nda laphia dooudjé ke kei Allah té, gè té nè nao ber béh té ke Antioche.
23Gè té nè nisi nou ndò kada kada, nè ntéh nao loou dang dang nange té ke Galatie ke Phrygie toï, nè nare ndjè kao go Jésus té toï ta dé ngeng.
24Juif kada ria na Apollos dé Ephèse té. Nè nto doou ke béh té ke Alexandrie. Nè nto ndjè kemkarè ke nè ngeré maketourou lo Allah madji.
25Ntòdjè tar deo té lo Mbaibé Seigneur, mbata ndii la ndiki nya nè mpa ke nè ntòdjou gel tar lo Jésus gaté gaté, a né ke nè ngeré to baptême lo Jean kadaba.
26Nè nao mpa tar ke bel ang mè kei Allah té, a tokou Priscille ke Aquilas doè dèdè mmarè ke ròdè té, dèdè ntòdjè deo lo Allah gaté gaté wota.
27Tokou nè ndiki ta ndai ta kao Achaïe té, ndjè ke to ngaködjèdjè ndiki gè sa, dèdè doula ke maketourou dare ndjè kao go Jésus té, ta kwèè ke ròdè té. Tokou nè ntéh nou nè noumadè nya, dèdè ke do tar mèdè té deo tòkou mè madji té.
28Mbata nè nouta Juifdjé ke maitar né ke tokoro no dooudjé té toï, nè ntòdjou deo té lo maketourou lo Allah ke Jésus to to Christ ndja.
Currently Selected:
Koula 18: KL1960
Highlight
Copy
Compare
Share
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
