Jabura 96
96
Alatala la nɔɔra nun a la biliya matɔgɔ beete
1Wo beeti nama bɔɔ Alatala ye.
Dunuya bɛ ni beete bɔɔ Alatala ye!
2Wo beete bɔɔ Alatala ye, wo ni a tɔgɛ matɔgɔ.
Wo ni a la kisi ɲinma la ko fɔ lun go lun.
3Wo ni a la biliya la ko fɔ seenu bɛ tɛma,
anun a la kabanakoenu jamanu bɛ tɛma.
4Bayi Alatala kolo, a bɛnta wo mɔ ni a matɔgɔ.
A makilanta ka tanbi alanu bɛ la.
5Jama donu la alanu mu foniya alanu le la.
Kɔnɔ Alatala le ka saŋɛ da.
6A lamilinden nɔɔra nun miriŋɛ le la.
Sɛnbɛ anun biliya be a la dula saniyandeŋɛ tɔ.
7Bɔnsɛ minnu bɛ be dunuya, wo biliya dii Alatala ma,
wo ni a la nɔɔra nun a sɛnbɛ talɔn a ye.
8Wo biliya dii Alatala tɔgɛ ma!
Wo sarikanu doni, wo ni don Ala batu boŋɛ tattanu butɔ.
9Wo ni sujudu Alatala ye, a la nɔɔrɔ saniyandeŋɛ butɔ.
Dunuya mɔgɛ bɛ ni sɛrɛn a ɲala.
10Wo a fɔ seenu bɛ tɛma: «Alatala le mu mansa la.»
Dunuya tugun bata tenkun, a te mamaga.
Alatala be jamanu makiitila teleŋɛ le la.
11Saŋɛ tɔ kaanu ni sɛɛwa,
duge tugun ni ɲagalin,
ba tugun ni wundu anun a butɔ feŋɛ bɛ.
12Sɛnɛnu tugun ni sɛɛwa, anun min bɛ be wonu tɔ,
lɔgɛnu minnu tugun bɛ be pɔtɔŋɛnu butɔ, anu ni ɲagalin kulɛ labɔɔ
13Alatala ɲakɔtɔ, bayi a be nala.
Iyon, a be nala dunuya makiitidula.
A be dunuya makiitila teleŋɛ le la,
a ni jamanu makiiti a la kuma dɔndɔ tigiya la.
Currently Selected:
Jabura 96: MOG
Highlight
Share
Compare
Copy
Want to have your highlights saved across all your devices? Sign up or sign in
