Psalmyn 81
81
PSAL. 81.
Exultate Deo.
1Lhig dooin arrane gennal y ghoaill gys Jee nyn niart:
jean-jee kiaull gherjoil y yannoo gys Jee Yacob.
2Gow-jee arrane-moyllee, lhieu-jee ayns shoh yn tabret:
yn chlaasagh villish, as y lute.
3Sheid-jee yn cayrn dy-ard ec yn eayst noa:
dy-jarroo ec y traa ta pointit, as er y laa-feailley casherick ain.
4Son va shoh er ny yannoo ny ’lattyss son Israel:
as ny leigh liorish Jee Yacob.
5Shoh doardee eh ayns Joseph son recortys:
tra haink eh magh ass cheer Egypt, as er chlashtyn glaare yoarree.
6Hug mee aash da ny geayltyn echey veih’n errey:
as va ny laueyn echey er nyn livrey veih jannoo ny pooiyt.
7Deïe oo orrym ayns seaghyn, as livrey mee oo:
as hug mee clashtyn dhyt tra shen huitt y sterrym ort.
8Phrow mee oo myrgeddin:
ec ushtaghyn y streeu.
9Clasht-jee, O my phobble, as nee’ms soilshaghey dhyt, O Israel:
my nee oo geaishtagh rhyms,
10Cha bee Jee erbee joarree ayn-yds:
cha-moo ver oo ooashley da Jee erbee elley.
11Mish y Chiarn dty Yee, hug lhiam uss magh ass thalloo Egypt:
foshil dty veeall dy-lhean, as lhieen-ym eh.
12Agh cha ballish my phobble geaishtagh rish my choraa:
as cha ballish Israel biallys y choyrt dou.
13Myr shen livrey mee ad seose gys sayntyn nyn greeaghyn hene:
as lhig mee daue geiyrt er ny smooinaghtyn fardalagh oc hene.
14O dy beagh my phobble er n’eaishtagh rhyms:
son dy beagh Israel er n’immeeaght ayns my raaidyn.
15Veïn dy-leah er choyrt sheese ny noidyn oc:
as er hyndaa my laue noi ny tranlaasee oc.
16Veagh adsyn va dwoaie oc er y Chiarn er ny gheddyn nyn mreageryn:
agh veagh y traa ocsyn er varraghtyn son dy-bragh.
17Veagh eh er veaghey ad myrgeddin lesh y flooyr curnaght s’glenney:
as lesh mill ass y chreg chloaie veïn er dty yannoo magh.
Currently Selected:
Psalmyn 81: PS1765
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society
