Jabura 85
85
Jama la Ala mataran koe, a ni hɛra dii a la duge ma
1Kora la deŋɛnu la beete do le ka, min be donden beeti bɔɔlanu la kuntige bolo.
2Ee Alatala, i ka i la duge mabita le a ɲinma la,
i ka Yaguba juruyanu kunsara jonya tɔ.
3I ka junubu kote bɔɔ i la jama kunma,
i diɲata anu la tiɲarenu bɛ ma.
Beeti bɔɔlá la suleŋɛ donden.
4I bele mɔnɛren anu ma bitugun,
i diɲata i la dumɛn banba ma anu ma.
5Ala, mɔ lakisilá, diɲa mɔ ma,
i ni i la jusu yɛlɛ dan mɔ mafanna.
6I si to le dumɛnden ba mɔ ma kudai?
I la wo dumɛ si mɛ le ba kabɔɔ bɔnsɔ han bɔnsɔ?
7I te tasaagi kise diila mɔ ma ba,
alako i la jama ni sɛɛwa i la?
8Alatala, i la fonisireya yita mɔ la,
i ni mɔ lakisi.
9N si n tolomasɔ le Marige Alatala la kuma la.
Bayi a be jususa le la ko fɔla a la jama ye, anun a la lannanteya mɔgɛnu ye.
Kɔnɔ a mɛn ko aa anu kana saagi anu la dakuya ma.
10Iyon, a la kise bata sutuya a ɲalakilannanu la.
Wo tuma, a la nɔɔra si sabati le mɔ la duge tɔ.
11Fonisireya nun tɔɲa be bɛnna le;
teleŋɛ nun jususa be ɲɔgɔn sunbula le.
12Tɔɲa be fɛtɛnna duge tɔ,
teleŋɛ be jigila ka bɔɔ saŋɛ tɔ.
13Alatala ɲan si hɛra dii le,
wo mɔ la duge si a tɔnɔ banba labɔɔ le.
14Teleŋɛ be tagamanna Alatala ɲatɔ,
a kɛnbaa si to le kila tɔ.
Currently Selected:
Jabura 85: MOG
Highlight
Share
Compare
Copy
Want to have your highlights saved across all your devices? Sign up or sign in
