Jabura 84
84
Ala batu dula saniyandeŋɛ sɔgɔ madi koe
1Kora la deŋɛnu la beeti do le ka, min be donden beeti bɔɔlanu la kuntige bolo. Beete le mu min be bɔɔla anun kɔra mɔɔle do la.
2Alatala dunuya bɛ da Mansa, i la boŋɛnu makanuren, dan bele min na!
3Alatala la boŋɛ ɲinbe kɔtɔ sɔgɛ be n na, n be kɔjiren a ma.
N be ɲagalin kulɛ labɔɔla i ye n juse nun n bale dula bɛ la,
ile Ala min be baluren.
4Hali konden lanma iko debeleŋɛ anun tugudunsira, anu be boŋɛ ɲiɲala i la boŋɛ butɔ.
Wo butɔ, anu la deŋɛnu ni anu madon i la sarika bintandula la,
ile Alatala dunuya bɛ da Mansa,
n na mansa, n na Ala.
5Hɛra be mɔgɛnu ye, minnu be sabatiren i la boŋɛ tɔ,
anu si i tantu le wagate bɛ.
Beeti bɔɔlá la suleŋɛ donden.
6Hɛra be mɔgɛnu ye, minnu sɛnbɛ tabɛnden ile Ala ma,
anun minnu hakkile be kila ma min be tagala i mafanna.
7Ka anu be Baka fole balareŋɛ takuntula,
anu si ɲɔ masara le tenge siyama bɔɔ dula la.
Sange si na le ɲɔ ma, a ni barikɛ dusu anu kunma.
8Anu be tagamanna ki min na,
do be tola sala anu sɛnbɛ kunma ɲɔgɔnna le,
han anu ni anu yɛtɛ dantɛgɛ Ala ye Siyɔn.#84:8 Darisalamu tɔgɔ do le mu Siyɔn na.
9N Marige Alatala, dunuya bɛ da Mansa, n na mamataraŋɛ lamɔɛ.
Yaguba Marige Ala, i tolomasɔ n na.
Beeti bɔɔlá la suleŋɛ donden.
10Ee Ala, ile min mu mɔ latangalá la,
i la mɔgɔ masubɛreŋɛ ɲakɔtɔ fɛlɛ, i ni malabɛn ɲinma ma a ye.
11Tele dɔndɔ ma koe i la boŋɛ ɲinbe kɔtɔ,
wolo fisa tele wulu dɔndɔ ma koe la dula gbɛtɛ.
N to koe n na Ala la boŋɛ bonda bɔrɔngale tɔ,
wolo fisa n ɲɛ tanbi koe tola tantanu kɔtɔ ko koroŋɛ be mala ka min na.
12Bayi Marige Alatala be toren de mɔ ye iko tele nun kɛlɛ malá la malatangafeŋɛ.
Alatala le be hinnɛ nun biliya diila mɔgɛ ma.
Mɔgɛ minnu be tagamanna kila kamalireŋɛ la,
a te balan hɛra ma wonu ye.
13Alatala dunuya bɛ da Mansa,
hɛra be mɔgɛ ye min be a kuŋɛ taakula i la.
Currently Selected:
Jabura 84: MOG
Highlight
Share
Compare
Copy
Want to have your highlights saved across all your devices? Sign up or sign in
