Psalmyn 82
82
EVENING PRAYER.
PSAL. 82.
Deus stetit.
1Ta Jee shassoo ayns chaglym-cooidjagh ny prinsyn:
t’eshyn briw mastey Jeeaghyn (fir-reill).
2Caid ver shiu briwnys aggairagh:
as soiaghey jeh persoonyn ny mee-chrauee?
3Jean-jee ny boghtyn as y chloan gyn ayr y endeil:
jeeagh-jee dy vow adsyn cairys ta ayns feme as ymmyrch.
4Livrey-jee yn vooinjer ta treigit as ny boghtyn:
saue-jee ad veih laue ny mee-chrauee.
5Cha naillieu ’ve ynsit, cha-moo nee ad toiggal y ghoaill, agh goll er nyn doshiaght kinjagh ayns dorraghys:
ta ooilley undinyn y thallooin ass nyn ghoorse.
6Dooyrt mee, She Jee'ghyn shiu:
as ta shiu ooilley nyn ghloan jeh’n Fer smoo syrjey;
7Agh yiow shiu baase goll-rish deiney:
as tuittee shiu myr fer jeh ny prinsyn.
8Trogg ort, O Yee, as jean uss y seihll y vriwnys:
son nee uss ooilley ny ashoonyn-quaagh y ghoaill son dt’eiraght.
Currently Selected:
Psalmyn 82: PS1765
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society
