Koula 17
17
1Tokou dèdè ndai nange té ke Amphipolis ke Apollonie, dèdè ntéh Thessalonique té, loou ke kei Allah lo Juifdjé éh kendé.
2Paul ao kedè mè kei Allah té tokou nè nda ke ndò ke ndò. Ke ndò sabbat mouta nè mmaitar kedè dò tar maketourou té lo Allah.
3Nè nòrou gel tar ke ntòdjoudè to tar lo Christ ndja ta kinga né ongou ke ta kï mè bwa yo té. Nè mpana, Jésus nèn ke mam ntòdjousè tar la, nè nto to Christ ndja.
4Maredjé ndiki gè, dèdè mbòna ke Paul ke Silas. Mare Grecdjé baya baya ke ngem tar lo Allah mbona kedè, ke köbaidjé ke baya tò.
5A mè Juifdjé ödè. Dèdè mmar mare dooudjé ke ndjè da né ke madjang nya ke horo ndjè dabedjé té, dèdè dao mbòn dooudjé baya baya, dèdè nkòl mè béh té nya. Dèdè dao kei lo Jason, dao nsange ta dé ke Paul ke Silas daka nò dooudjé té.
6Tokou dèdè dingadè ang, dèdè dwaa Jason ke mare ndjè ke to ngaködjèdjè, dao kedè rò tòkou dooudjé té ke ndjè gel béhdjé, dèdè mpa ke tarr, Dooudjé nèn ke da baa are tòkou tar ï béh té toï, dèdè ndé nèn tò mbä.
7Ke Jason taadè ke kei la, dèdè toï nda né ta mbeté tòkou tar lo César, dèdè mpana mare tòkou mbaibé éh tén, ria na Jésus.
8Tokou dooudjé ke baya baya ke tòkou dooudjé ke ndjè gel béhdjé do tar nèn, mèdè isi madjang.
9Tokou dèdè ntaa narè kouka dji Jason té ke kese dooudjé, dèdè dïyadè dare dao.
10Loshénè loshénè ndjè ke to ngaködjèdjè oula Paul ke Silas tilti ta kare dao Bérée. Tokou dèdè ntéh nou, dèdè dao mè kei Allah té lo Juifdjé.
11Juifdjé nèn to madji wota dèdè ke Thessalonique té, mbata dèdè doun tar mèdè té loshénè loshénè. Dèdè nsange tar maketourou lo Allah ke ndò toï, ta ko sè tar nèn to tokou tokoro.
12Tokou ban maredjé horodè té ke baya wo mèdè té, ke mare tòkou köbaidjé lo Grecdjé baya deo kadaba ke dingaodjé tò.
13A tokou Juifdjé ke Thessalonique té wo na Paul pa tar lo Allah Bérée té tò, dèdè dao nou tò. Dèdè ntourou mè dooudjé ke baya baya nèn ta kare disi madji ang.
14Tokou ban ndjè ke to ngaködjèdjè oula Paul loshénè loshénè ta kao kare tòkou man té, a Silas ke Timothée nai goukou nou.
15Dèdè ke dao ndan Paul dao sa nderèng Athènes, tokou dèdè dao ntél Paul ouladè ke tar ta pa kare Silas ke Timothée ta dé rè té loshénè loshénè.
16Tokou Paul ao ngebedè ke Athènes té, ndii la isi ke ongou nya tokou nè no béh nèn dousou ke makedjé ke dang dang.
17Tokou ban nè mmaitar ke Juifdjé ke dooudjé ke ngem tar lo Allah mè kei Allah té, ke dèdè ke nè ningadè nata té ke ndò toï.
18Mare dooudjé ke ndjè ndiki kemkarè lo Epicuriendjé ke Stoïciendjé woè tò. Maredjé pana, Di a ndjè pa tar nya nèn ndiki ta pa wa? Maredjé pana, Nè nto tokou doou ke pa tar lo mare allahdjé ke dang, mbata Paul pa tar lo Jésus ke tar kï mè bwa yo té.
19Dèdè dwèè dao sa loou Aréopage té, mpana, Djèdjè ndiki ta geré tar ke siki nèn ke i tòdjou, to tar di wa?
20Mbata i aredjè djo tar kòbou ke mbidjè, tokou ban djèdjè ndiki ta geré gel tar lo nédjé nèn to di wa.
21Mbata dooudjé ke Athènes té ke ndjè mbaadjé ke isi nou, dèdè nda mare né kada ang baa ta pa aséh ta ko tar ke siki.
22Tokou ban Paul ao arr dana ke loou Aréopage pana,
Dooudjé ke Athènes, ma mo sésè ngemidjé makedjé mbata né toï.
23Mbata tokou ma mase loou ke ma mo né polo mè béh té losè, ma minga mare ndaba ke maketourou ke mbòrè té pa, Mbata mare Allah ke djèdjè ngerè ang. Tokou ban né nèn ke sésè ewalidjé tokou né ke sésè egerèdjé ang, mam ntòdjousè né nèn.
24Allah ke da nange nèn ke né toï ke kendé, mbata nè nto Mbaibé Seigneur ke dara ke nange tò, nè nisi mè kei té ke dooudjé da ke djidè ang.
25Ke dji dooudjé da sa ang tokou né douè, mbata to nè ndja ke nare dooudjé toï tébe, ke kem, ke né toï.
26Deo té lo doou kada nè nda gel dooudjé toï ta kisi dò nange té nèn, ke nè nedji leo baa ndò lodè ase, ke loou ke nè ndikidè ta kisi kendé.
27Tokou ban ta kare dèdè dase nsange Allah, tokou dèdè dase mamè ta kingè. Ke nè nisi deo ndeo kedjè kada kada ang.
28Mbata to deo té lo Allah ke djèdjè djisi tébe, ke djèdjè ndja, ke djèdjè djéh nè, tokou mare dooudjé ke da pa losè pa,
Mbata djèdjè nto gel dooudjé la ke tokoro.
29Tokou ban, mbata djèdjè nto gel dooudjé lo Allah, to tar lodjè ta kedji mèdjè té ang, ta pana, Allah ndja to tokou narè lor aséh narè argent, aséh err, ke dooudjé da ke djidè tokou mèdè edji.
30Ndò geré né ang Allah ounda mèa dè té ang, a bashénè nè noula tè ta kare dooudjé toï ke loou té toï ta mbeté kedji né da ke madjang lodè.
31Mbata nè ntoura ndò ke ka gange saria ke nange nèn gaté gaté, deo té lo doou ke nè mmarè ke daka, nè nare dooudjé toï ta geré tar nèn to tar ke tokoro, mbata nè narè nï mè bwa yo té.
32Tokou dèdè do tar kï mè bwa yo té, maredjé koukou, a maredjé pana, Djèdjè dja ko tar loi ke epa nèn bai.
33Tokou ban Paul ï horodè té ao.
34A mare dooudjé mbona sa, dèdè do mèdè té. Denys, doou ke Aréopage té, nè néh horodè té tò, ke dènè kada ria na Damaris, ke maredjé deo kadaba kedè.
Currently Selected:
Koula 17: KL1960
Highlight
Copy
Compare
Share
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
