Jabura 97
97
Alatala fisamante mansa
1Alatala le mu mansa la! Dunuya ni ɲagalin.
Ɲagalin kulɛ ni mayɛlɛ sure yanfama siyama tɔ.
2Luuture nun dibe le be a lamilinden.
Teleŋɛ nun kiiti ɲinma le mu a la tintiŋɛ lasabate la.
3Ta do be tagala a ɲatɔ,
a ni a jaguenu bɛ bintan a la miliŋɛ tɔ.
4A la sangi malaŋɛ be dunuya bɛ lamalanna.
Dunuya be a yenna, a ni sɛrɛn.
5Kɔnkɛnu bɛ be kunɛnna le Alatala ɲala iko kumu dole,
anu be kunnɛna le dunuya bɛ Marige ɲala.
6Saŋɛ tɔ kaanu bɛ be a la teleŋɛ fɔla,
jamanu bɛ be a la mansabaya nɔɔra yenden.
7Minnu bɛ be kuyenu batula,
minnu bɛ be anu yɛtɛ matɔgɔla wo foniya alanu la,
wonu be tola maluya le tɔ.
Wo foniya alanu bɛ ni sujudu Alatala ye.
8Siyɔn#97:8 Darisalamu tɔgɔ do le mu Siyɔn na. kaanu be wo mɔɛla anu ni sɛɛwa a la,
Juda kaanu tugun be tola wo sɛɛwa le butɔ,
i la kiite la ko la, ee Alatala!
9Bayi ile Alatala, ile le mu Ala la min mayɛlɛta duge bɛ kunma,
ile le mu fisamante la tanbi alanu bɛ la.
10Wole minnu be Alatala kanuren, awa wo ni ko koroŋɛ kɔn.
A be a la lannanteya mɔgɛnu nɛ makantala le,
a ni anu bɔɔ ko koron malanu bole tɔ.
11Kɛnɛ be saren telenbaganu le ye,
sɛɛwa tugun be mɔgɛnu le ye minnu juse beeta.
12Telenbaganu, wo sɛɛwa Alatala la,
wo ni a tɔgɔ saniyandeŋɛ matɔgɔ.
Currently Selected:
Jabura 97: MOG
Highlight
Share
Compare
Copy
Want to have your highlights saved across all your devices? Sign up or sign in
