Jabura 98
98
Dunuya bɛ sɛɛwa koe Alatala la
1Beete do le ka.
Wo beeti nama do bɔɔ Alatala ye!
A bata kabanakoenu ma.
A ka kunnawule sɔtɔ a sɛnbɛ la, a sɛnbɛ saniyandeŋɛ.
2Alatala ka a yita le mɔgɛnu la ka a fɔla ale le mu kisi tige la.
A bata a la teleŋɛ makɛnɛn seenu bɛ ɲala.
3A ma ɲina a la fonisireya nun a la kuma dɔndɔ tigiya la bani Isirayila jama mafanna.
Dunuya daŋɛ bɛ bata mɔ la Ala la malakise yen.
4Dunuya bɛ, wo ni wo kulɛ mayɛlɛ Alatala ye.
Wo ni wo kulɛ mayɛlɛ sɛɛwa la, wo ni beete bɔɔ ɲagaliŋɛ la!
5Wo kɔra botege, wo beete bɔɔ Alatala la biliya kɔtɔ;
beete ni tabɛn kɔra kulɛ ma.
6Wo ni sara nun bina fe kulɛ labɔɔ,
wo ni wo kulɛ mayɛlɛ sɛɛwa la mansa Alatala ɲala!
7Ba ni wundu anun a butɔfeŋɛ bɛ,
dunuya tugun nun a kunma kote.
8Kɔɔ banbanu ni bole botege,
kɔnkɔ madɛndeŋɛnu bɛ ni anu kulɛ mayɛlɛ sɛɛwa la
9Alatala ɲakɔtɔ!
Bayi a be nala dunuya le makiitidula.
A be dunuya makiitila teleŋɛ le la,
a ni jamanu makiiti tɔɲa butɔ.
Currently Selected:
Jabura 98: MOG
Highlight
Share
Compare
Copy
Want to have your highlights saved across all your devices? Sign up or sign in
